الحلقه الخامسه من تحت المجهر

[Stop Ana Eltop]

السلام عليكم ورحمة الله وبركااته ازيكم عاملين ايه ان شاء الله تماام حلقه جديده من برنامج تحت المجهر تقريبا الناس نسيت البرنامج وعليكِ السلام والرحمة .. أنا فاكرة ان الحلقة دي كان المفروض نعملها من زمان بس تعرفي هي جايه ف وقتها ^^ شكراً .. (معلش بقن جت الامتحانات وبعدها اللاب عطل وشغلانه .. عندى التأخير داا ) ضيفة انهارده حد مميز جداا من الاشخاص القليله الى ممكن تتبسط انك قابلتها فى حياتك فلسفيه من الدرجه الاولى وفكر على اعلى مستوى مش بقولكم نادر لو قابلتوا زيها مع الدوك اسمااء Words Whisper شكراً هبة لتقديمك دا يابنتي مش عارفة أشكرك ازاي على كلامك دا بحقي شكرا حد السماء وأكثر .. اهلا يا دكتوره منوره البرنامج فى الاول ايه رايك فى الفكره وايه الى ممكن نضيفه جديد للبرناامج ؟؟ بالنسبة لي بحبه زي ماهو عشان كدا مش فكرت قبل في إضافات له .. ندخل على الجد والمعتاد بقن فى اى استضاافه اسمك . سنك . عنوانك ؟ أسماء سمير شلبي 24 سنة المنصورة وكفاية كدا كعنوان .. اهدافك فى الحياه ؟ ببساطة ان أعلّم مع الناس بمعنى : - عايزه أعمل كتاب عشان لما أموت الناس تفتكرني - لما بتعامل مع حد بحب أترك بصمة مش ينساني - أكون سبب حياة بعد ربنا كدا يعني .. مثلك الاعلى ؟ كشخص فـ حياتي مش حد جست بحاول أتعلم من كل حد عنده حاجه كويسة وبحترمها سواء بآ شخصية عامة أو خاصة انما شايفه مين ينفع يكون مثل أعلى : فمن رأيي مش فيه بني آدم جمع اللي يكون بيه مثل أعلى فـ كل حاجه غير محمد عليه الصلاة والسلام .. (عليه الصلاة والسلام .. فعلاا معاكى حق جداا ) مميزاتك ؟ ان مش بكون غير نفسي والناس اللي بهتم له بتعامل معهم من مبدأ الموت .. عيوبك ؟ - لما بغضب فاللي مش بيكره نفسه بلاش ييجي قدامي - لما بقرر ان حد برا حياتي أو مش بهتم ليه بيكون خلاص مهما حصل - الكتمان اشياء بتفرحك ؟ السؤال دا خلاني أصلا أبتسم بفرح لما أتعامل مع حد وألئا من أول مرة بيقولي حاسس عارفني من زمان بفرح بثقة الناس فيا وانهم بيحبوا يفضفضوا لي حتى لو مش يعرفوني اوي بفرح لما أعرف أفرح حد بفرح لما ألئا الشكولا أو الكوفي أو الشاي أو الفيلم أو أي حاجه صغنتوتة كدا كنت عايزاها بفرح لما تيجي لي هدية من حد عشان يحسسني انه بيهتم لي بفرح بسؤال الناس عليا و دعواتهم بفرح لما أنجز حاجه مهمة وبفرح بمنظر حاجات البيبيهات هدوم بآ ببرونات شوزات مش مهم وبفرح لما الناس بتعطيني أصغر من سني بفرح بحاجات بسيطة أساسا .. (يااارب دايما فرحانه كدهون ) اشياء بتزعلك ؟ الحاجات اللي بتيجي تقعد جنب شويه الزعل اللي عايشه بيهم وتتكي عليهم .. . حكمه بتؤمن بيها ؟ إرضاء الكل ظلم .. الحياه منصفه ولا ظالمه ؟ منصفة جدااااااااااا الحاجه اللي بتكون نقصانا بيبآ لها مقابل .. لبس البنت دليل على رقى فكرها والتزامها ولا ايه رايك ؟ عامة اللبس مش المقياس الأهم في الحكم على حد وأنا مؤمنة تماما ان اللبس مش مقياس للالتزام و لا التدين كلنا لنا ذنوبنا فيه اللي ذنبه لبس و في اللي ذنبه أكبر من اللبس لكن كمان أخلاقي و صفاتي هينعكسوا بالتأكيد على اختياراتي واللبس جزء من الاختيارات اللي بينعكسوا عليها .. العلاقات السطحيه ولا المتعمقه تفضلى ايه منها وليه ؟؟ بصي هو أنا كـ أسماء مش بثق في حد بسهولة وبالتالي تعاملاتي أنا لفترة طويلة بتفضل غير عميقة رغم ان دا مش بيوصل للشخص اللي بيتعامل معايا أنا بتعامل براحة آه و بود و بحب و باهتمام باللي يستحق لكن مش بعمق غير مع اللي بيكسبوا ثقتي كمان بكره العلاقات السطحية لأنه مش تتسمى علاقات دي مجرد تعاملات يعني ببساطة بفضل العلاقات الصادقة النظيفة اللي ممكن تبآ فعلا عميقة .. اى حد فى بداية تكوين فكره وحتى مع مرور الوقت بيبقى فيه مساعدات مين بيكون فكر دوك اسماء ؟؟ تجارب أسماء .. بيمثلك ايه الفشل ؟؟ المحطة اللي غيرتني جدا وخلتني أعرف مين يستحق وجوده بحياتي ومين لازم يبآ ولاحاجه بالنسبة لي مع ان الاكتشاف دا وجعني .. (الحقيقه بتوجع جداا بس افضل ما نفضل كداا ) وكذلك الصداقه ؟؟ طهر .. حياة اسماء الشخصيه جزء خاص بيها ولا متاح لحد يطلع عليه ؟؟ اسمها شخصية يبآ خاصة بيا مش متاح لشخص يشاركني فيها وأفتحها له غير اللي بيستحق ثقتي .. الارتباط دوره ايه فى حياة اسماء ؟؟ الغرام يعني ؟ مؤمنة جدا بالحب و العشق رغم انه خوفي الأكبر وبحترمه جدا جدا جدا و أوقره .. دوره ف حياتي : انه زي كل حاجه في الحياة بتخلي أفكارنا تنضج و تعطينا حاجه زيادة .. اقتباس توحد ارواح هل ندمتى فى يوم انك سجلتى ف منتديات بنات مصر لدرجة انك ممكن تسيبيه؟ لا مش ندمت أبدا لتسجيلي هنا يمكن الانشغالات أو أيا يكن يبعدني بس مش هيكون لأني بكرهه أو ندمت وعايزه اسيبه .. اقتباس აα∂ Ԑγεა في رايك ماهو اهم سبب ادي للوضع الحالي للمنتدي ؟ التخدير و التسرع و كمية سوء الظن و الأحكام المسبقة الفظيعة اللي موجودين .. اقتباس مُنـــــايا يا تري الإداره شايفه المنتدي بمرحله مقبوله وأنه بيتقدم للأمام ......ولا هو أصلا بالنازل وبيصفي لأسباب كتير..ويا تري شايفه روح الأعضاء أزاي..؟؟ شايفه انه هيكون للأحسن بس بشرط نكون عايزين نفيد بعض ونترك حاجه حلوة .. روح الأعضاء من أسوأ ما مر عليا من شكل تعامل و تواصل في تاريخ الفورم .. اقتباس ايمان طلعت ايه هي احلام اسماء التي حلمت بها فى الصفر وما تحقق منها والتي لا تزال معلقه ؟ شايفه اني لسه مش حققت حاجه من أحلامي .. اقتباس DR.SMA بيني وبين سمسمه مواقف كتير بصراحه لاني بقالي زمان عرفاها وبنتقابل كتير جدا يعني ممكن تقولي بينا يوميات ههههههههه مره في امتحانات السنه الي فاتت كنت رايحه اذاكر مع بنات زمايلي في المدينه الجامعيه المهم روحت المدينه معرفتش ادخل لاني مش هناك اتصلت ب سمسمه وروحت عندها المهم قولنا لما الاشراف ده يمشي ابقى اروح هناك تاني واعد مع سمسمه الكام ساعه دول المهم يومها اعدت عندها وبيت عندها كمان وكان يوم جميل والله اتغدينا سوى واكيد اتعشينا واعدنا نذاكر سهرنا للفجر وشجعنا بعض وصلينا وكملنا مذاكره كان تاني يوم عندها امتحان راحت امتحانها وجت وانا عندها في البيت هههههههه بس بجد كانت ليله جميله اوي فعلا مبسوطه بيها تاني يوم بقى روحت المدينه ودخلت عادي هي كمان جت بعدها باتت عندي يومين في الامتحانات انا وسمسمه قصه امان وثقه كبيره اوي وبالمناسبه هي اكتر حد احمد بيغير منه بيدايق لما يشوف رقمها بيرن على تليفوني ههههههههههههه بيقولي ردي على الحب هههههههههههههههههههه ساعات بحس أحمد عايز يقتلني عارفة ياسمسم اليوم دا بجد كان من أجمل الأيام اللي عشتها انتِ مش متخيلة كمية الراحة والفرحة اللي حسيت بيها واحنا بنفس البيت حسيت ان فـ فايدة للجدران .. سما أكتر حد في الدنيا بثق فيه .. (ربنا يخليكوا لبعض يااارب ) اقتباس Stop Ana Eltop مطلوب من حضرتك تقول وجهة نظرك الاعتذار بصفه عامه سواء مخطئ او لاء اقتباس العندليب الاسمر الاعتذار ما دمنا بشر من المستحيل أن نعيش دون أن نخطأ وما دمنا نخطأ فلابد من وجود طرق لجبر هذا الخطأ ومن اخطاءنا المتكررة والمعروفة هو خطأنا في حق الغير والاعتذار هو احد اهم ركائز جبر هذا الخطأ واصلاحه ولذلك لا اجد بأساً مطلقا في تقديم اعتذارنا للآخر في حال وقوعنا فيه اما الاعتذار ونحن نشعر اننا لم نرتكب خطأ فاعتقد انه فضل لا بأس في تقديمه احيانا لانه من الصعب ان يحزن منا احد دون شعورة بوقوع خطأ ما في حقه ولكن المشكلة تكمن في ثلاثة أمور الاولي : هي استخدام المعتذر للاعتذار كوسيلة سهلة وبسيطة لتجاوز اخطاءة في حق الآخرين وعندها يصلني شعور مقيت بان هناك من يمكن ان يخطأ في حقي ويكرر خطاة ثم يعود بكل بساطة بكلمة آسف والثانية : وتكمن في امكانية تقديمي للاعتذار علي الملأ لانه امر يصعب علي النفس البشرية تقبله بسهولة ولكنه مطلوب في نظري اذا ما كان الخطأ قد وقع علي نفس الملأ ولكن يتطلب شجاعة كبيرة اما الثالثة : فهي الاعتذار مع وجود خلاف في وجهات النظر وهو عادة يكون اصعب انواع الاعتذار لاننا نكون مقتنعين وقتها اننا علي صواب ولم نرتكب خطأ يذكر في حق الآخر وفي نظري يتوقف تقديمة علي مدي علاقتنا بهذا الآخر ومكانته عندنا فان كان ذو مكانه كبيرة لا اجد حرجا في تقديمه حتي لو كنت علي صواب وان لم يكن فاظن انه صعب لانه يمكن ان يتصور الآخر انه ضعف أو قلة حيلة من رأيي الاعتذار مرتبط بالخطأ وجرح الآخر خطأ او اعطاؤه انطباع مؤلم لكن الاعتذار ممن لايستحق فدا خطأ بحق النفس يستحق اعتذارات إضافية لها .. اقتباس Stop Ana Eltop لكى حرية الاختيار فى اختيار موضوع والتعبير عنه بحريه معاكى المايك اللي بيسامحك كتير ويقدرك ويقدم لك العذر مش مستحيل يبعد عنك بالعكس لما يلاقي اللي بيقدمه نتيجته صفر أكيد هيبعد بس كدا .. احترام : كل عضو احترم نفسه .. تهنئة : أهني الأعضاء بوجودي معاهم .. نصيحة : للكل و لنفسي مش حد يستحق يرفع سيف إطلاق الأحكام على الناس ولا انه يحكم بشيطانية حد ولا انه يدعي لنفسه الحق و الخير لأن كلنا واحنا بنرفع دا ف وش حد فاحنا الشخص المقابل اللي نفس السيف مرفوع بوشه احنا بردو نفس الشخص الناقص اللي بيخطئ و يسيء .. وداع : هو بدون وداع لكل عضوية وقعت من نظري و موجودين .. محبة : لكل حد لو غبت بيفتكرني بسؤاله ولكل حد حتى لو قصرت بيطمن عليا .. عتاب : بلاش فتي واللي عايز يتكلم ف حاجه يحترم قيمة كلمته ويعرف بيقول ايه وبعدين يتكلم .. اعتذار : لكل شخص بيسأل عني ومقصرة بسؤالي ولكل حد ممكن يقرأ لي كلمة في المدونة أو موضوع وتضغط على جرحه .. حابة تضيفى حاجه يادوك ؟؟ أضيف ان بتمنى نبطل نتعامل سوا بمطلب المثالية من الآخر مهما كنت كويسه أكيد ليا عيوبي ومهما كنت هادية أكيد غضبي لايحمد عقباه ومهما كنت سيئة أكيد فيا حاجه كويسه الأمور كدا ببساطة مش تستنى من اللي قدامك انه الشخص المثالي و لا اللي هيحقق لك كل اللي يفرحك وانت عايزه انت كمان ناقص وانت كمان لو حد اتعامل معاك كدا فتأكد انك [ خيبة ] أحدهم بردو دا في حياتنا كلها وهنا كمان ومش لون ولا مسمى اللي هيحول لشخص للكمال .. (اى قول يقال بعد كل ما قيل ..) شكرا هبة كنت محتاجه أتكلم شويه كتير شكرا ومبسوطة بانك بتشاركينا .. وشكرا لكل اللي هيتواجدوا .. انا الى متشكره طبعاا انك قبلتى الدعوه واى وقت محتاجه تتكلمى عرفينى بس وانا اعمل برنامج جديد خااص فى نهاية البرنامج والحلقه الاخيره منه مش هضيف اكتر من الى قالته اسماء فى تعاملنا مع بعض سواء هنا فى المنتدى او بره فى الحياه العامه بحب اشكر الاداره العامه د / اسماء على انها نورت الحلقه انهارده وبشكر كل ضيوفى من البدايه شهيده تحت الطلب وبراءة طفله وساره واخيراا مع الجميله اسمااء الى اللقاء فى برنامج جديد بقن فى امااان الله ...

[™Amiliya]

اسماء
من ارقى الشخصيات الي عرفتها في الشبكة العنكبوتية واكتر حد نفسي اقابله والله لو في مصر كنت اقابلتها هي ومنة
انا بحب شياكتها جدا في الرد وفي الحضور وفي المواضيع ووحشني قلمها جداااا

ربنا يسعدك ويكرمك في مستقبلك وينور طريقك بالحياة الجميلة

الف قبلة لعيونك

/

هبة هبة هبة
برنامج جميل واكتررررر انتي مميزة ومتعمقة وحلوة

[جنون قلب]

حلقه خاصه جدآ
مع شخصيه فى غايه الاهميه هنـآ
بئر من المعلومــآت هنــآ
..
تتحدث بكل ثقه ..
وفقكم الله لمــآ يحبه ويرضــآه
دمت بامانه وحده

[Sea Pearl]

حلقة مميزة فعلا
مع شخصية راقية ذى اسماء
جميلة الاسئلة والاجابات وفيها عمق كبير
برنامج مميز هبه
بالتوفيق دائما

[الملكة كيلوباترا]

الحلقة ممتعة مع الادارية المميزة اسماء
واجاباتها فى منتهى الجمال
وفى انتظار الحلقة الجديدة مع ضيفتنا الجديدة
ومجهود عالى منك ياStop Ana Eltop

[.Lamar]

حلقة جميلة يا هبة

و اسماء شخصية خلوقة و صاحبة فكر راقى

واسلوب متميز فى التعامل

شكرا ليكى و لضيفتك الكريمة

[الفيلسـوف]

يمكن انا ماااعرف الدكتوره اسماء بس اكيد بشكر مقدمه البرنامج انى عرفتنا عليه
واكيد اجاابتها تعكس صوره مميزه انسانه طموحه ليه هدف تريد الحصول عليه
واكيد اتمنى انى اكون اول قراء كتابك ف يوم يادكتور
مشكور لمجهود المميز هبه
تقبلوا خالض احترامى وتقديرى لكم

[El_Magic]

حلقه جميله ومميزة مع شخصيه جميله

[دفاتر القمر]

حلقة جميلة جدا

[سارة بنت مصر]

حلقه جميله اوى

بالتوفيق لكى يا اسماء