انا حلمت بيك ( مسابقة فضفض واحكي)

[™Amiliya]

لما كنا صغيرين أول حاجة بنعملها بإيدينا هي الرسم , و تاخدنا الألوان و نبدأ نشخبط ع كل حاجة , و مفيش ورقة تعدي من تحت إيدينا إلا لازم يكون لينا بصمة فيها . أول رسوماتنا خطوط و دواير , نتمكن شوية من مسكة القلم . تتحول لوردة , و بعدها بطة . و بعدين بابا و ماما و أختي و أخويا . و بعدين أصحابي . و يجي وراهم البيت ... لغاية منوصل لقلب و بعدها توقف كل حاجة و تكتشف إنك مش عارف ترسم حاجة غير الشخبطة كانو بيقوللنا الطفل الذكي بيقدر يعرف عايز يعمل ايه بالقلم ... و إكتشفت لما كبرت إن مسمهاش كدا , إسمها مهارات و قدرات و تدريب , في أطفال بقو عباقرة و خطهم و حش , و في أطفال بقو مهندسين , و لو راجعت في تاريخهم هتلاقيهم متمكنين , عشان بيعرفو يرسمو و في كتاب خطهم وحش , و كتاب تاني خطهم حلو , فمش مقياس إن كل طفل بيمسك القلم بيعرف يرسم أحلامو , بس بيعرف يختار لونو , مع الوقت بتكبر أحلامك الورقية الي بتحولها لذهنية , و محدش يعرف عنها حاجة ... فارس الأحلام ... هو أول شخبطة دماغية مكلكعة لما تكبر وقلبك يدق او مستني يدق أول حد بتخبيه البنت جواها , و محدش يعرف عنه حاجة , حتى مع صحباتها , و السؤال المعتاد عن مواصفاته تلاقيها بتقول جزء بسيط منها و تخبي الأهم جواها , و لانه سر بيسعدها لوحدها ومش مهم الناس تعرفو , المهم إنه لو جيه؟ هيكون فيه من مواصفاتي و لا لأ ؟! , و يجي الشب و يحلم بفتاة أحلامه .. الي تلات أرباع صفاتها يختصرها في كلمتين , تتقي ربنا و تكون إنسانة أخلاق .. و باقي الصفات بيخليها جواه , و عنيه هي الردار الي بيكشف ع العروسة و تبدأ ورا بعضها الصفات المرسومة في ذهنو تترجمها عنيه , زي الشبكة الهندسية , وهل الصفات فيها و لأ , و بعدها يا يقبلها , يا يرفضها , ومحدش يعرف السبب غير نفسه , و يستخبى ورا كلمة مفيش نصيب , مشكلتنا التناقض... بين إننا عايزين حاجة و بنحلم بحاجة , و عمرو ميتفق الي جواك مع براك , خاصة في شريك العمر , لأنه بيكون تقدير القدر بيرسم حاجة تانية خالص ليك ... يا هتكون فيها مواصفاتك أو تلات ارباعها أو ربعها أو ممكن نصها ... يا تكون عكس كل توقعاتك و رسوماتك و لو جالك الي إتمنيته أول كلمة هتقالهالو .....( أنا حلمت بيك) حلمك الأُسطوري و إتحقق بدعوة دعيتها و مردتهاش ليك السما , لو إفترضنا الحياة ع مزاجنا, مكنش في طلاق و لا في إنفصال و لا في إختيار حسب المقاييس , و بردو بيفشل , الفشل جزء من احلامك مش مختلف عنها و لا بعيد ... إنت الي رسمت و إنت الي حلمت و إنت الي إخترت , بس القدر ساعدك ع الوصول , و سابك بين مخير و مسير فارس أحلامي .... مالهوش مواصفات شكلية , كانت أهم حاجة عندي يكون (متربي ) ( المتربي بيجمع كل الصفات الي تتمناها أي بنت أو أي شب في زوجته) أما الشكل فانا مؤمنة إن الله سبحانه و تعالي أحسن صورنا , و ظني بالله كبير , كانو أصحابي بيقولو عليها فلسفة و حطو إفتراضات كتير عن شكل فارس الأحلام الي ممكن أقبلها أو أرفضها , هي فلسفتي الخاصة في التعايش مع البني آدمين , الإنسان كتلة كاملة , الي بتفصلك عنها أخلاقه و سلوكه , مش لونو و لا شكلو , في حاجات كتير تخليك تختار ع أساسها جنب التربية , المجتمع بتاعه , البيئة الي كبر فيها , مبادئ بيعتنقها , أخلاقيات بتحكمه , مرجع الأخطاء عنده فين , و لفين , إتعلمت كمان إن فارس الأحلام مش خيل و فارس , هياخدني معاه ع ظهر الخيل و يطير بينا في الدنيا , هو دا ( الخيال العقيم ) الي قريناه , و حبيناه في قصص السندريلا و الأميرة النائمة و الشاطر حسن , و هو نفسه الي التاريخ كتب عنه في قصص المحبيين , قيس و ليلى , عنتر و عبلة , روميو و جوليت , الي كلهم حبو و عشقو و ماتو , و لا حد فيهم كمل القصة مع حببته , بس إنتهت بالموت , بين كل دا و تعدد الفرص و الخيارات , حاجة واحدة خليها في بالك , كل ماقربت من صورة الواقع و دمجتها مع شوية حقائق من خيال واقعي أكيد هتكون الصورة أحلى , و الحلم أجمل , إتعلمت كدا في بيت جدي / إيميليا الجنزوري 2015

شكرا جنون الحب ع الهيدر

[كبريت]

تعرفي ايميليا
انتي مع اختلاف الافكار والعقول طبعا
بتفكريني بكاتب ساخر مصري عريق
رحمة الله عليه
عمنا في الادب الساخر
محمود السعدني


كان يتكلم عن ادق التفاصيل وادق الاشياء
بسلاسه وسهوله
بدون فذلكم او كلكعه او رسميات
كان بيتكلم للكل في وقت واحد
كان مجموعة اقلام تتمثل في قلم



انتي كمان كده
ليكي قلم بيغوص في ادق التفاصيل الصغيرة
بشكل مهندم وشيك وبسيط
واروع ما فيه الصدق



لروحك السعادة الدائمه
كبريت

[العاشق الذى لم يتب]

اول ماحلمت بيك
كل واحدجواه احلام بتكبروتتغيرمع مرورايام العمر
فلسفة جميلة هناشوفتهافى فضفضتك ايمى
جميلة وراقية
تسلمى
وربنايوفقك
والتوفيق فى المسابلقة
مودتى

[جنون قلب]

لمــآ كنــآ صغيرين .. كـآنت كرآسه الرسم
مش عبـآره عن موآهب لآ كـآن ميزتهــآ أنهــآ آكبر كرآسه
ولآ وكمــآن من غير خطوط يعنى مبيفرضش عليك مسـآحه
ريشتكـ المتمثله فى قلم رصــآس بسن مبرى ورفيع خالص
عشان الرسمه ميكونش فيها تشوش
... ولآزم نرسم ب العرض ده برضه عشان نرسم صوره ل كل اللى شايفينه
كنــآ بنجول ب خـآطرنـــآ ونرسم كل حـآجه
رسومـآت كــآنت صغيره خـآلص
فى اول الصفحه .. بطه .. وف اخرهــآ طيــآره
بطه بتحكى . اللى جوآنــآ وطيـآره رآفضه تسـآفر بينـــآ
.
بس بعد مـآ كبرنــآ بقت الرسمه فى النص بالظبط
قلب وع اليمين حرفى والشمــآل سـآيبه ل فتـآه الآحلآم ..
ومع مرور الايــآم الصفحه الببيضه ضـآقت بينــآ وبقينــآ نرسم جوآنــآ
فكـآنت رسمه فتـآه الاحلآم مختصره ب شده ,
امـآم اعين من يرآنى , يتضح التوآزن والعقلآنيه ,, امامهم
امـآ بينى وبين نفسى ,,. كـآنت هنـآك من الآمور لو اتضح معـآلمهـآ
ل أصبحت مسخره ب النسبه ل هم ..


.
.
ايميليـــآ .. كم كـآنت حُروفكـ رآقيه
جعلتينــآ نغوص فى احلآم عمرنــآ المـآضى
وتذكرنا كم التفآهـآت التى كانت تصدر منـآ
وقتهـآ كـآنت تُعد أنجـآزآت امـآ آلآن ,, . فلآ فهى اصغر بكثير ممـآ نحن عليه .
فظهر العديد من الاقلآم ذو الوآن مختلفه ولم يتبقى مكـآن ل القلم الرصــآص
.
وايضــآ كرآسـآت الرسم اصبحت ب أكثر من شكل
وكمــآن يوجد رسومــآت جــآهزه ل كل مكــآن .



كم انتى راقيه ايتهــآ الحسنــآء فى الكتتآبه والرسم
كنتى رائعه فى سرد قصتنــآ وحكـآيتنـــآ
دُمتى لنــآ ب الف خير.
جً نون .. لكن القلب وليس الحُب
ف القلب مــآزآل ولكن الحب مضى وذهب مع من ذهبوآ
دمتى ب امــآن الله ,,

[™Amiliya]

اقتباس المشاركة الأصلية كتبت بواسطة كبريت تعرفي ايميليا انتي مع اختلاف الافكار والعقول طبعا بتفكريني بكاتب ساخر مصري عريق رحمة الله عليه عمنا في الادب الساخر محمود السعدني كان يتكلم عن ادق التفاصيل وادق الاشياء بسلاسه وسهوله بدون فذلكم او كلكعه او رسميات كان بيتكلم للكل في وقت واحد كان مجموعة اقلام تتمثل في قلم انتي كمان كده ليكي قلم بيغوص في ادق التفاصيل الصغيرة بشكل مهندم وشيك وبسيط واروع ما فيه الصدق لروحك السعادة الدائمه كبريت

بجد شكرا يااحمد ع ثنائك
ليا فخر اني اكون لو جزء بسيط في شخبطاتي زيو

نورتني بجميل ردك وحضورك

[™Amiliya]

اقتباس المشاركة الأصلية كتبت بواسطة العاشق الذى لم يتب اول ماحلمت بيك كل واحدجواه احلام بتكبروتتغيرمع مرورايام العمر فلسفة جميلة هناشوفتهافى فضفضتك ايمى جميلة وراقية تسلمى وربنايوفقك والتوفيق فى المسابلقة مودتى

فعلا احلامنا بتتغير كل مكبرنا حتى نظرتنا لامور رفعت

نورتني وبالتوفيق ليك انت كمان يامبدع

[™Amiliya]

اقتباس المشاركة الأصلية كتبت بواسطة جنون قلب لمــآ كنــآ صغيرين .. كـآنت كرآسه الرسم مش عبـآره عن موآهب لآ كـآن ميزتهــآ أنهــآ آكبر كرآسه ولآ وكمــآن من غير خطوط يعنى مبيفرضش عليك مسـآحه ريشتكـ المتمثله فى قلم رصــآس بسن مبرى ورفيع خالص عشان الرسمه ميكونش فيها تشوش ... ولآزم نرسم ب العرض ده برضه عشان نرسم صوره ل كل اللى شايفينه كنــآ بنجول ب خـآطرنـــآ ونرسم كل حـآجه رسومـآت كــآنت صغيره خـآلص فى اول الصفحه .. بطه .. وف اخرهــآ طيــآره بطه بتحكى . اللى جوآنــآ وطيـآره رآفضه تسـآفر بينـــآ . بس بعد مـآ كبرنــآ بقت الرسمه فى النص بالظبط قلب وع اليمين حرفى والشمــآل سـآيبه ل فتـآه الآحلآم .. ومع مرور الايــآم الصفحه الببيضه ضـآقت بينــآ وبقينــآ نرسم جوآنــآ فكـآنت رسمه فتـآه الاحلآم مختصره ب شده , امـآم اعين من يرآنى , يتضح التوآزن والعقلآنيه ,, امامهم امـآ بينى وبين نفسى ,,. كـآنت هنـآك من الآمور لو اتضح معـآلمهـآ ل أصبحت مسخره ب النسبه ل هم .. . . ايميليـــآ .. كم كـآنت حُروفكـ رآقيه جعلتينــآ نغوص فى احلآم عمرنــآ المـآضى وتذكرنا كم التفآهـآت التى كانت تصدر منـآ وقتهـآ كـآنت تُعد أنجـآزآت امـآ آلآن ,, . فلآ فهى اصغر بكثير ممـآ نحن عليه . فظهر العديد من الاقلآم ذو الوآن مختلفه ولم يتبقى مكـآن ل القلم الرصــآص . وايضــآ كرآسـآت الرسم اصبحت ب أكثر من شكل وكمــآن يوجد رسومــآت جــآهزه ل كل مكــآن . كم انتى راقيه ايتهــآ الحسنــآء فى الكتتآبه والرسم كنتى رائعه فى سرد قصتنــآ وحكـآيتنـــآ دُمتى لنــآ ب الف خير. جً نون .. لكن القلب وليس الحُب ف القلب مــآزآل ولكن الحب مضى وذهب مع من ذهبوآ دمتى ب امــآن الله ,,

راقني جدا وصفك يااسلام كالعادة لك فلسفة خاصة تروقني

كبرنا ياجنون حتى اصبح داخلنا جنون اخر بطعم اخر له لون اكثر دقة ووضوح

نورتني بجميع كلماتك

[SaMa.]

اسعد انسان الل بيحلم صح ويعرف يحقق حلمو
مفيش حلم صعب طالما مفيش يأس
كلام جميل وفلسفه ثانكس ايميليا

[™Amiliya]

اقتباس المشاركة الأصلية كتبت بواسطة sama. اسعد انسان الل بيحلم صح ويعرف يحقق حلمو مفيش حلم صعب طالما مفيش يأس كلام جميل وفلسفه ثانكس ايميليا

فعلا سما مع الياس تقف اللحلام تفائل تجد احلامك تتحقق امامك

نورتيني حببتي

[أميرة محمود]

فارس الآحلام
حلم كل فتاة
دقات روحها
وسرها المدفون بقلبها
فضفضة ناعمة ايمليا اعجبتنى،،