لغة الحوار تابع المسابقه

[فرانكو.هدوء ملك]

بسم الله الرحمن الرحيم طبعا الاعضاء مسابوش حاجه الا وقالوها عن مشاكل الي اصبحت مغيمه علي الاسره المصريه انا حبيت اكتب وجهة نظري ليس إلا .. انا الي بشوفه في معظم الاسر الي بعرفها ان فداخلها مشاكل كتير وكتير سألت نفسي ليه ميحاولوش يقعدو ويتناقشو في ايجاد حلول للمشاكل دي انا قبل ما هتكلم عن مشاكل الاسره هذكر موقف حصل معايه من فتره زمنيه مش بعيده اوي حسيت ان فيه كبت في البيت كمان فيه مشاكل كتيره برغم انه فيه ترابط اسري عملت كم محاوله وبآئو بالفشل بس فيوم فكرت ليه مجمعش بابا وماما واخواتي ونقعد نتصافي واتجمعنا فيوم فقولتلهم بصو بصراحه انا عايز حد يقولي علي سلبياتي يمكن فيه حجات فيه غلط انا مش شايفها وانتم شيفينها وهنتكلم بكل صراحه وانا مش هزعل من اي حد اتفقنا ان كل واحد هيقول سلبيات كل واحد فينا صدقوني والله كل حاجه اتصلحت بعدها اللي عايز اقوله اننا بينقصنا لغة الحوار الاب بطبيعته بيتعب علشان يوفر الحياه الكريمه للجميع فبيكون من حقه انه يلاقي راحته جوه بيته يرجع من الشغل يلم ولاده حوليه وينعم بحياه كريمه الام كمان بتشوف ان عليها عبء كبير وبتكون محتاجه من وقت للتاني لكلمة شكر هيا بصراحه شكر العالم ميكفيش تعبها بس بكلمه واحده بتراضيها بالنسبه للاولاد فمن حقهم انهم يلاقو الراحه والهدوء والوعي والاحتواء والمراقبه اللطيفه من بعيد لبعيد انا محبتش ابدأ كلامي بعرض المشاكل بس متهيقلي لو كل واحد ادي دوره كما ينبغي المشاكل هتكون خفيفه للغايه دلوقتي تعالو نشوف بعض المشاكل الي بتتعرض ليها الاسره المصريه من وجهة نظري ان اولها الفقر.. يجماعه الفقر والله بيحطم اسر كتير مصريه يعني مثلا اب عاطل طبيعي انه مش هيقدر يعلم ولاده كويس ومش هيعرف يربيهم والاولاد نفسهم اول طريق بيفكرو فيه هو جمع المال ايا كان الطريق ده بقي حلال ولا حرام مشروع ولا غير مشروع بتلاقي ان البنت لو اتقدملها عريس ثري مبيرفضهوش مع ان البنت ممكن تكون مش بتحبه بس مش بيكون قدامهم حل تاني فبتتنقل المشاكل معاها للاسره الجديده الي هتتبني لسه تاني مشكله هيا عدم الوعي والتوعيه كتير جدا من البيوت المصريه ينقصها الوعي وبيكونو منشغلين انشغال كلي عن البيت يعني الاب ميجيش فمره ويسال ابنه عامل ايه ف الدراسه ميسألش بنته بتروحي فين وبتيجي منين ميحاولش يكلمها عن لبسها عن سلوكها الغياب الروحي للاب والام اول طريق لهلاك الاسره تالت مشكله هيا غياب لغة الحوار وزادت جدا في الفتره الاخيره انك تشوف سوء ادب من الابن وهو بيكلم ابوه او امه وكتير جدا بيكون الاب غبي في تعامله مع اهل بيته ميعرفش يدي دفعه ميعرفش يدي حنيه بيكون منفعل مبيحلش الامور بسلاسه انعدام السلوكيات والبعد عن الدين ودي طبعا منتشره بصوره ربنا يرحمنا ادمان الاب للمخدرات او ما شأبه ودي اكثر ضرر علي الاسره المصريه اولا الولاد بيشوفو ابوهم راجل مش كويس يعني اساس البيت بيسقط فبالتالي مش هيكون فيه اعمده الاب بيكون غايب تماما عن مشاكل البيت الاولاد محدش بيحاسبهم علي تصرفاتهم فوضي في كل شي .. معلهش كان نفسي اكمل الموضوع للاخر واسف علي تأخيري في كتابة موضوع النقاشي بس لظروف خارجه عن ارادتي واسف كمان ان الموضوع مش منسق ومش مترتب بس نظرا لضيق الوقت

[™Amiliya]

ابسط حاجة تتقال اننا متربيناش ع لغة الحوار في بيوتنا عشان نطبقها في حياتنا ونعلمها ولادنا
ماهو لو اترببنا واتعلمنا احترام الاخر وفكرو رمراعاة انه من بيئة مختلفة وتربية مختلفة واتعاملت ع دا الاساس عشان ابني معاه اسرة بأفكارنا احنا تتجمع فيها أكيد هتقل المشاكل وهيكون هناك مساحة للحوار والاخد والعطا بطريقة متحضرة للوصول إلى حل وسط ومريح للطرفين

بشكرك ع التوبيك

[احساسى صحيح]

ما شاء الله عليك
حضرتك غطيت تقريبا كل النقط
المتعلقه بالاسره واغلب كلامك حقيقى وواقعى
تحياتى لفكرك

[أميرة محمود]

لغة الحوار مشكلة العصر كله
مش مشكلة الاسرة بس
لو لغة الحوار والتفاهم موجودة كل المشاكل هتنتهى فعلا
موضوع جميل ومهم سلم الفكر

[(طائر الشرق)]

بالفعل يا محترم لغة الحوار منه أهم الأبواب

لأيجاد حلول لمشاكل كتير وكفايه المواجهه

والمصارحه نبتوضح حجات كتير وبتساعد على

التقارب لمعالجة الكثير

طرح موفق اخى الفاضل

خالص دعواتى

[العاشق الذى لم يتب]

حاجات كتير
فهمناليه قليل وخاطئ
وزى ماقولت يااخى الكريم
هى سببها انناماتعودناش عليها
ولااتعلمناها واحناصغار
طرح راقى
مودتى

[فرانكو.هدوء ملك]

متشكر جدا لمروركم الكريم الطيب

[big bốss]

دائما ما نفتقد لغة الحوار التى هى اساس التفاهم و التواصل فى الاسره

اجدت اجاده تامه فى عرض المشاكل

شكرا لموضوعك

بالتوفيق فى المسابقه