الحلقه الاولى ( ما لم تتوقعه ) مع ( morshooo )

[morshooo]

بسم الله الرحمن الرحيم

اهلا بيكم

وحلقه جديدة من

( ما لم تتوقعه )




البرنامج عبارة عن ( 10 اسئله )

مطلوب من الضيف انه يجاوب عليهم

وليه حق الاعتراض على اجابه اى سؤال لكن .

السؤال هينزل وهينزل اعتراض الضيف .

ماتنسوش ان البرنامج اسمه

( ما لم تتوقعه )

يعنى ممكن يكون سؤال او سؤالين هينطبق عليهم

( ما لم تتوقعه )




فى البدايه تعالو نشوف الضيف

قال ايه قبل ما يشوف الاسئله .

اقسم بالله العظيم
ان اجاوب بكل صدق وصراحه
وسوف اتحمل اى سؤال يظهرلى
طالما وافقت على التواجد معك فى البرنامج
وسوف اوافق على طرح اى سؤال
ولا يحق لى ان ارفض نزول الحلقه
او حزف اى رد من الردود





السؤال الاول :

عرفى الاعضاء ( انتى مين ) فى مالا يقل عن 5 سطور؟

ســـــــــــارة العزايزي

بينادوني هنا سما لانه اسم غالي عندي

ودي اول مرة اقول اسمي في برنامج

رغم ان في عدد بسيط هنا يعرفوا الاسم

عندي 22 سنــــــه

وبدرس اثار مصريه جامعه القاهرة

رقم بطاقتي مش حفظاه وربنا

ومش هقوم ادور عليها عشان حضرتك

وصورتي بلاش عشان منعملش فتنه بئه وكدهون

وانا اصلي مبيعجبنيش حد




السؤال الثانى

ليه دائما بتحبى الاعضاء تهتم بيكى طول الوقت ولو حسيتى ان
محدش متابعك بتعملى اى تصرف او مشكله او حوار عشان
الاعضاء تشوفك ؟

دا اللي هو انا

انت بتهزر الئيم اعترف ؟

تــــــــــؤ تـــــؤ

مش نفرتيتي اللي تعمل حاجة عشان حد يخلي باله منها

انا تقريبا العكس وانت اكيد عارف كدهون

يمكن عشان مش لازم ابرر تصرفاتي لحد

ولا يمكن اللي بيقول كدة شاغل نفسه بيا بزياده وبيعد عليا انفاسي

ومش لاقي مني اهتمام ولا تفسير ولا رد




السؤال الثالث

شايفا ان مشاكلك الدائمه مع الاعضاء دا وضع طبيعى
وماتقوليش ماليش مشاكل مع حد عشان مشاكلك كانت مع
( مورشو و نور ورفعت ) واكيد فى اعضاء تانيين ؟

زي بالظبط لما يكون لمورشو خلافات

مع ( نفرتيتي وساحر الاحزان وساد ايز والماجيك )

يبقي دا برضو وضع طبيعي

هو اللي مش طبيعي انك تفضل في مكان وميحصلش

خلافات في وجهات النظر

خصوصا لو انت مش اي حد

اللي يهمني ان حتي الخلاف

او اللي بيحصل واختلف معاهم

مبيتعداش الخلاف للغلط مثلا

بالعكس انت لو سألت اي حد من اللي انت شايف اني مختلفه معاهم هيقولك

احلي كلام عني

ومستعده احلفلك




السؤال الرابع

اعجبتى بكام عضو قبل كدا من المنتدى ؟ وياترى شوفتى اعضاء
من المنتدى ولاد والا لا ؟

لا انا بيتعجب بيا بس

هو الاعجاب حرام يا مورشو

انا عن نفسي بيعجبني كل الشخصيات

المحترمه اللي هنا

اقلام وفكر وشخصيات

واكيد ليا برضو معجبين

اها شور شوفت طبعا

انت تدخل علي الفيس هتلاقي البدع يبني

كله مفكر نفسه شاروخان زمانه

وربنا امر بالستر بئه




السؤال الخامس

شايفا ان اختك واخوكى معوضين رحيل والدك ووالدتك والا لا ؟
واخبار علاقتك بيهم ايه ومين اقربلك فيهم ؟

محدش بيعوض مكان حد

مهما كان مكانته

علاقتي بيهم زي علاقتي بالاكسجين




السؤال السادس

ليه حلقه ( المعتقل ) مع ( morshooo )
ماطلبتيش ان يتحطلها بنر زى باقى الحلقات الى اتعملت سواء قبل حلقتى او بعديها ؟

مين قال انه محصلش مورشو

انا في المُعتقل بالذات بهتم جدا بالتنسيق

وبعرض الحلقه عشان المجهود اللي عملته ميضعش

والديزاين بتاع المُعتقل شاركني فيه اروع المصممين هنا

يعني حوراء عملت حلقه اسماء وماستر عمل حلقه رفعت

اللي اتنقلت الشكاوي والديزاين بتاع حلقتك تم زي الباقي

وكان من تصميم نرمين

وفعلا اول ما الحلقه تم اعتمادها نزلت البنر ويوميها

اتفاجأت انه متعلقش ووقتها للأمانه جالي ردين

الماجيك قال : اني مش انا المقصودة من عدم تعليق البنر

وبكدة يبقي المشكله مش فيا

واسماء قالت : انها علي ما دخلت كانت الحلقه الجديدة نزلت

فالطبيعي ان الجديد اللي يتعلق



السؤال السابع

محصلش قبل كدا وحد ( اتحرش ) بيكى حتى لو كان تحرش لفظى ؟

تحرش بيكي

انا شرقاويه حضرتك

يعني عادي اقطعله ايديه

بخصوص اللفظي بئه كلاب الشوارع كتير

فبعمل نفسي مبسمعش




السؤال الثامن

محصلش قبل كدا واتمنيتى الموت لنفسك ؟
ولو حصل فعلا اتمنتى كام مره وكانت ايه الاسباب ؟

بعد وفاه امي

خصوصا انه مكنش فات علي وفاه بابا غير ايام




السؤال التاسع

هعرض عليكى كام سؤال ومطلوب منك
تختارى وتقولى السبب .

لو طلب منك تطلعى ادارى من المتواجدين الان ويتم عزله من الادارة هتختارى مين ؟ وليه ؟

( ساحر / اسماء / ماجيك )

ساحر الاحزان

عشان اتعين مكانه انا


لو طلب منك تعزلى حد من المراقبين دى هتختارى مين ؟ وليه ؟

( حوراء / توحد اراوح / رودى / ايه حكايه )

انت حاطط السؤال دا عشان اقولك رودي مثلا

بما اننا كُنا علي خلاف

ولا اقولك آيه اكمنها اخر تعيين

انا وانت والكل عارف انهم فعلا يستاهلوا المراقبه

وان محدش كامل طبيعي للكل سلبيات وقصور

بس المزايا هنا اكتر

وانا لو مكان الادارة ما راح اعزل حد بالعكس

هلاقي حل تكمل بيه المعادله واسد العجز اللي الكل مش ناكره




السؤال الاخير

فى سؤال ضايقك من الاسئله الى فاتت والا لا ؟
وفى سؤال متوقعتش انه يتسئلك والا لا ؟

لا مش في حاجة ضايقتني

انا عارفه دماغك كويس

هو احنا اول مرة نتعامل

ميرسي علي الحوار



ضيفه حلقه النهاردة المتميزة

Nefertiti





انتظرونى واعترافات جديده

وضيف جديد

[كبريت]

جميل الحوار استاذ مورشو الرائع
مع الاستاذة الرائعه نفرتيتي

شخصية قمة في الذوق والاحترام
ربنا يحقق لها كل احلامها يارب

تسلم ايدك استاذ مورشو

[كبريت]

ياعم انا بحب قلمك وفكرك
ورديت قبل ما تراسلني


انت عارف اني متابع قلمك يا كبير

مستني تعمل لي حوار جامد بقا كده
والعزومه علي ياعم وانا مش هكسفك

[The MaSster]

حوار مميز

عجبتنى طريقه الاسئله والاجابه تمام


تسلم يا مورشو على البرنامج بالتوفيق

وبانتظار جديدك يا غالى

دائما مبدع

[رآقيہ بأخلاقـى]

وربنا عسل فى كل ردودك واجاباتك يا سمسمه
هى دى سما اللى اعرفها
معرفتيش تريحى مورشو ولا اديته فرصته للخناق هههههههههههه
ناصحة يابت ... وربنا يخليلك ابنك واخواتك يارب
ويرحم بابا وماما ويجعل مثواهم الجنه آمين

[رآقيہ بأخلاقـى]

كالعادة يا مورشو برنامج جميل
وده مش جديد عليك
انت كل مرة تطلع لينا ببرامج هايلة ومثيرة
فى انتظار باقى ضيوفك

[big bốss]

موضوع البنر دا مش فاهمه يعنى ايه بنر موضوع مش يتعلق و مش مقصوده ^_^

مش فاهم بصراحه

و موضوع ان فيه عجز فهو فيه عجز فعلا خصوصا فى الرقابه على المواضيع

اما ما يخص العسوله سما فهى رغم خلافى فى الماضى معاها

الا انها شخصيه جميله جدا و تعتبر انشط عضو فى المنتدى حاليا

بس هى عصيبه الى حد ما زيي

نايس حلقه مورشو

بالتوفيق لكم ،،،،،،

[كبريت]

اقتباس المشاركة الأصلية كتبت بواسطة big bốss موضوع البنر دا مش فاهمه يعنى ايه بنر موضوع مش يتعلق و مش مقصوده ^_^ مش فاهم بصراحه و موضوع ان فيه عجز فهو فيه عجز فعلا خصوصا فى الرقابه على المواضيع اما ما يخص العسوله سما فهى رغم خلافى فى الماضى معاها الا انها شخصيه جميله جدا و تعتبر انشط عضو فى المنتدى حاليا بس هى عصيبه الى حد ما زيي نايس حلقه مورشو بالتوفيق لكم ،،،،،،

نسيت حاجه استاذ بيج بوص
نسيت ان نفرتيتي كمان نالت شرف رئاسة حزب العوانس

ولا ايه

[phalsteen]

اقتباس المشاركة الأصلية كتبت بواسطة كبريت جميل الحوار استاذ مورشو الرائع مع الاستاذة الرائعه نفرتيتي شخصية قمة في الذوق والاحترام ربنا يحقق لها كل احلامها يارب تسلم ايدك استاذ مورشو

تسلم م/ احمد
الله يخليك
نورت بئه

[phalsteen]

اقتباس المشاركة الأصلية كتبت بواسطة رآقيہ بِأخلَآقـى وربنا عسل فى كل ردودك واجاباتك يا سمسمه هى دى سما اللى اعرفها معرفتيش تريحى مورشو ولا اديته فرصته للخناق هههههههههههه ناصحة يابت ... وربنا يخليلك ابنك واخواتك يارب ويرحم بابا وماما ويجعل مثواهم الجنه آمين

ههههههههههه
الله يخليكي يا رفاعه معنوياتي انتي يا عسل