الحلقه الاولى من ( اجمد عضو 3 ) مع ( Nefertiti )

[morshooo]

بسم الله الرحمن الرحيم


مزاج الخير

واهلا بيكم

وحلقه جديدة من برنامجكم

( اجمد عضو )




الفتره الاخيرة شوفنا خلافات كتيره بين

اعضاء المنتدى

و

أدارة المنتدى

فى بيشتكى من تعامل ( الادارة ) مع ( الاعضاء )

وفى بيشتكى من تجاهل ( الادارة ) لبعض ( الاعضاء )

وفى بيشتكى من عدم تقبل ( الادارة ) للنقد .

النهاردة معايا ( ضيفه ) متميزة جدا ونشيطه جدا

دخلت فى خلافات مع بعض اعضاء الادارة حتى تم

خروجها من ( الطاقم الادارى ) من ايام قليله بناء على طلبها




تعالو نشوف نشوف

Nefertiti






وعناويين من الحوار :

Nefertiti : المنتدى فيه سلبيات كتير والوضع عشوائى

انا اديت للمكان اكتر ما يستحق ومبقاش عندى طاقه والا حب ليه

( اسماء ) عملت حاجات كتير و ( ساحر ) زى الدكتور بيدى منوم
و ( ماجيك ) مش عارف يتعامل كا أدارى

انا قولت رئى فى فكره ( المتحدث الرسمى ) والادارة حزفته

خلافاتى مع الادارة عشان مش لاقيه احترام يذكر

بطلب من ( دمعه ) ترجع ( مديرة عامه ) بنفس صلاحيات ( ساحر )

التكريم الادارى فعلا انا شوفته نكته ودليل على تقصير الادارة

الاعتزارات الاداريه كترت ماشاء الله ومقبلتش اعتزارهم ليه




تعالو نشوف الحوار

فى البدايه اهلا بيكى فى ( اجمد عضو ) ؟

اهلا بيك احمد
ميرسي




فى الاول كدا ايه سبب قبولك الدعوة ؟

وارفضها ليه ؟
البرنامج مميز




ليه قولتى انك مش هتدخلى المنتدى تانى ؟

عشان دا الواقع
انا اديت المكان دا اكتر ما يستحق
ومبقاش عندي طاقه ولا حب




ايه رئيك فى المنتدى الفتره الحاليه ؟

كل واحد بيشوف الوضع
من منظوره الخاص
او من وضعه وانا عامه شايفه
ان السلبيات كترت
والوضع عشوائي
ومفيش نظام




شايفا ان الادارة بتحاول تقدم حاجا للاعضاء وللمنتدى ؟

الادارة دي اللي تقصد بيها مين
اصلي عامه من التعامل عرفت
ان ال 3 اللي بيمثلوا الادارة مش واحد

عندك اسماء فعلا شخص لا غبار عليه
وعملت فعلا كتير

وساحر
عامل زي الدكتور اللي بيدي المريض
منوم عشان ميعالجوش
وعامه بيخاف يخسر حب الاعضاء
ودا بيخليه يتأخر لاغلب الاجراءات

والماجيك : افتكر انه لسه
مش عارف يتعامل مع الوضع كاداري
لانه كان مراقب متميز اوي
ومنساش انه مبخلش عليا بمساعده مره
وعشان كدة كنت فرحانه بتعيينه اداري
دا غير مقارنته بالوضع السابق
اللي اتحفظت عليها
فاكر انه لو لجأ للنظام الديكتاتوري
وفرض رأيه هيفرض انطباع قاسي
ودا زي ما عرفت كان طبع اداري قديم هنا وعرفت برضو من اقدم المسؤلين هنا ان الاعضاء كانت بتكره وفشل كأداري يعني الاقتداء بيه نظريه مش ناجحه

ولو هنجمع الفريق :

في فجوه عاوزة تتصالح




ايه رئيك فى فكره ( المتحدث عن الاعضاء ) وايه هيكون دورة فى المنتدى ؟

انا لعلمك دخلت قولت رأيي
والادارة حذفته
انا فعلا مش شايفاها ميزة
دا زي ما الام تجيب لابنها مربيه
فدا وان كان ليها فايده
فهي بس هتصلح تقصير الام واهملها
يعني اومال فايدة الادارة لما تجبلنا وسيط بنا




شايفا ان الادارة الفتره دى فعلا بتحاول تحافظ على اعضائها ؟

اتمني
بس انا كــ نفرتيتي متحافظش علي وجودي
ودا مش عيب في الادارة
يمكن انا الي مستاهلش





ليه الفتره دى عايزة تسيبى الاشراف ؟

معنديش حاجة اقدمها اعتذار لنفسي
غير اني انسحب
تقدر تقول احبـــــــــاط




ايه سبب الاحباط دا حاجا خاصه بيكى يعنى ؟

الاحباط = انك متحاولش تغير السلبيات
بالعكس تزودها
انك في الخلاف متلاقيش مناقشه تذكر
ولا حل مُرضي
تكرم واحد يستاهل
وبرضو التاني خوفا ليزعل
فيفقد اللي يستاهل فرحه التكريم




ليه فى خلافات كتيره مع الادارة الفتره الحاليه ؟

ابسط رد اقوله هنا
اني مش لاقيه احترام يذكر
ولا عارفين نوصل لنقطه نفهم بيها بعض


ليه الفتره الى فاتت طلبتى برجوع دمعه حائرة والا عشان خلافاتك مع الادارة ؟

ادارة يعني منه
وانا بحاول ترجع قبل ما يتعين ماجيك واسماء لعلمك اللي كنت متحمسه ليهم جدا بدايه اسماء شخصيه استثنائيه فعلا وماجيك رغم خلافي معاه بس كان في البدايه متعاون وفاهم وبيشارك الكل
يعني قبل ما نعرف ادارتهم اصلا
والمنتدي حاليا فعلا محتاجالها
بس
انا بعتذر لمنه في البرنامج قدام الكل اهوت علي الحمله دي
هيا عندها حق ترفض
انا مش بقول ان ادارة منه كانت كلها ايجابيات
وانها كانت ملاك لان مفيش مسؤل بدون قصور بس خسرنا كتير اوي برحيلها وخسرنا اكتر لما شوفنا الفارق
علي الاقل انا حضرت لمنه سنتين واكتر ملاقتهاش مرة في رد ليها
بتعيب علي فترة اداري سابق
ولا بتتهمه بالتقصير
ودا اللي عمتله الادارة في منه واكيد دا اللي ورا غيابها الحالي بعد
ما كانت بتدخل
ودا اكبر عيب عملته الادارة الحاليه وسمحت بيه
وعلي الاقل مطلوب اعتذار قدام الكل زي ما الكلام كان قدام لكل
وعادي بعد ما بئه عندنا متحدث انا بطلب منه
ينفذ رغبه الاعضاء ويجبر الادارة علي الاعتذار الفعلي لمنه
وسليفر كمان
ترجع مديرة عامه
( نفس صلاحيات ساحر )
جاية بحب الاعضاء وتقديرهم
لتعبها علي مدار سنين في المكان دا
ومتأكدة /انه بتعاون الفريق الاداري كله وعلي راسه منه
هيحصل فارق ايجابي يذكر




ثوانى قصدك ان الادارة الحاليه بتتهم فتره ( منه ) بالتقصير ؟
دا بأمارة ايه اساسا ؟ بس لو دا فعلا حصل يبقى العيب على
( ساحر ) انه موافق على الكلام دا ؟

دي اتقالت مرتين
مرة في رد الادارة علي حلقه المُعتقل
لطبيب الهوي
والمرة التانية في نكته التكريم
الاخير العيب مشترك
في اللي قال واللي طنش




تفتكرى ( منه ) لو شافت الكلام دا هتقول ايه ؟
مع العلم وتقريبا كل الاعضاء عارفا ان افضل فترات الادارة كانت مع ( دمعه حائرة ) ويمكن دا السبب ان الادارة مش عارفا تعوض
مكانها مع احترامى لـ ( اسماء ) ؟

احتراما لمنه مش راح اجاوب




ليه اول لما التكريم الادارى نزل قولتى فى مدونتك انك ضحكتى على التكريم ؟

قولت عليه نكته
وفعلا وربنا شوفته دليل علي تقصير الادارة
وعدم تقديرها مش ليا لوحدي
رغم انهم ادوني وسامين
بس انا كنت هفرح لو انتظم وبئه فيه شوية عدل
يعني اللي غايب بقاله فترة ولسه راجع
يشتغل الوقتي واللي شغال ربع حد
ميتحطوش كلهم في خانه واحده
ومطلوب نصقف ونقول الله اخدنا وسام
انا اكتر حد شغال في كل الاسامي اللي اتكرمت معاها
ومع ذلك كلنا سوا
والادارة قيمت بميزان ظالم وكأن اللي اختار وكرم كان عاوز يكرم
وخلاص
مش يدي كل واحد حقه




يعنى شايفا ان التكريم غرضه المجامله عشان الاسم ان فى تكريم أدارى ؟

لا انا مقصدش مجامله
بس زي ما قولت عشوائي
مفهوش ترتيب
ولا فرق
اهو بنكرم اهو
عشان ابطل اسئله في المُعتقل
واعرض السلبيات
ولا حتي تبقي خطوات
الكل يصقف عليها
طب مهو كل واحد هنا مميز في حاجة
ليه منكرمش اللي بيتعب في اليوميات
واللي بيكتب حاجة تستاهل
مش كله نفس النظام كدة
اللي بقاله سنه يستاهل تكريم
واللي لسه من شهر ولا حاجة
داخل يورينا انه مشرف معانا




ليه قولتى انك رافضه التكريم الادارى واعتزرتى لنفسك ؟

مشوفتوش تكريم اداري
شفته نكته لانه فعلا اثبت ان كنت علي حق
والادارة مبتقيمش وفي وجوه كان لازم تتكرم
ساد ايز مثلا ولا عشان لبس اسود
دا اكتر حد يستاهل تكريم استثائي , زا مستر
متميزش ليه وشغله كله حصري
وانا عن نفسي بطلب منه تصاميم وبيعملها ليا
دا مش تعاون تستاهل شكرا من الادارة
ولا احنا مش واخدين بالنا




الى بتعمليه دا ( شو ) قدام الاعضاء ؟ والا انتى مقتنعه بيه ؟

اللي يشوفه شو هيعرف انه سلبي مش ايجابي
بس انا كـ سما بكره النفاق
انا بحب العدل والنظام
وبكره جدا السلبيه ومبعملش حاجة
الا اذا كنت مؤمنه بيها وبهدفها




ليه تم حزف حلقه ( المعتقل ) مع ( رفعت ) ؟ وكان ايه موقفك ؟

متحذفتش
التوبيك انتقل الشكاوي لانه كان صعب عرضه
لانه اتحول لحل خلافي مع رفعت ومناقشه
مش ينفع الاعضاء يشوفوها لانها خاصه
الوضع مع الادارة
واسماء تابعته علي اكمل وجه
فعلا جديرة بالثقه والاحترام

انا احترمت الاجراء ومعترضتش بالعكس
طالما القرار صح هعترض ليه




مش غريبه انك صاحبه التوبيك وتدخلى فى خلاف مع الضيف ؟ شايفا ان دا صح ؟

انا قبل التوبيك كان ليا محاولات مع الادارة مأثمرتش بحل مناسب
والخلاف كان كبير
مكنش سهل يعني يفوت بكلمتين
فعرضت الاسئله والاجابه
كانت زي الصاعقه لما شوفتها
علي الاقل عرفت ان العقاب الاداري
اللي الادارة صممت عليه دا
كان لاسباب تانية برة موضوعي اصلا
وعامه الحلقه لما اتنقلت الشكاوي نجحت بعيد عن التفاصيل
اسماء ادخلت والضيف اعتذر
وانا قبلت الاعتذار
وما عاد جوايا شئ
باستثناء الموقف




ليه لما اتقالك ان مش هيتم تركيب بنر احدى حلقات ( المعتقل ) وافقتى ؟

هو حد قالك انه اتاخد رأيي ولا ان الحركه دي مستفزتنيش خاصه ان البنر كان شكله حلو ^_^
بس انا زي ما يبق وقولت حطيته وانتظرت بس متركبش




ليه مطلبتيش بتركيب البنر زى ما حصل معايا ؟ تم تجاهل بنر
لحلقتى ونزلت شكوى وتم الاعتزار من ساحر وتركيب البنر ؟

الاعتذرات الادارية كترت
ماشاء الله
اعتذر الادارة برضو عن الغلط في حقي
بس مقبلتوش لانه مش فعلي
انا بعت لاسماء بالفعل
بس مكنش ينفع لان الحلقه التانية
كانت نزلت




اخيرا وقت نزول الحلقه هتكونى ( بالاسود ) والا زى ما انتى ؟

اجنن بالاسود صح
كلهم بيقولولي كدهون والله




اخيرا / تحبى تقولى ايه لكلا من :

اعضاء المنتدى

بحبكم في الله

أدارة المنتدى

عارفه كل اللي هتقوله وهتقوله ازاي
ساحر : زي ما قال في المُعتقل
هيقول ان سما زعلانه عشان التكريم
وعاوزة تترقي
ولاني مش هكون هنا عشان ارد
فقوله انا من امته اعرفك
قبل وبعد ادارتك
ورغم كل اللي عملته اشرافي مكنش منك وعينت ناس
مشتغلوش زيي
ومكنش سبق واختلفت معاك
عشان دا عشان اختلف الوقتي

اسماء : مش عارفه بس زعلت
من طلبي الانسحاب

الماجيك : مش عارفه اتوقع
بس انا عامه ما توقعت منه كل اللي فات
عشان اتوقع رد

ربنا يعينكوا

المتحدث بصوت الاعضاء

متعودتش اشكي لحد يجيب حقي
ولا يحللي مشكله
فعشان كدة اتعاملت معاك كـ ياسر
مش كالمتحدث الرسمي



وبكدا بتخلص حلقه النهاردة

انتظرونى وحلقه جديدة من

اجمد عضو

[انجي_1]

تؤتؤتؤتؤ
كل ده يحصل من ورايا يا وحشين
اخص عليكو
اخر من يعلم انا صح ؟
حببتي اسما الصراحة انتي عضوة تستاهلي كل الاحترام والتقدير من كل الناس هنا وخصوصا من الادارة الكريمة
اساليني ليه ؟
عشان انتي وحدة شغالة تمام
وتوبيك ورى توبيك وحجات عالية اوي
بس ليه تلبسي اسود هااا ؟
ليه ؟؟؟؟؟
عموما هقول ايه ولا ايه ولا ايه
منا كمان قلبي وجعني من حال المنتدى
يلا ....
لعله خير احببتي
ولا يهمك

[big bốss]

اولا سما مفيش خلاف عليها انها من انشط المشرفين و شغلها كتير جميل و تعبت كتير

لكن الى مش فاهمه هى معترضه على التكريم ان فيه ناس مش تستاهل

طيب زى مين مثلآ

معتقديش فى الى اتكرموا مفيش حد مش يستاهل

يمكن اتفق معاكى لو قلتى ان فيه ناس كانت تستاهل التكريم و مش اتكرمت

مع انها شغاله حلو

زى همسات فوق القمر و السفيره عزيزه و نغم الشام بعد المغيب

اما دمعه حائره

مفيش حد يقدر ينتقد فترتها لانها فترتها لا هتتعوض و لا هيكون فيه زيها تانى

و هى مش موجوده و مش راحمنها

ربنا يكون فى عونك يا منه

و الله احنا عرفنا بقيمتك يا منه

و كل الاعضاء عرفت بقيمتك بس متاخر بقا

يلا ربنا يقوي الاداره الجديده

حلقه حلوه يا مورشو

و ياريت ترجعى يا سما

و كبرى دماغك

و ارفعى ايدك لفوق و قولى يارب على المفترى :d

[™Amiliya]

حلقة جريئة وصريحة جدا

ربنا يوفقك ياسما

[محمود الصاروخ]

برنامج جامد وحلقه مميزه كالعاده يامورشو
ربنا يصلح الحال وكل حاجه ترجع احسن من الاول
بالتوفيق ام محمد

[الفيلسـوف]

حلقه مميزه بااسئله جريئه
واكيد لا غبار عليه انى فعلا ام حمنى من المشرفين المميزين فعلا
وده مش راى لوحدى ده راى ناس كتير هنا
ولكن اسال الله ان يصلح الامور

[جنون قلب]

بسم الله الرحمن الرحيم
اخوى موروشو / اهنيك على حلقتك اللى رتبت لها كتير قبل ما تنزلهـآ
فعلا مليئه بالمفجأت
وضيفتك شخصيه قويه حقا لديها قلم مميز
واعى فاهم كاتب فى كل مكـآن
لكن نرجع ونقول احنــآ هنــآ مش عشان ندخل فى خلاف مع بعض
ايه يعنى مدير ولا مرآقب ولا مشرف
معلش المنتديـآت على قفــآ من يشيل
محدش يزعل من كلآمى انــآ من راى نكبر مخنـــآ
واحنــآ مش هنفصل المنتدى على مقـآسنــآ
ما هو لو كل وأحد فكر يسيب المنتدى عشان حاجه مش على هوآه
يبقى كده خربت معلش يعنى
وكمان ايه يعنى لو الادآره غلطت المفروض اننا نتلآقى ونتوصل ل حل وسط
منفعش يبقى بقى من سكات وان الله يحب المحسنين
وبالود والحب نسيب المكــآن


.
ارجع واقول ل نفرتيتى
هو انتى بتكتبى هنــآ عشان التكريم
ولا عشان وســـآم /
انا واحد من الناس والله بالنسبه ل التكريم ما فهمت منه حاجه
وانتى لو لآحظتى ان انتى اللى خلتينى اخد بالى ان لونى اتغير
وبقيت من مبدعى المنتدى حاجه فرحتنى اه
بس برضه مش اللى انا اقتدى بيها
انا بكتب ل نفسى وبعرض فكرى
وجزء من فكرى كمان



انا شايف انه قرآر خطا جدآ منك ان انتى تفكرى تسيبى المنتدى
بعد ما بقى ليك اسم
وكمان خطأ من الادآره انها فرطت بسهوله كده
او حتى بصعوبه اسمها فرطت



وارجع واقول اسف على الاطــآله
بس ياريت نكبر مخنــآ ونرجع نكتب ل انفسنا
مشكور موروشو حبيبى وبالتوفيق لك ان شاء الله

[الملكة كيلوباترا]

حلقة مميزة مع مشرفتنا الجميلة نفرتيتى
ومجهود عالى منك يامارشو
بس ماتنسيش ان فيه اعضاء تانيين يستاهلوا التميز بسبب استمرار نشاطهم خلال الفترة دى
وفعلا كان المفروض ساد ايز يتكرم مع بعض المشرفين والاعضاء
بس باقى مشرفين يستاهلوا التكريم والترقية بردو
والادارة بتعمل كدة على حسب نشاطتنا ونشاط الاعضاء
يعنى مافيش اى ظلم منهم يمكن احنا فاهمين غلط فيهم
واتمنى فعلا ان دمعة حائرة ترجع وتنورنا من جديد

[Lamees]

المنتدى خسر مشرفة نشيطة جداً
لأسباب من وجة نظري متستاهلش
اخر حاجة ممكن تزعلني في المنتدى
التكريمات او تقصير الأدارة او اي حاجة
احنا هنا بنقضي وقت بنستفيد من موضوعات البعض
وبنشارك البعض همومه وافراحه واحزانه
ومفيش حاجة تستاهل اني اسيب مكان بحبه
والكلام ليكِ يا سما

مورشو تسلم على الحلقة

[رآقيہ بأخلاقـى]

للأسف يا سما انتى كدة ضيعتى كل تعبك
ونشاطك اللى كان واضح للجميع
وانا معاكى فى كل كلمة قولتيها
انتى كان اولى بالترقيه
بس مش عارفه الادارة ايه وجهة نظرها فى الترقيات
او بترقى ازاى وبتقييم ازاى
كل اللى اعرفه ان المنتدى خسر مشرفه نشيطه زيك
وخسارة كبيرة زى خسارة المنتدى للادارية النشطه المجتهده منه
انا بتمنى رجوعك يا سما وفكرى تانى علشان تعبك ميروحش هدر