شاتو الكريم كراميل من مطبخى(المسابقة)

[.Lamar]

كوب دقيق - كوب سكر - كوب زيت - كوب ماء واربع ملاعق لبن بودرة (أو كوب حليب) - معلقة صغيرة خل 2 ملعقة صغيرة بودر - فانيليا 2 بيضة - باكو كريم كراميل في بولة كوب الدقيق والباودر وطبعا الدقيق منخول مرتين فى دورق الخلاط و نحط فيه السكر واللبن البودر والميه والزيت والكريم كراميل من غيرالعسل اللي معاه و نضرب كويس جدا ودا شكله بعد الضرب بعد كدا ناخد كوب من الخليط دا ونشيله في التلاجة للاخر هنزين بيه هو والعسل بعد كدا ناخد بقية الخليط نضيف عليه 2 بيضة ونشغل الخلاط واثناء الخفق نضيف معلقة صغيرة خل ومعلقة صغيرة فانيليا دا شكله بعد الخلط هنا بقى ننزل بالخليط على الدقيق ونقلب كويس جدا وبعدين ننزل بالخليط في صنية مبطنة بزيت ودقيق ندخلها فرن على درجة حرارة متوسطة يعني لو فرن الوتجاز يبقى 160 حلو ولو فرن كهربا يبقى 180 او 200 حسب حرارة الفرن ودي بعد ما استوت السهم دا بنعرف انها استوت لما تفصل من جوانب الصينية بنسيبها تبرد خالص وبعدين نحط على وشها كوب الخليط اللي كنا شايلينه في التلاجة ونزين بكيس العسل خطوط عشوائية ودي شكلها وقت التقديم نرش عليه صوص شكولاته وام اند امز

[El_Magic]

شكله جميل وطريقته سهله

بالتوفيق

[.Lamar]

شكرا ليك اخى

نورت

[سارة بنت مصر]

شكله حلو اوى

تسلمى

[.Lamar]

الاحلى ردك و تواجدك سارة

نورتينى

[سارة بنت مصر]

تثبيت الموضوع واحلى 5 نجوم

[.Lamar]

ميرسي يا سارة

ودى يا قمراية

[اذار .]

و طلعتي طباخه كويسه يا لمار
عجبتني جدا الطريقه ، و سهله برضوه ،
تسلم ايدك يا جميله على الشغل الحلو .