غربة نفس

[شاعر الحب الحزين]

في شدته بيصاحبني في شدتي بيسيبني

بيتكلم لصالحه بيتكلم لمصالحه بكلامه بيتعبني


عامل بيحبني وخايف عليا ويغيب لو ضاقت عليا شوية

اسئل عن اللي يتقل زهرة حياتي تدبل في بساتين القسية


شايل نفسي شيل من الألم حتى الحرف بقى عليل يا قلم

لوحدي بشيل والحمل تقيل وطريقي طويل وصديقي فيه الندم


من الناس قاسيت من غدرهم مليت ما لقيت منهم حد يفهمني

عاملين طيبين لما يبقوا عايزين وبيقلبوا شياطين لما احتاج حد يرحمني


عملت بأصلي مع اللي قل بأصله ولا عمري قليت يوم بأصلي

جرحني الطيب خدته ع قد عقله ويا مين ياخدني ع قد عقلي


ربيت نفسي إني مغلطش غير في حق نفسي ف غلطوا ف حقي كتير

علمت قلبي يصبر على وجعه واللي راحوا ولا رجعوا الغني عنهم رب كبير



شـــــــــــــــــــــــــــــــــــــــ . حـــــــــــــــــــــــــــــــــــــــــــ

[انا جيجي]

اقتباس المشاركة الأصلية كتبت بواسطة شاعر الحب الحزين في شدته بيصاحبني في شدتي بيسيبني بيتكلم لصالحه بيتكلم لمصالحه بكلامه بيتعبني عامل بيحبني وخايف عليا ويغيب لو ضاقت عليا شوية اسئل عن اللي يتقل زهرة حياتي تدبل في بساتين القسية شايل نفسي شيل من الألم حتى الحرف بقى عليل يا قلم لوحدي بشيل والحمل تقيل وطريقي طويل وصديقي فيه الندم من الناس قاسيت من غدرهم مليت ما لقيت منهم حد يفهمني عاملين طيبين لما يبقوا عايزين وبيقلبوا شياطين لما احتاج حد يرحمني عملت بأصلي مع اللي قل بأصله ولا عمري قليت يوم بأصلي جرحني الطيب خدته ع قد عقله ويا مين ياخدني ع قد عقلي ربيت نفسي إني مغلطش غير في حق نفسي ف غلطوا ف حقي كتير علمت قلبي يصبر على وجعه واللي راحوا ولا رجعوا الغني عنهم رب كبير شـــــــــــــــــــــــــــــــــــــــ . حـــــــــــــــــــــــــــــــــــــــــــ

خلتنى يا خالد افكر الف مرة قبل ما اخاصم حد بجد

اصعب شئ لما تفقد ناس غالين عليك وعملت عشانهم كتيييييييييييييييييييييييير

تسلم يارب نجومى وتقيمى

[شاعر الحب الحزين]

اقتباس المشاركة الأصلية كتبت بواسطة انا جيجي خلتنى يا خالد افكر الف مرة قبل ما اخاصم حد بجد اصعب شئ لما تفقد ناس غالين عليك وعملت عشانهم كتيييييييييييييييييييييييير تسلم يارب نجومى وتقيمى

ادينا بندادي ونراضي وكله عالفاضي يا جيهان

محدش بيقدر كله بينكر وبينسى بسرعة

الحمدلله على نعمة الإحساس اللي فقدوها حبايبنا

تسلمي يا جيهان لمرورك ونجومك

منوراني بتواجدك الجميل

ربنا يوفقك

[أميرة محمود]

صور قلمك حب المصالح يا شاعر
فابدع التصوير
وعجبتنى نهاية المقطوعة
سلم القلم

[انا جيجي]

اقتباس المشاركة الأصلية كتبت بواسطة شاعر الحب الحزين ادينا بندادي ونراضي وكله عالفاضي يا جيهان محدش بيقدر كله بينكر وبينسى بسرعة الحمدلله على نعمة الإحساس اللي فقدوها حبايبنا تسلمي يا جيهان لمرورك ونجومك منوراني بتواجدك الجميل ربنا يوفقك

مفيش حاجة مستاهله كله بيروح مش بيكون فاضصل من الواحد غير سيرته الحلوة اوعى تندم على شئ عملته

[شاعر الحب الحزين]

اقتباس المشاركة الأصلية كتبت بواسطة أميرة محمود صور قلمك حب المصالح يا شاعر فابدع التصوير وعجبتنى نهاية المقطوعة سلم القلم

سمو الأميرة هي المصالح فعلا

اللي شوهت مفهوم الحب والصداقة

تسلمي لفهمك ورؤيتك الجميلة للكلمات

اسعدني تواجدك الكبير سمو الأميرة

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة انا جيجي مفيش حاجة مستاهله كله بيروح مش بيكون فاضصل من الواحد غير سيرته الحلوة اوعى تندم على شئ عملته

لا عمري ما اندم على اي شيء صح عملته

حتى ولو اثبتولي الناس ان اللي عملته غلط

بس عمري ما بندم غير على قلة التقدير ونكران الجميل ببساطة

تسلمي جيهان لكلامك نورتيني

[دفاتر القمر]

مافيش اصعب من الانانيه
وحب المصالح وتحس انك
مجرد هدف لتحيق مصلحه شخصيه
وهو ده حال البعض
جميله كلماتك خالد
واحساس صعب وموجع
عبرت بيه بابداع فوصل للقلوب
تحياتي لك بقدر هذا الجمال

[Lamees]

لازم يغلطوا في حقنا
طول ما بيفكروا ان طيبتنا ضعف
ولازم نحس وسطهم بالغربة
حتى لو كانت غربة النفس
راقي الكلمة وراق المعنى خالد
كل التحية والتقدير

كنت هنا

[الملكة كيلوباترا]

كلمات فى غايــــة الجـــمـــال