عندى مشكله ,,

[Aya 7ekaya]

عندى مشكله مزعلانى جداا بجد
انا كـآية يعنى مش بحب يكون ليا اصحاب كتير علشان مش بحب اخسر الناس واقول فى يوم كانو قريبين منى وكانو اصحابى وكانو وكانو ....
فى اول يوم كليه اتصاحبت على بنت دلوقتى بعد مرور سنه ونص اهو كل اللى بيشوفنا بيفكرنا توأم

بس صحبتى دى ساعات بتحب تتكلم مع الناس وتتعرف على دى ودى فـ بتتصاحب على ناس ومفيش مشكله فـ كده طالما البنات دول كويسين ، بس اللى حصل بنت قربت مننا او من صحبتى دى جدا وانا تقبلت الموضوع عادى بس حصل موقف بايخ شويتين ان كان مطلوب مننا بحث من مكتبه الاسكندريه وكنا بنسال بعض على اسماء كتب نستفيد منها ومرة البنت دى قالتلى انها عارفه اسم كتاب تانى يوم قولت لصحبتى تسالها اسمه قالتلها لا ماعرفش اسامى كتب طبعا انا زعلت جدا وقاطعتها وهى انكرت كل ده واصحابى عدوها وكانهم مش مصدقين انهاتعمل كده
عدت الايام وبقيت اكلمها عادى ..
وبردو كان مطلوب مننا بحث بس جماعى ف اتفقنا احنا التلاته نعمله والبحث ده اخر يوم فيه يوم السبت ال هو امبارح انا كل يوم افكرهم ي جماعه البحث ويقولو ماشى يوم الجمعه الساعه 9بليل البنت دى لقيناها بتقول انا خلصت البحث بتاعى خلاص قعدنا نكلمها نفهم منها يعنى كل واحد لوحده او كده ماردتش طبعا زعلنا وبقينا بنلف حوالين نفسنا بعد حوالى ساعه لقيناها بتقول النت كان بيهنج بس ماردناش ولا هى ردت

دلوقتى هى حاولت تستعطف صحبتى وتقولها النت وانا كنت ناويه اكتب اسامينا عله وكلام تافه كله كدب
كل ده هيخلينى اخسر صحبتى لانى مش حابه البنت دى ، ومش عايزة اخسر صحبتى
اتعامل ازاى ف الموقف ده افيدوووونى

[كبريت]

صباحك سعيد اختي

بعد قراءتي لمشكلة حضرتك وعن شخصي
انا لو مكانك

اركز كل التركيز في دراستي ومستقبلي ومش اعتمد على لا صاحبي ولا صاحبتي
مع احترامي التام لوفاءك الطيب لصاحبتك وده يحسب اكيد ليكي

صاحبتك عايزاكي تبيع العالم عشانك
مش عايزاكي انسي امرها
وانتي قلتي انكم تعرفوا بعض قبل الاخت الجديده دي
اللي عفوا في الوصف ضحكت عليكم وعملت البحث لنفسها واهملت اتفاقها وياكم

دي لا صديقه ليكم
ولا تعرف اصلا يعني ايه صداقه
ولا تعرف يعني ايه التزام بوعد
ولا تعرف يعني ايه تقدير موقف ممكن يتحدد علية مستقبل في مادة ما
يعني بوضوح وحسم
انسانه مش مقدرة لا الصداقه ولا العهد ولا الموقف


يبقا الصح فورا يتعلم عليها علشان تعرف ازاي بعد كده تقدر اصحابها وتحترم وعودها
يتعلم عليها باللامبالاه والاهمال وعدم التعامل النهائي
وبالنسبة لصاحبتك التانيه الاقدم لو عايزاكي كما قلت لحضرتك هتبيعها وهي اصلا تتباع بصراحه وخصوصا بعد موقفها الغريب ده واهمالها وعد واتفاق وياكم

مش تاخدي اي موقف وانتظري رد فعل صديقتك القديمه اعترفت بغلطها وكملت وياكي اهلا وسهلا طنشت واهملت دوسي وبصي واهتمي بمستقبلك

مستقبلك اهم من اي مخلوقه طالما بالنهاية الامور كده

انا قلت مفهومي ولو مكانك هعمل كده

ملحوظة
لو البنت اللي وعدت واهملت رجعت واعذرت وتعاملت وياكم صح بعد كده
ربنا غفور رحيم

طالت في اساليبها تبقى مش صديقه خالص ولا تعرف يعني ايه صداقه اصلا


وبكل الاحوال
اتمنى لك كل التوفيق ويارب اكون قدرت اجاوب حل المشكله
ونهارك سعيد يارب

[سيناا]

صبـــــــــــــاح الخير اولا اختي


بتحصل اوي المواقف الي زي دي بكونوا اثنين انتيم وفجأة يدخل طرف


بعكر الآجواء


من وجهة نظري تعملي تجربة بالبداية تفهمي صديقتك القريبة منك


وتحكيلها كل شي ببالك وبقلبك عن هاي البنت الى سوت كثيييييير آشياء ممكن تخرب صداقتكم


حسيتها اقتنعت اوكيه


ما حستيها اقتنعت وبعدها زي ما هي معها


يبقي تحاولي بتجربة تطنيشهم هما الاثنين يومين كاملات


وان مانفعت هل التجربة ابدا يبقى تحكي مع مامة صحبتك القريبة منك او مع اختها

يعني اي حد قريب منها في البيت


بعرف الشعور الى ع تمري فيه صعب


بس لازم نحاول بكل الطرق ما نخسر اصحاب عزيزين علينا كرمال ناس ملهاش قيمة

[Lamees]

في ناس كتير كده ايه مش بتحب تساعد حد تاني
يعني انانية شوية ومعندهاش حاجة اسمها صداقة
انتي ابعدي عنالبنت دي ومتتعامليش معاها الا في حدود السلام
صاحبتك كمان سبيها براحتها وشوية كده هي كمان هتفهم نوعية البنت دي
وانانيتها وهتبعد لوحدها عنها

ربنا معاكِ وبعدين ما تعتمديش على حد
اعملي ابحاثك لوحد
يعني هي البنت دي احسن منك في ايه
وصباحكم كله امل ايوش

[.Lamar]

بصى يا اية يمكن انا حاسة بيكى و بزعلك على صاحبتك الوحيدة

اللى قربتى منها و خايفة تخسريها

البنت الجديدة دى حاولى تحرصى منها ما دام طلعت بتاعة مصلحتها

وكمان ممكن تضركم عشان هى تبقى احسن

بس حاولى تكونى هادية و تكونى متفرجة

لانها زى ما عملت موضوع البحث هتعمله غيره

ووقتها هتنكشف و الكل يبعد عنها و اولهم صاحبتك دى

يبقى الصبر و الهدوء و الحكمة

عشان متخسريش صاحبتك

[جنون قلب]

بصى احنــآ فى الحيــآه مش لوحدينـــآ
لآزم نشوف ده ونقـآبل دى ونعرف دى
عشان نتعلم من كل دول
ده فى مثل شعبى بيقولكت )( اتعلم الادب من قليل الادب
انتى مش صغيره وزى مـآ فهمت كليه وبحث ومكتبه واسكندريه
يعنى سنكت يسمحلكت أزأى تقدرى دى وتفهمى دى وتنفضى ل دى
عن صحبكـ التوأم دى )( أنتى لآزم تحذريهــآ لآن فى بنـآت كده
متسـآقين ورآ اى حــآجه
ولآزم تعرفيهــآ انهــآ لو غرقت مش هتغرق ل وحدهــآ طـآلمـآ آنتم صحــآب


امــآ بقى عن التانيه / والموقف البـآيخ ده
انــآ لو مكـآنكـ وشوفتهــآ فى الجـآمعه باللى لابسه فى رجلى
ده لو مكـآنكـ بس انا مآدمت مش مكـآنك
فـآنتى كده يا حاجه من الاتنين
يا بصرآحه كده وقلب جرىء انا مش عايزه اعرف تانى
بعد التنسيق مع صاحبتكـ
لو بقى بتتكسفوآ وكلآم بتاع البنـآت ده
عليكى بكيد النســـآ / وهتعرفى تكرهيـهــآ فى نفسهـــآ
بس كله ب الادب والحنيه مش اكتر من كده



اختى ايه اتمنى لكـ التوفيق فى كل شىء
دمتى فى امــآن الله
بس بالله عليك لو سمعتى كلآمى
فى حكـآيه انك تضربى البنت ابقى
اعملى موضوع واحكيلنــآ ايه اللى حصل
همسه فى اذنكـ )( انــآ بهزر فى الموضوع عشان اعرفك
ان الموضوع سهل جدآ جدآ ومتصعبهــآش على نفسكـ
ومتحمليش نفسك طـآقه تانيه عشان هى اضعف من انها تتحمل كتير
عايزه تأخدى الموضوع بشكل خفيف عشان تعرفى تتعاملى معاه
انتى لسه قدآمكـ كتير فى الدنيـــآ

بالتوفيق

[ابو نصير]

اقتباس المشاركة الأصلية كتبت بواسطة aya 7ekaya عندى مشكله مزعلانى جداا بجد انا كـآية يعنى مش بحب يكون ليا اصحاب كتير علشان مش بحب اخسر الناس واقول فى يوم كانو قريبين منى وكانو اصحابى وكانو وكانو .... فى اول يوم كليه اتصاحبت على بنت دلوقتى بعد مرور سنه ونص اهو كل اللى بيشوفنا بيفكرنا توأم بس صحبتى دى ساعات بتحب تتكلم مع الناس وتتعرف على دى ودى فـ بتتصاحب على ناس ومفيش مشكله فـ كده طالما البنات دول كويسين ، بس اللى حصل بنت قربت مننا او من صحبتى دى جدا وانا تقبلت الموضوع عادى بس حصل موقف بايخ شويتين ان كان مطلوب مننا بحث من مكتبه الاسكندريه وكنا بنسال بعض على اسماء كتب نستفيد منها ومرة البنت دى قالتلى انها عارفه اسم كتاب تانى يوم قولت لصحبتى تسالها اسمه قالتلها لا ماعرفش اسامى كتب طبعا انا زعلت جدا وقاطعتها وهى انكرت كل ده واصحابى عدوها وكانهم مش مصدقين انهاتعمل كده عدت الايام وبقيت اكلمها عادى .. وبردو كان مطلوب مننا بحث بس جماعى ف اتفقنا احنا التلاته نعمله والبحث ده اخر يوم فيه يوم السبت ال هو امبارح انا كل يوم افكرهم ي جماعه البحث ويقولو ماشى يوم الجمعه الساعه بليل البنت دى لقيناها بتقول انا خلصت البحث بتاعى خلاص قعدنا نكلمها نفهم منها يعنى كل واحد لوحده او كده ماردتش طبعا زعلنا وبقينا بنلف حوالين نفسنا بعد حوالى ساعه لقيناها بتقول النت كان بيهنج بس ماردناش ولا هى ردت دلوقتى هى حاولت تستعطف صحبتى وتقولها النت وانا كنت ناويه اكتب اسامينا عله وكلام تافه كله كدب كل ده هيخلينى اخسر صحبتى لانى مش حابه البنت دى ، ومش عايزة اخسر صحبتى اتعامل ازاى ف الموقف ده افيدوووونى

سيدتى ...........
العيب ليس فى هذه الإنسانه ولكن هل العيب عندما يكون فى قلبك
الحب والعطاء بدون مقابل هل هذا يكون عيبا.........
سيدتى......
أجمل شىء فى الوجود وعالم البشر العطاء بدون مقابل والحب الصادق
وكل من يستحق هذا العطاء منكى فهذه هى الصداقه الخالصه فلا تتئثرى بأفعال البشر ولكن سيدتى تتئثرى من فقد العطاء والحب للبشر
فنحن البشر نعيش الحياه بمرها وحلوها وأجعلى فى حياتك الحلو وأتركى المر
ولا تجعليه يعيش فى عالمك
تحياتى لموضوعك الذى يعالج عالم الصداقه
اخوكى ابو نصير

[الفيلسـوف]

السلام عليكم اختى القديره ايه
مبدئيا تتفق شخصيتك بالطيبه ف كل شى وتختلف شخصيه الناس من احد الى اخر

اولا
احنا كدع فهمنا الشخصيه اللى قدامها يبقى نحوال نعمل الىل عايونه وف نفس الوقت ما نخسر يعنى انا اتجنب الشخصيه التانيه وف نفس الوقت مااقطع صفحاتى

ثانيا
تتعلمى انى ف ناس بتبقى حابه تكون ف التميز افضل وهدفها انها تعطل الناس وخلاص
يبقى انا لما يبقى مطلوب منى حاجه اعملها ف حد حيذهب اهلا وسهلا حيعطلنى يبقى اشوف انا طريقى لوحدى

ثالثا وده الاهم
اوع سلوك معين يعكس شخصيتك ودائما نصيحه اخويه الطيبه شى جميل ولكن دائما اعرف انى الذى يدفعنى لطريقى هو انا وليس غيرى

وارجو طبعا تقبل كلامى ونصيحتى وربنا يوفقك للطريقك الاقوم والاصلح دائما

[dodedodo9393]

حاولى تفهمى صحبتك ان البنت دى مش كويسه

[رووكه]

جربت مشكلتك ديه ف الجامعه وف الشغل
ونفس الصحبه لما زهقت كلام وعتاب وتعبت
سبتها وبعدت فتره لحد ما هى عرفت ان البنت ديه
مش حابه تشوف اتنين مرتبطين ببعض قوى كده
ورجعت الامور عادى تانى بس مش هكدب عليكى
انا اخدت فتره لحد ما حسيت انها رجعت زى الاول واكتر
والبعد طول معايا شهور
محدش بيحس بيقيمه اللى كان معاه غير لما يفقده ومش
يلاقيه وقتها هى هتدور لما تحس انها هتخسرك
ربنا يكفيكى شر البنت ديه لان نوعيتها كتير الايام ديه
وحاولى مش تعتمدى ع حد وخلصى ابحاثك مع نفسك