صاحب نفسك ترتاح (مسابقة فضفض وأحكى)

[العاشق الذى لم يتب]

زرانى صديقى وسألنى ليك فترة مش شايفك وبطلت تزرنى ولا تسال عنى إيه الحكاية مخاصمنى ولامشغول ولا الدنيا لهياك والظروف والأحوال رديت عليه معلش سمحنى وحقك عليّ فعلا أنا مقصر فى حقك وحاسس إنى لىّ أكتر من شهر ماشوفتكش وطبعا لا يمكن الدنيا تلهينى أزورك ولا تحت أى ظرف أتأخر عن صلة الأرحام وزرياة الأحبة والاصحاب بس والله بينى وبينك بتحدثنى نفسى أبطل أزور أى حد ولاأسال عليه متهيئلى كده أريح نفسى وضميرى وأخفف عن نفسى التعب والشقا والهموم والأحزان قالى إيه ده اللى بسمعه منك تبطل تزور حد مش أنت اللى ديما تقولى تعالى نروح ن طمن على صديقنافلان وفلان وديما أسمعك فى خطبك توصى بصلة الأرحام وزيارة الأهل والجيران والأصحاب قولت صحيح بعمل كده والحبيب محمد عليه الصلاة والسلام قال الناس بالناس والكل بالله ده عارفه كويس بس ياصحبى اليومين دول كل ماتصاحب واحد وتتقرب منه وتعزه ويعزك وماغفيش بينك وبينه غيرالمودة والمحبة وتتفاجئ تلاقيه إنقلب رأس على عقب والصحبة والمودة تتقلب الضد تماما وياريت كده وبس دا كمان تلاقيه بيشكى منك لكل الناس ويتهمك أن أذيته وشهرت بيه وادعيت عليه بهنتانا وكذبا ولو جيت تسأله أنت عملت كده ليه يقولك أيوة أنت عملت وسويت ويسميلك ميت جريمة أنت أرتكبتها فى حقه .. طيب ياصحبى جيبت منين الحكايات دى وأزاى وأمته ومين وصلك الاحداث دى طيب ليه ماجيتش سألتنى الأول وتشوف أنا عملت الجرايم دى ولا لأ مش هتخسر حاجة لو استفسرت وسألت وتأكدت يرد عليك ويقولك من غير ماأتأكد أنا واثق أنك عملت كده طيب ياصحبى بالهداوة كده عرفنى أنا عملت إيه ولا قولت إيه هو مش من حق المتهوم يسأله القاضى قبل مايحكم عليه ويدافع عن نفسه وإن ثبتت الجريمة عليه يبقى يستحق الحكم يرد عليك صاحبك أبدا أنت متهوم ومرتكب كل الجرايم ومن أنهرده أنت خصيمى ليوم الدين ولا أعرفك ولا تعرفنى ومافيش بينا لاصحبة ولاعشرة وعيش ولاملح رد علىّ صاحبى وقال .. ياه دا أنت موجوع أوى ليك الحق ماتسألش عنى ولاتزورنى بس مش كل الناس زى بعض ياأخى لازم الحياة يكون فيها ممغصات وتعب ومشاكل وهموم وكمان الناس بقيت معظمها نيته وحشة وبتسيئ الظن والشكوك مباشرة مجرد أول هفوة ولا أى مطب تلاقى الناس مهاجمين عليك ويطلعو فيك ميت قط فاطس وكمان زى ماقولت مايدوكش فرصة تتدافع عن نفسك أقولك إيه ياصحبى خد نصيحة من اخوك صاحب نفسك ترتاح ضحكت وفكرت شوية ورديت عليه تصدق نصيحتك دى غالية وثمينة أوى بس ياصحبى أنا مااقدرش استغنى عن أصحابى وأحبابى أموت لو ماعرفتش أخبارهم وأطمن عليهم وأسلم وأسلم وأسلم

[جنون قلب]

مين اللى قال كده / اصاحب نفسى ازاى
مينفعش طبعا
انا لو عملت زى ما صاحبك قالك وصاحبت نفسى
.
معلش بقى يبقى عمرى ما هتطور ابدآ
وده ليه لانى بعبر عن نفسى ومفيش اختلاف بينى وبين نفسى
لآزم احتك ب ده وده عشان اتعلم من ده وده
وايه يعنى لما اغلط فى مره
وافوز مره واكسب مره
عادى جدآ اومال احنا فى الدنيا دى ليه
وايه يعنى لما اصاحب واحد ميستاهلش
ما انا فى المره التانيه هشوفه ميستاهلش ليه واشوفه عمل ايه
وادور على صاحب تانى يكون مفيهوش الصفات دى



.
.
.



لآ بجد رفعت موضوعك غلط فى غلط
احنا مينفعش نعيش فى الدنيا ل وحدها
او مثلآ بالنسبه ليــآ
اناشايف اننا لآزم نعيش مع الناس
ونتكلم ونتعلم ونتابع ونجرب
مش هنخسر حاجه
حتى لو اتألمنا اسمها برضه اتعلمنــآ
مشكور اخوى

[العاشق الذى لم يتب]

اقتباس المشاركة الأصلية كتبت بواسطة جنون قلب مين اللى قال كده / اصاحب نفسى ازاى مينفعش طبعا انا لو عملت زى ما صاحبك قالك وصاحبت نفسى . معلش بقى يبقى عمرى ما هتطور ابدآ وده ليه لانى بعبر عن نفسى ومفيش اختلاف بينى وبين نفسى لآزم احتك ب ده وده عشان اتعلم من ده وده وايه يعنى لما اغلط فى مره وافوز مره واكسب مره عادى جدآ اومال احنا فى الدنيا دى ليه وايه يعنى لما اصاحب واحد ميستاهلش ما انا فى المره التانيه هشوفه ميستاهلش ليه واشوفه عمل ايه وادور على صاحب تانى يكون مفيهوش الصفات دى . . . لآ بجد رفعت موضوعك غلط فى غلط احنا مينفعش نعيش فى الدنيا ل وحدها او مثلآ بالنسبه ليــآ اناشايف اننا لآزم نعيش مع الناس ونتكلم ونتعلم ونتابع ونجرب مش هنخسر حاجه حتى لو اتألمنا اسمها برضه اتعلمنــآ مشكور اخوى

ياصحبى ارجع وشوف كلامى واقراه تانى
انارافض فكرة صاحب نفسك ترتاح
ركز ياسلم ركز
منورنى ومشرفنى بحضورك الراقى
تقبل تحياتى وودى

[همس الحنين]

أتعلم متى أُصاحب نفسى

عندما أجد روحاً تمثلنى

صديقه او حبيباً يكونا اقرب اليا من نفسى

حينها لن اسرع بمصاحبة نفسى فقط بل ومصالحتها لان فى ذاك الوقت سيكون نفسى ممثله بروح اخرى

فضفضه قيمه منك

احترامى

[العاشق الذى لم يتب]

اقتباس المشاركة الأصلية كتبت بواسطة همسات فوق القمر أتعلم متى أُصاحب نفسى عندما أجد روحاً تمثلنى صديقه او حبيباً يكونا اقرب اليا من نفسى حينها لن اسرع بمصاحبة نفسى فقط بل ومصالحتها لان فى ذاك الوقت سيكون نفسى ممثله بروح اخرى فضفضه قيمه منك احترامى

كل الشكرلك
بسنت
وهذا المرورالرائع
تقبلى تحياتى وودى

[ريانة العود]

مرات نزعل ونغضب من الصحاب
لكن مالناغناعنهم
كلامك مرة حلو
بقات ورودى

[Lamees]

جنة من غير ناس ما تنداس
ومن غير اصحاب مفيهاش احساس
صاحب نفسك مفيش مانع
لكن اختار صديق جيد
يكون لك عوناً في اشد الاوقات

[™Amiliya]

اصاحب نفسي لوقت اخلو فيه معها هي اكثر ناصح واكثر مستمع لي
لكن في الجانب الاخر اصاحب من يشبهني او يختلف معي ويحترمني ويقدرني

هذه هي الحياة

راقتني فضفضتك

[phalsteen]

احيانا كتير بنلجأ لنفسنا
ونقفل علي نفسنا الف باب وباب
بتكون مجرد حاله
بس الاغلب بنحتاج حد مهم اقرب من كل شئ
زي نفسك
ترمي هموم الدنيا بين ايديه
بس نادرين هما دول
تسلم ابو عبدلله
راقني وجودك هنا

[العاشق الذى لم يتب]

اقتباس المشاركة الأصلية كتبت بواسطة ريانة العود مرات نزعل ونغضب من الصحاب لكن مالناغناعنهم كلامك مرة حلو بقات ورودى

شكرا ريانة
شرفنى مرورك
مودتى