الحلقة الاولى من الضربة القاضية ومورشو

[كبريت]

السلام عليكم ورحمة الله وبركاته

وكما وعدتكم
النهاردة الحلقه الاولى
من برنامجكم





الضربة القاضية







كان طبيعي استضيف ضيف
قالوا عنه الكتير
مشاغب
مشاكس
عنيد

ضيف اعتبروا توبيكاتوا
قضايا ساخنه


ضيف لما تشوف لينك بصفحتك منه فورا لازم تقول
مورشو
سلام قولا من رب رحيم

مش سخرية منه لالالا انما لان فعلا توبيكاته بتقتحم قضايا هو بس قادر على فتحها



ضيف من العيار الثقيل وكان لازم نعصروا ونضرببة كام ضربة قاضية بالبرنامج هنا واهو على سبيل الانتقام منه وتخليص بعض الحقوق من الغلابة اللي شغال عصر فيهم



معايا ومعاكم اخي واستاذي الراقي





مورشو









اهلا بيك استاذ مورشو ونورتني كتير
وحقيقي وجودك انا اعمل له مليون حساب
لانك طبعا مشرف قوي ولك حضورك وصاحب اقوى البرامج
ومؤكد مغامرة عمل أي توبيك وياك لازم يكون لها قدرات خاصه وفكر مختلف
بس الاهم
ان وجودي وياك مكسب كبير جدا ليا وخصوصا دي اول مره اكون مقدم برنامج





يابنى انا ( مورشو ) معاك فى المنتدى
مش ( باسم يوسف ) والا ( عماد اديب )

يامتواضع ياعم


خد نفسك كده وروق عشان هتتعصر اساله
وعلى جزئين بس وكل جزء 10 اسئله
طمعانين في كرمك بقا وفرصه ننتقم للغلابه ياعم عشان عليك توصيات كبيرة اوي



ماهو لو كل توبيك هكون فيه
وصاحبه هيقولى كدا يبقى كدا
مين الى غلبان انا والا انتو




مش هسألك اسئله تقليدية وتعارف لان الغالبيه اكيد عارفينك




انا نفسى زهقت منها




اتفضل وركز ياكومندان بقا




اهو






السؤال الاول
من صغري وانا عنيد وبحب المشاكل ومش بس كده لازم افتح ابواب جهنم ولازم اكون انا كمان صاحب الحلول يعني باختصار كل خيوط اللعبه لازم تكون في ايدي !

امتى قلت كده ؟




بص عمرى ماببص للامور بالشكل دا ان اكون انا الى بتحكم فيها
عنيد انا معاك فى دى انا فعلا عنيد شويتين بس لو حاسس ان ليه حق
او بكلم فى حق والى حوليه عاملين انهم مش واخدين بالهم .
لكن عموما فى حياتى مابفكرش انى ادخل مشكله
واتحكم انا فيها واتحكم فى الى قدامى بسببها .




السؤال الثاني
انا اعشق المغامرات والتصادمات وما بخاف غير من ربنا واللي يمسك لي غلطة يواجهني بيها
امتى قلت كده وهل نفهم من كده انك بلا عيوب اصلا ؟




طيب ارد الاول واعرف انا بعيوب والا لا
انا مقتنع ان كلنا بنغلط ودا طبيعى مفيش حد كامل اكيد
لكن فى نفس الوقت مفيش حد غلط على طول الخط
يعنى مستحيل اكون بدخل فى خلاف مع شخص
ودائما انا الى بكون غلطان .
انا مقتنع بثقافه الاعتزار لكن لمن يستحق
ومقتنع ان الاعتزار يكون قدام الكل مايجيش واحد مثلا
يغلط فيا فى شارع ويجى يعتزرلى فى شقه مثلا






السؤال الثالث
انا شخصية كاريزميه يعني باختصار مكاني بالصفوف الاولى ومش مهم بقا اظلم اولع ادمر حتى الحياة اهم شيئ اكون بالمقدمة ما هي مكاني ولازم افضل فيه
ليه قلت كده ياعم مورشو ؟


اصل انا مفترى بعيد عنك
هههههههههههههه
ياعم الحاج احنا ناس غلابه مالهاش فى خراب البيوت دا
معتقدش ان فى حد بيتمنى يفضل واقف مكانه فى حياته
اكيد بيتمنى يكون فى الصفوف الاولى بس مش بالشكل دا
انى اظلم وادمر عشان حاجا زى كدا فربنا يبعدنا عن الكلام دا
ويبعد الناس عننا لو تفكيرهم بالشكل دا


يامتواضع يامتواضع ع الاخر






السؤال الرابع
وايه يعني اكون زوج وعندي صديقات كتير بالفيس مش عيب ومش جريمة الكل عنده صديقات اشمعنى انا وانا عارف حدود نفسي كويس وكل المنتديات تعرفني ؟
معقول انت اتكلمت كده بالشفافيه دي ؟



انا كدا فعلا يعنى انا على صفحتى فى عضوات من المنتدى
معنى انهم عندى يبقى خلاص بنحب فى بعض اكيد لا
وغير كدا سواء هنا فى المنتدى او على صفحه الفيس
عارفين انى راجل مجوز فخلاص معتقدش فى مشكله
ان يكون عندى صديقات على الفيس .
والاهم من كل دا انى بحترم زوجتى


ياعيني ياعيني على الديبلوماسية المغلفه بالذكاء يا كومندان وطبعا مفيش احسن من عمل حساب للحكومه وانتم السابقون بقا






السؤال الخامس
بص ياكبريت بدل ما اولع فيك وادمرك بلاش تستفزني وتعمل فيها معد برنامج علشان بوضوح وعلني كده انجح برامج المنتدى هي البرامج اللي عليها اسم مورشو وتقدر تشوف الزوار والردود
ياترى دي ثقة ولا غرور منك ياكومندان ؟



لا ثقه والا غرور
دا مجهود حوالى 5 سنين واستمراريه
واعتقد ان المفروض دا حقى ان يكون ليه
اعضاء بتهتم بالى بنزله ودا هتلاقيه عند
اغلب اعضاء المنتدى القداما هتلاقى كل حاجا بتنزل ليهم
الاعضاء بتهتم بيها .
ودى حاجا تشجع الاعضاء الجدد انهم يستمرو
عشان الاعضاء تهتم بمواضيعهم


انا وقعتي غوامق وياك امال لما تشوف اسئلة الجزء التاني هتعمل ايه هتقتلني مباشرة






السؤال السادس
انا هواياتي وامنياتي كتيرة اوي منها ما هو معروف ومنها ما هو مغمور يعني مش بحب اوضحه
ياترى تقدر تعرفنا ايه ما هو مغمور ؟


انا قولت قبل كدا فى المنتدى
اهم امنياتى انى اكون قادر احقق طلبات البيت
وزوجتى واولادى اكتر من كدا مش عايز
لان دا لو اتحقق وربنا اكرمنى بيه خلاص كدا
مش عايز حاجا تانى .


يارب يحقق كل امنياتك والجميع يارب





السؤال السابع
انا فتى احلام أي بنت واتحدى والغالبيه يتمنوا رضايا والغالبيه يتمنوا بس كلمة صغيرة مني بزوارهم حاول تفهم ياكبريت ان اسم مورشو ماركة مسجلة ومش أي اسم
ياترى امتى مورشو فكر كده ؟





انا مجوز ياعم كبريت
استر عليه ربنا يستر عليك ^_^
اكيد لو فى حاجا كدا كانت قبل الارتباط
لكن من وقت ماتم الارتباط خلاص
الواحد معتقدش انه هيفكر بالشكل دا
وبعدين ياعم الواحد بقى ( 30 سنه )
صحيح عز الشباب والبنات بتبص للسن دا كدا
بس برضو وبعدين لازم الواحد يدى فرصه
للواد ( نور ) و ( رفعت )


30 سنه ايه بس ياعم انا اتكتب عني 53 سنه وصلاحياتي كلها انتهت





السؤال الثامن
بص ياعم انا اتجوز مرة واتنين وتلاته واربعه ياعم انا حر وكله بما يرضي الله انت متضايق ليه هو الجواز حرام
هل مورشو قال كده ياترى ؟

لا الحمد لله
انا مقتنع جدا بجوازى لانه كان من اختيارى
وبعدين هو انا مجنون عشان اجوز تانى ياعم الحاج
بس عموما بجد مابقتنعش بالى يجوز مرتين


حلوة خالص الديبلوماسيه دي ولا انت عامل حساب الحكومه بقا




السؤال التاسع
رغم هزاري وبرامجي وكلامي وضحكي بالمنتدى الا ان جوايا جوانب لدلوقتي ولا مخلوق قدر يكشفها فيا
ممكن توضح لنا ايه الجوانب دي عنك ؟


اكيد حاجات شخصيه
لانى مقتنع ان مش اى حاجا لازم تتقال فى المنتدى
انا قولت قبل كدا كنت مقتنع ان مش شرط لو واحد
اجوز انه يقول فى المنتدى او لو لا قدر الله حصلت
حاله وفاة انه يقول بس اقتنعت ان فى بعض
الامور عادى جدا ان الواحد يقولها لان فعلا فى اعضاء
بتفرح للواحد وبتحزنله برضو لو فى حاجا لا قدر الله
لكن انا متاكد بنسبه 100% ان مفيش اى عضو
فى المنتدى فاتح حياته كلها بكل ما فيها لاعضاء المنتدى
اكيد فى أمور شخصيه محدش لازم يعرفها .
ممكن تلاقى مثلا حاجا خاصه بعضو قايلها لعضو والا اتنين
لانهم قريبين منه جدا لكن مايصرحش بيها للجميع


ياخصوصياتك ياكومندان





السؤال الاخير من الجزء الاول ( الهادئ نسبيا )
والله انا مش بغصب حد ييجي ميلي وصفحتي بالفيس هما اللي بيضيفوني ويصدعوني واهرب من دي الاقي دي احاول اجري من دي اتصدم في دي
تقدر توضح لنا الكلام ده صح ولا غلط ؟


لا بالعكس الى عايز منى حاجا وبيطلب ميلى او صفحتى
معنديش اى مشكله ومفيش صداع والا حاجا بالعكس
حصلت كذا مره لو فى مشكله والا حاجا بنكلم فيها
وخلاص على كدا وزى ما قولت مش شرط ان على
صفحتى عضوة معنى كدا اننا نازلين حب فى بعض
انا فى عضوات على صفحتى تقريبا بقالنا سنين
مكلمناش مع انى بدخل وهى بتدخل وبنكون فاتحين
مع بعض بس محدش بيبعت للتانى الا لو حاجا
خاصه بالمنتدى .


اتمنى الحلقة تعجب حضراتكم



دمتم بكل السعاده




كبريت

[كبريت]

شكرا للرقابه

وانتظروني والجزء الثاني
الاكثر اثاره
والاكثر سخونه


الجزء الاقوى
دا كان بس مجرد تسخين على الهادي مع عمنا مورشو

وجاري عمل الجزء الثاني


انتظروني ومورشو والجزء الاهم


كبريت

[الملكة كيلوباترا]

هههههههههههههه اجابات مارشو جميلة جدا
ومجهود عالى منك ياكبريت

[كبريت]

اقتباس المشاركة الأصلية كتبت بواسطة arco soso هههههههههههههه اجابات مارشو جميلة جدا ومجهود عالى منك ياكبريت

هههههههههه
اهم شيئ يا اركو ربنا يقويه على الجزء الثاني المستفز
وانا على ثقة انه لو لمحني دلوقتي عند بيته
اقل فعل سكينه في وسط بطني وفورا

نورتي خالص

[قلب وكلمات]

الراقي كبريت والجميل مرشدي

وحوار راقي جداً بلا شك

فالمقدم رجل يحمل فكر ودماثت خلق كما أنه كاتب خواطر

يعني شامل ،، وأما الضيف فهو المقدم المتوج في المنتدى

صاحب اسلوب مميز راقي الخلق مشاكس لكنه طيب القلب

عجبتني أسئلتك كبريت ،، ردود رائعة منك مرشو

تقبلوا خالص تحياتي

القيصــر

[™Amiliya]

مورشووو زي متوقعت صرررريح اوي ومفيش بجد زي شخصيته

لقاء الجزء الاول منه ممتع

في انتظار الجزء التاني كبريت

مميز

[انا جيجي]

انا هروح الم عزالى واقعد جمب الترعة

حلقة قوية بجد يا احمد واسئلة اقوى

وضيف عنيييييييييييييييد

حلقة متالقة زى صاحبها ومعدها

اه تقييييييييييييييييييمى فوق اهون

55555555555555555555نجووووووووووووووووووووم

[رضا التركى]

اسئلة جميلة وهادئة فعلا

واعتقد 5 سنين مجهود كبير جدا من مورشو

هنوقع ايه غير اجابات شفافة وواضحة

بالتوفيق اخى احمد وضيفك الكريم

بانتظار لجزء الثانى

دمتم بكل الخير

[الأميرة رودي]

الجزء الاول جميييل وعدى بسلام
عقبال الجزء التانى ياكبريت انت ومرشو .
ايش جاب الجاز مع الكبريت بس
مورشو انت بقا اسمك جاز خلاص
بجد اﻻسئله مميزه واﻻجابات رائعه
ف انتظاركم والجزء التاني

[سيناا]

حلوووووووووة الفكرة كتير يا صديقي


وبجد ضربات قاضية متتالية داخ منها مورشو

ههههههههههه


بأنتظار الجزء الثاني يا صديق ي