سارة بنت مصر وجيجي ودفاتر واركو ساسو فاتنات المنتدى

[كبريت]

مساء الخير
مساء الورد
مساء الصحبة الحلوة
مساء الاخوه الجميله
مساء الناس المحترمه الوفيه


فكرت اروح اتمشي شوية على النيل يعني لزوم كسر روتين الحياة
مرة واحده لقيت سارة بنت مصر ومعاها جيجي ودفاتر واركو ساسو


بالصلاه على النبي
الاربعه جايين بالاول شكيت انهم هما
انما عرفتهم من المضروبه جيجي
عشان هي الوحيده لسانها طويل شويتين


قربت منهم
مساء الخير
استغربوا
رديت المضروبة جيجي : مساء الخير خير ياعم الحاج ؟
قلت لها بهدوء انا حاسس انكم عضوات بمنتدى بنات مصر
ردت دفاتر : فعلا بس عرفت ازاي ؟
قلت لها : مجرد احساس
ردت ساره بنت مصر : وانت عايز ايه يعني مننا طبعا جاي تعاكسنا ؟
رديت عليها وقلت لها : هو ينفع اخ يعاكس اخواته ؟
حسيت على وجه سارة بالخجل
كان بائع الورد والفل والياسمين ماشي ناديت عليه
واشتريت ورد ووزعتوا عليهم

المصيبة ان اللمضة جيجي كانت جوعانه
حاولت تخطف الورد منهم عشان تاكلوا

فطسنا طبعا من الضحك كلنا على منظرها
قالت سارة : انت مين في منتدى بنات مصر
رديت وقلت لها : كبريت ؟
قالت : اااااااااااااااااااااااااااااه انت بقا بتاع حزب عوانس رجال المنتدى ؟
الخجل غطى وشي وغرقت في الكسوف والاحراج وقلت لها : اه عوانس رجال المنتدى فيها ايه وانا الوحيد كمان بالحزب ؟
وانا مؤسس الحزب ؟
وانا صاحب الحزب ياساره فيها حاجه ؟
قالت امال كنت بتهاجم بنات المنتدى ليه ؟
رديت وقلت لها : طبعا لازم اعمل كده عشان هما جميلات بقا وكان لازم اعمل شيئ اغيظهم شوية والحمد لله عرفت اغيظك سارة
ردت سارة : تغيظ مين احنا هنشيلك نحدفك في النيل ونرتاح منك
ردت عليها دفاتر : اهدي ياسارة ده مهما كان اخ لينا بردوا
ردت جيجي وهي شغاله في اكل الورد : سيبوة ده عضو غلبان بردوا
ردت سارة : طيب يالله اعزمنا بقا عايزين نروح كنتاكي او ماكدونالدذ وعايزين ترمس وملبس وعصير قصب
ردت اركو سوسو : وانا هعمل العزومه فوتوشوب وهعمل لك تكريم كمان بشرط لما تعزمنا عزومه جامده

برقت لها وقلت لها انتي جاية على طمع ياسارة
اقولكم على عزومه فل

ردوا كلهم مرة واحده وقالوا اه ياريت


قلت لهم ايه رأيكم ندبح جيجي وناكلها


فضلت جيجي تجري ورايا وهما يجروا ورانا وانا قلت يافكيك



أجيجي لازم نديحك بقا ونعمل عزومه عليكي كمان


طبعا ما هنا شوية ضحك اخوي مع جميلات منتدانا
ربنا ما يحرمنا منهم يارب
ولا يحرمني شرف اخوتهم بجد

[سارة بنت مصر]

طيب هو انت لازم يتزعقلك يا احمد علشان تكتب كلام عدل

بس برضه مش هسكت على اللى حصل

[دفاتر القمر]

يا سلام على الحنيه يا سلام على الانسانيه
صراحه مش مصدقه نفسي وله فى ذلك حكم
بقا كبريت بالذوق ده وبيعرف يتعامل مع البنات لالالا تتحسد
ههههههه ايوه كده مش تزعلنا تانى اقر واعترف اننا قمرات
جميل التوبيك بقا وتسلم ايدك بقا
وده فكرتنا وعشمنا عنك بقا

[*soma*]

ههههههههه دمك خفيف اوي

بس ليه يا ساره انتي مضايقه ؟

ما كله هزار

[كبريت]

اقتباس المشاركة الأصلية كتبت بواسطة سارة بنت مصر طيب هو انت لازم يتزعقلك يا احمد علشان تكتب كلام عدل بس برضه مش هسكت على اللى حصل

يتزعق لي !
انا مفيش مخلوق بالعالم كله سارة يعرف يزعق لي
لاني عارف حدود نفسي
لاني بتعامل بطبيعتي
لاني بتعامل ان الناس كلهم اخواتي
حتى اعدائي منهم
وتسكتي او ما تسكتي
شيبئ يخصك
نورتي سارة وشكرا لك

[كبريت]

اقتباس المشاركة الأصلية كتبت بواسطة دفاتر القمر يا سلام على الحنيه يا سلام على الانسانيه صراحه مش مصدقه نفسي وله فى ذلك حكم بقا كبريت بالذوق ده وبيعرف يتعامل مع البنات لالالا تتحسد ههههههه ايوه كده مش تزعلنا تانى اقر واعترف اننا قمرات جميل التوبيك بقا وتسلم ايدك بقا وده فكرتنا وعشمنا عنك بقا

اخجلتي تواضعنا دفاتر بجد
لانك انسانه قمة في الرقة والرقي فعلا
ربنا يوهبك كل السعاده يارب


همسه
التوبيك ده يرجع للفضل فيه
لدفاتر القمر
هي صاحبة الفكرة


شكرا كتير لصداقتك واخوتك دفاتر
ربنا يحفظك يارب

[سارة بنت مصر]

اقتباس المشاركة الأصلية كتبت بواسطة *soma* ههههههههه دمك خفيف اوي بس ليه يا ساره انتي مضايقه ؟ ما كله هزار

ولما يقول حزب العوانس متضايقش

يلا هسامحه علشان اخويا قالى دلوقتى سامحيه ده طيب

هسامحه

[كبريت]

اقتباس المشاركة الأصلية كتبت بواسطة *soma* ههههههههه دمك خفيف اوي بس ليه يا ساره انتي مضايقه ؟ ما كله هزار

ميرسي بجد سوما
نورتي كتير
مساءك ورد

[سارة بنت مصر]

اقتباس المشاركة الأصلية كتبت بواسطة كبريت يتزعق لي ! انا مفيش مخلوق بالعالم كله سارة يعرف يزعق لي لاني عارف حدود نفسي لاني بتعامل بطبيعتي لاني بتعامل ان الناس كلهم اخواتي حتى اعدائي منهم وتسكتي او ما تسكتي شيبئ يخصك نورتي سارة وشكرا لك

ليه بس كده

هسامحك بس علشان اخويا دلوقتى قالى اسامحك لانك طيب مع انه ميعرفكش الا انك مشترك فى مسابقه وشاف كل اللى حصل فى الحزب اللى عملته

[*soma*]

هو لما يقول حزب العوانس يبقي بيتكلم بجد او بيقول حاجه حقيقه

هو واضح انه بيحترمك اوي وعشان كدا حاطك من الناس القريبه منه وحابب يهزر معاهم

متزعليش منو يعني امسحيها فيا المرادي :d