( morshooo ) و ( صفحات الاعضاء تانى 5 ) ^_^

[morshooo]

بسم الله الرحمن الرحيم

مزاج الخير

اهلا بيكم وحلقه جديده من

( morshooo ) و ( صفحات الاعضاء )

الموسم الثانى



تعالو نشوف جبتلكم ايه النهاردة

ياسلام عليه كدا لما احط صورتى فى اى مكان

والاقى الناس تقولى انتا شبه ( رشدى اباظه )

فبسبها يومين واحط واحده تانيه الاقى الى يقولى انتا شبه

( كلونى او برادلى كوبر ) زى العضوة دى بالظبط

من الحاجات الممتعه بجد يعني
ان حد يشبهك بحد انت اصلا بتحبه

بابا الله يرحمه كان بيقولي اني شبه سعاد حسني
الله يرحمه ومين يشهد للعروسه
اخويا وصحابي بيقولوا اني شبه ميريام فارس
وانا مش بحبها نوهائي
ومعرفش شبهي ازاي
ولما حطيت رمزية لاشوريا راي
جالي تعليق فرحني ان صورتها كانت شبهي خصوصا
وانا بفستان فرحي

ما بين دا ودا وكل الناس اللي بتشبهي بناس حلويين كدهوت
وبيحرجوني ويكسفوني كدهوت
انا الحاجة اللي فرحتني اني لما حطيت صورتي جنب صورة امي
الكل اكد اننا نفس الشكل
وكمان في العيله دايما بيقولولي اني طبع امي

الله يرحمها بئه

اخرابى سعاد حسنى وميريام فارس وشوريا

كل دول فى شخص واحد بس طيب ماتجربى تحطى

الرمزيه دى وصدقينى هيقولولك انتى فيكى شبه منها





Nefertiti



دائما كلنا بنشوف الواحد بيشكر فى نفسه عادى جدا

هو يعنى انا هدخل اقول على نفسى كلام مش كويس

دا حتى يبقى عيب وحرام

لك وحدك

انا قليل الادب .انا واطي . ايمن المصري

ياةةةةةةة ياةةةةةةةةةةةةةة

دنا عليا جمل عليا جمل

بصراحه جمل زى الفل لا وكاتبها لــــ

لك وحدك

ونعمه الكلام يا غالى يله اهى لقت حاجا

تناديك بيها لو نسيت اسمك والا حاجا

جراح المشاعر




ساعات الواحد بيكون مضايق ودا طبيعى جدا

بس الجميل ان كل واحد وهو مضايق بيكون ليه طريقه

عشان يمشى الضيقه دى زى العضوة دى بالظبط

لما اكون مضايقة

احط الاغنية لحليم

وصوت عالي وارقص عليها

بذات اغنية سواح

ومع اغنية حليم اريد أن اكون الان

يعنى مضايقه وعايزة ترقصى

لا وعلى اغنيه سواح لعبد الحليم

امال لو سمعتى اوكا وارتيجا هتعملى ايه

هتحطبى زى الصعايدة بقى على اغانيهم

ايلاانا




ساعات الواحد بيحب يقول كلام كتير لحبيبته مثلا

وكل لما يقول كلام تقوله وايه كمان لحد الواحد مايزهق بصراحه

ويقول اى كلام وخلاص

ماذا تريدين اكثر

شقية انتي

وفوضوية

وهمجيه

وغجرية

ونعناع

وماء

وخبز

وسكر
............

احم احم اكملك انا بقى

نفسى اخد فرصتى يا جماعه

ملوخيه أنتى

رز بشعريه

محشى

فته شاورما

بيبسى

شاى اخضر

شاى العروسه

انا عايز اعرف بس هو دا معناه ايه اساسا

كبريت




انا ملاحظ ان فى اعضاء ياجماعه

صوتها جميل جدا فى المنتدى

ودلوقتى مع مسابقه

Arab Got Talent Banatmasr

والتصويت من النهاردة لحد الاسبوع الجاى

على جميع الارقام الى بتظهر اسفل الشاشه

الموهبه الاولى :

big boss

كل ثانيه فى عمرى بتقلك بحبك

كل قلبي لك ياريت ليا مكان فى قلبك

" أغنية نجاه الا انت "

ودا تعليق النجم بعد ما غنلكم

مقطع مؤثر بس مش عارف ليه بياثر فيا

مع انى مشاعرى بارده الايام دى

شكلى بحب مع نفسي و انا مش عارف :d

بارد من يومك يابنى

للتصويت رقم المتسابق ( 1 )




ودلوقتى مع الموهبه الثانيه

لمار*

و عمار يا اسكندرية
يا جميلة يا ماريا
ﻭﻋﺪ ﻭﻣﻜﺘﻮﺏ علية
ﻭﻣﺴﻄﺮ ﻉ الجبين
ﻻﺷﺮﺏ ﻡ اﻟﺤﺐ ﺣﺒﻪ
ﻭﺍﻧﺰﻝ بحر اﻟﻤﺤﺒﺔ
ﻭﺍﺳﻜﻦ ﺣﻀﻦ ﺍﻻﺣﺒﻪ
ﻭ ﺍﻟﻨﺎﺱ ﺍﻟﻄﻴﺒﻴﻦ
و عمار يا اسكندرية
يا جميلة يا ماريا

للتصويت رقم المتسابقه ( 2 )

بس دى ماسبتش تعليق الحقيقه

مكنتش فاضيالكم




ودلوقتى مع الموهبه الاخيرة

هاديه

طول عمري باقول

لا أنا قد الشوق

وليالي الشوق

ولا قلبي قد عذااااابه

للتصويت رقم العضوة ( 3 )

هو صحيح الهوى غلاب ؟؟؟؟؟؟؟؟؟

معرفش أنـــا

طيب خلاص يا ( هاديه )

فقرتك خلصت اتفضلى سيبى المسرح

فكروني إزاي؟؟؟

هو انا نسيتك

الكلمتين دول هم خلاصة الاغنية

الله عليكي ياست

ايه البت الرخمه دى يله ياست من هنا

ايه مصدقتى

ياترى مين هيكون الفائز معانا

البركه فيكم ياترى هتختارو مين




وبكدا بتخلص حلقه النهاردة

ماتقلقوش لسه

الى جاى احلا

[كبريت]

حلقة جميله جدا من حضرتك
ومؤكد اختيارات راقيه لان كلهم ما شاء الله شخصيات مبدعه
بحييك على طريقة العرض والسرد
تقيري ونجومي واعجابي
شكرا جزيلا لك

[DR.SMA]

ههههههههههه
لا حلوه
وحلوه الصوره كمان :d
لا والمواهب مواهب
المنتدى اصلا منتدى المواهب من يومه
منور يا مرشدي
جميله الحلقه اوى

[phalsteen]

ايه دا يا مورشو دا
من امته وانت بتحط صورتك علي المنتدي
لا يا عم خبي لتتحسد
انت نيولوك الفلانين دا يا مورشو ولا ايه ؟
ال شبهك ال
جتك نيلا
خليك بغيظك علي ما تموت بئه

انا بصوت لرقم 2
عشان عاوزة اروح اسكندرية
واتعزم علي فرح لمار وكريم
^_____________^

ربنا يكفينا شرك اراجل

[العاشق الذى لم يتب]

مش قالتلك هبة ياسما
مرشو مش هيفوتلك اللمشاركة دى
توقعات البت هوبة طلعت فى محلها
والله يارشرش انت آخرروقان
ومركز اوى
شاطرمن يومك
بس انازعلان اوى
فين نصيبى بئا
والمواهب كلهاتستاهل تنجح
وخاصة صديقتى الغالية هداية وايلانا

[.Lamar]

انت ايه دخلك صفحتى اصلا

و الله انت اخترت مشاركة غالية اوى على قلبى

و عجبتنى صورة سما

وعارفة انها هتاخد بحق الكل

حلقة جميلة اخى كالعادة

يدوم النشاط و التميز

[.Lamar]

اقتباس المشاركة الأصلية كتبت بواسطة nefertiti ايه دا يا مورشو دا من امته وانت بتحط صورتك علي المنتدي لا يا عم خبي لتتحسد انت نيولوك الفلانين دا يا مورشو ولا ايه ؟ ال شبهك ال جتك نيلا خليك بغيظك علي ما تموت بئه انا بصوت لرقم 2 عشان عاوزة اروح اسكندرية واتعزم علي فرح لمار وكريم ^_____________^ ربنا يكفينا شرك اراجل

دى اسكندرية هتنور يا سما
بس الكحك عليكى ههههههههه

[جنون قلب]

ايه يا ابنى اللى انت عامله ده
والله حرآم عليك
بس بجد تسلم ايدكـ
طــآلمــآ آنت بعيد عنى
تبقى حبيبى
تقرب منى ولا هعملك حاجه عشان انت حبيبى برضه

[Sea Pearl]

ههههههههه
لأ ما شاء الله مواهب فاذة
ارحم الاعضاء بقى امورشو
ليك يوم

[big bốss]

ههههههههههههههههههههههههه

انت دخلتنا مسابقه يا حلاوة يا ولاد

انا برشح نفسي و بختار رقم واحد

تسلم يا نجم

نايس مرشو