القدوة المفقوده (مسابقة النقاش)

[توحد ارواح]

السلام عليكم ورحمة الله


بداية فكرة المسابقه عجبتني لانها بتطرح قضيه حيويه
وهي المشاكل الاسريه التي لا يخلو منها اي بيت خاصة وسط
ضغوطات الحياه المتتاليه وانحدار الاحوال عامة من سئ لاسوء
وكان من الطبيعي ينعكس اثره السلبي علي الاسره باكملها




طبعا كلنا يسعي الي تكوين اسرة
وفي خيالنا تكون سعيده ولكن الواقع يفرض نفسه بمشاكل وخلافات
ولو جينا مسكنا الموضوع ونشوف المشاكل دي بتنشأ من ايه ونحاول نلاقي حل



بالمختصر المفيد نقول ان المشاكل الاسريه عموما تنشأ من اسباب كتيره اهمها
غياب القدوه داخل الاسره او موت الاب وزواج الام باخر او العكس
او تقصير احد الابوين ف تربية الابناء بالانحياز لاحدهم او التدليل الزائد
او سفر الاب خارج البلاد لفترات طويله او تهميش دور الاب وسلبيته
وكذلك المعامله القاسيه للابناء مما ينتج عنه احيانا مشاكل نفسيه




عموما ده مجمل وهتكلم دلوقتي تفصيلا بعض الشئ
عن سبب اساسي و مهم جدا ويمكن ف رأيي الشخصي اهم سبب
الا وهو القدوه واثرها ف تربية الابناء


الله سبحانه وتعالي ذكر في كتابه العزيز

( ومن آياته ان خلق لكم من انفسكم ازواجا لتسكنوا اليها
وجعل بينكم مودة ورحمة )


اشارة الي تكوين اسره قوامها الموده والرحمه لان البيت المليان
حب وحنان وموده ورحمه هتبقي فيه روح الالفه والولد يطمئن
عكس ذلك الاولاد هينشأوا مضطربين نفسيا وتكون بداية مشاكل



ومن هنايجب ان يكون الآباء خير قدوة لاولادهم و خير مثال يحتذوا به
وقد يتكلم الانسان ويعظ وينصح ولكن المهم اعماله وسلوكه واخلاقه
هي أبلغ في التاثير من الف موعظه يعني لازم الاقوال تتفق مع الافعال



بمعني الاب قبل ما يقول لابنه يصلي ويقرا قرآن
لازم يشوف ابيه يصلي وماسك المصحف يقرا فيه



وكذلك الام مثلا قبل ما تؤمر بنتها تلبس الحجاب
لازم الام تكون محتشمة وملتزمه
او لو طلبت منها الام مش تكذب عليها لازم الام تكون صادقه
والبنت تلمس ده فعلا وتحس بيه




لان الانسان بطبعه بيبقي عاوز مثل اعلي وقدوه
والابن ان لم يجدها ف البيت يبحث عنها خارجه



المفروض الاب والام يتقوا الله ف اولادهم
مش الفلوس هي كل حاجه ولا هيا عيشه وخلاص
لا٠٠٠٠ هناك منظومة قيم اساسها الدين و الاخلاق و المعامله

لاننا بنبني اسره لازم اساسها يكون سليم و قوي
علشان مش اي مشكله صغيره توقعها وتهدمها



الاولاد ينظروا الي الافعال والسلوك قبل الكلام ويريدوا ان يقلدوا
ويتاثروا بهذه القدوه ولها اثر عظيم ف النفس وان لم يجد الابناء
هذه القدوة ف البيت يبحثوا عنها خارجه وهنا مكمن الخطر

بالنهايه الولد او البنت تبع البيئه الذي يعيش فيها
فان صلحت اخرجت ابناء اسوياء
والبيت ينعم السكينه و الاستقرار والامان
وتقل المشاكل وتعديها بسلام


ولنا ف رسول الله قدوة حسنه

::::::::::: ::::::::::::: :::::::::::::::

محور النقاش

هل القدوه السيئه بيكون تاثيرها اكبر علي الابناء

هل ممكن يكون البيت كله صالح وتلاقي الابن سئ


هل فاقد الشئ لا يعطيه

الاب يتعب ويكد ويتغيب عن المنزل فترات طويله
هل الفلوس و الرفاهيات تكون عوض عن الاب



هل مواقع التواصل الاجتماعي احدثت فجوه بين الاباء والابناء
بحيث اضعف تاثير القدوه



دمتم سالمين

[رووكه]

هل القدوه السيئه بيكون تاثيرها اكبر علي الابناء?

طبعآ بيآثر وخصوصآ لو كآن القدوه الاب .. بنلاقى من ناحيه تآنيه
آن فيه آمهات بتحآول تعدل ع الأب وتظهر الأحسن منه قدام ولادها
بس آكيد بيكون فيه جزء مهما حآولت تخفيه هيظهر ويآثر عليهم

هل ممكن يكون البيت كله صالح وتلاقي الابن سئ

آكيد فيه مثل بيقول يخلق من ضهر العآلم فآسد

هل فاقد الشئ لا يعطيه

مش ف كله بس فيه ناس فاقده الرحمه والحنان
فتلاقى قلوبها جاحده وعمرها ما هتحس بوجع غيرها

الاب يتعب ويكد ويتغيب عن المنزل فترات طويله
هل الفلوس و الرفاهيات تكون عوض عن الاب

طبعا لا لانه بالنسبه ليهم هيكون مجرد اله تحقق طلباتهم
صفته كآب آنعدمت لازم يحتوى ويوفر ليهم حنانه

هل مواقع التواصل الاجتماعي احدثت فجوه بين الاباء والابناء
بحيث اضعف تاثير القدوه

آكيد بنسبه كبيره كنا الاول كلنا نتجمع نتفرج ع tv
او نحكى ونهزر دلوقتى تلاقى كل واحد معاه فونه
لابه وآعقد يتابع وحتى لو حد اتكلم تلاقى الرد من غير تركيز

يآرب آكون وفيت ف الرد
موفقه حبيبتى وموضوعه مهم جدآآآ

[همسه دموع]

اقولك حاجه بعيد عن الاباء
بجد يمكن اغلب يومى هنا انا بتكلم عن نفسى
النت وسيله بجد ان الوقت يضيع بس بستفيد منه
طب اقولك حاجه تانيه انا مش بشوف كتير من اهلى بس
كل يوم تقريبا مع بعض على النت
مش عرفه بس هى دى الحقيقه

[العاشق الذى لم يتب]

والقدوة تتركز فى مدى قوة الايمان والصلة بالله سبحانه وتعالى
كلماكانت الصلة بالله قوية
كلماكانت قدوة المرء صالحة
فى جميع مناحى الحياة والتصرفات
ولكن البعد عن الله جعل الكل يفقد القدوة الحسنة
شكرالك
ندى
طرح عظيم
مودتى

[™Amiliya]

القدوة مسئولية ومش سهل الابن يحس ان باباه او ممته قدوة ليه مكن يكونو كويسين وكل حاجة بس هو مش حاسسهم
المهم في القدوة انه يكون قادر ع توصيل رسالته بدون فرض

حاجة كمان القدوة السيئة اكثر تاثرا لان عملها مرغوب وكل ممنوع مرغوب
حتى وسائل الاجتماعية جعلت الفجوة اكبر لعدم دراية الاهل عن اولادهم

لو الاهل يقدرو يكونو جزء منها بمشاركة ابنائهم هتبقى شيء مختلف جدا في حياتهم واقل ضرر



بحييك ع التوبيك توحد

[غربة روح]

محور النقاش

هل القدوه السيئه بيكون تاثيرها اكبر علي الابناء

اكيد بيكون تاثرها سيء جدا ولو الاب مش قدوه حسنه لاولاده
الاولاد بياثروا بيه

هل ممكن يكون البيت كله صالح وتلاقي الابن سئ

ممكن اوي لان صوابع اليد مختلفه

هل فاقد الشئ لا يعطيه

مش في كل الاحوال اوقات بتلاقي زوجه لا تنجب
وعندها حنان مش عند اي ام تانيه


الاب يتعب ويكد ويتغيب عن المنزل فترات طويله
هل الفلوس و الرفاهيات تكون عوض عن الاب

لا طبعا الاب اساس البيت كله وله تاثير كبير واهميه كبيره
والام لوحدها لا تستطيع سد فراغ الاب


هل مواقع التواصل الاجتماعي احدثت فجوه بين الاباء والابناء
بحيث اضعف تاثير القدوه

كتير جدا للاسف بتلاقي كل واحد فيهم مع نفسه
عالم تاني للاسف بيستغل خطا


موضوع هاااااااادف وقضيه العصر
شكرا توحد
تحياتي

[big bốss]

القدوه هى الاساس فى التربيه

و دائما هم الاباء قدوه لابناءهم و ان لم يكونوا كذالك فلن يكونوا لهم مكانة تقدير او احترام

و مهما كان تقصير الاب و عدم وجوده لا يعوضه شىء حتى الام

موضوع مهم ندى

بالتوفيق فى المسابقه

[همس الحنين]

هل القدوه السيئه بيكون تاثيرها اكبر علي الابناء


اكيد بتكون لها تأثير سلبى كبير وعامل مشترك فى تكوين شخصيه مهزوزه

هل ممكن يكون البيت كله صالح وتلاقي الابن سئ

ممكن حسب الصحبه خارج البيت فى ابناء فسادها بيكون من الخارج مع ضعف الشخصيه
هل فاقد الشئ لا يعطيه
اكيد صعب يكون اب بيكذب ويمنع ابنه الكذب

الاب يتعب ويكد ويتغيب عن المنزل فترات طويله
هل الفلوس و الرفاهيات تكون عوض عن الاب
لالالا نهائى توحد وجود الاب عامل رئيسى لا يحل محله اى انسان

وعن تجربه غياب الاب بيسمح بتتدخل اى شخص بحجة الخوف

تسلمى يا توحد


هل مواقع التواصل الاجتماعي احدثت فجوه بين الاباء والابناء
بحيث اضعف تاثير القدوه

[توحد ارواح]

اقتباس المشاركة الأصلية كتبت بواسطة رووكه هل القدوه السيئه بيكون تاثيرها اكبر علي الابناء? طبعآ بيآثر وخصوصآ لو كآن القدوه الاب .. بنلاقى من ناحيه تآنيه آن فيه آمهات بتحآول تعدل ع الأب وتظهر الأحسن منه قدام ولادها بس آكيد بيكون فيه جزء مهما حآولت تخفيه هيظهر ويآثر عليهم هل ممكن يكون البيت كله صالح وتلاقي الابن سئ آكيد فيه مثل بيقول يخلق من ضهر العآلم فآسد هل فاقد الشئ لا يعطيه مش ف كله بس فيه ناس فاقده الرحمه والحنان فتلاقى قلوبها جاحده وعمرها ما هتحس بوجع غيرها الاب يتعب ويكد ويتغيب عن المنزل فترات طويله هل الفلوس و الرفاهيات تكون عوض عن الاب طبعا لا لانه بالنسبه ليهم هيكون مجرد اله تحقق طلباتهم صفته كآب آنعدمت لازم يحتوى ويوفر ليهم حنانه هل مواقع التواصل الاجتماعي احدثت فجوه بين الاباء والابناء بحيث اضعف تاثير القدوه آكيد بنسبه كبيره كنا الاول كلنا نتجمع نتفرج ع tv او نحكى ونهزر دلوقتى تلاقى كل واحد معاه فونه لابه وآعقد يتابع وحتى لو حد اتكلم تلاقى الرد من غير تركيز يآرب آكون وفيت ف الرد موفقه حبيبتى وموضوعه مهم جدآآآ

فعلا كلامك مظبوط روكه
غياب الاب وانشغال الام
ومواقع التواصل باعدت المسافات
بين الاباء والابناء
تسلمي لمرورك وردك الجميل حبيبتي

[توحد ارواح]

اقتباس المشاركة الأصلية كتبت بواسطة همسه دموع اقولك حاجه بعيد عن الاباء بجد يمكن اغلب يومى هنا انا بتكلم عن نفسى النت وسيله بجد ان الوقت يضيع بس بستفيد منه طب اقولك حاجه تانيه انا مش بشوف كتير من اهلى بس كل يوم تقريبا مع بعض على النت مش عرفه بس هى دى الحقيقه

بس اكيد مع الاهل حاجات كتيره هتتغير
و انتي برده هتحسي انك سعيده معاهم
حتي لو بتتكلموا ع النت مجرد وجودهم فيه امان
تسلمي علي كلامك ومرورك همسه