ايام مع اللحمه تابع سلسلة ايام مع الطعام 1 حصري

[كبريت]

السلام عليكم ورحمة الله وبركاته

من كام يوم قاعد في البلكونه وكان الجو ليل وفي الليل كلنا نعرف الهدوء الكبير
لقيت اتنين واقفين يتكلموا بزهق وغضب وصل لدرجة اللعنات على المتغيرات

قال احدهم
ياعم انا كيلو اللحمة ده بشترية كل شهر وبالخناق
رد الاخر
والله كويس انك بتعرف تشتريه كل شهر انا بشوف الغاليه اللحمه في المناسبات والاعياد وشكرا ع التحيه


من هنا فكرت اعمل سلسلة ايام مع الطعام
بشكل ساخر وخفيف
بعيدا كل البعد كل اي اعتداء



كانت البدايه طبعا لازم تكون مع الملكه المتوجه فوق عرش ترابيزة السفرة او ولا مؤاخذه يعني اختراع قديم اسمه الطبليه مش عارف حضراتكم تعرفوه ولا الكل اصبح من ذوات المقامات الرفيعه !

ما علينا
الملكه اللحمه اصبحت وبقدرة قادر بالظبط شكل أمريكا يعني قوة عظمى يعني خط احمر يعني ممنوع الاقترات انما محتمل ممكن التصوير
فكرت بصراحه في فكرة مجنونه وعايز اوجه بها برقيه لمصانع العطور بجمهورية مصر العربية عن كيفية عمل عطر برائحة اللحمه رفقا بغلابة مصر
وبدل ما نلاقي الشعار اللحوم للكبار نقول كلنا اللحمه وسحرها يبهجنا عطرها

مش فاهم ليه يغابة دلوقت معالي السيد رئيس الوزراء بصفته ومعاه السادة الوزراء ليه مش يتنعموا ويتكرموا ويفكروا يطرحوا الموضوع ده للنقاش ولا عشان حضراتهم شغالين اكل لحوم على طول ومش عندهم نفس مشاكل الفقراء الغلابه الاكثرية في ربوع بلدي مصر !

يمكن انا عن شخصي مش بميل لتناول اللحوم كتير والسبب ظروف صحية تخليني اتناول الاسماك اكتر

اللحمه سيدة الطعام العالميه وصاحبة المقام الرفيع في بروتوكول الطعام ومش بس كده لا دي المهيمنه على اسعار البورصة احيانا ولا مؤاخذه من خلال المجازر وما شابه


طيب فين اللحوم
الغلابه يدوروا عليها
يراسلوها
يبعتوا ليها مندوب سامي وعثماني ويمني وتركي وهندي
يعملوا ايه الغلابه عشان الست اللحمه تتكرم وتتواضع وتنزل لمستوى البيوت البسيطة عند الاسر البسيطة


فكرت كمان في فكرة
اعمل نشيد للحوم
اه
ما هو كله بيغني
الحياة كلها اصبحت مسرح اغاني
اللي بيغني بيغني
واللي بيندب بيغني
واللي مخنوق بيغني
واللي نايم بردوا بيغني بس ولا مؤاخذه اسموا غناء اوبرالي تشخيري صرف واان على دراية ان اغلب شعب مصر عنده اللحميه عشان قلة تناول اللحوم
هههههههههه طبعا مداعبه

طيب لو هكتب نشيد عن الست الفاضله اللحوم يكون ازاي وايه ؟
شيئ محير
هل اكتب بالشعر الكبريتي
هل اكتب بالشعر الكبريتيزمي
هل اكتب بالشعر النيو وهو الشعر الكبريستاني
بصراحة شيئ محير وفوق قدرتي على الاحتمال
وخصوصا وانا بكتب لمين
اللحوم


ما تيجوا نشوف كبريت بيقول ايه للحوم


أيتها الغاليه لدى الجزار
سلام عليكي ليلا نهار
أجوع ولا أذوقك يا حياتي
وفي روحي بريق مستعار
وحرماني يذوبني أنينا
فيبقى القلب مشتاقا لنار
طعامك يا شهية حلم عمري
بطبق أو صينيه بالبهار
ويا الله لو مشوية
أغني أغنياتي بانبهار
وياعيني أذوقك بالطواجن
سيحدث في فؤادي الانهيار
ويا ويلي اذا بالدمعة كنتي
وطاجن رائع منه الخضار
ويا عمري اذا كنتي شواء
اهيم انا برائحتك دوار
أحبك يا لحوم كم أحبك
وكم أشتاق منفي احتضار
ولكن لارتفاع الثمن ابقى
على خط الحياد والافتقار
ويا ويلي اذا عاتبت جزارا عتيا
يكون جزائي الضرب انكسار
ويا ويلي اذا اشتقتك ِ حلما
سأشعر وقتها أنا بالمرار
عودي يالحوم الى حياتي
ففي روحي حنينا بافتخار



طبعا ده شعر كبريستاني ع الاخر بخاطب به
السيدة الفاضله ( اللحوم )

ونفسي تتكرم اللحوم وتنزل لمستوى الناس الطيبة البسيطة
بدلا من طلبي عمل برفان لها ونرفع شعار شمه لكل مواطن
او
اللحمه من حقنا كلنا
او
ادينة شمة بعبق اللحمه



بجد شر البليه ما يضحك
وربنا يجعل كلامي خفيف على الجزارين


وانتظروني وباقي السلسه



كبريت

يومكم بطعم اللحوم

[كبريت]

ميرسي جدا جدا

[كبريت]

اجمل شيئ انك تكتب
مش لمهم لمين
ولا مهم مين يرد
ولا مهم مين يقدر مجهوداتك
ولا مين ومين ومين
عادي

اصل اسمي كبريت
والمعنى في بطن الشاعر
انما لو كبريته
كان الوضع اختلف ع الاخر

[كبريت]

اشجع نفسي انا
منور كبريت
يسلموا كبريت
استمر كبريت
واحلى خمس نجوم كبريت بقا

[كبريت]

جمعه سعيده يارب

[دفاتر القمر]

ههههههههههههههههههههههههههه موتني من الضحك انا مش بحب اللحمة

[كبريت]

اقتباس المشاركة الأصلية كتبت بواسطة مي محمد بنت النيل ههههههههههههههههههههههههههه موتني من الضحك انا مش بحب اللحمة

ربنا يسعدك مي يارب
سعيد كتير بوجودك
صباحك ورد

[انا جيجي]

عندكش 3كيلو يا حم الحاج

[كبريت]

اقتباس المشاركة الأصلية كتبت بواسطة انا جيجي عندكش 3كيلو يا حم الحاج

وهما 3 كيلوا يكفوا ليكي يا فطسه انتي

[انا جيجي]

اقتباس المشاركة الأصلية كتبت بواسطة كبريت وهما 3 كيلوا يكفوا ليكي يا فطسه انتي

ياانهارك مدووووووووحس كمان بليد فى الكتااااااابة تعال يا حم الحاج وانا اعلك الحروووووووووووووووووووف

قول ورايا ا ارنب

ب بطة

ت تفاحة