فيــــن زمــــــان

[شاعر الحب الحزين]

فيـــن زمــان وأيـــام زمـــان فينهــم يــا زمـــان

فيــــن زمـــان يــــا حاضـــر بالهمـــوم مليــــان

فينـــك يـــا طيبـــة مـــن القلـــوب

فينـــك يـــا ستــــر مـــن العيـــوب

فينـــك يـــا توبـــــة مـــن الذنــــوب

صبحنـا بنظلـم ونقـول نصيب مكتوب

نقسى ما نتعاتبش نفضح ما نتحاسبش نغلط ونتبقح كمان

فيـــن زمـــان يـــا دنيـــا المــادة والمصالــح

كنــا نزعــل نتراضــى كنــا نتخاصـم ونصالـح

دلوقتي اتغيرنا اتكبرنا اتخلــط الحلـو في المالح

بنعيش ليومنا وجايلنا بكـرة ملــوش أي ملامــح

مـا يهمنـاش غيـر نفسنـا شايفيـن نفسنـا مكاريـن ملنـاش أمـــان

لا قادرين نتغير ولا ماضي قادريـن نرجعــه

اللـي يعلـى عننـا نجيبــه الأرض ونوقعــه

اللي تحتنا ندوسه ويصــرخ ولا بنسمعــه

وعينـي عاللـي ذكريــاته حزينـة بتوجعــه

هيعيـش سجيـن وحدتـه تواسيــه دمعتـه محاوطــاه أربــع حيطــــان

فيـــن حبايبــي اللــي كـل همهـم يفرحونــي

فيــن أصحابـي اللـي من غير مصالح يصاحبوني

فيــن بسمتـي وضحكتـي فينهـم يا دموع عيوني

فيـن الحــب فيـن الرحمـة والطيبـة بجــد وحشونـي

فيــن الأهـل والقرايـب الحـب غايـب واللي جايب مش جايب غير أحــزان

فيــن زمــان يـــا زمـــان فيــن الأمــان يــا زمـان عدى وقتهم مبقالهمش مكان

يــا دنيـا العجايـب ما فيكي غير مصايب بقيتي مناصب على حساب دم الإنسان

زايلـة مش دايمالهم ولا دايمالنا في يوم بتنتهي وكــإن أي شــيء مـــا كـــــان



شـــــــــــــــــــــــــــــــــ . حـــــــــــــــــــــــــــــــــــ

[دفاتر القمر]

ليت الزمان يعود بجماله
وطيبه ناسه كلمات
رائعه اخي خالد فيها معاني
جميله وامنيات نبيله
تسلم ايدك على جمال الخاطره

[.Lamar]

بابداع اخى جمعت اكتر من قضية

لتخرج لنا هذه الخاطرة الشجية

نعم اختلف الحال و اختفى كل شى اصيل و جميل

اصبح كله منسوخ و تقليد

و الدنيا اصبحت مصالح و قبل كل شى حتى صلة الدم

بس ليه هنعيب فى زماننا و العيب فينا

طيب نصلح الاول من حالنا و بعدها نشتكى من الزمن و عمايله


شكرا ليك اخى

تقبل مرورى المتواضع

تحياتى و تقديرى

[انا جيجي]

روعة يا خالد فعلا ليت الزمان يعود يوما

[Lamees]

قلبت علينا المواجع وسألت فين زمان
زمان راح مع المصالح وراح معاه الأمان
زمان راح بطيبته والحب والحنان
ده لو عايزينه يرجع لازم يرجع الوقت والمكان

شاعر الحب الحزين

خاطرتك اثارت بداخلنا مشاعر الغضب من حال هذة الأيام
حال البشر يرثى له .. مصالح ، انانية ، والضمير ليس له مكان
راقي قلمك الذي يثور لقضايا المجتمع
وانعدام الاخلاق وتغيير الضمائر اصبحت مشكلتنا الاساسية

تحياااتي لقلم مبدع خالد

تقييمي

[SaMa.]

احنا نقصنا الحب والانسانيه
ثانكس شاعر

[كبريت]

طب اقول ايه ؟
اكتب ايه ؟

عارف يا استاذ خالد
السهل الممتنع
الرقي المغلف بالصدق والبساطه
عارف الشياكه المغلفه بالاناقه
عارف التلقائية المعطرة بالعفوية

كل الكوكتيل ده هنا واكتر



بحييييييييييييييييك للغايه
تقييمي ونجومي وشكري واعجابي وصباحك ورد ياراقي

[قلب وكلمات]

أصل الحكاية زمان

وكان ياما كان

نفوس وليها العجب

ميزانها تقله دهب

ساكنها صدق إيمان

حب وقلوب صافيه

من ربها خايفه

عايشه رضاها أمان

أصل الحكاية زمان

محبه ونور وسلام

ضحكة تحلي كلام

عبرة تهز كيان

صفا ..هنا ووئام

أصل الحكاية زمان

إيد بتحضن إيد

لمه فـ أجمل عيد

فرحه برزق حلال

صليب فـ حضن هلال

أصل الحكاية زمان

وكان ...... أيوا كان

اسمع وشوف أيامنا

بلاش نعيب فـ زمانا

نشكى نقول أوجاعنا

يرن الصدى فـ وداننا

نقول ومين يسمعنا

الحب والله هجرنا

الطبع بقى قاسي

والناس كتير بتقاسي

نداله. وش اساسي

نصاب عمل ناسي

غير المهنة سياسي

*
الابن يقتل أبوه

والأخ يعادي أخوه

والصاحب ده ياما خانوه

فـ الشدة هربوا باعوه

*

الغالي خالد

وما أصعب هذا الزمان ، جسدت واقع مرير

الله نسئل أن يجعل لنا الجنات بغير عذاب

وأن يهون علينا الدنيا بما فيها

تقبل مروري وكلماتي

القيصـر

[يحيى الفضلي السودان]

جميل البوح حبيبنا

[أميرة محمود]

زمان كانت فيه الطيبة والصحاب
واصعب ما يفعله الزمان ابعاد الاحباب
حروف منثورة بدقة لتزلزل الوجدان
بذكريات زمان وامنيات عالقة
شاعر الحب
قلمك جميل ولكن هذا من ضمن
المقطوعات التى هى من اروع ما خطها
سلم القلم