انا عايزه مساواه البنات ايه رايكم !!!!

[عازف الاحساس]

السلام عليكم ورحمة الله وبركاته


ظهرت فى السنين الأخيره مطالبات بالمساواه بين الرجل و المرأه و خلينا نشوف

يعنى ايه مساواه ؟؟؟

= دى علامه المساواه

مساواه= يعنى انتى تلبسى بنطلون زى الولد ؟ - طب مش المفروض ان الولد يلبس فستان برضه ؟

مساواه = يعنى حضرتك تقصى شعرك زى ما انا بقصه

مساواه = طب بتحطى مكياج ليه ؟؟ و بتتكلمى بدلع ليه ؟

مساواه = يبقى متطلبيش منى فى المواصلات العامه انى اقوم من على الكرسى اللى انا قاعده عليه علشان انتى تقعدى , انتى مش عايزه مساواه ؟ يبقى خليكى واقفه زيك زى باقى الرجاله

مساواه = طب ليه حضرتك مش بتشتغلى ميكانيكى ؟ او سباك ؟ او تشتغلى فى المعمار و تشيلى الطوب على كتفك و تقلبى الاسمنت بايدك ؟

مساواه = يبقى لما انا اجى اتقدملك لازم تدفعى نص تمن الدهب اللى حجيبهولك و تدفعى نص تمن الشقه اللى حتتجوزينى فيها و تدفعى نص تمن العفش اللى حتسكنى عليه

مساواه = زى ما فى رجاله كتير بيخلوا زوجاتهم قاعدين فى البيت و هما بيشتغلوا طول اليوم يبقى انا كمان من حقى انى اتجوز واحده تشتغل طول اليوم و انا اقعد فى البيت

مساواه = يبقى المفروض ان انتى تعاكسينى فى الشارع زى ما الشباب بيعاكسوكى

مساواه = يبقى لما اكون واقف معاكى حتعامل معاكى على انك شاب يعنى حتكلم براحتى بقى و اقول اللى انا عايزه و حنسى انى واقف مع بنت و حهزر معاكى بمد الأيد

مساواه = مشفناش بنت بتلعب كوره فى الشارع يعنى

مساواه = اتخلى بقى عن دموعك و خدى حقك بنفسك

مساواه = المفروض انك لو عايزانى انتى اللى تجيبى اهلك و تطلبى ايدى



حتقولولى انت بتهزر . . طب انا بقى حتكلم بجد . . من يوم المساواه دى ما قعدتم تتكلموا فيها عملتوا ايه ؟

اتعلمتوا = و مفيش واحده اخدت جايزه نوبل و لا عملت اختراع

اشتغلتوا = و خليتوا الرجاله مش لاقيين شغل - انتوا سبب البطاله

اتخيلوا كده لو البنات كلها قعدت فى البيت كام وظيفه حتكون فاضيه ؟

ما انتى بتتعلمى و بتاخدى الشهاده و فى الأخر بتكونى فى البيت و لو اشتغلتى برضه بعد اول ولاده بتقعدى فى البيت

ده حتى فى الأسلام مفيش مساواه بين الرجل و المرأه

الصحابه كانوا بيحاربوا فى الغزوات مع ان كان فى صحابيات عندهم المقدره على القتال بس كان ليهم دور تانى -- مداواه الجرحى

فى الميراث الذكر له مثل حظ الأنثيين

و الجنه تحت رجليكى انتى يا أم مش تحت رجلى انا

الرجال قوامون على النساء

حور العين نساء مش رجال

مساواه فى الفروض و مساواه فى الحسنات و مساواه فى السيئات

انما انا ليه دور و انتى ليكى دور تانى خالص ربما يكون اهم

انتى اللى بتربى و انتى اللى بتطلعى رجاله

لو فكرتى شويه حتلاقى ان احنا اللى عايزين مساواه مش انتى . . . .


و اى راجل عايز يتجوز بنت يعنى حاجه تكمله مش حاجه زيه بالضبط صوتها عالى و تاخد حقها و عنديه و بتفهم كل حاجه و لازم يكون رأيها فى كل موضوع و كأنها واحد صاحبه .

ركزى فى اللى ربنا خلقك علشانه و سيبينى اركز فى اللى ربنا خلقنى علشانه . . و محدش يتدخل فى امور التانى

حتلاقينا مستريحين و احسن أمه فى العالم ده كله و فكرى احنا بقينا بنرجع لورا ليه




ياريت الكل يقول رايه بصراحه هل الكلام دا صحيح ام هذه غير مساواه؟ وان الرجال جاي على حق المرأه كده ام المرأه هي الي جي على حق الرجال؟





تحيااااااااااااااااااااااتي


فــــ هــــ شـــ ا م ـــــارس

[meerna]

كلام رائع جدا

الغرب هم اللي نادو بالمساواة
واحنا طبعا بنقلدهم في كل شي

فجعلو من المرأه كيان مستقل فتستطيع العمل في اي مكان ومع من مين كان
وبتقدر تعيش حياتها لوحدها من دون مساعده من حد




نحن لانريد هذا بل نريد ان نكون فعالين في المجتمع بما يتوافق مع شريعتنا لانريد سوى الاحترام وعدم تهميشنا كوننا اناث


لك كل الاحترام...

[Mo7aMaD 3aLa2]

واللة مظبوط كلامك جدااااااااااا...ودة اللى انا بقولة فى معظم المواضيع اللى اتعملت مشابهة للموضوع دة

وهى انة التكوين نفسة بيختلف وعشان كدة التكليفات والتصرفات وردود الافعال بتختلف ودى مالهاش علاقة بالمساواة


اتعلمتوا = و مفيش واحده اخدت جايزه نوبل و لا عملت اختراع

اشتغلتوا = و خليتوا الرجاله مش لاقيين شغل - انتوا سبب البطاله

وبالذات الجملتين دول اصح جملتين...

لو كل واحد ركز فى المهمة اللى ربنا خلقة عشانها هنبقى مجتمع متكامل

ميرسى ليك جداااااا ع التوبيك الراااائع

[AnGeL SenSe]

موضوع جميل جداااا يا هشام ربنا كل حاجة خلقها في موضعها الصحيح عشان ربنا هو الوحيد الي بيعرف امر العباد انا عن نفسي الرجل له شخصيته وكمان المراة ليها وكل واحد على حسب الفطرة الي ربنا عز وجل خلقنا في احسن حاجة عليها عن نفسي انا ان شاء الله لو ربنا كرمني وتجوزت مش حشتغل حتى ولو معايا شهادة كبيرة يعني حيكون جوزي و اولادي هم امس الحاجة اني اكون جنبهم مش جنب الشغل عشان متبقاش حياتي ملخبطة بين الشغل والبيت وجوزي واولادي من اولها حكون حياتي كلها لجوزي واولادي ان شاء الله .....وانا اسفة على الاطالة بجد ميرسي جدااا على الموضوع الجميل والمجهود يا هشام .....تقبل خالص شكري ومروري angel