الكبابى من مطبخى /المسابقة

[.Lamar]

نص كيلو لحم 4 اكواب ارز (المج الزجاج العادي تبع الشاي) كزبرة وبقدونس وشبت حزمة من كل نوع وفلفل اخضر وبصلة كبيرة او اتنين وسط وفصين توم نغسل كل دا وننقع الرز لحد ما يصير لونه ابيض ونقطع الخضار ونخلط كله مع بعضه ما عادا اللحم هنتركه شوية ودا شكله بالكبة وبعد ما خلصنا طحنه وحطينا عليه البهارات (ملح فلفل - كمون - كزبرة - كربونات صوديوم وشطة حاجة بسيطة) هنا بنقلبه كويس مع البهار وبعدين بنضيف اللحم ونخلطه كويس وبعدين نرجع نخلطه في الكبة تاني وشكله بعد ما خلصنا عجينة لونها مخضر شوية احنا بنحشيه زي كعك العيد الحشوة هاتكون ايه بصلة مبشورة وعودين كزبرة او بقدونس مفرومين او مقطعين صغير في طاسة معلقتين زيت او سمن وعلى النار تسخن نحط البصل اول ما يدبل نحط بالخضرة ونقلب لين ما يدبلوا الاتنين ورشة ملح وفلفل ونطفي النار نحشيه ونعمله مثل الكعك تمام ونكون محضرين شوربة بتغلي او ميه وملح زي المكرونه ونحطه فيها الصورة هتوضح كل فترة بنحركة خفيف عشان مش يتهري بياخد من نص ساعة لساعة الا ربع وممكن اكتر تعرفي انه استوا ازاي طلعي واحده دوقيها بس طبعا مش اقل من نص ساعة نيجي بأة لطريقة تقديمه يا اما وهو مسلوق عادي في شوربة او يتحمر في زيت وبالهنا والشفا بعد التحمير طبعا العجينة دي ممكن تتعمل اصابع وتتقلي ويتعملها صلصة وتبقى كفتة رز

[سارة بنت مصر]

انا بموت فى الكبابى

طريقه جميله

تسلمى

[*soma*]

جميييييييله اوي تسلمي

[أمير المصرى]

اسمحى لي ابدي اعجابي بقلمك وتميزك واسلوبك الراقي وتالقك

[العاشق الذى لم يتب]

جميل الاختيار
دام التميز
تسلم الايادى