كيبوردات

[كبريت]

كيبوردات كيبوردات كيبوردات
وامور مضحكه واختراعات
وتلاقي المتولي سعيد
شغال في امور مضحكات
وكمان شفت بعيني بهانه
بتهلل وتقول حكايات
وكمان تلقي نفسية العمشه
بتغني وتقول سلامات
وتلاقي السيد او شوشة
شغال ع الناس افتراءات
وتلاقي الميمون بيقول
انا صاحب كل السعادات
وتلاقي ستيته ومبروكه
ونفوسة وكمان فتكات
وتلاقي مباركه وحلزونه
وجليلة ونبيهة اخوات
وتلاقي شكشك وخليل
والبيصي رافع رايات
واهو كله ياعالم بالاخر
مجرد عالم كيبوردات




بس خلاص
كبريت

[كبريت]

شكرا جزيلا اركو لسرعة الرد والتقدير منك

[دفاتر القمر]

وكمان شفت بعيني بهانه
بتهلل وتقول حكايات
وكمان تلقي نفسية العمشه
بتغني وتقول سلامات
وتلاقي السيد او شوشة
شغال ع الناس افتراءات
جميله كلماتك بتحاكي تصرفات
البعض فى اطار فكاهي
تحياتي لهذا التميز

[رآقيہ بأخلاقـى]

بحب الكلمات اللى ممزوجه بخفة الدم
رغم انك بتحكى حكايات عايشينها
بس بطريقة كوميديه
ابداع كالعادة أحمد

[أميرة محمود]

ههههههه
لذيذة
تسلم كبريت
وبالمناسبة انا التنسيق عندى ضايع ملاقيش عندك
كيبورد زيادة بدل الفون ال مطلع عينى دا
ههههههههه

[انا جيجي]

ما اغرب عالم الكيببوردات

والاغرب اننا نعيش فيه طول الوقت

دمت بخير ا.احمد

[الملكة كيلوباترا]

كلمات فى منتهى الجمال ياكبريت
ومبدع

[السفيره عزيزه]

يا سلام .ايوه صح بس مش كل الكلام
فى كلام صادق بنعرفه من وسط الزحام
وفى كلام يشفى العليل ويخليك تطير
زي الحمام
وال من القلب بيوصل الى القلب تمام
وكمان كلام لما نشوفه نقول.دا ولد همام
مش كلة لخبطيطة وزن وناس عبيطة
لا دا من دا ودا واكيد متاكده.فيه ناس
غير واضحة وناس رائدة

وتخط الانامل ونستفتي القلب
والصدق يؤثر اللب
و من يمكر خاب وما جنا الا التعب

دمت بكل الخير
السفيرة

[كبريت]

شكرا جزيلا للمرور الكريم من حضراتكم
كل الشكر والتقدير


كبريت

[™Amiliya]

مزجت الحكايات كلها بصورة كوميدية خفيفة وسريعة

عجبتني اوي احمد

مبدع مختلف يااحمد