الاستثمار فى مصر والمؤتمر الاقتصادي

[جالس لحالي]

الاستثمار فى مصر والمؤتمر الاقتصادي

نظرة عامية على المؤتمر الاقتصادي واهدافه بكل بساطة

لو الجكومة انشأت مدرسة فى صحرا بعدها على طول هتلاقى الاهالى منهم اللى بيبني بيت يخلي الارضى محلات منها مكتبة ومنها سنترال ومنها مطاعم ومنها كافى شوب

وهتلاقى اللى بيأجر شقة فى نفس البيت ويعمل سنتر ملابس او مجموعات تقوية وبردو هتلاقى اللى بيأجر شقة يحولها عيادات طبية

بالاضافة طبعا ان وسائل مواصلات هتظهر اجباري مهما كانت المسافة وهتلاقي بردو انشاء طرق جديدة لسهولة حركة السير

وهتلاقى كمان محول كهربا جديد بيتعمل علشان يخدم المدرسة والبيوت اللى حواليها

كل اللى فات نموذج صغير جدا وبيحصل فى البلد بس هو دهـ اللى اسمه استثمار وهو ده اللى‬ اتعمل علشانه المؤتمر الاقتصادي علشان يكون الاسثمار بصورة أكبر وبصورة مستهدفة (ورحم الله الملك عبد الله صاحب فكرة المؤتمر )

تعالى ياعم المستثمر اعمل مصنع سيارات فى المكان الفلاني

- ماشي بس انا محتاج ارض وبصراحة الارض عندكم غالية

ياسيدي خدها ببلاش بس هاخد منك نسبة من الانتاج ومش هنختلف

- تمام بس العمالة عندكم اسعارها ايه انا يادوب اقدر اجيب خبراء من بلدي يديرو الشغل

الفنيين عندنا متوسط رواتبهم فى الشهر كذا بس انت أمن ليهم الانتقال والسكن والمعيشة

- مهي دي المشكلة بقى انت مش واخد بالك اننا فى صحرا هسكنهم فين يعني ؟

بسيطة احنا عارضين مشروع وحدات سكنية لمستثمر غيرك يطلع بيهم وانت ابقى أجر منه

- طب المصنع محتاج كهربا هتوفروها ازاي ؟

فى مشاريع لمحطات طاقة وبمجرد انت بس تبني مصنعك هتكون خلصت

- طب انا هبني مصنع ازاي ومصادر الاسمنت والطوب والرمل بعيدة وكل مواد البناء بعيدة

مين قالك كده فى طرق بتجهز وعاملين حسابنا مع التجار المصريين يبنو مخازن تشوين وهيوفرولك اللى انت عايزه وبالنسبة للعمالة المهنية والفنية جاهزين وبرود عاملين حسابنا فى مستشفيات وخدمات عامة كتير

- طب انا هنقل اللى بصنعه ازاي لبلدي او لاي بلد تانية ؟

عندك قناة السويس تقدر تصدر لاى دولة وهنعرض عليك قائمة بشركات الشحن والتوزيع


------


------


خط بيجر خط وكل خط بيستهدف عمالة من فئات مختلفة منظومة متكاملة وقطاعات حكومية داخله بكل تقلها وتسهيلات تجذب المستثمرين بجد


ومحدش ينسي مشروع زي مترو الانفاق اللى كانت فرنسا ولا زالت بتنفذه وبتاخد نسبة من الارباح

فنادق كتييير اتبنت بمصر بمستثمرين عرب واجانب وخدو نسبة من الربح

الاعمار لمصر قادم ومكانتها راجعة ولا مجال لاى شىء يصدر لينا طاقة سلبية

المرحلة الان هي مرحلة الطاقة الايجابية

والحمد لله على ما وصلت اليه مصر

#متفائل

[العاشق الذى لم يتب]

رائعة الإفادة
وجميل المضمون
وجزيت خيرا
ورودى وتحياتى