الحلقه الثانيه من ( اجمد عضو 3 ) مع ( Words Whisper )

[Words Whisper]

اقتباس المشاركة الأصلية كتبت بواسطة احساسى صحيح انا ليا بعض الملاحظات اتمنى تقبلها بصدر رجب 1 اثناء البرنامج الانتخابى انا طلبت اثناء توبيك النقاش فى برنامجى للمتحدث ان الاداره تنتظر حتى يتم اختيار متحدث يشارك مع الاداره فى الاختيار ويحمل عنها بعض المسؤليه ,, انا متهيئلى لوكانت الاداره إستمتعت لرأيى وإتأخرت حتى إنتهاء التصويت على إختيار المتحدث كان ممكن تلافينا بعض الاثار إللى ظهرت بعد إعلان التكريم .. حضرتك ذكرتى ان من ضمن وظيفة المتحدث المشاركه فى التكريمات وترشيحات الاشراف يبقى إزاى انا هشارك بعد اعلان التكريم والترشيح لو ردك الاشتراك من الفتره الجايه يبقى غير مقنع لأن انا لا اعلم متى هيكون فيه تكريم تانى وانا مدتى محده بـ 45 يوم فقط .. 2 بعد إنشاء قسم المتحدث وضِعت مثلى مثلكم فى حل مشاكل وشكاوى الاعضاء وعذرتكم فعلا لأنى شاهدت اشياء عجيبه لن اخوض فيها ولكن بالمجمل هناك سلبيات كتيره جدا فى عدم الاهتمام بالرد على الاعضاء بطريقه إيجابيه وإعطائهم حلول او ردود من خلالها إنهم مش ياخدوا فكره سلبيه عن الاداريين المسئله انا اراها بسيطه وشاركت فى حل بعضها وتحتاج فقط للاهتمام وبعض الود والانصات للعضو حتى ولو كان ثائر لأن مهمة الادارى الاحتواء وليس التذمر .. يمكن انا عندى تباين فى الاقتناع ببعض الردود من حضرتك ان فيها ايجابى وفيها سلبى بس بالعموم المفروض اننا نتخطى تلك المرحله والاهم نسمع لبعض ونرد على بعض علشان نقدر نزرع الثقه بيننا وربنا يوفقكم لخدمة الاعضاء شكرا د اسماء للتوضيحات شكرا مورشو على تفاعلك القيم

طيب أنا قسمت رد حضرتك لفقرتين
هرد بالأرقام على كل فقرة ..


1 ::


حضرتك لم يطرح نهائيا
ان التكريم ينتظر متحدث يشارك فيه وهو لسه مش معروف هيكون مين
بالنسبة لكون من وظائف المتحدث الترشيحات
فسؤال حضرتك هنا يؤخذ عليك بصراحة
لأني وضحت إجابته أكتر من مرة والمفروض بحكم مسؤوليتك كنت تنتبه للنقطة دي
اه المتحدث هيشارك بالترشيحات وهيكون التكريم بعد أول 45 يوم
ففعلا هيكون خلال مدة حضرتك الأولى كمتحدث
ولو الأعضاء شافوا انك نجحت كمتحدث عنهم هيكون لك كمان 45 يوم تانيين
هيكون متاح لحضرتك فيهم ترشيحات التكريم والإشراف للمرة التانية
وبكل الأحوال انا مش هرضي الكل بأن أكرم الكل
التكريمات بالذات الفترة القادمة هتكون محدودة بعدد وحسب الأفضلية بآ
ليس من العدل ان أساوي الكل ولا أساوي مجهود بنسبة 80 % بمجهود 30 % ..


2 ::
والله دام حضرتك اتحطيت بجزء بس من نفس الدايرة
فأكيد زي ماحضرتك بردو قلت بيبآ فيه حاجات نو كمنت
عن الإيجابية في الرد على شكوى فالإيجابية مش معناها
ان أوافق المشتكي و أقوله انت صح
او اتخذ الاجراء بناء على ( عشان مايزعلش )
الإيجابية اني أتصرف وفقا للعدل و الأصح
ولو مش محدداه بالضبط أو اختلفنا ايه الصح فاحنا 3 إدارة ومعانا المراقبين
يعني أكتر من دماغ فممكن نشور بعض ونتوصل للأكثر اتفاقا ..


ربنا يوفق حضرتك أ.ياسر
وحيث انه بنوضح حاجات
فأنا متعمدة مش أعلق على الشكاوى بقسم المتحدث بصراحة
عشان أترك مجال أكبر لحضرتك فيظل بـ إيدك نجاحك ف دا من عدمه
بس أكيد أي استفسار أو مساعدة احنا حاضرين ..


شكرا بآ ..

[Words Whisper]

اقتباس المشاركة الأصلية كتبت بواسطة sad_love حلقه جميله تسلم ايدك مورشو مع تحفظى لبعض الاجابات الى احتفط راى الشخصى بيه لنفسى فقط

شكرا لحضرتك
وفيك تعرض رأيك ..

اقتباس المشاركة الأصلية كتبت بواسطة سيناا صراحة اجابات الدكتورة صريحة جريئة واضح ايه الى هي عايزاه بالمنتدى وفعلا وضحت لنا اشياء كتيرة حلو حلو ربي يعطيكم العافية مدرائنا مورشو استمر

شكرا لحضرتك ..

اقتباس المشاركة الأصلية كتبت بواسطة حَرفُُ هجآءّ كمية الشرح والتوضيح تدل على كمية المشاكل سورى لو قولت ان كمية المشاكل دى ملهاش قيمة بالعكس بتزيد التوتر والزعل بين اﻻعضاء وفعﻻ كانت محتاجة توضيح ياريت لو تبسطوا اﻻمور اكتر من كده اللى داخل المنتدى مش داخل يحرق دمه واعصابه واللى محتاج تكريم وخﻻفه ساحة المنتدى مفتوحه للتمييز والابداع بدون اساءة لحد او التجريح ف عضو ياريت يكون ف التعامل رقى اكتر من كده ﻻن ده بيعكس رقى الشخص نفسه ورقى المنتدى عموما للاعضاء الجدد حلقة جميلة بجد اسماء الله يكون ف عونك نورتى الحلقة

انتِ لخصتِ كتير ..
منورة ياجميل ..

اقتباس المشاركة الأصلية كتبت بواسطة big bốss بصراحه دى فرصه لا تعوض فى مناقشة الاداره فى امور عالقه و مشاكل خصوصا اننا بنقبل كلامك و فكرك وزى ما طلبتى نتناقش فى التوبيك اولآ : فين مواضيع الاداره و ردود الاداره على المواضيع و مسابقات الاداره مش دا تقصير منكم و له اثر على نشاط المنتدى العام و انا بخص اللون الاحمر فقط - مقارنه بالفترات الاداريه السابقه كان فيه نشاط من الاداره فى المنتدى اشمعنى حضرتكم مفيش اى نشاط ليكم ؟ ثانيا : مش المفروض لما اكون مقدم شكوى فى ادارى - ادارى تانى يرد على الشكوى و المشكوى فى حقه مش يتدخل - ليه مش بنشوف كدا و لما نعمل شكوى زى عدمه ندخل نتخانق مع الى مشتكين فى حقه و ممكن الامور توصل لطريق مسدود من غير فايده ؟ ثالثا : لو احنا طالبنا ان words whisper تكون مسئوله عن قسم الشكاوى هى فقط لاننا مقتنعين برايك و بتعرفى تتناقشي مع احترامى لباقى الاداره هتوافقى ؟ مع اننا دا الحل الامثل لقسم الشكاوى لانك الاكثر قبول لدى الاعضاء و مقتنعين بحضرتك كأداره ؟ فى انتظار مناقشة د\ اسماء

هرد بـ رقم السؤال ..


1- يابشمهندس حكمك أو حكمي أو حكم أي حد بشكل صح
على دور إداري أو رقابي أو إشرافي
مش هو كم المشاركات وإنما تفهمه لمسؤوليته و القيام بيها
بشكل أبسط : فلان مش هيبآ اداري او مشرف متميز يستحق دا عشان مشاركاته كتير
هو هيكون متميز عشان دماغه هتضيف للمكان اللي ضمن مسؤوليته
لكن لو على العدد فأي حد بيعمل عدد وبكلام من الهوا
+ لو هتحسبها بردو كنشاط مشاركات للإدارة يبآ بتتكلم عن كتلة مش شخص
ولو أسماء اتشغلت او النت مش ساعدها تشارك
فـ أ.أحمد الله يكرمه قايم بالدور دا وهو بردو اداري
وبعدين د.طارق لسه عامل موضوع استغراب ان اداري يكون ف التوب لعدد المشاركات
عارف يابشمهندس
فيه فرق بين نشاط مشاركات و بين استحقاقية مسؤولية تابعة للفكر
وعلى سبيل المثال :
مش ينفع اختيار المشرفين بناء على مشاركاتهم وانما ابداعهم وهيضيفوا جديد أو لا
عشان الأقسام نشوف فيها إبداع بجد وحاجه حلوة ..


2- تدخل الطرف بيكون للتوضيح
انما مهما حصل شد ومهما اتكلمتوا سوا
ودا بشوفه كويس على الأقل الأمور بتبآ أوضح ويمكن دا يصفي النفوس
المهم بعد ماهتخلصوا شد سوا فاللي هيحكم هو شخص آخر غير الطرف المشترك
هنا تدخل الطرف اللي جزء من الشكوى للتوضيح ..




3- لا مش هوافق طبعا وبعيدا عن مين أكثر حكمة
فأكيد زي ماحضرتك بتقتنع برأيي
غيرك هيكون بيقتنع برأي حد تاني ومش بيقتنع برأيي
غيرك هيشوف ان أسلوب أ.أمجد الأكثر هدوءا مثلا أفضل
أو أسلوب أ.أحمد الأكثر اختلاطا بالناس ومعرفة بيهم أفضل
دا غير مشاركة المراقبين في الشكاوي واللي بشوفها شيء أساسي ..


منور بآ
تشكرات
وأي إضافة اتفضل ..

[Words Whisper]

اقتباس المشاركة الأصلية كتبت بواسطة stop ana eltop جميل الموضوع يامورشو كالعاده منك حلقه جميله والاسئله جريئه بس فعلا يا دوك اسماء انا مختلفه معاكى فى كلامك عن همساات انا ماشوفتش انكوا عدلتوا التكريم ودخلتوا فيه جبل المفروض انه التكريم دا محطوط قبلها بفتره ولشخصيات محدوده وتبعا لحاجات معينه وبناء عليها الناس بتتكرم انما لو دخلت قولت انه الفتره الى كنت انا غايبه فيها كان عندى ظروف دا مش حجه انى ادخل التكريم لانه المفروض انه التكريم شهرى يعنى هيتقرر تانى الشهر الجاى اى حد يتفضل يثبت نفسه وفى الاخر يتكرم وكمان مش كل الناس عشان تكريم كله بيهبط الناس انما تميز وتكريم ناس معينه بيشجع انه انا كمان اشتغل عشان اتكرم انما مهرجان التكريماات دا كان من اكبر غلطاتكم انا بقالى فى المنتدى سنه ونص لما الاقى نفسى اتساويت بناس لسه داخله من شهر او شهرين لمجرد انه نشاطى وقف شويه دى حاجه تدايقنى نرجع لموضوع بسنت لو زى ماحضرتك تفضلتى وقولتى طيب ما مشرف فاضل زى ( عازف الصمت ) مايستاهلش التكريم لانه مجددش فى القسم بل انه شغله فى الخوزعبلات اكتر بكتير من النقاش لو هنقيس انه (مش تسجيل دخول وخلاص ) بيدايقنى كمية المشاكل الى فى المنتدى والناس الى بتلقح على بعضها وفى الاخر تكره الناس فى دخول المنتدى زى ما فعلاا حااصل المعظم بيقرر يبعد اى اسم من الى فوق بالتوفيق ليه انا مش بعيب فى حد بس مجرد بوصح رائ فقط اننا كلنا مش متساويين فى الاخر بس

انتِ شايفه ان التكريم كان اكتر من اللازم
وانا نفسي قلت ان كرمنا ناس كتير أكتر من العدد
وغيرك كله اعتراضه ان كان عايز نكرم كل الناس !
فبالحالتين هيكون فيه اللي مش عاجبه التكريم
بس هقولك حاجه
التكريم دا مش كان شهري
هو مش كان عن شهر واحد فقط
هو كان عن فترة - الفترة الأخيرة - ودا يوضح ليه حد كان غاب و دخل
انما كلامي عن همسات
انا مش قللت من نشاطها بالعكس هي فعلا مشرفة كويسه
بس زي ماانتِ قلتِ كدا عشان نوصل للأحسن
انا شايفه انه عندها افضل تقدمه واللي شايفه ان عنده أفضل بتستني منه الأفضل
على عكس اللي شايفه انه هو دا اللي هيقدمه
أتمنى يكون رأيي واصلك
وعامة ففعلا التكريمات القادمة محدودة و شهرية
عشان مش عايزين نكرم غير أفضل الأفضل
لكن التكريم دا لأن زي ماقلت مش كان عن شهر واحد واتأخر ..

اقتباس المشاركة الأصلية كتبت بواسطة ۩۩ elmagic ۩۩ ياريت فعلا ناس كتيره تدرك الكلام اللى قولتيه دا يا اسماء ف الاول والاخر المفروض احنا ف مكان عشان تضيع فيه وقتك وتخرج من جو الحياه ومشاكلها مش اول ما بتدخل تلاقي امور عجيبه بتفصلك عن فعل اى شئ كلنا بشر ولينا آخر ومحدش عايز يتطرق للجانب الاصعب ويفكر يحجر ويمنع ويفرض وضع قاسى فا بنتمنى يكون فيه تفاهم وإدراك بما هو صالح للمكان محدش بيتأخر مع اى حد ف اى طلب طالما انه بيبقى مدروس ومعروض لغرض الصالح العام وقتها المناقشات طبيعي بتوصل لحلول بترضى الجميع . ربنا ييسر بقآ .

بتمنى التوبيك دا يكون وضح كتير ..
منور بآ ..

اقتباس المشاركة الأصلية كتبت بواسطة *soma* من اجمل الحلقات

منورة ياجميل ..

اقتباس المشاركة الأصلية كتبت بواسطة ايمان طلعت توبيك قوي جدا سواء كانت اسئله او اجابات هتكلم عن النقطه اللى تخصني بالنسبه تلميحك ان احمد دخلني في التكريم لانه كان مشرف على القسم دى مش حلوة لا ليا ولا لاحمد ثانيا التكريم مقالش لاعضاء السويتش زى ما بتقول التكريم كان للي بينفذوا طلبات الاعضاء وسواء قسم السويتش او الفوتو فيه طلبات للاعضاء و مؤكد تلبيتها دي بتكون حاجه كويسه تستحق التكريم وفي القسم عندي طلبات تواقيع فلاشيه ودى اكيد تعتبر من طلبات وخدمات الاعضاء وانت عارف اد ايه الفلاش بياخد مجهود عشان يطلع كويس دة غير اني بصمم فوتو لطلبات الاعضاء فالتكريم كان لتلبيه رغبات ومساعدة الاعضاء مش مجامله ليا من احمد شكرا لك

هو كان استفسار إيمان ودا عادي
وتم الإيضاح وتستحقي التكريم ..
منورة بآ ..

[big bốss]

تمام يا اسماء

شكراً على التوضيح

بس تعقيب صغير انا مش بقصد بنشاط الاداره المشاركات فقط زى ما المحتى

و لو على المشاركات فقط و ادارى بيعوض

فانا قسم النقاش و الاقلام كل 10 مواضيع ممكن تلاقى رد واحد للاحمر

بس دا مش الى بقصده

انا بقصد حتى جو المسابقات الاداريه الى هى كانت بتجمع الكل

عامتا بتوفيق يا دكتوره

سبحان الله انتى الوحيده فى الاداره الى كلامك مش بيعصبنى ^_^

ربنا يوفقك يارب لما تطمحين

[Words Whisper]

اها تمام
والله بص عن نفسي يعني
ف بالي فكرتين كدا
بس عايزه اعرف اعملهم بس بشويه فضا
هحاول انزل واحده اخر الاسبوع ان شاء الله ..