قيادة البنت للسيارة

[أميرة محمود]

صباحكم خير وسعادة
بصوا الناس بتقعد تتريق على سواقة البنات للعربية
مع ان دا ملوش علاقة ببنت او ولد
يعنى دا حاجة بنتعلمها بكورسات
وتطلع الرخصة والمهارة بتكون واحدة
وفي بنات بتسوق احسن من الشباب مليون مرة
ويقولوا لا اصل البنت عاطفية
ايه علاقة دا بدا
هو احنا بنسوق بعواطفنا يعنى هههههههه
ويقولوا ناقصات عقل ودين
بردوا ايه العلاقة
اصل مش ناقصات دراع ولا ناقصات عين
عشان نسوق ع الطريق مثلا هههههههههه
ولما رحت امتحن عشان اطلع رخصة
تلاقي كل الشباب يقولوا:
ربنا معاكي
ركزى
بالتوفيق
ونظرات الشفقة وانى صعبانة عليهم
كأنى رايحة انتحر
البنت تقدر بمهارة عالية تقود عربية او طيارة حتى
لو متعلمة كويس واخدت كورس عملى
يبقا مفيش داعى للتقليل مننا ولا ايه؟

[كبريت]

ده طبيعي في مجتمع عاشق الغباء والتخلف
مجتمع بيكيل بعشرين مليون مكيال
مستغربة ليه ؟

الشعب العربي هو اكتر شعوب العالم اختراعات
وشعارات حنجورية لا تغني ولا تسمن من جوع

مش تستغربي
وانا اكيد مع حرية البنت في كل شيئ
طالما في حدود لا تتعداها


وقيادة السيارة للبنت امر قديم وعادي في دول امريكا واوروبا
انما عشان احنا العرب
لازم نبتكر ونخترع ونفنن

ومش بعيد في يوم تخرج فتوى علينا ان قيادة الانثى للسياره بدعه
او منكر
ومحتمل رجس من عمل الشيطان
ومش بعيد لو انثى حاولت تقود سيارة يقيموا عليها الحد
رميا بكاوتشات السياره نفسها بقا

ما احنا ف عصر الافتاءات بالمزاج وبالرغبات وخلاص
ربنا يهدي الاحوال

شكرا جزيلا

[راجعة لحبيبى]

نعم البنات مو ناقصات عين واايد
وتقدرالبنت تسوى كل شيئ بمهاره
عندكم فى مصر البنات تسوق وتحصل على رخصه
مافيه مشكله
لكن فى السعوديه استحاله
واللى طالبت بكذا سجنوها
تسلمين ياميره
لروحك السعاده

[دمعه حائره]

الموضوع دع بينرفزنى جدا وممكن تلاقى فى اى موقف الراجل اللى غلطان
ويرميها على البنت لمجرد مايطلعش غلطان وبنت بتسوق احسن منه
البنت دلوقتى بتسوق طيارة ولسه هنا بنتكلم على عربية!!
دى واخدة رخصه زيك بالظبط وعندها قدرة تتفوق فى اى مجال
لكن تعملى ايه فى العنصريه
موضوع جميل تسلمى اميره

[جنون قلب]

والله اللى انا شايفه ان البنت
واخده حقها فى السوآقه عادى جدآ
لكن نظره الناس ليها ده شىء تانى
واكيد مختفى فى العوآصم والمدن الكبرى
لكن اللى ظاهر لينا ان سواقه البنت بقت شىء عادى جدآ
ومفيش اى جدآل فيه
وليس محورآ للنقــآش / ونظره الناس ليها كل واحد بيعبر عن فكره هو



مشكوره اختى على منصه الحوآر هذه
والتى فى الاغلب لا يوجد بها مجـآل للمجـآدله
دمتى فى حفظ الله

[محمود أبوزيد]

بديهي الامر رائع طرحك مما حمله من كلمات
وتجربة شخصية وفيما يتعلق بالاراء حول هذا الموضوع
فانني اري وبصدق انه لا تفرقة بين ذلك الامر
ففن القياده يعتمد علي المهارة أساسا وليس علي ثمة
مقومات أخري ولكن رد الفعل الاسرع يتميز به القائد
دون القائده فمثلا اذا قام أحد بأـلقاء نفسه امامك ستقفين
وستكون لعبة ليقوموا بالاستيلاء علي سيارتك وذلك لكون
الانثي ضعيفة القلب وحنونه ولكن الرجل سيتجنب ذلك
لموقف ديري بالك علي حالك ...
تقبلي مروري وشكرا

[big bốss]

هو مفيش فرق بس مفيش تشابه بين سواقة البنت او الولد

لان البنت بطبعها جبانه و بتخاف و مش عندها الشجاعه

علشان كدا بينظر لها باشفاق

طبعا البنت فى مصر فاقده الثقه فى نفسها علشان المجتمع

على عكس الغرب الى بيزرع الثقه فى البنت

فسوقى و اتوكلى على الله و ربنا معاكى

[العاشق الذى لم يتب]

حكاية البنت تسوق
مااظنش فيهاجريمة ولاشيئ غير معقول
ولكن اى راجل ينظرللبنت باستخفاف
او يتهمها بشيئ فهو اصلا معتوه وماعندوش نظر
بس كده
علشان اللى سبقونى قالوا مافيه الكفاية
لكن احييك اميرة وهذا الطرح العظيم

[ana lola]

آنتى فى مجتمع
سيطرت عليــه عادآت قديمهـ
بالنسبه لمعظم الناس سواقه الرجاله آحسن
وفى الاول وآلاخر دا رأى في حد ممكن يقبل سواقه البنات وفى لا
تسلم آيدكـ

[Aya 7ekaya]

مجتمع متخلف حضرتك

البنت تقدر تعمل اللى الولد مايقدرش عليه بدليل تلاقى ام بتشتغل فى وظيفه برا البيت وفى نفس الوقت قايمه بكل اعمال البيت وتربيه الاطفال وهو بمجرد ما يرجع من الشغل الدنيا بتتهد تعبان وعايز ينام
ف ده مش غريب ف مجتمعنا اللى بقيت بكرهه