نهاية الاسبوع

[™Amiliya]

مساء الخير والربيع

بما اننا وصلنا لنهاية الاسبوع والراحة بكرة الجمعة من الشغل والمدارس والكليات والزحمة

اكيد كل حد فينا عندو برنامج يقوم بيه في نهاية الاسبوع
بيكون برنامجه المفضل يعيد بيه نشاطه

تروح جيم

تتفسح

تخرج مع صحابك

تعمل زيارات عائلية

تقرا كتاب تسمع مزيكا

تزور مريض

تسافر

تعمل ايه حاجة مختلفة عن طول الاسبوع الزحمة

او انك تقع في البيت قدام التلفزيون تتابع الاخبار الي مبتتنتهيش

او متش كورة يحرق دمك او يفرحك

/

في ناس معندهاش برنامج ويومها شبه بعضو والي فات نفسو الي جاي

روتين في حياتها مبيتغيرش

وفي ناس مهم اوي عندها يكون في حاجة بتعملها تغيرلها مودها عشان تستقبل اسبوع جديد

وفي ناس ميفرقش عندها في برنامج تعملو او لا عادي كلو بيعدي لو في او مفيش المهم مع نفسها وحسب مودها عايز ايه

وفي ناس بتتفرغ عشان تكتب تشارك تقرا ع المواقع بالنسبالها دا التجديد

/

انت من انهي نوع

من الي بيحرصو يكون عندهم برنامج لنهاية االاسبوع؟

ولا من مفرقتش كله محصل بعضو؟

ولا من حسب المزاج ؟

/


تحياتي ياكرام

[ابو نصير]

شوفى ياسيدة القهوه أنا هاخود العيال أوديهم جنينة الحيونات واسيبهم هناك علشان أخلص
وأعيش حياتى وانحرف وشرب فنجان قهوه سكر زياده
هههههههههههههههههههه
موضوع راقى ايميليا بيعالج الملل وبالفعل هى ثقافه جميله لابد ان نستغلها فى حياتنا
لكى ننسى الهموم ومشاكل الدنيا ..........
بس بطلب طلب منكى ياسيدتى تشوفيلى قرشين لحسن العمليه مؤشفره اشافير علشان ارجع تانى جنينة الحيوانات اجيب العيال
ابو نصير
هههههههههههههههههه

[™Amiliya]

اقتباس المشاركة الأصلية كتبت بواسطة ابو نصير شوفى ياسيدة القهوه أنا هاخود العيال أوديهم جنينة الحيونات واسيبهم هناك علشان أخلص وأعيش حياتى وانحرف وشرب فنجان قهوه سكر زياده هههههههههههههههههههه موضوع راقى ايميليا بيعالج الملل وبالفعل هى ثقافه جميله لابد ان نستغلها فى حياتنا لكى ننسى الهموم ومشاكل الدنيا .......... بس بطلب طلب منكى ياسيدتى تشوفيلى قرشين لحسن العمليه مؤشفره اشافير علشان ارجع تانى جنينة الحيوانات اجيب العيال ابو نصير هههههههههههههههههه

هههههههههههههه هبعتلك الشيك حالا مع السكرتير

وبعدين جنينة الحيوانات ايه بس ههههههه عارف انا من كتير مابشوف الاهالي يودو عيالهم هناك
حاسة ان الحيوانات هناك حفظتهم وممكن تنده ع اسماء الزوار بعد كدا

وديهم بارك ملاهي اي حاجة فيها لعب خليهم ينطلقو وانطلق انت معاهم كجول كدا يابو نصير هههههههه

نورتني بجميل حضورك الدائم

[العندليب الاسـمر]

التخطيط للاجازة امر جيد علشان مترحش هباءا

لكن عموما بالنسبالي كل نهاية اسبوع وبختة مش كل ويك اند زي بعضة والا يبقي ممل

عادة بيكون خروجة مع الاولاد وممكن يكون اكتر من حاجة

بس طبعا الاغلب بيكون خروجة كفاية الاسبوع كله ضغوط وقعدة في البيت في اخر الدوام

الاسبوع دة بقالنا كتير مرحناش حديقة الملك عبد الله

قعدتها ظريفة ومسلية والنافورة الراقصة تحففففففة

ولو ان فيه صديق عزيز عليه متواعدين من تلات شهور نتقابل لو ظبطت الاسبوع دة اكيد ممكن اكنسل اي حاجة عشانة

ربنا يسعد ايامك ايميليا

[توحد ارواح]

بالفعل جميل جدا يكون نهاية الاسبوع يوم مختلف
ولكن انا بالنسبه ليا بيكون ثابت عند تيته
وبعد كدا بنروح النادي
ومش بيتغير حتي لو الصبح امتحان
اصبحت عاده وتعود
بس بيبقي يوم جميل جدا حدا
وتجمع العائله كلها
تسلمي ايمي ويومك جميل

[جنون قلب]

هو انا بصرآحه كنت نـآوى بكره اغير المود
ومفتحش المحل واعمل حاجه مختلفه
بس عنده ملوكه بنت اختى وحبيبه قلبى
تعبانه شويه
ومعرفتش اقعد معاها
فان شاء الله بكره هخصص اليوم كله ليها
ومش ناوى اطلع غير على الصلآه بس
وارجع لها
ويارب يشفيها ويخفف عنهــآ


مشكوره ايميليـــآ على موضوعك الطيب ده
فكره بجد جميله جدآ
وكــآن نفسى اكتب حاجه حلوه هنــآ بعيد عن المرض وكده
لكن هى الظروف كده

[(طائر الشرق)]

طبعآ للمغتربين برنامج لا يُستهان به

خصوصآ أنه بيبتدى بعد صلاة الجمعة

يوم الجمعة من أجمل الأيام طبعآ يا سلام كفاية أن الواحد

مبيسمعش صوت المنبه وكمان ده فيه اليوم الرياضى

يعنى أقوى مباريات كرة القدم والكسبان بيظفر أما بحلة

محشى أو صنية بطاطس أى شئ من القبيل ده هع هع

هى دى أصول اللعب

لكن أصعب ما فيه الغسيل ودمتم

خالص دعواتى

[dodedodo9393]

انا على حسب المزاج

[أميرة محمود]

يوم الاجازة عندى مش ثابت صراحة
حسب الظروف وحسب الموود
في الغالب بخرج مع خطيبي
لو الاستاذ مشغول مثلا يبقا مع اصحابي
ونادرا جدا اخرج مع الاسرة ههههههههه
لانى اخواتى كلهم شباب وانا البنوتة الوحيدة
واهتماماتنا مختلفة تماما ههههههههه
وكنت فترة بستغل الاجازة انى بلعب ايروبكس وزومبا
وكورسات رقص شرقي وغربي مع مدربة خاصة
واوقات تانية بستغل الاجازة انى اقرأ كتب
في مكتبة قريبة من البيت
وغدا باذن الله هــ ستغل الاجازة انى اتنيل اذاكر
زهقت من الكلية والمذاكرة والله هههههه
نقاش لذيذ ايميليا
بس انتى قولى بتعملى ايه ف الاجازة اعترفي
هههههههههه

[العاشق الذى لم يتب]

خيرمايفعله الؤمنون
زيارة الاهل وصلة الرحم
واداء صلاة الجمعة
ثم يزيل عن اسرته مشاق عمل الاسبوع
سلمت ايمى
وطرح عظيم
مودتى