( morshooo ) و ( صفحات الاعضاء تانى 10) ^_^

[morshooo]

بسم الله الرحمن الرحيم

مزاج الخير

اهلا بيكم وحلقه جديده من

( morshooo ) و ( صفحات الاعضاء )

الموسم الثانى



تعالو نشوف جبتلكم ايه النهاردة


مفيش اجمل من الشعر يا جماعه

خاصه ان معانا فى المنتدى اعضاء

بتموت فى الشعر ودا بيظهر فى الاقسام

وكمان فى المدونات بتاعتهم

بس انا ساعات بشوف كلام غريب الحقيقه

أزج زلوج هزرفى زفازفُ

هزف بيذ الناجيات الصوافنا

مين ؟

ودا من ايه طيب يعنى هو زعلك

والا كان بيحبك وفجاة قالك أزج زلوج

والا فى مشكله عائليه عندة

فهمينا طيب فى ايه بس

ده من عيوب الشعر الجاهلى

عمال يوصف سرعة حصانه لما اتخنقت منه

دا كدا كان بيوصف سرعه الحصان

امال لو بيقول لحبيبته شعر كان قالنا ايه

وبعدين انتى بنفسك قولتى اتخنقتى

احنا عملنالك ايه عشان تطلعى خنقتك علينا بس

همسات فوق القمر




مش عيب يا جماعه اننا نتغير احنا فى ثورة قامت

لا ثورتين فأكيد هنتغير وتحيا مصر تحيا مصر

تحيا جمهوريه منتدى بنات مصر

انا حابس الكلام بقالى كام يوم

لأنى شايف كمية الحزن او الزعل الحاليه من وقت التكريم

ويمكن من قبله كمان

حابب اقول حاجه بس

انا كنت كده فعلاََ فى اوائل تسجيلى

ولومش لقيت اسمى مع المكرمين بكون غضبان اوى

وجوا نفسى بتهم الاداريين بالظلم

اه والنبى ياخويا الناس زعلانه

لدرجه ان الى اتكرم زعلان كمان

بس انتا كنت بتغضب ليه وبتقول ان الادارة بتظلم

بس معلش طيب اكتشفت ايه بعد كدا عشان الاعضاء تعمل زيك

لكن الواحد مع الوقت بينضج من المواقف

والاحتكاكات وبيتعلم وشخصيته بتتشكل بطريقه افضل

وحكمه على الاشياء بيكون فيها بُعد نظر

يعنى الواحد مننا لو فكر شويه ببساطه

هيلاقى إن المكان ده مكان للترفيه

ومتنفس للمشاركه الوجدانيه بينا وبين بعضنا

فرحنا احزانا إبداعتنا ضحكاتنا وده سبب بقاء الكثيرين هنا

فا ياريت يكون ده الهدف الاسمى

اه والله عندك حق دا مكان للترفيه يا جماعه

فكرو شويه بقى وسبوكم من التكريمات حتى

لو تم تجاهلكم فيها اتفضل كمل سيدى

اكيد احنا بنى ادمين وعندنا مشاعر ولازم يكون لها تقدير

ومعظم إللى زعلان له الحق

ولكنى بطالب ان يكون الزعل مؤقت

وما يكون له تأثير على علاقتنا ببعض

واى عضو من داخله قال انا مش هكتب تانى

زى ما انا عملت قبل كده بردوا نتيجة مواقف حصلت معايا

من قبل وندمت

بس للاسف الخسران الاكبر انتا نفسك لأن بعد البعُد

العوده بتكون صعبه

لكنك بتطالب اه صحيح نسيت انك بقيت

( متحدث بصوت الاعضاء )

لا بس بصراحه كلمتين حلوين وانا مع ترشيحك على فكره

بس مش هقدر احكم عليك الا بعد فترتك

وساعتها هقولك انتا فعلا الكلام دا من قلبك والا

( اتغيرت مؤقتا )

احساسى صحيح




ساعات فعلا فى مواقف بتخلينا نضحك جدا

مع ان مفيش نكته والا حاجا اتقالت بس اهو

موقف بيخلينا نضحك لدرجه الصرع

انا مضحكتش علي توبيك في الخزعبلات ولا اليوميات

زي ما ضحكت علي التكريم الاداري

طبعا التكريم مش مقبول

وبعتذر لنفسي علي وجود اسمي في النكته دي

وطبيعي هرفض الوسام

ومش هيتشال

وحوارات مش هتثمر غير بحرق الدم

وتحرقى فى دمك ليه يابنتى

عموما هتوحشينا يا غاليه وماتقلقيش

هنفتكرك يومين وهننساكى وبعد اسبوع والا حاجا

هترجعلنا بالسلامه زى ما انتى

المهم بس سؤال ايه الى طلعتى بيه من المنتدى

انا اخدت من هنا 4 صحابات

فعلا فخورة بمعرفتي بيهم

واتعرفت علي شخصيات في منتهي الذوق

والاخلاق

واتعاملت مع ناس محترمه اوي كان نفسي

نقرب اكتر

من فترة كمان غيرت الاكونت بتاعي علي الفيس

وبئه لصحابي اللي بعتز بيهم اللي هما اخواتي واخواتي

يالا اشوفكم علي خير بئه


وفى اخر حوارنا نتمنالك رحله سعيده

وترجعلنا بالسلامه ان شاء الله

وماتقلقيش زى ما قولتلك يومين وترجعلنا ومكانك محجوز

انتى فى بنات مصر مش فى منتدى غرب يعنى

Nefertiti




مفيش احلا من الكلام الحلو يا جماعه

انا حتى بحب اقول حلو للناس بس مش بقول

كدا غير للمدام طبعا لكن الى لسه مش اجوز

عادى لما يقول كلام حلو لحد


تسلل إلى داخلي

تغلغل في حناياي

يا رجلا سلمته مفاتيح كل مغاليقي

ومنحته كل أنفاسي

وفقط احتفظت بالبقايا

انا بيعجبنى جدا الكلام الحلو دا

تسلل تغلغل ايوة دا الكلام العنب

لكن السؤال هنا ودا سؤال مهم جدا

منحته كل انفاسى

افرضى بقى اليوم دا كنتى واكله ( بصل )

هيعمل ايه هو بقى

هاديه




فعلا يا جماعه الواحد ممكن يضحى بكل حاجا

عشان خاطر حاجا تانيه انا رغم الظروف

ورغم الصعوبات ورغم الكل حاجا ورغم

ان كل حاجا مخلايانى مش فاهم حاجا

بس لازم ادخل المنتدى وهنا يتقال عليه

انى بضحى بحاجا عشان الحاجات التانيه

بس برضو حاجه المنتدى اهم

مش زعلانه بس فعلا موجوعه من جوه و

مخنوقه ولما اتخنق ما احب اتواجد

بس انا حابه اقول اعترف اني مقصره

جداااااا في الردود على االمواضيع

بس غصب عني لان انا بالقوه انزل موضوع والردود

صعبه جدااا علي

لا والا يهمك المهم انك بينا وكويسه

وبنطمن عليكى بس معلش اصل انا متطفل

هى ايه الصعوبات دى

الكيبورد عطلان

تواجدي هنا بصعوبه

ومتواجده بس حتى اتابع الرقابه

والمسابقه

وانزل افكار بس

لا حول والا قوة الا بالله

الصعوبات ان الكيبورد عطلان

معلش احنا اسفنلك والله يعنى الكيبورد عطلان

وانتى متواجده عشان الرقابه والمسابقه

اه صح دى اكيد الحاجات دى مش محتاجه كيبورد بقى صح

لذلك تسجيل خروج موقت لحد ما تفك خنقتي

من المنتدى

بس اتاكدو اني اتواجد برغم المفروض ما دخل لحد

ما يصلح جهازي


طيب بس عشان انا قربت اعيط والله

بس هعيط عشان اول كلامك افتكرت انك تعبانه

طلع كل دا عشان ( الكلب ) الكيبورد

مخنوقه عشان الكيبورد ابت يابنتى شباب المنتدى

لما الكيبورد بيبوظ بنقلبه على ظهره ونديله بالشبشب

بيشتغل لوحده

Arco Baleno



وبكدا بتخلص حلقه النهاردة

ماتقلقوش لسه

الى جاى احلا

[.Lamar]

مش سايب حد فى حاله

الاعضاء هتبطل تكتب قريب

بس حلقة حلوة اخى

شكرا ليك

تحياتى وتقديرى

[أميرة محمود]

هههههههههه
مش عارفة اقول ايه والله
عليك تعليقات مش معقولة
بتجيب الكلام دا منين
حلقة جامدة
والتعليق دا هفضل اضحك عليه 3 ايام
ههههههههههه

مخنوقه عشان الكيبورد ابت يابنتى شباب المنتدى

لما الكيبورد بيبوظ بنقلبه على ظهره ونديله بالشبشب

بيشتغل لوحده

[جنون قلب]

بتهيالى الناس تقفل مدونتها احسن
من الفضايح دى
تسلم ايدك يا موروشو
عنيك لمـآحه والله يا ابنى
بالتوفيق ليك ان شاء الله

[غربة روح]

ههههه
مجهود جميل واجمل حاجه اني ضحكت وانا
ماليش نفس اضحك
دا الواحد ياخد باله بعد كده من كلامه
ربنا يجعل كلامنا خفبف عليك
تحياتي ع الحلقه الجامده دي

[™Amiliya]

هههههههههههه تصدق انت من اكبر الأسباب الي خلتني اخد بالي
تخض يامررشو الواحد بيدخل هنا وايدو ع قلبو من تريفتك هههههههه

[الملكة كيلوباترا]

مجهود عالى منك يامارشو
وكلام احساسى صحيح فعلا صح
وانا كنت كدة بردو فى فترة كدة بس اتعودت عادى وعرفت ان الادارة مش بتظلم ولا اى شئ
لغاية مابقيت مشرفة والحمدلله ودة بفضل الادارة
ورجعت لنشاطى تانى لان غيبت عن المنتدى فترة بسبب ظروف دراسية وصحية كثير
والكيبورد دة ارميه من البلكونة ياحورى

[رووكه]

انت الحلقه ديه جبت مشاكل
مش مواقف هههههههههههه
ارحم ترحم يا برنس :d
تسلم ومنتظرين الحلقه الجايه

[همسه دموع]

ههههههههههههههههههههههه

انت مش هتبطل
حرام ابعد عن هاديه بقى
بس نفرتيتى هترجع ومتاكده هتاخد حقها منك
ههههه
تحياتى مورشدى

[همسه دموع]

اقتباس المشاركة الأصلية كتبت بواسطة أميرة محمود هههههههههه مش عارفة اقول ايه والله عليك تعليقات مش معقولة بتجيب الكلام دا منين حلقة جامدة والتعليق دا هفضل اضحك عليه 3 ايام ههههههههههه مخنوقه عشان الكيبورد ابت يابنتى شباب المنتدى لما الكيبورد بيبوظ بنقلبه على ظهره ونديله بالشبشب بيشتغل لوحده

بالشبشب
انتى بتجيبى الكلام ده منين ههههههههههههههه
ربنا يستر عالينا من شقوتك