احساس

[™Amiliya]

مساء ربيعي رايق هواه مع الغيم في سماء الرياض

بقولكم مساكم سكر زيادة

عارفين شعورك وانت صاحي الصبح مبسوط بدون سبب

كل حاجة قدامك ليها معنى وجميل

كل حاجة وحشة حاسس انه مش وقته تفكر فيها

مبتسم ... مبتهج... مشرق ع غير عادتك

حتى الي حواليك ملاحظين ان عنيك بتلمع

في حاجة خارجة منك ... طاقة ايجابية بابتسامتك موزعها ع كل من شافك

تروح شغلك رغم زحمته شايفه ممتع

تمشي في الشارع زحمة واصوات ودوشة وازعاج

عايز تحضن كل الناس ... عايز تعلي ضحكتك

اصوات الناس ودوشتهم حواليك موسيقى

حتى وانت ماشي حاسس الارض بترقص وصوابع ايديك بتدندن

وبتغني مع نفسك وحاسس ان صدرك مليان هوا نقي

اوكسجين داخل جواك مخليك حاسس انك فوق السحاب طاير

/

عارفين الشعور دا الي مش عارف توصفه

الي بتحس بس ان كلمات اللغة كلها لايمكن تسعفك في الكلام عنه

والي تحس بانك في عالم كرتون كل حاجة فيه خيالية

والي تحس فيه انك في جنة مليانة ورود وخضرة ومية ومطر

الشعور دا

بيحصل مرة في عمرك ولا يمكن يتكرر

اوع تضيعو منك

[الفيلسـوف]

الشعور هو سيد العواطف
التفاول شى رائع حتى لو كان من غير سبب فلولا ذلك لما قيل تفائلوا بالخير تجدوه
حتى لما بنجى نضحك بتظهر 14 عضله من الوجهه وبيفرز ماده ف الجسم تسمى الجلوكجين وهى تشه العسل الاسود بتمر ع كل شى ف الجسم وتعمله انتعاش ولما بيحصل انتعاش ليهم بيدعوا ليكى ياااه بيدعوا ليه اه وشوفى بقى لو انتى اتسببتى ف ضحكه انسان تانى وتالت كام عضو بيحكللك
الشعور الطيب والمتفائل هو خير ما ف الوجود
والطاقه الايجابيه هى خير دليل وطريق
تحياتى لك وشعورك ايميليا لروحك السعاده دائما
تقبلى مرورى

[العاشق الذى لم يتب]

من تفاءل خيرا وجدته
ولازم بالقوة الجبرية نحلم
بالفرحة والسعادة والبشرى
تحتاج النفس دوما لطمئنينة وراحة بال
كى نتغلب على متاعب الحياة

[همس الحنين]

احساس جميل يا ايمى

ساعات كتيره بتحصل وقتها مش بعرف ده سببه ايه

لحظه تفاؤل ولا لحظه انتعاش وأمل

بس مش مهم ايه المسمى

المهم استمتاعك باللحظه نفسها

جميله حبيبتى

[أميرة محمود]

شعور الروقان دا
والانطلاق
سطورك من السعادة بترقص ع فكرة
رائعة ف الوصف
أيتها الآنثي الحالمة

[كبريت]

صباح انيق
ايميليا محمد الجنزوري


صاحبة الفكر الكلاسيكي
انا بدأت وسمحت لنفسي باطلاق لقب شايفه مناسب لفكرك
وخصوصا وانا تابعتك من فتره بعالم الفيس يعني لما اقول لقب عارف بقوله ليه وازاي


عن ما هنا ومع كل تقديراتي لكل حرف صادق وانيق
في الزمن ده
انا هعتبروا مجرد حلم جميل في وقت حتى اصبح ضد الاحلام


اسعد الرحمن صباحك يارب

[™Amiliya]

اقتباس المشاركة الأصلية كتبت بواسطة sad_love الشعور هو سيد العواطف التفاول شى رائع حتى لو كان من غير سبب فلولا ذلك لما قيل تفائلوا بالخير تجدوه حتى لما بنجى نضحك بتظهر 14 عضله من الوجهه وبيفرز ماده ف الجسم تسمى الجلوكجين وهى تشه العسل الاسود بتمر ع كل شى ف الجسم وتعمله انتعاش ولما بيحصل انتعاش ليهم بيدعوا ليكى ياااه بيدعوا ليه اه وشوفى بقى لو انتى اتسببتى ف ضحكه انسان تانى وتالت كام عضو بيحكللك الشعور الطيب والمتفائل هو خير ما ف الوجود والطاقه الايجابيه هى خير دليل وطريق تحياتى لك وشعورك ايميليا لروحك السعاده دائما تقبلى مرورى

تعجبني تفسيراتك للشيء بتعطي قيمة للمعنى بطريقتك الجميلة دائما
بجد ادتني طاقة ايجابية الان

لروحك السعادة

[™Amiliya]

اقتباس المشاركة الأصلية كتبت بواسطة العاشق الذى لم يتب من تفاءل خيرا وجدته ولازم بالقوة الجبرية نحلم بالفرحة والسعادة والبشرى تحتاج النفس دوما لطمئنينة وراحة بال كى نتغلب على متاعب الحياة

الفرحة بتزور القلوب كل ماسمحت لها الظروف بذلك
فلنفرح براحة بال وطمئنية مثلما قلت

نورتني بجميل حضورك رفعت

[™Amiliya]

اقتباس المشاركة الأصلية كتبت بواسطة همسات فوق القمر احساس جميل يا ايمى ساعات كتيره بتحصل وقتها مش بعرف ده سببه ايه لحظه تفاؤل ولا لحظه انتعاش وأمل بس مش مهم ايه المسمى المهم استمتاعك باللحظه نفسها جميله حبيبتى

فعلا المهم الاستمتاع باللحظة
يجعل روحك سعيدة يابسنت

[™Amiliya]

اقتباس المشاركة الأصلية كتبت بواسطة أميرة محمود شعور الروقان دا والانطلاق سطورك من السعادة بترقص ع فكرة رائعة ف الوصف أيتها الآنثي الحالمة

عارفة ياميرو اغنية عمرو دياب وياه بالموسيقا وكلماتها الخفيفة
هو دا بالظبط الي بيحصل

منوراني اميرتي