الحلقه(42)من برنامج أجدد عضو ومعانا,, عشق الحنين

[دمعه حائره]

أهلا وسهلا بأعضاء منتدانا الحلوين وهابى فلانتين ياحبايب ♥ حلقه جديدة مع عضوة جديدة وجميله عشق الحنين عضو جديد اهلا وسهلا بيكى نورتى البرنامج بنورك حبيبتى ونورك كل اعضاء منتديات بنات مصر المبدعين حبيت اتعرف عليكى والاعضاء يشاركونا الحوار اسمك؟ الحقيقى ملكة والمستعار عشق الحنين سنك ؟ 26 بلدك ومحل الاقامه؟ بلدى هى مصر حبيبتى واقامتى بالاسكندرية عروس البحر المتوسط أجدع ناس والله بتدرسي ولاخلصتى؟ انا خلصت ومعايا حالياا بكالوريوس تربية رياضية وكنت حابة اعمل دراسات عليا لكن ظروف كتير منعتنى واتجهت للعمل على طول عندك اخوات قد ايه؟ اخ واحد اكبر منى و متزوج كومان الحكمه المفضله عندك؟ كن فى هذه الحياة كعابر سبيل واترك ورائك كل اثر جميل اتعرفتى على المنتدى ازاى؟ عن طريق جراح المشاعر ليه اخترتى النيم بتاعك؟ يعنى تقدرى تقولى عشقى وحنينى لذكريات كتير مرت بحياتى هو كان السبب فى اختيار النيم سجلتى على طول ولافضلتى تتابعى فتره؟ لاء كنت بتابع وانا زائرة بصراحة وبعدها سجلت تاريخ التسجيل هنا من سنه 2013 لكن العضويه بدأت فى النشاط من فترة قصيرة ياترى ايه السبب انك ماكملتيش معانا؟ فعلا عندك حق التسجيل كان من 2013 وسبب انى كنت عضوية غير نشيطة هى انى بالوقت ده كنت مسؤلة كمراقبة فى مكان اخر وبيقولوا صاحب بالين كداب وصاحب تلاتة منافق فكنت مكرسة كل مجهودى بمكان واحد واهو كان انتماء برده للمكان ومن فترة 9شهور تقريباا بعد تماما عن عالم المنتديات ولما رجعت اتواصل تانى حبيت اكون بمكان جديد وملقتش افضل من صحبتكم د من حظنا الجميل ليكى اصدقاء فى المنتدى؟ فى الحقيقة صداقة بالمعنى الحقيقة لسة لكن بحاول اهوو ايه هوايتك اللى ممكن تشاركى بيها ؟ هوباتى الرسم والتصميم وكتابة الخواطر اتعرفتى على كل الاقسام؟ وايه اكتر قسم عجبك قسم الابداعات العامية والاقسام الادبية عموما واقسام التصاميم فوتو وسويتش ماكس ماشاء الله اسلوبك فى الخواطر مميز ياترى هانشوف ليكى خواطر اكتر الفتره الجايه ان شاء بحاول استعيد نشاطى بعد انقطاع والجاى احسن باذن الله ممكن تشاركى فى مسابقات اممم ايوة اكيد انا بحب روح التنافس الشريف ومش مهم مين يكسب ومين يخسر الاهم المشاركة والتفاعل لان اى مسابقة اوفعالية مش بتنجح غير بتفاعل الاعضاء بتزعلى من النقد ولاعادى؟ بالعكس عمرى ما بزعل من اى نقد لكن الاهم ان يكون نقد موضوعى بناء مش مجرد تجريح وفزلكة ايه رايك فى تعامل الاداره والمشرفين مع الاعضاء؟ والله لاحظت خلال فترة اقامتى ان الكل بيتعامل بروح الاخوة والصداقة ومش فارق ادارة اوغيره طالما فى احترام بين الجميع لو حد هاجمك فى موضوع هايكون تصرفك ايه؟ انا الحمد لله رب العالمين صبورة جداا واسلوبى لبق مع الاخرين وممكن امتص غضب اى انسان ممكن يهاجمنى ده كمان ممكن اخليه ي يخجل من نفسه ويعتذرلى وكله بالادب والاحترام جدعه ملوكه ايوة كده فيه مشكله قابلتك فى التصفح او الخصائص؟ لاء مفيش مشاكل بس بصراحة اكتر شىء مضيقنى حكاية الرمزيات اللى مقاساتها صغيرة وكل المواقع بتسمح بوضع رمزيات بمقاسات اكبر وعادى يعنى ولو كان الامر ده من ضمن قوانين المنتدى ان لازم العضوية تتم 2000 مشاركة عشان الرمزية تكون بمقاس اكبر فمع احترامى عدد المشاركات مش دليل على الانتماء للمكان ممكن اعمل الف مشاركة فى اليوم وكلها بلاقيمة ! اوعى حد يضرب عشان قولت الصراحة وجهة نظر بردو والله بس تعرفى بتعمل حافز شويه عشان يشارك وكمان زمان كانت الرمزيات الكبيره دة جوايز بس انتى جيتى فى العز يا اوختى ايه اللى يخلى العضو يكمل فى منتدى اكيد التقدير من الادارة لجهوده وكمان الصحبة الحلوة ياترى هاتبعدى تانى ولاناويه تكملى؟ ان شاء الله هكمل وربنا ما يجيب بعد حتى لو ربنا اراد بسفرى من تانى اكيد هد خل واتواصل معاكم عندك اقتراح تقدميه يفيد المنتدى عمل جائزة تشجيعية ثابته لحصريات الاعضاء تكون بزيادة عدد المشاركات اوتقييم عمل فعاليات لنجديد نشاط الاقسام الغير نشيطة وممكن يكون فى وسام لنجم الاسبوع وهنا بصراحة فى المنتدى ممكن يكون فى افكار كتير كن محتاجة الجدية فى التنفيذ افكار جميله ان شاء الله تتنفذ بشكرك على قبول الدعوة واتمنى ليكى التوفيق انا الى بشكرك جداا يا جميلة على اختيارى فى استضافتك ممتنة لك ولاسئلتك المميزة استمتعت بجد بالوقت معاكى وبكده تنتهى حلقتنا مع ملكة اشكركم على المتابعه وفى انتظار الترحيب بيها دمتم بكل خير

[big bốss]

الملكه ما شاء الله عسوله فى التصميم و منورنا

بس وحثه مش عملتلى رمزيه

ان شاء الله تستمر معانا و تفل منورانا

و الملكه منه نورتى المنتدى بحلقاتك

دوام التواجد شمس المنتدى

[طبيب الهوى]

أختي مِنه

عودة حميدة لبرنامجك أجدد عضو

وكعادتك تُجيدين إدارة الحوار دائماً لإخراج ما في أعماق الضيف

أما ضيفتك أبنتي عشق الحنين أو ملكه

حينَ علمت أسمها وأنها من الاسكندرية

تذكرت أختنا ملك روحي أدعو الله أن تكون بخير وسلام

ملكه تمتلك قلم قيم مُتَمَكِن جدا مِن أدواته

يَكفي أنه يستطيع تصوير مشاعرها على الورق بإتقان

تجعل القاريء يشعر بكل حرف ويتهيء له أنها واقع ملموس أمامه

وهذه موهبة لم يَهِبُها الله للكثيرين

وواضح من اجابتها على أسئلتك

أنها صاحبة شخصية قوية وعقلانية

أدعو الله أن يحفظها ويرعاها ويوفقها في حياتها

ميرسي مِنه للحوار الممتع مع ضيفتك الرقيقه

تحياتي وودي وورودي

أبو عصام

[العاشق الذى لم يتب]

اهلا شمس المنتدى
الغالية
منة
والبرنامج الجميل د
وحوارمختلف لاالمرةدى
مش عارف علشان معجبة ولامتوصية بموكا
واهلا الاستاذة والفنانة والمبدعة والشاعرة ملكة
وكل اهل اسكندرية العظام
زعلان منك علشان بتقولى ماليش اصحاب هنا
ولامعرفة
بذمتك الكلام ده حصل
طيب اناراضى ضميرك
ولانسيتى اول يوم سجلت فيه كنت اول واحد مرحب بيك
وكمان عملتلك توبيك ترحيب فى قسم الترحيب
لاياموكا كده زعلان منك خالص
حتى لو كنتى مش عاوزة صحبتى
برضو كنتى تقولى لى معارف واصحاب
الاخت ملكة تشرفت بمعرفتهافى المكان اللى كانت فيه مراقبة
وكانت ومازالت من اعز واقرب الاصداقاء لى
انسانة خلوقة وآخر احترام وادب
وفى نفس الوقت خدومة واى حديطلب منهاطلب بتنفذه مباشرة
وياماتعبتهامعايا وهى تعملى تواقيع ورمزيات
منانة ومصممة قديرة
ربنايسعدك اخت ملكة
وتفضلى معاناعلى طول
واهو اناوانتى تركنا المكان هناك
وتركنا المناصب ويكفيناهنامن غيرمناصب
بس وسط اجمل اخوة وصحبة
استمتعت بالحواروالبرنامج
وضيفته الجميلة
تحياتى وودى

[۩۩ elMagic ۩۩]

حوار جميل
منوره ملكه اكييد
وانا شوفت شغلك ف الفوتوشوب وقولتلك راى فيه
المهم احنا عايزين نشاط عشان انتى ليكى كام يوم مش بتشتغلى
لو عوزتى اى حاجه ف اى وقت احنا معاكى طبعا
ربنا يوفقك ويكرمك باللى فيه صالح ليكى
الله ينور منون
دمتما بأفضل حال بقآ

[ساحر الأحزان]

اهلا وسهلا بيكى عشق

وبشكر منة انها عرفتنى عليكى اكتر

بتمنى ليكى التوفيق معنا فى المنتدى

[Lamees]

تسلمي دمعة عرفتينا اكتر على ملكة
اهلاً بيكِ يا ملكة منورة المنتدى
وأثارتي الانتباه من البداية
موفقة حبيبتي

[همس الحنين]

حلقه جميله يا ملكه

فكرتينى بنفسى اول ما اشتركت هنا

بس قلمك روعه وحضورك مميز

تسلمى منونه على الحلقه

[انا جيجي]

انسانة هادئة الطباع رقيقة نشيطةمن الملكة

نورتينا يا قمر واستمرى دائمة التميز

[كبريت]

عشق الحنين
شخصية محترمه
صاحبة فكر طيب
صاحبة حضور مميز
وكمان فنانه ومصممه غير انها شاعره
توبيك جميل بمن فيه وجميع ما فيه
شكرا دمعه حائرة لاختيار نجوم مميزين
تقديري واعجابي ونجومي
وصباحكم فل