رسالة عسكري مصري

[كبريت]

عشان عربي بقيت رخيص


وتمني غايته الشهاده


روحي تهون فدا بلادي


في زمان ملان كده بلاده


واقول كمان


افرد قلوعك يا مراكبي وغني لي


سهران على حدودي بحرص مصر طول ليلي


انا عسكري غلبان شارب م النيل



ملعون ابو لعدوا ناويلي


غايتي الشهاده دي المراد من رب العباد


وانا مستعد بافرولي معاه بياده


ومستعد عشان بلادي اموت كمان


خطوة سريعه ولا معتاده


انا عسكري مصري حلفت لليمين


اني اصون ارضي وعرضي واكون امين


اني احمي عنهم مسلمين ومسيحيين


اني انسلخ في الحر واتعب لو زياده


شربت شاي العصر ع الجبهه وقلت نشيد


مع سلامه وبطرس والواد على ابن سعيد


وجيت اقول النهارده وصيتي ليكم


حافظوا على مصر وانا رايح بفرحة شهيد


غنيت في ليل خدمتي في الليل وكل نهار


ولا عمري كنت نسيت بلادي والعدو غدار


علمني جيشي احب بلادي واحميها


وان شاء الله اشرب في شاي مر او ساده


يا طاعنين في الجيش كفايه اختلاف


مصر الكبيرة كبيرة مهما حصل اسفاف


مصر الكبيرة قلب العرب وتاريخ


ومش مجال للتناحر والحقد ياسادة


انا عسكري وخدمتي فوقها تراب سينا


انا وصحابي هنا والمولى راعينا


احمد مع محمد مع حنا ومع مينا


وكلنا وحده واحده وشرعنا سيادة


سيادة الارض كالعرض فوق وطن وحر شريف


واللي يقول غير كده والله يبقى كفيف


دي مصر حرة وكبيرة مش عرضة للتكليف


واموت نضيف للبلد دي وتفضل لها اراده


انا عسكري حر وشريف واقف على الميدان


رافع سلاحي وروحي لجل الوطن تتهان


ولا عمري كنت بخاف ولا عمري ابقى جبان


وتحيا مصر رغم الخونه ورغم الشر وعباده








قلمي

[العاشق الذى لم يتب]

وانت الصادق
علشان انت مصرى هتفضل رخيص
هو فيه ارخص من المصريين
الدية 5 آلاف جنيه مصرى فقط لاغير
دا لو ماطلعلوش شهادة منتحر
يبقى هيحبسواللى خلفوه بعد موته
تسلم ياعم احمد
وجعت قلوبناالله يسامحك

[كبريت]

اقتباس المشاركة الأصلية كتبت بواسطة العاشق الذى لم يتب وانت الصادق علشان انت مصرى هتفضل رخيص هو فيه ارخص من المصريين الدية 5 آلاف جنيه مصرى فقط لاغير دا لو ماطلعلوش شهادة منتحر يبقى هيحبسواللى خلفوه بعد موته تسلم ياعم احمد وجعت قلوبناالله يسامحك

يا استاذ رفعت
دي رساله من عسكري مصري
مش بتكلم عن ناس ماتت او ناس رخيصة او غيره
عسكري بيتكلم من خلال رساله
يعني على سبيل الخيال
وسلامة قلبك من اي وجع يارب
شرفت ونورت جدا

[Lamees]

عسكري عنده امانه
يحب الوطن
يحمل رسالة هدفه ان تصل بأمان
في عنقه واجب يزيده شرف ان اتمه

رسالة وطنية بحروف عفوية
ابدعت استاذ كبريت

[كبريت]

اقتباس المشاركة الأصلية كتبت بواسطة اطياف الماضي عسكري عنده امانه يحب الوطن يحمل رسالة هدفه ان تصل بأمان في عنقه واجب يزيده شرف ان اتمه رسالة وطنية بحروف عفوية ابدعت استاذ كبريت

صباحك نقي مثلك
اهلا وسهلا دائما بك
تشرفت جدا بحضورك الانيق
ميرسي جدا

[كبريت]

همسه

كنت اظن ان الخاطرة يتم تثبيتها
مش عشان انا كاتبها

انما لفتة للجندي المصري

انما يظهر

ان بعد الظن اثم


شكرا

[جبل عالي]

رسالة عسكري مصري بسيط
كل حلمه يكمل واجبه على خير
لايحمل بقلبه الا حب الوطن


راقية هي كلماتك كبريت
دمت بكل التألق

[كبريت]

شكرا جزيلا لمرورك الكريم

تقديري

[دفاتر القمر]

رساله من حب للوطن
من من يضحوا بانفسهم
من اجل بقاء الوطن
والسعي الى الشهاده
والموت بشرف
كلمات جميله تدل على الولاء
تحياتي لك

[كبريت]

اقتباس المشاركة الأصلية كتبت بواسطة اميرة الصمت رساله من حب للوطن من من يضحوا بانفسهم من اجل بقاء الوطن والسعي الى الشهاده والموت بشرف كلمات جميله تدل على الولاء تحياتي لك

فعلا اميرة وعندك كل الحق
ومتفق تماما ما تكرمتي به هنا


اهلا وسهلا بك اميرة بالمنتدى
ومتشكر كل الشكر ليكي