السيطره على تصرفات الاطفال منذ الصغر .. مسابقة النقاش

[احساسى صحيح]

اقتباس المشاركة الأصلية كتبت بواسطة big bốss انا هتكلم عن نقطة احتكاك الاطفال بالشارع افضل من حبسهم فى البيت لان دا هينمى مهاراتهم و فكرهم و هيثقل من شخصيتهم و يعلمهم اشياء كثيره غير حبست البيت الى رغم ايجابياتها الا انها لها سلبيات شديده و افضل طريقه لتربية الاطفال هى بسلوك درب القران و الاسلام موضوع مهم يا ياسر بالتوفيق فى المسابقه

فى العصر الحالى
اصبح صعب إننا نغلق على الاطفال ونحرمهم
إنهم يكونوا طبيعين ويحتكوا بالناس
ولكن الفكره نوعية الاصحاب اللى هيرتبطوا بصداقتهم
المفروض الاسره هنا يكون لها الاختيار من الاصحاب
ردك ونقطتك ممتازه نور
شرفت يا مان ..

[DESERT]

زى ما قولت قبل كدة الفكرة مش فى عدد الاطفال الفكرة فى تربية الاطفال .

نيجى بقا .. الطفل بياخد من البيئة اللى نشاء فيها تصرفاتة او بمعنى اصح بيتشكل .

بيقلد الكلام التصرفات من الاب الام الاخ العيلة المهم انة بيقلد اى تصرف سواء غلط

او صح .وبالمناسبة كل ما بتخلية من السن دة يتكلم وتديلة الثقة هيطلع ولد ناجح .

زى مثلا اديك مثال .. بتلاقى اطفال بتشتم الاكبر او بتقول الفاظ وتلاقى الاب والام
مش بتوجة الطفل للصح والغلط طبعا دة غلط هيطلع الطفل واخد على كدة .

يبقى دور الاب والام هنا انها بتوجة التصرف دة لتصرف سليم بمعنى اصح تعديل السلوكيات من الصغر ..

طيب نزرع ازاى فى الطفل سلوكيات سليمة او عادات حميدة وطبعا لو اتعود على حاجة فى الغالب بيستمر عليها طول العمر

تحاول تشرك الطفل فى اى نشاط من الصغر .تحاول تخلية يعبر ب ادب عن راية

تشاركة وتحفزة .انت من عينك هتعرف الطفل بيحب اية وتحاول تحفزة بى .

بس مرحلة السن دة من اخطر مما يمكن هى اللى بتشكل سلوكة بعد كدة .

نقطة هامة جدا ان الاطفال فى السن دة بيتحركوا كتير جدااا فا لازم يكون نشاط حركى

او رياضى عشان يطلع اللى جواة بجانب القراة ورسم لو بيحب .واهمية النشاط الرياضى انة بيكتسب احتكاك مع

اصحابة بيتعلم انة يعتمد على نفسة فكرة المشاركة لياقة من الصغر بتعملة نشاط

واشياء اخرى ونفس الاهمية للانشطة الاخرى بس فى الغالب الطفل بيحب الحركة ..

طيب يخرج ام لا للشارع ؟؟ طبعا يخرج لسبب انى لو قفلت علية بعد كل دة

هيطلع مهزوز عندة انطواء مش عارف يتعامل مع الناس .لا انا لازم اخرجة واتابع

بجانب انك تزرع فى ازاى يحب اصحابة ازاى يكون متعاون الصلاة من الصغر .وفى نفس الوقت

سيب طفلك يعيش سنة .لو بيحب برامج الاطفال يتفرج فى اوقات معينة .

المهم انك تسيبة يعيش سنة كل دة طبعا لازم متابعة واهتمام من الاب والام ..

طبعا دة مختصر لحاجات كتير جداا فى التربية السوية للطفل

[(طائر الشرق)]

ما هو افضل اسلوب فى التعامل مع الاطفال
خاصا من بعد العام التانى بداية تعلمهم النطق
والتعلق بالاشياء ؟

والله كله بيتوقف على تفكير الأب والأم ورتباطهم ببعض وسلوكياتهم

الطفل ده عجينه بتتشكل فى قالب القلب ده هو البيت والجو المحيط

بالبلدى كده الطفل بيجى مع الحنيه بيتقبل الأمور ببتسامه لكن للأسف

أغلب الأباء والأمهات من أو ما يخلفو عايزن الطفل يبقى راجل مع أن الطفل

لازم يعيش الطفولة وكل المراحل السنيه بشرط يتزرع فيه التعاليم الدينيه

ومعاها هيتعلم كل شئ من نظام وحفاظ وحقوق

هل الحفاظ على الطفل فى المنزل
افضل له من الاحتكاك بالشارع
ام الشارع يثقل شخصيته اكثر ؟

لابد من الحفاظ على الطفل فى البيت لسن معين حتى يستطيع ان يفرق

بين الصح والغلط والتصرف السليم ربما لا نخشى عليه من الشارع فى ظل

الظروف والجو الملوث فى كل الشوارع

طرح جميل وراقى أخى الفاضل

خالص دعواتى لك بالتوفيق والسعادة

[احساسى صحيح]

اقتباس المشاركة الأصلية كتبت بواسطة همسات فوق القمر ما هو افضل اسلوب فى التعامل مع الاطفال خاصا من بعد العام التانى بداية تعلمهم النطق والتعلق بالاشياء ؟ اعتقد فى المرحله دى الطفل بيحتاج تنمية بعض المهارات زى قوة الملاحظه ومحاولته تقليد كل تصرفات الام والاب بيحتاج انتباه اكثر من الام ومحاولة ايجاد افضل طرق لتنمية الذكاء هل الحفاظ على الطفل فى المنزل افضل له من الاحتكاك بالشارع ام الشارع يثقل شخصيته اكثر ؟ مش الشارع بمعنى الشارع بس الافضل انه يحتك بالعالم الخارجى لان صعب يبقى داخل المنزل من غير تعرض للاخرين بس الاحسن ينضم لنادى ما هى افضل الهوايات التى يجب تعليمها للطفل منذ بداية تعرفه على الاشياء ؟ غالبا الهويات الحركيه زى رياضه معين لان كل ما بتكون اصغر كل ما بتكون افضل عندك مواهب زى سرعة الاستياعب والحفظ ودى بتحتاج رعاية من الاب والام واهتمام كبير موضوع قيم تسلم ياسر

تمام بسنت انا معاكى فعلا
الاهتمام بالطفل فى المرحله الصغيره
خاصا تقليد الاب والام
فلازم فعلا ينتبهوا للنقطه دى
لأن دى مرحله بيتشكل فيها سلوك الطقل
اسعدنى رأيك بسنت
تحياتى ..

[احساسى صحيح]

اقتباس المشاركة الأصلية كتبت بواسطة اطياف الماضي ما هو افضل اسلوب فى التعامل مع الاطفال خاصا من بعد العام التانى بداية تعلمهم النطق والتعلق بالاشياء ؟ في الفترة دي الطفل الصغير بيكون عنده سرعة بديهة وقدرة على التعلم والحفظ والتلقين ويكون مستمع جيد لما يقال له ولابد ان يستغل هذا الأم والأب بأن نجعله يحفظ القرآن بالتلقين ان نتحدث معهم عن الذي يجب فعله والذي لا يجب فعله ان نعودهم على مشاركتنا للصلاة كحركات كي يرسخ في ذهنه باهمية هذا الفرض كما اننا يجب ان نظهر امامهم بمظر مثالي فنراعي في كلماتنا عدم الخرج ونراعي ايضاً في حركاتنا ان تكون سوية مقبولة لدى الطفل بحيث انه يستطيع ان يقلدها دون خوف هل الحفاظ على الطفل فى المنزل افضل له من الاحتكاك بالشارع ام الشارع يثقل شخصيته اكثر ؟ طبعاً الشارع ده امر غير مقبول زي ما الشارع هيثقل شخصيته هيعلمه سوء الاخلاق وده غير مقبول طيب ايه البديل هيكون في احتكاك في الحضانة وفي المدارس وفي النوادي هيكون افضل من الشارع بكتير ما هى افضل الهوايات التى يجب تعليمها للطفل منذ بداية تعرفه على الاشياء ؟ انا عمري ما هفرض على الطفل حاجة هو مش ميال ليها هستنى اشوفه بيحب ايه وبيطلع لأيه وقتها دوري اني انمى الموهبة دي فيه شكراً للطرح موفق

عندك حق يا رونى فى نقطه مهمه
إن الطفل فعلا فى مرحله معينه بيكون قادر على الحفظ وتقبل التلقين
علشان كده لازم الاب والام يستغلوا الفتره دى
فى تحفيظه القرآن وتعويده على العادات الطيبه
اشكر رأيك الراقى
تحياتى لكى ..

[كبريت]

الظروف الاجتماعيه والتكنولوجيه حوالينا
وصلت تعقيدات الامور في علاقاتنا المجتمعيه لاحوال صعبه

حتى ف تربية الجيل الجديد
في مشقه
تمرد منهم
ويمكن انا شايف الوضع بشكل مختلف
وبرغم ان ظروفهم بكل شيئ احسن كتير من الاجيال السابقه
الا ان حاجات حلوة كتير للاسف مش قادرين يستوعبوها


توبيك قوي جدا
بحييك اخي

[احساسى صحيح]

اقتباس المشاركة الأصلية كتبت بواسطة توحد ارواح ما هو افضل اسلوب فى التعامل مع الاطفالّ خاصا من بعد العام التانى بداية تعلمهم النطق والتعلق بالاشياء ؟ الطفل بيحتاج معامله خاصه ولازم الام تكون مهياه للقيام بدورها خير قيام لان مرحلة الطفوله الاولي من اصعب المراحل لانه من شب علي شئ شاب عليه هل الحفاظ على الطفل فى المنزل افضل له من الاحتكاك بالشارع ام الشارع يثقل شخصيته اكثر ؟ مهما غرست ف الطفل قيم ومبادئ لو اختلط باصدقاء السوء بيتدمر تمام عكس الصحبه الصالحه يعني المهم نوعية اصحابه ف الشارع ما هى افضل الهوايات التى يجب تعليمها للطفل منذ بداية تعرفه على الاشياء ؟ كل سن ولها هوايتها يعني ممكن يتعلم الرسم بسيط كدا ويلون بيكون مبسوط وكمان ممكن السباحه او الكراتيه وكمان مهم جدا يتعلم حب القراءه حتي لو يتفرج ع الصور في قصه طرح قيم تحيتي وتقديري

تمام ندى
الام فعلا بيقع عليها عبىء كبير جدا فى التنشئه الاوليه
وفى إختيار الاصدقاء
وفى كيفية إختيار الموهبه إللى تناسب الابن فى المراخل الاولى
إللى بيتشكل منها الطقل

شكرا ندى على ردك القيم
تحياتى وتقديرى ..

[احساسى صحيح]

اقتباس المشاركة الأصلية كتبت بواسطة أميرة محمود اعتقد أحسن أسلوب في تربية الأطفال انه يجرب ويغلط ويقع في مشاكل ويتعلم بنفسه من خلال اخطائه ويفكر ازاى يخرج من المشكلة ويحلها وياخد فرصة يتعلم كل الهوايات وفي الاخر هو ال يختار الهواية المناسبة له هو بنفسه احساسي صحيح موضوع حلو ونقاش لذيذ سلم الفكر

هو ممكن اننا نجرب الاسلوب ده
لو كان يمارس رياضه معينه
ولكن انا باتكلم عن التربيه عموما
اللى لازم يكون للاب والام الدور الاكبر فيها
شكرا لاضافتك اميره
نورتينى

[احساسى صحيح]

اقتباس المشاركة الأصلية كتبت بواسطة sama. صح الفقر ملوش علاقه لكن البيئه بتأثر وموش فيه قاعدة تعمم ف التربيه كل واحد حسب بيئتو مينفعش تحبس ولد ف البيت وهو عايش ف حي شعبي فنفس الوقت الاحياء التانيه معندهومش العادة دي بشوف ان التربيه ع مبادئ الدين اهم حماية للطفل ثانكس ع الموضوع

عندك حق سما
البيئه لها دور كبير فعلا فى التنشئه
ولكنى اقصد ان الطبقه الكادحه
خرج منها علماء اثروا المجتمع بعلمهم
رغم تنشئتهم فى بيئه فقيره
الاهم هو دور الاب والام
اشكر مرورك القيم
تحياتى ..

[احساسى صحيح]

اقتباس المشاركة الأصلية كتبت بواسطة ابو نصير ثلاث أشياء مهمين من وجهة نظرى المتواضعه....... الأسره ..المدرسه ........ الشارع إفترض بسيط تربية الطفل فى الأسره على عدم الكذب والصدق وخرج هذا الطفل الى الشارع وجد بعض البشر كاذبون ماهو شعور هذا الطفل ؟؟؟؟؟؟ علمته على النظافه ووجد المكان الذى يتعلم فيه من أقزر الأماكن ماذا يفعل؟؟ وهذا الطفل أيضا علمته على أحترام الناس وخرج إالى الشارع فوجد بعض الناس غير أدمين فى التعامل ماذا يقول لرب الأسره ........ من وجهة نظرى فى تربية الأطفال أن نزرع بذرة الإيمان فى عقله لكى يترسخ فى أعماقه ومهما حصل من تغيرات فى المجتمع لن ينقلب هذا الطفل على الحياه ويتواصل معهم بالثقه فى النفس لأن بذرة الصلاح من رب الأسره لا تفسد عليه حياته ولذلك يكون هذا الطفل سوى ولا يفسد الحياه فى هذالمجتمع ولا حياته تحياتى وتقديرى ياسيدى على موضوعك الذى يعالج أول نطفه فى الحياه وحياة الذين يحيون من هؤلاء الأطفال فى وطن أمات وأقبر الطفوله أبو نصير

هما الـ 3 اشياء دول
المكون الاساسى لأى انسان بالعموم
لأنه فى طريقه لأن ان يكون شاب يرجى منه مستقبلا
يجب ان يمر بهم
لذلك لا بد ان يكون هناك حرص كبير فى التوجيه
ليسلك الطفل المسلك الصحيح اثناء مروره بتلك الاماكن
الف تحيه لك ابو نصير
نورنى وشرفنى نقاشك الهادف ..