الحلقة الاولى من برنامج شخصيات ومواهب مع كبريت

[انا جيجي]

اهلا بيكم فى اولا حلقات برنامج شخصيات ومواهب طبعا انتوو اخدته فكرة عن طبيعة البرنامج انهبرنامج يتعلق باجمل هوايات الضيف او الضيفة هنتعرف من خلاله الموهبة دى اثرت فيه ازى مش هطول عليكم رحبو معايا بضيفى واخى الكريم كبريت منور يا عم احمد والف الف مبرووووووووووووووووووووك الخطووووبة الله يبارك فيكى يا لمضة ربنا يهدك السؤال الاول ياترى ايه هواياتك ؟ نحب نعرفها منك هواياتي غاوي تربية حمام غاوي زراعة ورد غاوي صيد اسماك من النيل بالسناره بحب كتابة الخواطر والقصص باسلوبي علما باني لا شاعر ولا قاص انما بكتب باحساسي وبس دون التزام وتقيد باللغه والقافيه السؤال التاني ايه هواياتك داخل اقسام المنتدى او ما هي الاقسام اللي ليم تفاعل فيها بهواياتك ؟ كتابة الخواطر والقصه السؤال الثالث شايف مين موهوبين بالشعر بالمنتدى / لك حق الاجابة او الرفض ؟ عشان اكون صريح انا مش دارس شعر انما هو حب الموضوع لا اكتر يعني اقدر اصنف نفسي واحد بيحب يكتب خواطر خياليه او واقعيه وكمان انا مقدرشي اعطي تصنيفات لحد لسبب ان الكل هواة ولو كان حد فينا محترف كان عمل دواوين او صالونات ادبية وممكن يكون ده بيحصل لان مش ممكن كلنا نعرف تحركات بعض خارج النت السؤال الرابع الكلمات دي تقوليها لمين بالمنتدى ومسموح لكل كلمه 3 اشخاص طيب / ه فورا تكون مراقبتنا اركو بدون جدال راقي / ه المشرفه رووكه بحس انها شخصيه تستحق اللقب ده جدا رائع / ه الاستاذ رضا التركي ويستحق اللقب ده فعلا رقيق / ه دمعه حائرة وبدون منافس رومانسي / ه تكون مشرفتنا همسات فوق القمر شايفها اكتر انسانه تستحق اللقب ده مشاغب / ه العضو كبريت مشاغب على طول الخط منافق / ه لا الحمد لله حتى لو في أخلاقي تمنعني اكتب ده علانية وبعدين كلنا عيوب ومش ملايكه يعني متكبر/ ه لا معرفشي حد كده والمتكبر متكبر على نفسه ده لو في او لو صادفت واثق / ه أطياف الماضي شخصية خلوقه وبيعجبني ثقتها في تصرفاتها بالمنتدى وبقسمها ما شاء الله عملت فيه تفاعل خفيف الدم انتي ومفيش غيرك اكيييييييييييييييد السؤال الخامس لو عندك خطة لتنشيط قسم الهوايات تكون ايه ياترى ؟ بتحرجيني ليه مع مشرفة القسم اركو بس وهي اصلا انسانه غاية في الذوق والاحترام والايتيكيت يمكن القسم يكون محتاج فعلا حركة بس محتاج ردود وتواجد مننا وكمان موضوعات وان كنت اقترح بعمل قسم للاغنيه المكتوبة بقلم الاعضاء يعني تكون حصري بالقسم هتفرق كتير اوي وبعيد عن اقسام الشعر وهتخلق نوع جديد من الكتابه والتنافس الشريف كمان ومؤكد هتفيدنا وتفيد المنتدى السؤال السادس ايه تقييمك لحركة التميزات الاخيرة وتعليقك عليها وليه اسمك مش بين المميزين علما بانك نشيط وفعال وهل شايف حد اتظلم فيها ياترى ؟ بصي انا لا اداري ولا ليا حتى حق التعقيب انما هما شايفين كده وده قرارهم ومؤكد لازم احترموا حتى لو متحفظ عليه الفكرة قبل ما تكون تميز وغير انها عداله الفكرة انك بتستمتعي بافكارك وتستفيدي كمان من فكر غيرك وحتى لو حصل قصور في بعض الاختيارات الادارة بشر والخطأ وارد يعني مش جناية وعن ان شايف في حد اتظلم اه فعلا في ناس كتير اتظلمت وهقول بعض أسماء منهم طبعا من وجهة نظري الخاصة ومن تواجدهم ومع احترامي للادارة المشرفه جبل عالي وكمان السفيرة عزيزة وكمان نغم الشام بعد المغيب وبصراحة دي اقلام قوية وصاحبة بصمات بالمنتدى انما يمكن عشان شغالين بهدوء شوية مش باينين وربما يكون للادارة خطة مكملة لحركة التميز الادارة هي اعلم بالشان ده بحييك على اختياراتك بس ليه مش ذكرت اسمك وانا عن نفسي شايفه انك كنت تستحق شوفي مش مهم اسمي ينكتب حتى لو كانت رغبة فيا انا بشر انما اكيد الدور جاي بكرة بعده بعد فترة اكتر المهم ادائي وتفاعلي للمنتدى ده يكون الاهم وحكاية اختياري تبقى وحدها للادارة تماما ولا لي أي دخل او حتى اعتراض مش خوف انما ده شغلهم مش شغلي انا وهما الوحيدين اللي يقرروا وبلاش استفزاز يا جيجي هتوديني في داهيه ولا عايزاني اتحظر هههههههههههههه اتهمدي السؤال السابع اختار ما تراه مناسب قلم قوي جبل عالي قلم واثق القيصر قلم وخلاص مفيش قلم عادي كبريت يامتواضع ههههههههههه اهمدي السؤال الثامن كلمة توجهها للادارة أ ساحر و أ الماجيك وأ ووردس تقول لهم ايه وكل واحد ياريت تتكلم عنه لوحده لو سمحت الاستاذ ساحر اداري هادئ في تعاملاته ومؤكد ده يحسب وان كنت بطلب منه القوة شوية لان فعلا المنتدى محتاج شيئ من القوة وخصوصا وان في امور غريبة بتحصل وحد علمي الادارة عارفاها زي ايه ياكبريت ؟ والله الادارة عندك تقدري تسأليها هي ابلغ ناس تعرف كل تحركاتنا يعني تقصد مثلا في شيئ مش طبيعي بيحصل فهمنا لو تسمح ؟ ياجيجي انا لا اداري ولا مشرف ولا مسؤل ومش من حقي اتكلم في امور مش بتاعتي انما كما قلت لك هما اكيد عارفين وشايفين بس بقول لهم الموضوع زاد عن الحد وخلاص وان شاء الله عندي امل كبير في الخير الماجيك اداري تحسي انه سلس غير معقد ومش تحسي اصلا انه اداري لانه انسان صاحب حضور طيب وخفيف مع الغالبيه وبيعجبني فيه الشياكه في التعامل انا شايفه انك بتجامل شوية ابدا وهجامل ليه انا بحكي حاجات علانية وكل المنتدى اكيد شايف ده يعني مش بخترع او بمنح ماجيك هبه مني لان فعلا هو كده واتهمدي ياجيجي شوية ربنا يهدك قرفت كتابه مراقبتنا ووردس (د.اسماء) انا مش من طبيعتي احب اتكلم على انثى وخصوصا لو ادارية لان ممكن كلامي يتفهم بشكل مختلف انما كل الاقدر اقوله او ارجوة منها الحيادية في التعامل مش معنى ده اني بتهمها بالقصور لا قدر الله انما مجرد زيادة في حياديتها وبس وربنا يوفقها يارب كلمة تواجهها للمراقبين أ اية حكاية وأ رودي أ توحد مراقبتنا ايه حكاية مراقبة صاحبة حضور طيب ومتعاونه وبصراحة انا مطلع عنيها كل شوية اكتب بشريط الاعلانات عن موضوع ليا وشوية الاقيها نزلته يعني يحسب ليها بصراحة مجهودها وهي مكسب للرقابه مراقبتنا رودي انسانه هادية ومتعاونه وكمان ليها حضور طيب ومميز في اقسام المنتدى مراقبتنا توحد ارواح هي واخده موقف مني وهي عارفه كده انما لو فكرت هتعرف اني ما تعديت أي حد وياها بالعكس كان في اتفاق ما لعمل شغل ما بالمنتدى في توقيت ما وهي مع احترامي الشديد لها ما نفذت الاتفاق بنفس اليوم وعلشان كده انا اعتذرت لها لاني من نوع احب الدقه في الالتزام بالمواعيد يعني انت هتخليني احس انك ماشي بالساعه ايه ياكبريت ؟ شوفي جيجي الفكرة مش فكرة ساعه بس طالما حصل اتفاق بشيئ فطبيعي يكون التزام شديد فيه من الطرفين ومؤكد ده امر عادي للغايه وخصوصا واننا متفقين على الموعد قبلها بفتره يعني كان في تمهيد بس كلمة تواجهها للمشرفين طبعا دول كتير قول كما تحب اقول لهم ربنا يوفقكم وتطلعوا كل ما عندكم للنهوض بالمنتدى والاشراف امانه ياريت نعرف كده ونقدر نصون امانة الاقسام بحيادية وعداله بين الكل وف نفس الوقت ابتكار افكار جديده وغير مكررة بالمنتدى يعني ايه حيادية وعداله ممكن توضح ؟ يعني مثلا ومع احترامي في اقسام مهمله من وجود اشراف رغم وجود الاشراف ودا شيئ مش منطقي اصل اما المشرف يتواجد ويرد على الكل ولو على سبيل التحفيز او يترك الاشراف لمن يتفاعل ومؤكد طالما لصالح المنتدى فكلامي عادي ومعمول بيه باي منتدى كلمة توجهها للاعضاء كمان دول كتير اكتب كما تحب اقول لهم ركزوا في التفاعل ومش تسمعوا أي كلام وخزعبلات واشاعات هدامه من أي مخلوق تصديقا للايه الشريفه بسم الله الرحمن الرحيم يا ايها الذين امنوا ان جاءكم فاسق بنبأ فتبينوا عسى ان تصيبوا قوما بجهاله فتصبحوا على ما فعلتم نادمين صدق الله العظيم واقول لهم من قال لك قال عليك !!!!!!!!!!!!!!! ومؤكد رسالتي هتوصل وانا عارف بوصلها لمين بالتحديد وضد مين وبردوا بحترم الجميع اصل كل انسان وتربيته انما انا بجاوب وبوضح يا اعضاء منتدانا ركزوا في التفاعل وبس أي اشاعات ولا تسمعوا لها لان كما يقال لكم سيقال من نفس صاحب الاشاعه ضدكم وبالاول والاخر احنا بنتكلم من خلف شاشه ومحدش شايف التاني او دخل نواياه والغيبة والنميمه مش من اخلاقنا ابدا كمسلمين وبس خلاص السؤال التاسع كنت شايفاك متفاعل ونشيط بقسم ابداعات الاعضاء دلوقتي تفاعلك كله بيكون بقسم الخواطر ياترى ايه الاسباب ؟ فعلا لاني لقيت قسم الخواطر مهمل ما عجبني اشوفوا كده فقررت اتفاعل شوية فيه سواء بخواطر او ردود السؤال العاشر من خلال ثقافتك وخبراتك تنصح الهواة الجدد بايه ياترى ؟ انصحهم اول واهم نصيحة اوعوا تسمعوا لمخلوق غير فكركم وبس ما حدش محترف فوق النت كلنا هواة لا اكتر استمتعوا بهواياتكم بمشاعركم واحاسيسكم دون أي وصايات من احد مهما كان السؤال الحادي عشر ايه رايك في اداء المنتدى الفترة دي رغم المسابقات ببعض الاقسام لسه محتاج كتير السؤال الثاني عشر ليه مش عندك بملفك اصحاب ده غرور ولا ثقة ولا منعا للمشاكل ولا ايه ؟ هههههههه مش فكرة ثقة ولا فكرة غرور والله لو في حد عايز يضيفني اهلا وسهلا مفيش خلاص خليني غلبان لوحدي كده مش هموت يعني السؤال الثالث عشر ايه حكاية الشعر الكبريتي المعاصر وياك ويعني ايه شعر كبريتي وهل دي مرحلة ولا تسميها ايه بالظبط ؟ هههههههههههه ده اختراع حلوزخي خفنشري مهموزي الشعر الكبريتي نسبة الى العضو كبريت صاحب اختراع النوع ده من الشعر هو حالات متواصله او متقطعه بتحصل لي بحط غضبي بكتابة أي كلام مش موزون غير باخر حرف والباقي كله على طريقة سمك لبن تمر هندي كمثال سلموخا مشملخ شملخه الشلاميخ مشمخل يتشمخل شاخومه بالمشاليخ ياشملحا متشملخا بالتشلشميخ شلشك التشلوح بالتشلوخيخ اوعي بقا ومش تقول لحد حاجات ابهه ع الاخر وانا هطالب بجايزة نوبل اول الصيف بمناسبة الشعر الكبريتي المعاصر ومؤكد حقي بقا خلوني احصل عمنا عمر الشريف بقا وانا لو بكتب الشعر الكبريتي ده في ولاية اركانسوا او تكساس بامريكا اتحدى انا ما شالوا تمثال الحرية وحطوا تمثال للعبد لله فورا وطوالي دون تردد السؤال الرابع عشر امتى الهاوى ينتهي ويسقط ؟ لما الغرور يملاه لازم ينتهي ويسقط ولما يفضل يسمع لده ولده ولما يدور على مدح الغير ولما يقلل من القراءة السؤال الخامس عشر ده سؤال شخصي ولك حق الجواب او الرفض انا سمعت ان حضرتك 53 سنه وزوج ولم تنجب والعيب فيك ياترى صح ولا غلط ولا دي مجرد اشاعه اتمنى سؤالي مش يضايقك ؟ هههههههههههههههههههههه من فتره الاخ ساحر كلمني فون وهو اكتر حد يقدر يحكم هتقولي من نبرة صوت هقولك لاء من خبرة ساحر وكمان انتي تسأليني انا اقولك لان مش كل اشاعه ساذجة مطلوب نقول امين وعموما لو ينفع مستعد اكتب رقمي تسمعوا صوتي ولا اقولكم يوم فرحي تشوفوني بقا وتحكموا وقتها واظن ده ابلغ رد علني على الاشاعه وعلى صاحبها الكريم اللطيف الودود وبعدين اذا كنت لم اتزوج هنجب ازاي يافقرية يخرب بيت كده ياناس بجد اشاعات تضحك هو اللي بيدعي عليا كده مش مكسوف من ربنا يعني للدرجة دي طيب بكرر انا زواجي عما قريب ان شاء الله وعلى اتم الاستعداد بفضل ربنا اعزم المنتدى كله عشان وقتها اطلعوا علانية ومش بالنت واخلي شكله وحششششششش كمان العيب فيا هههههههههههههه هو انا بقيت خلاص مكحكح اوي كده طيب ياستي العيب فيا بس يكون صح الحكم ان شاء الرحمن بعد سنه من الجواز ولو حصل والعيب فيا وقتها فعليا هقول الحمد والشكر لله لان ده قضاء ربنا ياعااااااااااااااااااااااالم ارحموني من الاشاعات لله السؤال السادس عشر ايه رايك بحكاية الحظر بسبب تبادل الاميلات في المنتدى هل انت معاها ولا ضدها ياريت نعرف وجهة نظرك ؟ الحظر له اسس وقواعد ونظام وللعلم انا اتحظرت قبل كده مرة واتحظر غيري كمان منهم ناس مشرفين بالمنتدى دلوقتي واعضاء وغيره الحظر مش كفر بالله يعني هي امور ممكن اكون تجاوزت حدي في شيئ وبدل ما احاول اعتذر عكيت او اتعصبت على الادارة فبيكون حطري يعني مش جريمه او تهمه او جنايه كتير بالمنتدى اتحظروا عادي يعني واحنا بشر وانا عن نفسي اتعلمت الدرس وصاحي له تماما ولن يحدث مرة اخرى ابداااااااااا ان شاء الله علشان اثبت لمدعي الاشاعات بالقول والفعل مين انا يمكن يبطلوا اشاعات بقا وهقول شيئ مع احترامي اذا كان في قانون يمنع ده وطبيع انا وانتي والكل يحترموا جدا ليه في خانات فيها اميلاتنا وصفحات فيس بوك وخلافه من الصح هي كمان تتلغي لان بكده في اختراق ضد القانون ! السؤال السابع عشر لقيت لك موهبة كتابة القصة هل ده يعتبر موهبه ولا مواقف ولا مجرد كتابة عشان تحسب مشاركات وخلاص ولا ايه ياريت اعرف من حضرتك ؟ ما انا قلت لك جيجي انا لا كاتب ولا شاعر هي الفكرة بتيجي وقتيه اما لموقف خيالي تخيلته او لموقف حقيقي والتوفيق بيكون من عند ربنا بقا السؤال الثامن عشر ( اجباري ) مطلوب من حضرتك تعمل توبيك بقسم الهوايات وتنزله فيه لو سمحت هنا اوك حاضر سيتم عمل توبيك وبقلمي دبسيني انتي ولا يهمك وانا ايديا استوت كتابة منك لله ايه كل ده السؤال التاسع عشر بقسم السجل انت اعلنت خبر خطوبتك بس مش عرفنا العروسة منين ياترى ممكن يكون سبق ليا واعرف من خلال برنامجي ده علما بشيئ مستغرباه انا عرفت انها مش مسلمه ! وياترى ان شاء الله بالزواج مين ممكن تعزمهم من المنتدى على الاقل يكون ردا على اشاعات انك زوج وكده ؟ نهارك غامق ملون يا فظيعه حاضر ياجيجي هقول هي منين هي ايطاليه وكمان مسيحيه وده امر مش عيب ولا ضد الدين وانا على ثقة تامه انها هتسلم عما قريب لانها دلوقتي بتقرأ في كتب اسلاميه كتيرة ويرجع الفضل لله ولكتب العالم الجليل المرحوم الشيخ محمد متولي الشعراوي واهو اعمل شيئ يغفر عيوبي والاشاعات ضدي بقا عن العزومه بيتي مفتوح للجميع بأي وقت وبكل حب واخوه للجميع ومؤكد ان شاء الله سيتم توجيه وعمل دعوات قبل الفرح . السؤال العشرين هل شخصيتك هي هي بالنت شكل ما هي خارج النت ولا في متغيرات ؟ شوفي ياجيجي مفيش حاجه اسمها شخصيتك هي هي ولا لاء وانا هغير شخصيتي ليه اصلا يعني الحمد لله معنديش اغراض او اهداف عشان اعمل قناع مش هيليق عليا لاني حابب كتير شخصيتي كده بس السؤال الواحد والعشرين الموهبه تعتبر هبة من الله ولا ذكاء من الناس ولا حب ولا ايه ياترى ؟ قطعا الموهبه هبه من الله ركزي بالمعنى موهبه السؤال الثاني والعشرين حب النت مشكلة مكررة وكبيرة ومستمرة تقدر تكلمنا عنها بوضوح وياترى حبيت كام من النت بصراحه ؟ اه حبيت بنت ومن المنتدى هنا وبدون ذكر اسماء انما كل اللي قادر اقوله مفيش نصيب لان لو كان في نصيب كان تم ارتباط بيني وبينها وبكل الاحوال بدعي لها ربنا يوهبها سعادة الدنيا والاخره ويحقق كل احلامها والنت عالم يعني ارواح وقلوب وعقول ومش عيب ابدا يحصل حب الاهم يستمر بين الطرفين في ختام الحلقه قول كلمه لجيجي معدة ومقدمة الحلقه اقولك ربنا ينتقم منك ياشيخه روحي صوابعي ولعت كتابه وعنيا زغللت حرام بجد ايه كل الاسلئة دي قبل ما اقول كلمه عنك احب اقول للكل كلكم اخواتي والحياة مش مستحقية أي صراع وعلى كل ايد خفية بتهدم راعي ربنا هتتحاسب على ده ومفيش هناك بالاخرة وسايط ولا مجاملات ولا مخلوق هيشفع فياريت ترجع لعقلك يامن تفهم المعاني المقصودة هنا اقولك انتي بقا علنا وبقولها لو كان ليا اخت حقيقي ما كانت ابدا هتكون مثلك جيجي انا بشكرك جيجي انك اخت ليا وبتمنى لك اوي كل الخير مع الكابتن طيار خطيبك هو بالفعل يستحقك وانتي كمان هدية راااااائعه له وقطعا انا افتخر واتشرف بك جيجي وانتي عارفه كويس اخوتنا للابد قوية جدا جدا أي انتي ساعات بتخنقيني انما اغلى اخت بجد ربنا لا يحرمني منك ولا من اخوتك ابدا يارب وشكرا ليكي اوي لثقتك فيا واختياري اول ضيف حلقاتك وشكرا مقدما للجميع وشكرا لكل اخ او اخت علموني هنا وشكرا لكل من سيمرون هنا واتمنى اكون جاوبت اجابات حاسمه وصريحه هنا تحياتي كلها اختى الغاليه جيجي نورتنى يا احمد ومنك لله حولتنى على نزلت الاسئلة مااااسورة وانفجرت فى وشى

[كبريت]

مؤقتا
كل النجوم والتقييم وكل الشكر طبعا
وان شاء ليا عودة للرد اختي جيجي

[العاشق الذى لم يتب]

25 سؤال يامفترية
سعتين اقرا الاسئلة والاجوبة
ماشاءالله
ماخلتيش حاجة الاماسالتى عليهااحمد
جميل البرنامج ومتوع وكتيروطويل
كان الله فى عونك احمد
منورفى كل مكان
ربنايوفقك ونشوفك قريب عريس مع من اختارهاقلبك
وبالتوفيق فى كل حياتكط
مافيش شك او مجاملة
انت فعلا نشيط وقلمك راقى
ونشاطك وتواجدك اكبردليل على كده
دعواتى وامنياتى لك
وبالتوفيق للمذيعة المخضرمةجيهان
سعدت اكون اول من تشرف بهذا اللقاء
تحياتى وودى

[همس الحنين]

كل دى اسئله تعبتينى ياجيجى

بس حلو الحوار

ربنا يوفقكأ.كبريت

وكل انسان معرض للعديد من التساؤلات ووجب عليه الدفاع



بالتوفيق

[أميرة محمود]

حلقة حلوة وشقية وروشة
يا جيجي تسلم افكارك وتعليقاتك دمها خفيف
كبريت هواياتك كتيرة وملاحظاتك قوية
وردودك بيغلب عليها العقل والصراحة والجرأة
وربنا يسعدك اخى ويوفقك مع عروستك

[انا جيجي]

اقتباس المشاركة الأصلية كتبت بواسطة همسات فوق القمر كل دى اسئله تعبتينى ياجيجى بس حلو الحوار ربنا يوفقكأ.كبريت وكل انسان معرض للعديد من التساؤلات ووجب عليه الدفاع بالتوفيق

هو انتى لسه متعرفيش جوجا

طبعا لزمن اعصر الضيف واطلع منه الخلاصة

ومتقليش دورك جى

[الملكة كيلوباترا]

حلقة ممتعة ومميزة مع كبريت
واجاباته مميزة
ومجهود عالى منك ياانا جيجى
^_^

[انا جيجي]

اقتباس المشاركة الأصلية كتبت بواسطة أميرة محمود حلقة حلوة وشقية وروشة يا جيجي تسلم افكارك وتعليقاتك دمها خفيف كبريت هواياتك كتيرة وملاحظاتك قوية وردودك بيغلب عليها العقل والصراحة والجرأة وربنا يسعدك اخى ويوفقك مع عروستك

ايون طبعا يا اميرة امال انا اتميز عن الاخريييييييييين از

وكبريت شخصية عاقلة قال عاقلة قال

ده كفاية الشعر الكبريتى بتاعه

[انا جيجي]

اقتباس المشاركة الأصلية كتبت بواسطة arco soso حلقة ممتعة ومميزة مع كبريت واجاباته مميزة ومجهود عالى منك ياانا جيجى ^_^

اركو يا قمرتنا نورتينا يا قمر

انت اصل التميز اركو

[انا جيجي]

اقتباس المشاركة الأصلية كتبت بواسطة العاشق الذى لم يتب 25 سؤال يامفترية سعتين اقرا الاسئلة والاجوبة ماشاءالله ماخلتيش حاجة الاماسالتى عليهااحمد جميل البرنامج ومتوع وكتيروطويل كان الله فى عونك احمد منورفى كل مكان ربنايوفقك ونشوفك قريب عريس مع من اختارهاقلبك وبالتوفيق فى كل حياتكط مافيش شك او مجاملة انت فعلا نشيط وقلمك راقى ونشاطك وتواجدك اكبردليل على كده دعواتى وامنياتى لك وبالتوفيق للمذيعة المخضرمةجيهان سعدت اكون اول من تشرف بهذا اللقاء تحياتى وودى

اكيد يا رفعت احمد من الشخصيات المتميزة بنشاطها وخفة دمها

نورتنى رفعت