بون تريقة

أنا عايزة افضفضلكم شووية بس بون ما تاخدوا كلامي بسهرية مني
انا بحب صحابي اووي وبحب الناس كلهاا وبعمل دايما الخير وبساعد علي قد ما اقدر اي حد محتاج حتي لو كان ميستاهلش ووقعت ف مشاكل كتيرة بسبب طيبتي دي بس برضو برجع بتعامل بقلبي قبل عقلي وحتي لو حد هوا ال غلط فيا انا اللي ببدأ ف الاعتذار انا صراحة تعبانة اووي بحس ان الكل خد عليا اني طيبة ويتضحك عليا حتي لما بحاول اتلاءم زيهم مش بتزبط معايا ..بس دايما بقول ان اي خير بعمله هايتردلي ..من المواقف ال بمر بيها اني كل سنة بجمع شلة بنات وبنعمل عيد ميلاد لواحدة صاحبتنا ف الجامعة وانا محدش فكر يعملي حاجة وكل سنة بصبر نفسي بحجة ان عيد ميلادي بييجي ف الاجازة
متضحكوش عليا بس اصل بتفرق والله الحجات البسيطة دي معانا وبرضو برجع اصبر نفسي واقول انا بحبهم ومش بعملو مستنية جزاء منهم وان مسيرهم يوم يقدروني
ووووبس ..ده ابسط موقف يعني بس في مواقف كتيرة بقي جدية اكتر

[Aya 7ekaya]

حبيبتى انا كمان تصدقى عيد ميلادى ف الاجازة وماحدش بيعبرنى :d
بس مش بزعل وبعدين ممكن تجبيها بهزار كده معاهم يعنى بس مش ده الموقف ال هيحدد ف مواقف كتير تانيه لو متاكده انهم كويسين واصحاب جدعه يبقى الحاجات الصغيرة دى مش هتفرق

[big bốss]

و انا البيج بوص بجلالة قدره

محدش بيعبره فى عيد ميلاده

فدا عادى

المهم انك تكونى شخصيه قويه مش طيبه بزياده

الى يمشى وراكى يتزحلق علشان الطبيه بتخر منك

فهمتى

[Stop Ana Eltop]

انتي اصلاا اكبر من انهم يحتفلوا بيكي
خليكي طبيعيه وتلقائيه هتنفعك اوي وقت الجد صدقيني
لو محدش بيعبرك دوقتي بكره هيجي الي يعوضك عن كل داا
خلي الناس دايما صفر ع الشمال واعملي الخير لانك حابه كداا
اعمليه عشان تبسطي نفسك انتي عشان تعيشي انتي

[أحمد الخزرجى]

طيبون فى الأرض رزقهم فى السماء أما بالنسبه لى الحجات التانيه دى تبأ بين الإنسان وربه بلاش البوح بيها أفضل أما بأ عيد الميلاد والله أنا نفسى مش بفتكر عيد ميلادى إلا ما حد يقولى بعدها

[ايمان طلعت]

خليكي بطبيعتك واعملي الخير اللي بتحبي تعمليه وبيسعدك
لكن خلي شخصيتك قويه متكونيش ضعيفه عشان الناس متدوسشي عليكي بحجه الطيبه

[كبريت]

الاهتمام لا يطلب ولا يستجدى من مخلوق
وانتي قلتي اصحابك

ولو كانوا اصحاب بمعنى الكلمه
هيقدروا اي موقف خاص بيكي
مع احترامي غير كده
يكونوا مجرد كمالة عدد
ولازم تعيدي حساباتك في صداقتهم فورا

مش عشان موقف عيد ميلاد
انما المواقف الصغيرة لازم تخلينا ندقق علشان المواقف الاكبر


اتمنى لك كل الخير

تقديري

[Lamees]

الموضوع مش مستاهل كل الألم ده
خليكي بطبعتك ومتغيريش نفسك عشان شوية شكليات مهمة في حياتنا
المهم تكوني راضية عن نفسك

[انا جيجي]

خليكى بطبيعتك لانك مش هتعرفى تبقى زى غير وبعدين عاوزة حفلة لعيد ميلادك بسيطة نعملك حفلة ولا تزعلى نفسك خليكى بطيعتك احسن

[Sea Pearl]

الطيبة الزيادة سذاجة فيه ناس ممكن تستغلها
خلى عندك شخصية واعملى الخير بردوا
عشان محدش يفتكر انك مغلوبة ع امرك
ربنا يوفقك