الحلقه الثانيه من ( اجمد عضو 3 ) مع ( Words Whisper )

[Words Whisper]

شكرا أ.مرشدي
وشكرا لكل اللي تواجدوا و هيتواجدوا
وهرجع أرد على كل عضو ..

[الفيلسـوف]

حلقه جميله تسلم ايدك مورشو
مع تحفظى لبعض الاجابات الى احتفط راى الشخصى بيه لنفسى فقط

[سيناا]

صراحة اجابات الدكتورة صريحة جريئة



واضح ايه الى هي عايزاه بالمنتدى



وفعلا وضحت لنا اشياء كتيرة



حلو حلو ربي يعطيكم العافية مدرائنا



مورشو استمر

[حَرفُُ هجآءّ]

كمية الشرح والتوضيح تدل على كمية المشاكل
سورى لو قولت ان كمية المشاكل دى ملهاش قيمة
بالعكس بتزيد التوتر والزعل بين اﻻعضاء
وفعﻻ كانت محتاجة توضيح
ياريت لو تبسطوا اﻻمور اكتر من كده
اللى داخل المنتدى مش داخل يحرق دمه واعصابه
واللى محتاج تكريم وخﻻفه ساحة المنتدى مفتوحه للتمييز والابداع


بدون اساءة لحد او التجريح ف عضو
ياريت يكون ف التعامل رقى اكتر من كده
ﻻن ده بيعكس رقى الشخص نفسه ورقى المنتدى عموما للاعضاء الجدد
حلقة جميلة بجد
اسماء الله يكون ف عونك
نورتى الحلقة

[big bốss]

بصراحه دى فرصه لا تعوض

فى مناقشة الاداره فى امور عالقه و مشاكل

خصوصا اننا بنقبل كلامك و فكرك

وزى ما طلبتى نتناقش فى التوبيك


اولآ : فين مواضيع الاداره و ردود الاداره على المواضيع و مسابقات الاداره

مش دا تقصير منكم و له اثر على نشاط المنتدى العام

و انا بخص اللون الاحمر فقط - مقارنه بالفترات الاداريه السابقه كان

فيه نشاط من الاداره فى المنتدى اشمعنى حضرتكم مفيش اى نشاط ليكم ؟



ثانيا : مش المفروض لما اكون مقدم شكوى فى ادارى - ادارى تانى يرد على الشكوى
و المشكوى فى حقه مش يتدخل - ليه مش بنشوف كدا

و لما نعمل شكوى زى عدمه ندخل نتخانق مع الى مشتكين فى حقه

و ممكن الامور توصل لطريق مسدود من غير فايده ؟


ثالثا : لو احنا طالبنا ان words whisper

تكون مسئوله عن قسم الشكاوى هى فقط

لاننا مقتنعين برايك و بتعرفى تتناقشي مع احترامى لباقى الاداره

هتوافقى ؟

مع اننا دا الحل الامثل لقسم الشكاوى لانك الاكثر قبول لدى الاعضاء

و مقتنعين بحضرتك كأداره ؟


فى انتظار مناقشة د\ اسماء

[Stop Ana Eltop]

جميل الموضوع يامورشو كالعاده منك
حلقه جميله والاسئله جريئه

بس فعلا يا دوك اسماء انا مختلفه معاكى فى كلامك عن همساات
انا ماشوفتش انكوا عدلتوا التكريم ودخلتوا فيه جبل

المفروض انه التكريم دا محطوط قبلها بفتره ولشخصيات محدوده
وتبعا لحاجات معينه وبناء عليها الناس بتتكرم
انما لو دخلت قولت انه الفتره الى كنت انا غايبه فيها كان عندى ظروف
دا مش حجه انى ادخل التكريم لانه المفروض انه التكريم شهرى
يعنى هيتقرر تانى الشهر الجاى اى حد يتفضل يثبت نفسه وفى الاخر يتكرم
وكمان مش كل الناس عشان تكريم كله بيهبط الناس
انما تميز وتكريم ناس معينه بيشجع انه انا كمان اشتغل عشان اتكرم
انما مهرجان التكريماات دا كان من اكبر غلطاتكم
انا بقالى فى المنتدى سنه ونص لما الاقى نفسى اتساويت
بناس لسه داخله من شهر او شهرين لمجرد انه نشاطى وقف شويه دى حاجه تدايقنى


نرجع لموضوع بسنت لو زى ماحضرتك تفضلتى وقولتى
طيب ما مشرف فاضل زى ( عازف الصمت )
مايستاهلش التكريم لانه مجددش فى القسم
بل انه شغله فى الخوزعبلات اكتر بكتير من النقاش
لو هنقيس انه (مش تسجيل دخول وخلاص )


بيدايقنى كمية المشاكل الى فى المنتدى
والناس الى بتلقح على بعضها وفى الاخر تكره الناس فى دخول المنتدى
زى ما فعلاا حااصل المعظم بيقرر يبعد

اى اسم من الى فوق بالتوفيق ليه انا مش بعيب فى حد
بس مجرد بوصح رائ فقط
اننا كلنا مش متساويين فى الاخر

بس

[۩۩ elMagic ۩۩]

ياريت فعلا ناس كتيره تدرك الكلام اللى قولتيه دا يا اسماء
ف الاول والاخر المفروض احنا ف مكان عشان تضيع فيه وقتك
وتخرج من جو الحياه ومشاكلها
مش اول ما بتدخل تلاقي امور عجيبه بتفصلك عن فعل اى شئ
كلنا بشر ولينا آخر ومحدش عايز يتطرق للجانب الاصعب ويفكر يحجر ويمنع
ويفرض وضع قاسى فا بنتمنى يكون فيه تفاهم وإدراك بما هو صالح للمكان
محدش بيتأخر مع اى حد ف اى طلب طالما انه بيبقى مدروس
ومعروض لغرض الصالح العام وقتها المناقشات طبيعي بتوصل لحلول بترضى الجميع .
ربنا ييسر بقآ .

[*soma*]

من اجمل الحلقات

[ايمان طلعت]

توبيك قوي جدا
سواء كانت اسئله او اجابات
هتكلم عن النقطه اللى تخصني
بالنسبه تلميحك ان احمد دخلني في التكريم لانه كان مشرف على القسم دى مش حلوة لا ليا ولا لاحمد
ثانيا التكريم مقالش لاعضاء السويتش زى ما بتقول
التكريم كان للي بينفذوا طلبات الاعضاء
وسواء قسم السويتش او الفوتو فيه طلبات للاعضاء
و مؤكد تلبيتها دي بتكون حاجه كويسه تستحق التكريم
وفي القسم عندي طلبات تواقيع فلاشيه ودى اكيد تعتبر من طلبات وخدمات الاعضاء
وانت عارف اد ايه الفلاش بياخد مجهود عشان يطلع كويس
دة غير اني بصمم فوتو لطلبات الاعضاء
فالتكريم كان لتلبيه رغبات ومساعدة الاعضاء
مش مجامله ليا من احمد
شكرا لك

[Words Whisper]

بداية
كتير شكرا أ.مرشدي ..

اقتباس المشاركة الأصلية كتبت بواسطة انا جيجي اولا حلقة جامدة يا مورشو وتستحق التقييييييييييييم والضيفة ماشاء الله انا هتكلم فى النفقطة الى تم ذكر اسمى فيها د.اسماء لما بكتب موضوع او بعمل توبكات استضافات ده فى حد ذاته تميز وابداع واعتقد الكل يشهد بذلك وعامة كون انى استحق التميز او لا فده مش هيحبطنى او هيقلل من نشاطى ومرسى لحضرتك

أكيد نشاطك يستحق الشكر و التقدير
وأكيد كل شخص فيه اللي يميزه ..


منورة ..

اقتباس المشاركة الأصلية كتبت بواسطة كبريت ليه ماتمش تمييز ( كبريت ) مع انه من انشط الاعضاء الفتره الى فاتت ؟ والا ماتمش ترقيته بسبب اعتراض الاعضاء على عضويته ؟ بالأكيد مش هنحكم على استحقاق عضو عشان نظرة غيره ولو كدا يبآ كنا مش هنكرمه خالص أنا بتعامل مع عضويات و ip مش يخصني شخصياتهم المسألة كلها زي ماقلت مفاضلة .. هو تمام السؤال وتمام الجواب وان كنت متحفظ تماما مع احترامي له مش عشان التميز لأنه طالما مش حصل فلن ابحث عنه انا فقط يكفيني ادائي باغلب اقسام المنتدى وكفايه والفضل لله مؤكد حركة نشاط وابتكار برامج واعلى موضوعات فيها ردود والاهم من كل ده عندي حب الناس اغلى واعظم مكسب والتميز ييجي وقت ما ييجي الامر كله بيرجع للضماير وطالما الضماير مرتاحه وشايفه ان ده الوضع الصح انا كمان مرتاح للغايه ومؤكد ده ردي بتفاعلاتي وحضوري بالمنتدى والكل اكيد شايف ده نايس توبيك أ مورشو وبحييك جدا ناس ردود راقيه وان كنت متحفظ على بعض الفلسفه فيها مديرتنا ووردس تحياتي للكل كبريت

منور أ.كبريت
فلسفة إيه بآ ؟!
هو الحقيقي انا جاوبت بتلقائية واللي ببالي قلته
مش فيه حاجه كتبتها بقصد أكتر من معنى
وكلامي هنا بالذات لايحمل وراء السطور ولاأي شيء غير اللي ذكرته ..

اقتباس المشاركة الأصلية كتبت بواسطة sama. اكتر حاجه وحشه هنا الناس الل كارهين بعض وبيدخلو ينتقموا موش ينبسطوا لو عرفتي تحددي دي وكل واحد يخليه ف حالو هتبقا فلة واحلي حاجه انتي ي عسولة ثانكس مورشو

الله يعيد للفورم الجو الحلو تبعه
منورة ياجميل ..

اقتباس المشاركة الأصلية كتبت بواسطة big bốss وهو أساسا من الأولياء ! أنا كمان شفت سيادة الولي دا وهو ماشي ع الميه ! أنا عندي مرارة واحدة ونفسي أكمل بيها الـ 30 هههههههههههه ضحكنى الرد دا بس عجبتنى ردود د \ اسماء كلها صريحه و مباشره من غير اى اصتناع و عرضت حقائق مكناش نعرفها و بالنسبه لهمسات هى نشيطه و تستحق و عندها افكار حلوه بس ضغط نفسي عندها ربنا يشفى مامتها و مش هنفقعلك المراره يا دكتوره بس انتوا مش تخلوا فشتنا عايمه برضو نايس مورشو عجبتنى اسئلتك بالتوفيق

مش أعرف ان والدتها تعبانة
الله يعافيها ..


يللا كويس ضحكتكم اهو ..


منور بآ يابشمهندس ..

اقتباس المشاركة الأصلية كتبت بواسطة العاشق الذى لم يتب حوارجريئ وكبيروطويل ومفيد وعظيم مش هقول غيرانى لاحظت اسماء جواهاشوية تعب وقهروغيظ وضيقة وخاصة من قسم الشكاوى وكترالرد عليها اكيد مسئولية كبيرة وارضاء الناس جميعهاغاية لاتدرك ولكن لازم دكتورتناتستحملى وتزودى طاقة الاستحمال وكظم الغيظ وباللين والهدوء تمتصى غضب الغاضبين كلامك معقول وراقى واجابة بهدوء ومفيدة فقط ادعوالله لك ولك لالادراة وايضا لجميع الاعضاء ان نكون سوسامتسامحين منتوادين ونبطل نشتكى بعض ونروح ننشر أخبارنا وتفاصيل علاقتناومابيننا من مشاكل او خلافات أو مودة ومحبة نذيعهالمن نعرف أو لانعرف مجرد ان يبث الشيطان بيننا الفرقة والوساوس لازم نستحمل بعض ونسامح بعض وهنامش مكان محكمة هنااجتمعنا نتعارف نتقابل نتوادد وإن أختلفنا نبعد بالمودة ونحفظ ماكان بيننا من مودة وأسرار نجتمع لنرقى بالمنتدى ونتعلم ونستفيد ممانراه ونقرأه ونسمعه وكم من مديركان هنا وكم من ألوف من الاعضاءكانواهنا وذهب الجميع ولم يبق سوى السيرة الحسنة والكلمة الحسنة شكرامرشو شكرا اسماء مودتى

هو والله ياأ.رفعت من جهة الهدوء فأنا هادية جدااااا
ومش عندي مشكلة في الرد على أي شكوى أو طلب أو أي حاجه
بس اللي بيتفضل ويعرض حاجه يتقبل يسمع غيره
و كمان يكون كلامه ضمن نطاق محدد بس كدا ..


منور بآ حضرتك ..

اقتباس المشاركة الأصلية كتبت بواسطة طبيب الهوى أخي موروشو حلقتك اليوم من أقيم الحلقات التي قرأتها من قبل من حيث الأسئلة المُباشرة الصريحة وكذلك الردود المُباشرة والصريحة لأبنتي أسماء أحسنت إدارة الحوار يا مورشو وكذلك أبنتي أسماء أحسنت الرد بفلسفتها الخاصة والتي تروق لي دائِماً أبنتي أسماء في بعض الأمور كُنت أجهلها وعلمتها اليوم من ردودك أشكرك كثيراً عليها وأحييكِ على ردودك كَكُل تحياتي وودي وورودي أبو عصام

كتير شكرا أ.أحمد ..
منور طبعا ..

اقتباس المشاركة الأصلية كتبت بواسطة لمار* حلقة قوية اخى واجابات احس يكسوها قليل من الحدة ربما من ضغوط مسئوليات الادارة اتفق مع اجزاء و اختلف مع اخرى و اولهم همسات و اختلاف الرد لا يفسد للود قضية كل الشكر اخى دمت متميز

الحدة مش غضب
وطبيعي مش كل الأمور لينة ..
منورة ياجميلة ..

اقتباس المشاركة الأصلية كتبت بواسطة arco soso انا مش عارفة اقول ايه بعد اجابات الادارية المميزة اسماء من احسن الحلقات اللى شوفتها اليوم ونتمنى تكريم همسات فوق القمر فى الفترة القادمة بااذن الله ونتمنى ايضا نشوف اعضاء يتميزوا فى الفترة القادمة ومافيش اى ظلم من ناحية الادارة ابدا

أكيد همسات مشرفة شاطرة
وان شاالله نشوف من كل المشرفين
تجديدات حلوة بقسمهم ..
منورة ياعسولة ..