الحلقه الخامسه فى الملعب مع ( كبريت )

[محمود الصاروخ]

السلام عليكم
أعضاء ومشرفين وادارة منتدى بنات مصر



بدون مقدمات أهلا بيكم معانا فى الحلقه الخامسه من برنامج

( فى الملعب )

اعداد وتقديم / محمود الصاروخ



معايا ضيف مبدع ومتألق فى المنتدى ومحبوب من الناس كلها
عضو يشرفنى ان اكون معاه فى برنامج وهو منور البرنامج أكيد

معايا العضو الجميل والمحبوب

( كبريت )





أسف ع التأخير ياصديقى النت كان فصل يومها ومكنش فيه فرصه افتح بعدها
عشان الشغل وكده لسه فاتح النهارده

لا خالص ولا يهمك ومؤكد كلنا لازم نقدر
ونحترم ظروف بعض وتحت امرك اخي واهلا بيك اكيد

كبريت ، منورنى فى الملعب وماشاء الله بشوف اسمك كتير فى المنتدى وفى برامج كتير يعنى محبوب من ناس كتير ربنا يزيدك واكيد وجودك معايا شرف ليا

يارب يخليك يارب ده شرف كبير جدا اكون في توبيك راقي من حضرتك
ومؤكد وبلا اي مجامله حضرتك الافضل وبرامجك ما شاء الله مميزة جدا

(( ربنا يباركلك ياصديقى الشرف ليا انا ))



كالعاده هبدأ معاك ب كام سؤال كده بره الملعب وان شاء الله تكون اسئله سهله وخفيفه كده

اهلا وسهلا ومرحبا بحضرتك واكيد تحت امرك
في اي سؤال وبكل سرور

( بسم الله نبدأ )

1- مين هو كبريت ، اسمك وسنك وعنوانك وبتدرس ايه ؟

كبريت =
احمد مصطفى
36 سنه
القاهره
انا خريج هندسة وتعدين

2- ما رأيك فى فكرة برنامج الملعب ؟

فكرة ممتازة وخصوصا وليها اهداف راقيه

3- تابعت الحلقات اللى فاتت ؟ لو تابعتها ايه رأيك فيها ؟

اها تابعت بعضها وعجبني تنوع الحلقات
وردود السادة الكرام وقتها اللي حضرتك ضيفتهم بحلقاتك

4- أهلاوى ولا زملكاوى ؟ ولو أهلاوى قول كلمه لجمهور الزمالك ، ولو زملكاوى قول كلمه لجمهور الأهلى ؟

انا اهلاوي بيعشق اللعبه الراقيه وللعلم بحب نادي الاسماعيلي جدا وبحب نادي الاتحاد وعن الزمالك نفسي يعود افضل وافضل ده لصالح الكرة المصرية والرياضه نادي الزمالك تيم كبير ومحترم اكيد بس لو يفرقوا بين مشاكل الادارة والنادي هتختلف امور كتيرة

5- بتفضل أى نوع من الرياضه ؟ وهل لكرة القدم مكان فى حياتك ؟

انا ليا بحب كرة القدم جدا ومارستها وللعلم انا كنت جول اول ما لعبت وبعد كده باك يمين نظرا لسرعتي شوية في الجري انما مع اختلافات الفترات الزمنيه يقل المجهود اكيد ومؤكد دلوقتي بعشق رياضة المشي واحيانا السباحه واحيان اخرى ركوب الخيل



( ثانيا اسئله عن الرياضة المصرية )

1- سمعنا قبل كده ان تم اتخاذ قرار بعودة الدورى بعد انهاء فترة الحداد ودلوقتى وزارة الداخليه قالت لم نتخذ قرار بعودة الدورى حتى الان
ما رايك فى هذا القرار ؟ وهل انت مؤيد لعودة الدورى ام معارض ؟

اقول لحضرتك شيئ مهم وبعيد بقا عن نغمة الرياضه اقتصاد والكلام ده لو رياضة الاقتصاد دي هتكون سبب في ازهاق ارواح الناس سوري في اللفظ يعني تغور ومش عايزينها اصلا لان الانسان اغلى من اي شيئ اصلا ولو الداخليه هتقدر ( تحمي الناس ) اهلا وسهلا غير كده ارفض تماما وعن أنا معارض ام موافق انا اكيد اتمنى الرياضه ترجع وخصوصا وان الدوري الموسم ده قوي بجد ومحدش يقدر يتكهن بأي شي خالص بس كما قلت الداخليه تقدر تحافظ على ارواح الناس

2- هل تتوقع ان يحقق النادى الأهلى بطولة دورى أبطال افريقيا هذا الموسم ؟

غير اني اهلاوي ومؤكد اي بطولة للنادي الاهلي تسعدني وده شعور عادي لاي مشجع انما الاهلى بيمر بفترة احلال وتجديد واعتزال اكتر قوائم من الفريق ورحيل البعض وهكذا وكمان ادارة جديدة وكوتش جديد امر لازم يعمل خلل انما انا على ثقة بقوة الفريق وان شاء الله يفوز ببطولة افريقيا

3- ما رأيك فى شريف اكرامى حارس الأهلى وأيضا احمد الشناوى حارس الزمالك ؟ ومن الأفضل ؟

انا نفسي يكونوا الاتنين مستوى واحد
لسبب
ده هيعود بالنفع على انديتهم من ناحية وعلى منتخبنا القومي الاول من ناحيه تانيه شريف اكرامي مشكلته في الاصابات زادت شوية الشناوي انا شايف لو اهتم بالتحلي بالهدوء والتركيز هيكون رقم واحد بمصر دي شهادة حق بعيد عن انتماء

4- برأيك من هو أفضل مدرب فى مصر وأيضا أحسن لاعب ؟

شوف بدون جدا مصر عمرانه بمدربين أكفاء
انما صراحة
لازم اقول المعلم حسن شحاته
مش كتعاطف وياه
انما الراجل ده شخصية محترمه
صاحب فكر تكتيكي كروي عالي
حسن شحاته لو ببلد غير بلدنا مش ممكن ينزل ابدا عن النتخب الاول وده لعوامل كتير كفايه انجازاته

احسن لاعب
ايمن حفني لاعب الزمالك
لاعب ذو قدرات خاصه بس لو التزم ومش عرف طريق الغرور او الاصابات

5- ما رأيك فى الأرجنتينى كوبر مدربا لمصر ؟ وهل تتوقع ان يعود المنتخب للبطولات الافريقيه من جديد ؟

بصراحه اثبتت التجارب ان منتخبنا لا يتفوق الا في ظل مدير فني وطني
انما بالارقام الراجل واضح له تاريخ وتبقى النتايج سيدة الموقف ومؤكد اتمنى له التوفيق لانه كوتش منتخب بلدي

6- ما رأيك فى ماتش الزمالك الأخير فى الكونفدراليه ؟

بالارقام فاز الزمالك 3.. 1
انما تبقى مباراة اخرى مهمه
واقدر اقول نجح الزمالك في أول اختبار لمدربه البرتغالي جيسوالدو فيريرا
واكيد كمواطن مصري بتمنى فوز نازي الزمالك طبعا



( ثالثا اسئله عن الرياضه العربيه والخليجيه )

1- من هو اللاعب المفضل لديك عربيا وخليجيا ؟

السعودي نواف العابد بدون شك

2- ناديك المفضل عربيا وخليجيا ونفس الكلام المنتخب ؟

عربيا الاهلي بأي دوله
خليجيا العين الاماراتي بحب اتابعه

3- ما رايك فى الكوره السعوديه وما هو أحسن نادى سعودى ؟

الكرة السعوديه تطورت جدا بالفتره الاخيرة بس للاسف هما نفسهم قصير في البطولات الكبرى
احسن نادي سعودي الشباب

4- من هو أفضل لاعب عربى وخليجى برأيك ؟

ابو تريكه دون جدال لدلوقتي
السعودي نواف العابد

5- برايك ماهو أفضل منتخب عربى وخليجى يقدم كرة قدم جميله وممتعه ( حاليا ) ؟

منتخب عربي مصر بس للاسف بلا حظ
خليجي بحب جدا كرة العراق منتخب قوي

6- ماهو أفضل دورى عربى برأيك ؟

الموسم ده ولو استمر يكون الدوري المصري



( رابعا اسئله عن الرياضه العالميه )

1- بتشجع مين من الأنديه العالميه ونفس الكلام المنتخبات ؟

اندية عالميه بتابع شوية بايرن ميونيخ الالماني
بحس ان كرتهم منظمه وممتعه بغض النظر عن النتائج

المنتخبات بحب كرة ألمانيا بصفة عامه
منتخب قوي انما للأسف الغرور لما يصيب اللاعبين تحدث الهزائم

2- من تتوقع ان يفوز بدورى أبطال أوروبا هذا الموسم ؟

العلم عند الله مش بميل لموضوع التوقعات
لان الكرة دلوقتي لا تعرف حسابات فقط تعترف بنتائج

3- هل تتوقع ان يخطف تشيلسى ( المتصدر ) الدورى الأنجليزى ام يكون للمان رأى اخر ؟

من سيكون نفسه اطول سيفوز

4- ما رأيك فى الدورى الإيطالى بدون اليوفى ؟

مش بنفس القوة

5- من الفريق الذى يطربك أدائه ولعبه من الفرق العالميه ؟

ريال مدريد

6- ماهو أفضل دورى فى العالم برأيك ؟

الدوري الاسباني والدوري الهولندي الطواحين هههههه

(( الانجليزى ملوش مكان ولا ايه ))

7- من تفضل ( ميسى ) ام ( الدون رونالدو ) ؟ ولماذا ؟

لو قلت لك لا ده ولا ده هتصدقني

(( مصدقك ))


8- برأيك ماهو أفضل منتخب يقدم كرة قدم جميله عالميا ونفس الكلام الانديه ؟

افضل منتحب ألمانيا
أفضل نادي ريال مدريد

( كلمه أخيره )
ما رأيك فيما يحدث للكوره المصريه فى الفتره الاخيره فيما لا يقل عن 5 سطور

الكرة المصرية تستطيع ان تتفوق على كرات كثيرة لدول اكثر عندما تجد الاتي
ادارة محترمه
كوتش وطني قوي وكفء كحسن شحاته
غير ذلك سيبقى الوضع كما هو عليه

(( باين عليك بتعشق المعلم حسن شحاته ))

نورتنى ياغالى

ربنا يخليك يارب مؤكد نورك ومتشكر جدا للحلقة اللطيفه دي
واتمنى اكون ضيف خفيف

وصلنا لـ نهاية الحلقه واتمنى انها تعجبكوا جميعا

إنتظرونا قريبا مع عضو جديد

من برنامج

( فى الملعب )

ılıılılıılılılıılılıılılıılılıılılıılılıılılıılılıılılıılıl

خالص حبى
محمود الصاروخ

[العاشق الذى لم يتب]

جميل البرنامج حودة
وجميل الضيف
بالتوفيق لكما

[دفاتر القمر]

جميل البرنامج
واضح ان كبريتب
عاشق للكوره من معلوماته
تحياتي لك اخي وللضيف الكريم

[(طائر الشرق)]

موضوع جميل وحوار رائع

مع ضيف مميز ولامع

والمحاور مشاء الله متمكن

مهندس احمد مشاء الله صاحب حضور قوى

وخصوصآ انه أهلاوى

خالص دعواتى بدوام التوفيق للجميع

فى انتظار القادام بأمر الله

[۩۩ elMagic ۩۩]

حوار جميل
ان شاء الله الكوره المصريه ترتقى وتكون أفضل في الايام الجايه
منور يا ابو حميد
وتسلم ي محمود لمجهودك المميز
بالتوفيق دايما ي برنس

[اذار .]

برنامج جميل ، و حلقه اجمل اكيد ،
طبعا مش هعلق في الاجوبه بتاعته الي بتخص الكوره المصريه
لان مش ب اعرف عنها الكتير ، غير اني ب اميل لتشجيع الزمالك
بالنسبه ل نواف العابد اكيد لاعب محترف ، لا غبار عليه
و كمان هلالي ، و دي الحاجه الكويسه لاني هلاليه .
بس مستغربه ، انه بيشوف ان الشباب مستواه كويس
رغم انه حاليا مش في مستواه الي معروف بيه
لكن اكيد دا رٲيه و بيحترم .

كل الشكر لك محمود ، و لضيفك العزيز .

[كبريت]

كل الشكر والتقدير أ محمود للبرنامج الطيب
ولتقديرك الكبير جدا لشخصي
ويارب دوام التفوق والتالق

وكل الشكر لكل الاخوة المتابعين
تقديري للكل

[شاعر الحب الحزين]

حلقة جميلة مع انسان جميل

يا صاروخ يا جامد برنامجك جميل يا كابتن

واستاذ احمد انسان اجتماعي ورياضي ماشاء الله عليه

اجاباته رائعة وبتدل على وطنيته وانتمائه لحب البلد

ربنا يوفقكم ويسعدك

امتعتونا بحلقة جميلة ومميزة من في الملعب

يارب دايما مميزين ومتألقين كده

[الملكة كيلوباترا]

حلقة مميزة مع كبريت
واجاباته فى منتهى الجمال

[محمود الصاروخ]

اقتباس المشاركة الأصلية كتبت بواسطة العاشق الذى لم يتب جميل البرنامج حودة وجميل الضيف بالتوفيق لكما

حبيب قلبى يا رفعت باشا
منورنى دايما ياريس