اشمعنى انت يابابا ( مسابقة النقاش )

[كبريت]

السلام عليكم ورحمة الله وبركاته

انا كنت ناوي انزل التوبيك ده من فتره
رغم ان الموضوع ده حصل من وقت في بيت صديق ليا
وحصلت فيه مشاكل كبيرة جدا


التفاصيل بوضوح وبساطة


اسرة مكونة من اب وام وولد وبنت
اب انسان متحضر وعلى خلق وذو منصب مرموق جدا وانسان راقي تماما
ام سيدة فاضله ومهذبة وراقية اخلاقا وفكرا وتحمل الحب لكل الناس بشكل طيب
ولد في منتهى الذكاء المبكر ومنتهى العبقريه الفكرية واتواقع له مستقبل يفوق والده ان شاء الله
بنوته رقيقة للغاية وطيوبه ومرحبه وخجوله جدا



صحي الاب من النوم ذات يوم شم رائحة سجائر
استغرب واندهش جدا
نادى على الزوجه اللي كانت بالمطبخ لتحضير الافطار له وللاولاد
اتت الزوجه الجطيبة : نعم
فقال لها : في ريحة دخان سجاير حد جه !
فقالت : لاء الوقت بدري مين هييجي دلوقت ِ ؟
قام الوالد وبدء يتابع من اين تأتي هذه الرائحه وذهبت به قدماه لغرفة الابن فوجدة يشعل سيجارة ويتناولها بشراهه وشراسه !
اندهش الاب جدا وتوجه على الفور للولد ومسك منها السيجارة وضربة بالقلم على وجهه بقوة وقال له : ايه اللي بتعمله ده يا ولد ؟
رد الولد بكل قوة وسرعه : اشمعنى انت يابابا .............


جلس الاب مصدوما لا يعرف ماذا يقول للولد
فالولد ذكاؤة العالي فوق مرحلة عمرة السنيه
ساد الصمت وخرج الوالد من الغرفة


كنت في هذا اليوم سأتوجه لأخرج معه
ولما دخلت وجدته شاحبا وحزينا على غير العادة

وبالسوال مني له حكي لي ما حكيته بالاعلى ..


فقلت له الولد ما شاء الله عنيد ومتفوق وذكي اقوى كتير من مرحلة العمر
وانت لازم تتعامل وياه بشكل افضل
هو الولد أخطأ آه انما انت قدوة له وهو بيتعلم منك لانه قدوتة
نظز لي وقال : طيب والحل يا احمد ايه ؟
فقلت له : اما انك تشرب سجاير بعيد عنه او تقلع عنها فورا


المهم من يومها فعلا الاب اقلع عنها والولد كمان ابتعد عنها لانه شاف قدوتة في باباه


نقول الاسئله
ليه الولد تناول السجائر ؟
وايه يخلي طفل بمرحلة عمرية صغيرة بالحكمة والذكاء ده ؟
وليه الطفل اختار السجاير بالتحديد ؟
وايه الفايدة للطفل من عمل شيئ مضر للصحة حتى لو على طريقة القدوة ؟
وليه الاب اقتلع عن التدخين بعد الموقف ؟

الاجابات
الولد تناول السجاير لما شاف استمرارية باباه فيها
الذكاء المبكر لاي طفل ممكن يكون جينات وراثية او موهبه ربانيه
الولد طفل لماح وعفوي للغايه وطبيعي يقلد باباه
اختار السجاير لانه شاف باباه على طول ف ايده سيجار
الفايدة هنا ان الطفل جعل باباه المدخن لسنوات طويله اقلع عن التدخين نهائيا
الاب اقتلع عن التدخين لانه اقتنع بحكمة ابنه وحجته في الرد لما حصل الموقف


دي يمكن مشكله في اغلب البيوت المصريه المعاصرة
بس المصيبة بقا لو وصلت الجديد لتناول ما هو افظع واصعب ربنا يحف الكل يارب



ياترى في تعليقات او استفسارات او مناقشات على الطرح المطروح هنا من حضراتكم ؟



اتمنى نكون كلنا استفدنا واتعلمنا من الموقف


تقديري للجميع

[كبريت]

شكرا ليك ياعم نور
ومنتظر النجوم والتقييمات بقا من الكل

[big bốss]

الاباء دائما هم القدوه للابناء

فيجب ان يحب الاب كل خطوه يخطوها لانه يسير خلفه ظل و هو ابنائه

هنا الابن قام بذكاء و هو ليس مجرم و لكنه باحترافيه اصلح من حال ابيه

موقف يعلمنا الكثير

قصه رائعه كبريت

بالتوفيق فى المسابقه

[كبريت]

اقتباس المشاركة الأصلية كتبت بواسطة big bốss الاباء دائما هم القدوه للابناء فيجب ان يحب الاب كل خطوه يخطوها لانه يسير خلفه ظل و هو ابنائه هنا الابن قام بذكاء و هو ليس مجرم و لكنه باحترافيه اصلح من حال ابيه موقف يعلمنا الكثير قصه رائعه كبريت بالتوفيق فى المسابقه

فين النجوم والتقييم ياعم بقا
ياربنا ع البخل
شجعونا ياهوووووه مش شرط اكسب المهم التشجيع بقا

نورت ياعم نور
مساءك ورد بقا

[™Amiliya]

تقليد اعمى وغير وعي لكن الذعر ان الاب الي هو قدوة لازم يكون واخد بالو من كل حاجة وتصرف وسلوك
نحن نربي انفسنا مع ابنائنا

ودي حقيقة لو عايز ابنك سلوكيا يكون لازم تظبط سلوكك

وحاجة كمان لازم الاباء والامهات يعرفو ان ليس هناك شخصية مثالية
اه ابني زكي ومميز بس لازم يكون له غلظاته وهفواته الي من خلالها بتنمو شخصيته المستقلة
وافهام الابناء بالاقناع وليس الاجبار والذعر

التخبط الي بيحصل لما الابن يرتكب خطاء لازم يكون بعيد عن عين ابنه
لان الاب لازم يكون حكيم يتناول الموضوع بطريقة هادئة

يعني يقولو مثلا ان دي عادة غلط وتعال شجعني ابطلها الولد هنا ممكن جدا يساعد بباه
لانه شاركه في قرار مهم واعتمد عليه فيه

الله يهدي ابنائنا وبناتنا


توبيك قيم

[كبريت]

اقتباس المشاركة الأصلية كتبت بواسطة ايميليا تقليد اعمى وغير وعي لكن الذعر ان الاب الي هو قدوة لازم يكون واخد بالو من كل حاجة وتصرف وسلوك نحن نربي انفسنا مع ابنائنا ودي حقيقة لو عايز ابنك سلوكيا يكون لازم تظبط سلوكك وحاجة كمان لازم الاباء والامهات يعرفو ان ليس هناك شخصية مثالية اه ابني زكي ومميز بس لازم يكون له غلظاته وهفواته الي من خلالها بتنمو شخصيته المستقلة وافهام الابناء بالاقناع وليس الاجبار والذعر التخبط الي بيحصل لما الابن يرتكب خطاء لازم يكون بعيد عن عين ابنه لان الاب لازم يكون حكيم يتناول الموضوع بطريقة هادئة يعني يقولو مثلا ان دي عادة غلط وتعال شجعني ابطلها الولد هنا ممكن جدا يساعد بباه لانه شاركه في قرار مهم واعتمد عليه فيه الله يهدي ابنائنا وبناتنا توبيك قيم

هو فعلا تقليد اعمى
انما مش تنسي


الاطفال في المراحل المبكرة
بيتعلموا من اكتر حد هو اهاليهم
لانهم القدوة


وكان طبيعي الطفل يتعامل ويعمل كده
والحمد لله ان النهاية الاب اقتلع عن التدخين


سعيد بحضورك الطيب
واضافتك الانيقه

كل ودي

[أميرة محمود]

عقل الأبناء عامل زى الدفتر ال ورقه أبيض
والاب والام هم الاقلام ال بتكتب في الدفتر
يإما يكتبوا خير وإصلاح يإما شر وفساد
هذه هى فكرة القدوة بشكل جميل
وحكاية واقعية هادفة سلم التفكير كبريت

[كبريت]

اقتباس المشاركة الأصلية كتبت بواسطة أميرة محمود عقل الأبناء عامل زى الدفتر ال ورقه أبيض والاب والام هم الاقلام ال بتكتب في الدفتر يإما يكتبوا خير وإصلاح يإما شر وفساد هذه هى فكرة القدوة بشكل جميل وحكاية واقعية هادفة سلم التفكير كبريت

اضافه طيبة جدا اميرة
وحضور راقي تماما

ربنا يكرمك يارب
ميرسي جداااا

[انا جيجي]

منور يا عم احمد وربنا وانا اقول الدنيا ولعت لييييييييييييييييييييييييييييه

بص بقا ياعمووووونا

مشكلة التقليد الاعمى للابناء دى انا بعانى منها فى شغلى لاسف بحكم تعاملى مع الاطفال واطفال فى اصعب سن ليهم سن 6و7 سنين يعنى الام مثلا بتحط ميكاب

وهى خارجة البنت تعمل ايه تروح عند صابتها وتوحيها انها تعمل كده

او البنت ديجى المدرسة وحاطة بودرة كاملة وميك اب كامل بس خفيف

وعادى جداااااااااااااااااااااااااااااااا كل ده عشان شافت الام بتعمل كده

نجى بقا للابن بيشوف باباه بيضرب اخته او يزعقلها على طول يتحط فى دماغ الطفل انه يعمل كده مع اخته

عشاان ايه بيقلد باباه

بلاااش كل ده التفزيووووووووووووون وافلامه الولد بيشووووووف الضرب من هنا يقلده من هنااااااااااااا

مشكلة التقليد لالعمى دى بقت مشكلة العصر الحل بيكون من جوا الاسرة

[كبريت]

اقتباس المشاركة الأصلية كتبت بواسطة انا جيجي منور يا عم احمد وربنا وانا اقول الدنيا ولعت لييييييييييييييييييييييييييييه بص بقا ياعمووووونا مشكلة التقليد الاعمى للابناء دى انا بعانى منها فى شغلى لاسف بحكم تعاملى مع الاطفال واطفال فى اصعب سن ليهم سن 6و7 سنين يعنى الام مثلا بتحط ميكاب وهى خارجة البنت تعمل ايه تروح عند صابتها وتوحيها انها تعمل كده او البنت ديجى المدرسة وحاطة بودرة كاملة وميك اب كامل بس خفيف وعادى جداااااااااااااااااااااااااااااااا كل ده عشان شافت الام بتعمل كده نجى بقا للابن بيشوف باباه بيضرب اخته او يزعقلها على طول يتحط فى دماغ الطفل انه يعمل كده مع اخته عشاان ايه بيقلد باباه بلاااش كل ده التفزيووووووووووووون وافلامه الولد بيشووووووف الضرب من هنا يقلده من هنااااااااااااا مشكلة التقليد لالعمى دى بقت مشكلة العصر الحل بيكون من جوا الاسرة

اضافه طيبة منك انا جيجي
تسلمي يارب


ميرسي جدا