مشروع زواج..الحلقة الثامنة..*قمر*

[العاشق الذى لم يتب]

سلامْ يتهادى عبق يآسمَينه ليدثر آروُاحكمْ بالرضآ والآطمئنآنْ صباحاتكم ومسائاتكم معطره بإذن الله بنقاء آرواحكم أفراح وليالى ملاح السلام عليكم ورحمة الله وبركاته ومن آياته أن خلق لكم من أنغسكم أزواجا لتسكنوا إليها وجعل بينكم مودة ورحمة ذاك قول الله جلا وعلا ويقول سيدالبشرصلوات ربى عليه وسلامه (تناكحوا تناسلوا فإنى مباهٍ بكم الأمم يوم القيامة) مشروع زواج هو برنامج اسبوعى أردت من خلاله مناقشة الأعضاء لكى نتعرف على الجوانب المضيئة فى هذا المشروع والذى هو مشروع حيوى وماأظن أحدا فى الدنيا إلا وفكرأن يتاجرفيه وهذه التجارة كثيرا ماتكون رابحة ومرات تكون خاسرة ومع ضيوفى الأعزاء نناقش سويا متى تكون التجارة رابحة ومتى تكون خاسرة ومع سابع حلقات البرنانج يسعدنى ويشرفنى تكون ضيفة الحلقة الليلة هى *قمر* عضو مشارك وغابت قمر عن المنتدى منذ فترة أتمنى أن تعود قريبا وأتمنى أن تكون بالف خير ازيك واخبارك تحياتى وسلامى قمر ارجو التكرم تكونى ضيفتى فى البرنامج الحمدلله كويسه انت عامل ايه دة شرف ليه طبعا واسفه على التاخير فى الرد س ــ الزواج هو حلم كل فتاة وشاب وهو أمر من الله ورسوله وبه تكون الحياة فماذا تنظرى لهذا المشروع من وجهة نظرك؟ اتنين مجانين فى لحظه جنان قررو يعيشوا مع بعض لباقى حياتهم او لحد ما حد فيهم يروح مستشفى المجانين ههههههههههههههههههه بجد زى ما قولت حلم وخصوصا لو فيه حب ومين ميتمناش ان حلمه يتحقق مع الشخص اللى بيكملك اللى من غيره تحس ان الحياه ناقصه ملهاش طعم ولا لون قرار الجواز فى وجود الحب بيعتبر تتويج واحتفال بحب الاتنين اعلان قدام الكل ان دة اللى اخترته يكون سند وعون ليه فى وقت فرحى وحزنى فى تعبى وصحتى دة اللى اخترته اب لاولادى قرار الجواز فى الوقت دة بيعتبر حاجات كتير اوى بالنسبه لى س ــ غلاء المعيشة وظروف الشاباب المادية ساهمت فى عزوف الشباب عن الزواج فكيف التغلب على مشكلة العزوف هذه؟ اه هيخلو البنات تعنس بقى ههههههههههههههههه الحل ان مش لما واحد يتقدم لبنتك تبقى ناقص تخليه يبيع اللى قدامه واللى وراه هو مش داخل يشترى حيوان واسفه على اللفظ يعنى ايه المشكله ان يجيب اللى يقدر عليه دة لسه فى بدايه حياته الضروريات مش يجيب حاجات كتير ومعظمها ملوش اى لازمه بس لازم ازاى بنتى تتجوز من غير الحاجات دى بجد الرحمه حلوه خلو البنات تتجوز ونخلص منهم هههههههههههه س ــ هل الحالة المادية وحدها هى السبب فى تأخرزواج الفتايات والشباب؟ لا طبعا فيه اسباب تانيه مش وحدها بس سبب اساسي الحاله الماديه خصوصا فى وقتنا دة الاسعار بقت نار فى كل حاجه اللى عايز يتجوز يعمل ايه يسرق مثلا س ــ هل غلاء المهور وتعنت أسرة الفتاة وغلوهم فى طلبات زائدة ساهم فى تفاخم وتأخيرمشروع الزواج؟ اكيد طبعا زى ماقولت قبل كده بيطلب حاجات كتير ومعظمها ملوش لازمه انت لو اتساهلت معاه شويه وعاملته كانه ابنك والله مش بتقلل من قيمه بنتك كده بالعكس وهو مش هينسي ابدا اللى عملته معاه س ــ هناك أسر حينمايتقدم لطبة أبنتهم أحد الشباب يرفضوه بحجة أن نسبه ومنصبه لايساوى حسبهم فهل هذا حق شرعة لهذه الاسر؟ هم بيبقو عايزين يضمنو لبنتهم مستقبلها وانه يكون كويس بس رايي ان فيه ناس بتزودها فى الموضوع دة عن اللزوم س ــ لو تقدم شاب ومحصلته التعليمية أقل من الفتاة ولكن لديه القدرة المادية والمعيشية تفتكرى من حق الفتاة أن ترفضه؟ البنت طبعا من حقها ترفض اصل دة مش لعبه دة جواز هتكمل باقى حياتها مع الشخص دة لو مش متقبله ومعاه كنوز الدنيا يبقى لا بالسلامه س ــ كثيرا مانسمع ونرى قصة حب بين فتاة وشاب وعند مجيئ هذا الشاب لأهل الفتاة يرفضوه عقابالجرمه فماوجهة نظرك فى تلك الحالة؟ الحب عمره ماكان جريمه بس احنا عندنا فى الجتمع اللى عايشين فيه شويه عقول متخلفه عايزه غسيل يمكن ربنا يكرم وتنضف ولو الاهل عملو كده يبقو بيظلمو بنتهم قبل الشاب بيحكمو عليها انها تعيش تعيسه مع حد مش عايزاه س ــ وسائل التواصل الحديثة ساعدت وسهلة بعض الأموروالمزيد من تقاب الشباب والفتايات فماذا تقننى هذه المعرفة وماسلبياتها وإجابياتها؟ من ناحية ساعدت انهم يكونوا اقرب و يتعرفوا على بعض بشكل احسن و من جهة تانية بتساعد فى تزييف كتير من الحقايق س كثيرا مانسمع عن خطبة وطلب زواج عن طريق هذه الإتصالات كيف ترى ذلك وهل توافقى لو تقدم لخطبتك عريس عن تلك الطرق؟ لا مقدرش اوافق المعرفة عن بعد الحكم من خلالها بيكون مش دقيق و دى حياة و مستقبل س ــ الشكوى من العناس وتزايده فى الفترة الأخيرة تفتكرى ماهو السبب الحقيقى وراء تلك الظاهرة؟ ارتفاع الاسعار طبعا والحاله الماديه للشباب زفت ومفيش شغل ولو بيشتغل بياخد اللى يكفيه بالعافيه حاجات كتير اوى س ــ كثرت المشاكل الزوجية ووصلت لكثيرمن حالات الطلاق المبكر هل لديك معلومات أو مبررات لهذه الحالة وماهول الحل من وجهة نظرك؟ اولا لو بتحب حد بترسم حياه ورديه معاه بتيجى بعد كده تتصم من الواقع اللى هتعيشه والمسئوليات اللى هتتحملها والعصبيه اللى هتشوفها الاول كانو بيشوفو بعض قد ايه ساعتين تلاته اربعه وخلاص دلوقتى هتبقى معاها ليل نهار هتشوف كل طباعه كانها بتتعرف عليه من الاول خالص وفيه ناس بتحس بالفرق مش هو دة اللى اتجوزته دة حد تانى ومبتقدرش تكمل عشان كده الجواز دة قرار مهم دا ومحتاج تفكير وانك تبقى قد المسئوليه وتتحمل الصعوبات دايما كل حاجه صعبه فى اولها المفروض يكون فيه تحمل شويه ســ بعد تمام الزواج تكتشف الفتاة أن زوجها عكس مانت تراه قبل الزواج سواء حالته المادية أو التعاملية ماذا سيكون تصرفك لوكنت أنت فى هذه الحالة؟ هحاول اتاقلم مع الوضع الجديد مفيش فى ايدى حاجه غير كده وزى ماقولت انتى بتبداى حياتك من الصفر معاه كانه حد غريب عليكى س هناك بعض الفتايات ترفض التعاون مع زوجها فى مناحى الحياة الزوجية منها المادية وأهمهارفضها للإنجاب بحجة جمالها ومظهرها إيه رأيك فى كده؟ دى ياهبله ياهبله مفيش حل تانى هو فيه احلى من احساس الامومه مظهر ايه اللى تفضله على كده دة التخلف بعينه بقى مسيرها هتكبر وشكلها يتغير وساعتها تتمنى لو كان معاها طفل سند ليها ولجوزها فى الدنيا س ــ مشكلة الحماوات وكثيرا مانرى الزوجة تترك بيتزوجها بسبب والدته فهل هذه تمثل مشكلة حقيقية؟ اكييييييييد وبيشتكى منها كتير وكانت سبب فى حالات طلاق كمان دايما الحماه بتحس ان الزوه اخدت ابنها منها فعشان كده بتحصل المشاكل بس كل واحده فى ايدها انها تغير دة بالمعامله الكويسه وانها تحسسها انها زى امها وان مفيش حاجه اتغيرت ابنها هيسال عليها زى الاول ومقصدش دة بالكلام فعلا تشجع جوزها على كده س ــ الزوج والذى يكون دائما منصف لأهله على حساب زوجته كيف ترى ذلك التصرف؟ اللى ملوش خير فى اهله ملوش خير فى حد بس ربنا ميرضاش بالظلم متنصفش حد على حساب حد بالباطل س ــ على الجانب الآخر أم الزوجة توصى بنتها بأن تكون قوية أمام زوجها ولاتستسلم له بسهولة تفتكرى هذا التصرف سليم أم ماذا؟ الام العاقلة المفروض متعصيش بنتها على جوزها بالعكس تنصحها و تعرفها ازاى تتعامل معاه و تحترمه و تسمع كلامه و يوم ما تتناقش يكون بالراحة و بالعقل لانه مينفعش تعيش زى حتة موبيليا مستسلمة ملهاش رأى خالص س ــ ماهو مشروع الزواج الناجح بين المتزوجين حديثا وماهى مقوماته من وجهة نظرك؟ الصبر والتفاهم والبعد عن العصبيه وسرعه الغصب تحمل النقد وتحمل المسئوليه تقدر الطرف التانى اختار الوقت المناسب للنقاش متقارنش بين حالها فى بيت اهلها وبيت جوزها متدخلش حد فى خلافاتهم متخرجش اسرار بيتها بره حاجات كتير مطلوبه فى بدايه الجواز هتساعد كتير على نجاحه س ـــ فتايات كتيرة بتوافق على العريس اللى أكبرمنهاسنا لظروف متعددة هل هذا يعنى جريمة فى حقها ولامافيش مشكلة؟ قد ايه اكبر ؟ فيه حد لو زاد عنه تبقى جريمه فى حق نفسها طبعا وبتحكم على نفسها انها تعيش سن وحياه مش ليها س ـــ عندماتوافق الفتاة على قبول الزواج من زوج متزوج بأخرى فهل تصرفها ده معيب ولا يكون حل لبعض مشاكل ربما تأخرسنها أو قبولها بسبب علاقة عاطفية بينهم؟ والله مش عارفه بصراحه بس انا هتكلم عن نفسي انا عمرى ما اقبل اعمل كده غيرى بقى ظروفه ايه الله واعلم فمقدرش احكم على حاجه معرفهاش س ــ ماهو فتى أحلامك وماهى الصفات التى تريدنها فيه؟ والله مش عايزه حاجات كتير غير انه يبقى على خلق ومتدين وعارف ربنا كويس عشان يعاملنى بما يرضى الله اى حاجه تانيه ثانويه دة الاساس اللى لو اتوفر الباقى سهل س ــ ماذا تنصحين كل فتاة مقدمة على الزواج؟ لسه قدامك فرصه تهربى ههههههههههههههههه لا بجد عاملى جوزك بما يرضى الله واتقى ربنا فيه حافظى عليه فى غيابه ووجوده كونى ضهره وسنده فى اللى بيقويه فى الدنيا اصبرى واتحملى وربنا هيازيكى خير ومتنسيش اهم حاجه تقوليهالو كل يوم الصبح وهو نازل متنساش تاخد الزباله معاك (yummi) وشكرا لك نورهان شرفنى اللقاءمعك فى البرنامج وأشكرلك حسن التعاون واللإفادة والتى وجدتها هنا من خلال إجاباتك وفقك الله دوما أحبتى فى الله أنتهت حلقة اليوم مع ضيفتى الكريمة نورهان أنتظرونى وحلقة جديدة قادمة وحتى ذلك الحين أستودعكم من لاتضيع ودائعه مع تحيات أخوكم رفعت الشكرلك قمر لتكرمك وتشريفك البرنامج أتمنى لك كل التوفيق والسعادة أحبتى فى الله أنتهت حلقة اليوم مع ضيفتى الكريمة قمررة أنتظرونى وحلقة جديدة قادمة وحتى ذلك الحين أستودعكم من لاتضيع ودائعه مع تحيات أخوكم رفعت [/COLOR]

[flash=http://www.ro-ehsas.net/uploads/13914362691.swf]WIDTH=0 HEIGHT=0[/flash[/QUOTE][/QUOTE][/QUOTE]

[كبريت]

حلقة طيبه جدا معك
وممن معك
اساله واجابات تعبر عن وجهة نظر خاصه



همسه
ارجوا وضع تنسيق يراعي فيه ضعاف النظر
اخوك نظروا ضعيف هههههههه


يستحق المشاهدة مع كل النجوم
شكرا جزيلا لكما

[العاشق الذى لم يتب]

اقتباس المشاركة الأصلية كتبت بواسطة كبريت حلقة طيبه جدا معك وممن معك اساله واجابات تعبر عن وجهة نظر خاصه همسه ارجوا وضع تنسيق يراعي فيه ضعاف النظر اخوك نظروا ضعيف هههههههه يستحق المشاهدة مع كل النجوم شكرا جزيلا لكما

وكل الشكرلك مهندس احمد
ديمانورناومشرفنا
والف سلامة على نظرك
وان شاءالله المرة الجاية نعمل حسابنا
تقبل تحياتى وودى

[جنون قلب]

حلقه بجد جميله جدآ يا رفعت
وفى وجود ضيفه زى دى بفكرهـآ
خلت للحلقه شكل مميز
تسلم افكــآر وبقدم رسايل الشكر للفاضله قمر
على احـآطتهــآ بكل جوآنب المشروع هذا
دمتم فى رعايه الله وامنه

[Sea Pearl]

حلقة جميلة أ/رفعت
بتناقش قضية مهمة جدا فى مجتمعنا
وضيفة لها رأى وفكر جميل
بالتوفيق

[راجعة لحبيبى]

جميل البرنامج مره
وروعه الاسئله
والظيفه ماشالله عليها
تسلم رفعت

[همسه دموع]

حلقه ممتازه
فى انتظار حلقه قادمه
تحياتى

[العاشق الذى لم يتب]

اقتباس المشاركة الأصلية كتبت بواسطة جنون قلب حلقه بجد جميله جدآ يا رفعت وفى وجود ضيفه زى دى بفكرهـآ خلت للحلقه شكل مميز تسلم افكــآر وبقدم رسايل الشكر للفاضله قمر على احـآطتهــآ بكل جوآنب المشروع هذا دمتم فى رعايه الله وامنه

اشكرك اسلام
شرفنى مرورك

[العاشق الذى لم يتب]

اقتباس المشاركة الأصلية كتبت بواسطة śèá pèárł حلقة جميلة أ/رفعت بتناقش قضية مهمة جدا فى مجتمعنا وضيفة لها رأى وفكر جميل بالتوفيق

اشكرك اختى
شرفنى مرورك
مودتى

[العاشق الذى لم يتب]

اقتباس المشاركة الأصلية كتبت بواسطة راجعة لحبيبى جميل البرنامج مره وروعه الاسئله والظيفه ماشالله عليها تسلم رفعت

شكرا راجعة
شرفنى مرورك