~ْْْ ذكريآت من زمن فآت ومعآنا ْْْْ~

[رووكه]

السلام عليكم ورحمه الله وبركاته آحب آشكر الاخ القدير مورشو ع حضوره الحلقه السابقه وعوزه اقول حاجه الحلقه ديه طلعت عينى عاشر مره انزلها والنت يفصل ويهنج منى غير ان دلوقتى النور قطع بركاتك آفخرى ♥ ♥ ♥ لكل منا ذكريآت مر عليها زمن ولحظات تسكن القلب موضعنا مش هيكون عن ذكريات خاصه بحياتنا قد ما هنتكلم ف ذكريات مرينا بيها ف المنتدى مواقف من آول يوم سجلت ف المنتدى .. هنحكى وهنعرض مواقف مر بيها كل عضو وأيه آكتر شئ لمسه ولحد النهارده مش نسيه وبيتمنى يتكرر تآنى وأيه آكتر شئ خلاه غضب من المنتدى وقرر يمشى وقال يارب ميتكرر تانى وآكيد كل عضو فينا آتعرف ع شخصيات جميله ومع الظروف أختفو يآترى لسه فاكرهم وفاكر مواقفك معاهم بكل بساطه هنرجع لى آيام المنتدى زمآن وهنسافر مع العضو ف دفتر الذكريات هنبحرف قلب وعقل عضو يملك من الذكاء ما يجعله يسهل لما يريده يغوى النقاش والتفاعل دائما يسعى للوصول لحل لما يعرضه من مشاكل وخلافات آختفى فتره ولكنه عاد بلونه المميز نشيط وثبت حضوره معانا ومعكم دنجوان المنتدى الحج نور السلام عليكم ورحمه الله وبركاته و عليكم السلام رووكه شكرا على كلامك فى حقى نحن شمعه تحترق من اجل الاخرين يآراجل آنت هتقولى اهلا بيك ف ذكريآت من زمن فآت من آسم البرنامج فكرك بى آيه آكيد فيه ذكرى مش تتنسى؟ دائما الذكريات الجميله لا ترحل عن عقولنا و لكن ذكريات خيبات الامل ساكنه فى عمق الاعماق الذكريات التى لا تنسي كتير منها الجميل و منها الموجع و لكن تبقى ذكرى تخرجى من الجامعه الاوفر حظا لان احداث كثيره حدثت غيرت مجرى حياتى عرفنا عن نفسك .. الاسم نور هلال البيج بوص يوم تسجيلك ف المنتدى / يوم تسجيلك آحج مين عرفك ع المنتدى وآول آحساس جالك وقت ما سجلت ؟ عرفته بالصدفه كنت فى سيبر و كان واحد فتحه فكان اول دخول ليا فى عالم المنتديات سجلت فيه و لغايت دلوقتى معرفش العضو الى من بلدى دا احساس جميل لانها اول تجربه ليا و يوم اسود يوم دخولى فى المنتدى غيرى مجرى حياتى اكتسبت الكثير بسببه و خرت الكثير بسببه و الحمد الله ع كل حال خربت ولسه عايش آول عضو آتعرفت عليه ف المنتدى وياترى لسه ع علاقه بيه ؟ حرف هجاء هى اول حد اعرفه هنا دوام الحال من المحال شخصيات آتقربت منها وفجاءه اختفو ؟ لسه فاكرهم أساميهم آيه ? كتير و كانت عقليات جميله كان نفسي افضل على صله بهم زى رحيق الجنه ضياء نور دعاء عصام و اعضاء تانى لكن لا اتذكر اسماء العضويات مننكرش آن ليهم بصمه ومكانه ف المنتدى فيارب يرجعو مكانهم من جديد شخص زعلك وحلفت مانتِ مكلمه تانى ورجعتِ اتكلمتِ معاه ؟ مين هو واحكى موقفك هههههههههههههه انا قلبي طيب لكن عصبي و اول ما اهدى براجع نفسي مره اتعصبت على مشرفات قلم الاعضاء بسنت و رونى و اتخنقت معاهم و قلت مش اكلمهم و لا يدخلوا ليا مواضيع لكن صالحتهم حلوه ولكن صالحتهم دهين مش تنسا آنت ف منتدى اسمه بنات مصر يعنى خاف ع نفسك آحج موقف آتعرضت ليه ف المنتدى ولسه فاكره سواء كان فرح آو لا قدر الله زعل وحزن؟ يوم ما اتعينت مراقب و يوم عزلى منه الاتنين متذكرهم و يوم تعين دمعه حائره و اتقالتها من الاداره و يوم استقلال طارق ذكريات حزينه دى ثوانى البس آسود وآجى آكمل المحزنه آول ما تم تعينك كمشرف ممكن تحكى اليوم ده كآن بالنسبه لكِ آيه ؟ كان انبساط طبعا و حلو الترقيه دى و جميل انك تاخد فرصه تثبت جدارتك فى شىء و الاجمل ان علاقتك بالاعضاء تكبر اكتر و اكتر قررت تمشى من المنتدى بسبب زعل فاكر الموقف ده واليوم اللى قررت فيه الانسحاب؟ كتير والله كنت بقرر اسيب المنتدى و امشي و اخرها الحظر اتعودت على البعد عن المنتدى و مكنتيش راجع بس اعمل ايه فى الذكريات و اشتد الرحال تانى ليكوا عمالينى سحر و لا ايه يخرب بيتكم -_- والله بنفكر نعمل عمل يمشيكم من المنتدى ونعقد آحنا مع نفسينا قال نعمل علشان ترجع قال فرحت قوى واليوم ده مش هيتنسى فكرنا بيه؟ امممممممم لسه مجاش اليوم دا لما يجى هقلكم عليه آول يوم سجلت ف صفحآت مكشوفه كآن آمتى؟ من زمان من ايام المشرفه دعاء السبب ف عمل مدونه آيه؟ تقليد اعمى مكنش زمان فيه تقيمات و لا لايك فكنا بنكتب و خلاص من غير ما حد يقرا او يدفعك على الاستمرار دا انتوا فى ايام المنتدى متطور يا بشر ياما انتو متهنين ياولاد البندر هموت من الضحك محسسنى انهم عملو طياره تنقل الاعضاء من بلد لتانيه ف صفحاتك قولت كلام وندمت آنك صرحت بيه وياريت ترفق المشاركه؟ ندمان على المشاركه دى ### لانى كتبتها لمن لا يستحق عاوزين نرجع لى زمان المنتدى كان آيه جماله وآيه عيوبه؟ كان جماله ان الروح كانت حلوه و فيه نشاط و ضحك و هزار و مفيش قوانين و لا بتاع كان كل واحد عارف حدوده و مفيش المشاكل الى بتحصل دلوقتى كانت ايام والله ياريت ترجع تانى تدخل المنتدى تسخسخ ع نفسك من الضحك دلوقتى تدخل مرارتك ترتفع ممكن ابعت لك مراره بلاستك اهى تسد معاك آكيد بنزعل من نفسنا آمتى نور يزعل من نفسه؟ لما حد يزعلنى و يعصبنى و اخرج عن شعورى معاه بزعلمن نفسي لان مش بحب الناس تشوفنى كدا بس نعمل ايه فى الى بيعصبونا للضروره احكام بئا كلمنا عن نور وذكريات الطفوله ؟ طفوله جميله و مشرقه و الحمد الله عشتها كلها و كنت جميل و عسوله و امور و بنات كتير كانت بتقرسنى فى خدودى و تقول عسل يا اخواتى الحاجه بتحكيلى و تقول كدا تقولش جمال عبد الناصر اللى بيتكلم عن نفسه سر حاولت تخفيه وبعدها كتبته ف المدونه ؟ مفيش آول مشاركه وموضوع كان ف قسم آيه .؟ حبيبي قلم الاعضاء بعشق القسم دا جداااا و هو الى اتعلمت فيه الكتابه آول تكريم لك كان من مين .؟ وليه كان فى مسابقه فى الاقلام الابداع الخيالى و اخت المركز الاول فيها و توالت الاوسمه و النياشين من بعدها المدونه ماذا تعنى لك.؟ متنفس عما يجول بداخلى و بوابة احساسي للعالم الخارجى من خلال الفترة التي قضيتها في المنتدى ما هي رؤويتك للاسماء التالية ؟ آمجد السقيع الذى لا يسخن ابدا بصراحه عنده برود اعصاب بحسده عليه ♥ ♥ ♥ طارق العقل الكبير واسع الافق و اساس منتدى بنات مصر ♥ ♥ ♥ الماجيك ابن بلدى المجتهد و الذى لا يبخل بالمساعده فزرع الحب فى قلوب الاعضاء بصدق له ♥♥ ♥ الأميره رودى البنت دى طيبه و فيه بنات كتير بتحقد عليها و عارف اسمائهم بهزر دى عضوه عسوله و ربنا عامل زى مرتضى منصور سديهاتك معايا ارحم شبابك يا عم نور وعموما فيه مقوله بتقول الشجره المثمره وساره منهم فلازم يكون ليها اللى يحقد علشان هى الاحسن رغم انى اشك ان يكون فيه حد بيكرها او شبه كدا ♥ ♥ ♥ روكه كان نفسي اعرفك من زمان ع اساس انى عضوه جديده هنا صباح الخير يا حج انا كنت عمله لك موضوع مباركه من زومان ♥ ♥ ♥ هاديه البنت دى لها كاريزما خاصه جميله و عندها غمزات ربنا يستر ع غمزاتك يآ بنتى ♥♥♥ همسات فوق القمر من الشخصيات الى بحترمها جدا و بقدرها و الى بحق تتصادق و تتعلم منها كل معانى الوفاء و الاخلاق حبيبتى شخصيه جميله الله يسعدها يارب ♥ ♥♥ امنيه الشافعى ياريت ترجعى المنتدى تانى اعضاء كتير مفتقده قلمك الجميل اسماء رحلت من المنتدى تقولهم آيه ارجعلى انا قلبي معاك مش قادر انساك حول لو سمعتى النداء مترجعيش انت مشكله يا جدع لو قولت لك آبعت دعوه لى آعضاء بالرجوع تنادى لمين.؟ يا طارق يا منه يا امنيه يا نور و نار يا حرف هجاء يا منايا يا كريم ارجعوا المنتدى بليز

وآحنا كمان بنضم صوتنا لك وبنقولهم ياريت ترجعو تانى ونتجمع زى زمان رائيك ف فكره البرنامج وكلمه للاعضاء الجدد ونصيحه ليهم من خلال تواجدك برنامج جميل و حلو اعضاء كتير جديده متسواها الفكر حلو استمروا فانتم المستقبل للمنتدى و احنا راحت علينا خلاص راحت عليك آنت بس آحنا لسه شوباب آيه رائيك ف القسم هل فيه آضافه تحب تضفها للقسم ؟ قسم جميل و له مكانه خاصه فى قلوب الاعضاء لا اضافات بس اعملوا مسابقات زى زمان هيحصل قريب ان شاء الله رائيك ف مشرفين القسم عسلوات هما الاتنين و امامير ربنا ما يحرمنا من تواجدهم شرفتنى بجد ونورت الحلقه شكرا يا روكه يارب تكون حلقه خفيفة الظل على قلبكم حلقه جميله بجد مع اخ قدير زيك ربنا يوفقك وتحقق آحلامك ومش تزعل من الكمونتآت انا بهزر معاك وربنا يدئم الاخوه بالخير انتظرونى بحلقه جديده وضيوف جديده وكل الشكر لــ حورى ع الديزين الجميل زيها ولكل الاعضاء اللى هيمرو من هنا دعواتى للجميع

[جنون قلب]

حلوه جدآ الحلقه
ميزآتهــآ عضو من زمـآن فى المنتدى
وعارف الناس كلهـــآ
مشكوره اختى روكه على الحلقه
ودوم التألق اخوى حضور قوى منكـ



دُمتم ف أمــآن الله

[العاشق الذى لم يتب]

جميل البرنامج والذكريات اجمل
تسلمى مروة وتعيش التفانين والابتكار
نور منور اكيد
وكويس يحمل قلبك المودة لأحبة لناجميعا
منهم من عاد ومنهم من نترجاه يعود
استمتعت بوجودى معاكم
لكما
تحياتى وودى

[big bốss]

ههههههههههههههه

تسلمى ياروكه على الكومنتات بتاعتك

و مرسي على الاستضافه

[big bốss]

اقتباس المشاركة الأصلية كتبت بواسطة جنون قلب حلوه جدآ الحلقه ميزآتهــآ عضو من زمـآن فى المنتدى وعارف الناس كلهـــآ مشكوره اختى روكه على الحلقه ودوم التألق اخوى حضور قوى منكـ دُمتم ف أمــآن الله

انا عشت طفولتى هنا كمان

و هتجوز و اخلف و انا هنا برضو

هبقى الجد الاكبر

شكرا اسلام

[big bốss]

اقتباس المشاركة الأصلية كتبت بواسطة العاشق الذى لم يتب جميل البرنامج والذكريات اجمل تسلمى مروة وتعيش التفانين والابتكار نور منور اكيد وكويس يحمل قلبك المودة لأحبة لناجميعا منهم من عاد ومنهم من نترجاه يعود استمتعت بوجودى معاكم لكما تحياتى وودى

شكرا يارفعت

نورتنى

[Sea Pearl]

جميلة الاستضافة رووكه
مرحة مع شخص عصبى ذى نور
منورين بقا

[احساسى صحيح]

حقله مميزه كالعاده
وخفة دم البيج بوس حاضره كالعاده
استمتعت جدا بالاسئله وطريقة رد نور الجميله
تحياتى لكى اخت مروه
والف شكر على وجهودك الجميل
تحياتى لكما ..

[أميرة محمود]

الذكريات حاجة حلوة
لانها بتمثل لصاحبها مشاعر كتير
روكه طريقتك عسوولة
ودمك سكر بجد سو كيوت
والبوص شخصية ملفتة للنظر
كوكتيل كدا من المشاعر والعقل
موضوع لذيذ

[همس الحنين]

حلقه رائعه رووكه

منور يا نور البرنامج

رغم انك عصبى بس بتتفاهم بسرعه

يدوم تواجدك الراقى نور

تسلمى روكه