( morshooo ) و ( صفحات الاعضاء تانى 7) ^_^

[morshooo]

بسم الله الرحمن الرحيم

مزاج الخير

اهلا بيكم وحلقه جديده من

( morshooo ) و ( صفحات الاعضاء )

الموسم الثانى



تعالو نشوف جبتلكم ايه النهاردة

ياسلام على الواحد وهو قاعد بليل كدا

بيستمخ وبيضرب واحد امبلايه وبيتفرج

على فيلم ابيض واسود ممكن تلاقيه فجأه

قرر انه يكتب كلمتين فى مدونته زى دى كدا

بتفرج على فيلم ( توبة ) لصباح وعماد حمدي دلوقتى

من الافلام اللي بحبها اووووووووي

وبحب اغانى صباح كلها اللي فيها

الله يرحمها ويرحم الرائع عماد حمدي

والقدير محمود المليجي

وكل الاموات

ويدي نيللى الصحة وطولة العمر يارب



ويطلع طنط ( ام صلاح ) بالسلامه من حبسها

ويرزق ( عم على ) البواب بالرزق الحلال

ويدى لطنط ( ناديه ) اولاد وبنات عشان مخلفتش

واخيرا بتمنى لاسرة ( عمو عاطف ) انها ترجع بالسلامه من السفر

عشان غيبتهم طولت جدا

وختاما لك الف سلام ومحبه واشواق وغرام

( هاديه )




اعلنت وكاله الاستخبارات الدوليه ان تم

اكتشاف الحب اخيرا

ويا جماعه اى حد شوفو اى حد عايز يشوف الحب فين

خلاص تم اكتشاف مكان الحب

عندما تبحث عن الحب

هتلاقيه تحت السرير

مش قولتلكم خلاص عرفنا مكان الحب فين

بصراحه هذا العضو يستاهل يتعمله

امبلايه من تحت السرير عشان يحرم

يقول مكان الحب تانى

واد حبيب




انا اكتشفتلكم يا جماعه مدونه جميله جدا

دائما بتحسنا على الحياه والتفاؤل وفعلا

صاحبتها فخوره بالمدونه دى

جوايا كتير
بس مش بعرف اكتب ايه ولا ايه
وكتابته هتفيد ف ايه
وهتغير ايه
كالعادة مش عارفة حاجه ولا اى حاجة ف حاجه
تايهه ومش فهمه حتى نفسى
مش عارف اذا مبسوطه ولا لا
اذا مرتاحه ولا لا
انا اتخنقت من المدونه للى كلها نكد دى
ايه دا
دا مرض ربنا يبعده عنكم

اتخنقتى من المدونه الى كلها نكد

وانا الى بشكر فيكى دلوقتى وبقول للاعضاء يدخولو المدونه

عموما خلاص ياستى طالما كلها نكد قولى لنفسك

عموما لما تتغير هخليهم يدخلوها غصب

شموع الروح




بصو يا جدعان والنبى وكمان مره والنبى

الى يجيب حاجا فى مدونته يفهمنا احنا ناس

مابتفهمش اساسا يعنى معانا اعضاء هنا

اساسا مايعرفوش يعنى ايه لغه عربيه

::

من عجائب اللغة العربية.!!

ومن أبلغ ما قاله العرب..

النساء هن الدواهى والدوا هن،

لا طيب للعيش بلاهن والبلا هن..

لأ ما شاء الله طلعوا بيعزونا .

@

بالمناسبة حاسة انى منشكحة

ها

ايه الكلام دا يعنى دلوقتى لو عضو فى المنتدى

عايز ينزل المحطه الجايه يقول ايه للسواق

واحد زى ( رفعت ) ممكن وهو نازل بعد

كلامك دا يقول للبنت ال قاعده جانبه ( بحبك )

فيحسب ان كدا هينزل المحطه الجايه

śèá pèárł




ودلوقتى معانا اتصال تليفونى ونقول

الووووووووووووووووو

ابث اشواقى لحبيب عنى قريب بعيد

اراه يتجول فى كل مكان

ارى نوره يشق طريقى

وانسه يسعد وجدانى

كم اسعد حينما اسمع صوته

وكم اشتاق صوته دوما

ثواااااااااااااااااااااااانى

بلاش الداخله دى والنبى وارحمنى شويه

بس هو يعنى ايه

ابث اشواقى لحبيب عنى قريب بعيد

ها يعنى ايه دى يا نجم

افرح حينما ارى نيمه فى المتواجدين

وكم افتخرحينماارى له خاطره اورد

اجدنى مسرعا لأنظرماكتب وكان كل حرف

منه قمرا ساطع يشع ضياءه بقلبى

وكم ابحث عنه كل حين

بل وانافى مرضى الشديد

افتح المنتدى كى انظرصفحته

متى جاء ومتى غاب

انظرلرمزيته وتوقيعه

ياه

والنعمه انا الى المفروض اقول

ياااااااااااااااااه

طيب خلاص ياغالى شكرا لاتصالك

وان شاء الله اول لما ترجع

هنطمنك عليها عشان انتا عندك مرض شديد

اتفضل اقفل يا سيدى الفاضل اتفضل

اغمض عيناى على رؤياه

وافتحها على رؤياه

اتخيل انى اسمع صوته

اذامااحدا حادثنى

هو فى احلامى ويقظتى

ان ذهبت للصلاة اصطحبه معى

وكأنه خلفى يقف مع المصلين

اسمعه يقول آمين بصوت حانى

آه ثم آه

ايه ياعم الحاج دا بتسمعها بتقول

امين وبصوت حانى وانتا بتصلى

بس بصراحه كلام مؤثر جدا اخى الفاضل

طيب انتا صعبت عليه

تحب تقول ايه فى اخر المكالمه طيب

أنالست أدرى من أنا

أترانى أهذو من شدة المرض

أم من شدة شوقى إليه

لست أدرى

الآن أغرقتنى دموعى

لاأرى الحروف

كفى

كفى والله كفى والنعمه كفى

لا انا بقول ان كلامك دا من شده المرض

ربنا يعفو عنك

العاشق الذى لم يتب



وبكدا بتخلص حلقه النهاردة

ماتقلقوش لسه

الى جاى احلا

[محمود الصاروخ]

ارحم الناس شويه يانجم النجوم
ههههههههههه

[هادية]

يعنى اعمل فيك ايه بس

ابطل اكتب عشان متقعدليش على الواحدة كده

هههههههههههههههههههههههههه

ماشي ياحاج متشكرين لحسن متابعتك

[سندس]

نفسي اعرف انت ليه دايما مشرد هادية
البنت هتبطل كتابة
احنا عايزينها
خف عنها شوية

[.Lamar]

ان شاء الله
الاعضاء هتعتزل الكتابة فى المدونات
حلقة مميزة كالعادة

شكرا ليك اخى
تحياتى و تقديرى

[أميرة محمود]

والحب تحت السرير هربان اكيد عشان ميجبش هدية الفلانتين
المقولة دى حلوة اول مرة اشوفها
النساء هن الدواهى والدوا هن،
لا طيب للعيش بلاهن والبلا هن..
بس انا موافقة على اننا الدواء
ولا عيش بدوننا الباقي مش موافقة عليه ههههههه

توبيك لذيذ جدا سو لايت
التعليق دا هيموتنى من الضحك
ويطلع طنط ( ام صلاح ) بالسلامه من حبسها
ويرزق ( عم على ) البواب بالرزق الحلال
ويدى لطنط ( ناديه ) اولاد وبنات عشان مخلفتش
واخيرا بتمنى لاسرة ( عمو عاطف ) انها ترجع بالسلامه من السفر
عشان غيبتهم طولت جدا
وختاما لك الف سلام ومحبه واشواق وغرام

[انا جيجي]

ربنا يتولا العالم برحمته منك يا موووووورشو الحمدلله انى بعيد عن حلقاااااااااااااااتك

[جبل عالي]

لالالا انت زودتها يامعلم بقاااا
وكده هنضطر اننا ننكوش عند جنابك
ومش هنرحموووووووووووووووووك


بناءا على رغبة الجماهير وخصوصا هادية
ولمار ورفعت لازم يعني لازم
نقولك موشكرييييييييين على الضحكة الحلوة دي
ونعلن انه سوف يتم غزو مشاركاتك عن قريب
وكما قلت مش هنرحمووووووك

[Sea Pearl]

هههههههههه
مورشو ارحمنى بقى اعم
ودى لغة عربية بس محلية
وكمان البيت شارح نفسه اصلا
انت والله هتحرمنى اكتب فى المدونة تانى ؟!

[كريم*]

روعة ياكبير
كمل كمل اشوف فيك يوم ههههههه