مجنونة

[أميرة محمود]

واحدة مجنونة
ساعات رايقة
وساعات مهمومة

أوقات بضحك من غير سبب
وأوقات بعيط ومليانة تعب

بكون فاهمة اوى وعارفة اتصرف
واكتشف انى ساذجة ولا اعرف

ولما استصعب على نفسي حاجة واقول مستحيل
في لحظة اعدى الصعب كله واكتر .. بمجهود قليل

متناقضة بشكل غريب
كأنى طريق بعيد وقريب

حيرانة في ثوانى اليقين
وواثقة مش بين البنين

يوم ضحكتى مالية المكان
ويوم ينزل عليا صمت الزمان

مش عارفة احلل شخصيات البشر
مع انى حافظة قوانين الدنيا الاثنى عشر

متفائلة حدود الملل
ومتشائمة حدود الشغف

حاسمة لأقصى درجة
ومترددة بنفس الدرجة


تفتكروا ابقا مجنونة
؟؟؟

[كبريت]

طبيعة النفس البشريه في متغيرات متجدده
ويمكن عشان بقينا في زمن تكنولوجي سريع للغايه
اغلب الامور بما فيها المشاعر اتغيرت


حتى الشعر كمان قدر كبريت يخترع نوع شعر جديد معاصر
حسب سرعة الزمن بقا

لما تشوفيه مثلا وهو يقول


فولوحس التفلحوس مشرئبا
فمهلز التهلموز مكرئبا
فتقاطر شرنقته عنبا
فتقوقر قوقورة مقرئبا
همرقة بالقوارق مقرئبا
اذا به يسموا بارادبا
مصمحلا متمخشلا معرئبا
مزولق منبشح معرئبا


طبعا حد هنا ممكن يقول كبريت عقلوا ساح او راح او سافر
اقولكم لاء بالعكس

دة ابداع ابتكار التجديد
انك لما تكوني مخنوقه اكتبي اي كلام وخلاص ويخرج شكل ما يخرج
دون حسابات
بلا تنظيم


كلنا كده متقلبين اما لظروفنا او لظروف الحياة نفسها
واهو اداين وريتك ازاي الشعر نفسوا اصبح كبريتي صرف

اضحكي بقا وبلاش كلمة مجنونة دي
معندناش حد هنا بالمنتدى مجنون خالص


ربنا يوهبك كل السعادة والجميع يارب اختي
تحياتي وكل الود

[العاشق الذى لم يتب]

ودوام الالحال من المحال
ولاحولا ولاقوة الا بالله العلى العظيم
لينا الله يااميرة
هو قادر يعدلها ويرضيها
كلام جميل
وحالة
تسلم الايادى

[ساحر الأحزان]

هو انتى يا محنونة اميرة

يا زهقانة

هو عموما احنا البشر طبعنا كدة

اقعدى مع نفسك

وراجعى تصرفاتك

وشوفى اية السبب

وحاولى تحليها

موفقة

[همس الحنين]

طبيعة البشر جميعهم

مابين الاستقرار والتوتر

وما بين الجنون ووالتعقل

ويومٌ ملبد بالغيوم

ويومٌ مشمس

لستِ مجنونه ولكنكِ انسانه كباقى البشر اجمع

قلمك راقى اميره

تقديرى وتقيمى

[Sea Pearl]

انتى رايقة كده
التنافض كويس فى بعض الامور
ومجنونة دى لما تتقلك اعرفى انك لسه صافية ونقية ومرحة

[Lamees]

امور عادية وبتحصل اننا نجد في انفسنا تناقضات
واحياناً نضل الطريق ونتوقف ولا نعلم الى اين الاتجاه
ولكن بعد هذة الوقفة وعلمنا بأننا تائهين
فهذا اول طريق الهداية

راقية

[.Lamar]

مجنونة بس ههههه

عدم الاستقرار على حال دة

يوضح ان مودك سىء كتير

معلش شوية و هتتعدل

ربى يصلح الحال

[شاعر الحب الحزين]

لا انتي مبدعة وشاطرة يا أميرة

لو الجنون بيعمل كل الإبداع ده يبقى مرحبا بالجنون

جنون رايق وإحساس جميل وتعبير اجمل واجمل

ربنا يوفقك ويسعدك يا أميرة

احترامي وتقديري

[همسه دموع]

هو كده كده انتى شقيه
ومجنونه اكيد هههههههههههه
بس عسوله والله ميررررررررررو
مش انتى بس على فكره فى كتير زيك
مش جنون هى حاله من الملل وانهارده زى بكره مافيش جديد
حاول تشغلى وقتك
تحياتى اعسوله