أهم انجازات ( الأم ) كل سنه وكل أم طيبه

[morshooo]

بسم الله الرحمن الرحيم

مزاج الخير

فى البدايه يا جماعه احب اقول لكل ( أم ) فى العالم

( كل سنه وانتى طيبه )

معتقدش ان فى اى شخص فى العالم بينكر الجميل

لـ ( والدته ) واكيد كلنا بنستنى اليوم دا عشان نجرى

ونجبلها حاجا ومهما نجبلها هدايا اكيد مش هنوفيلها حقها

فياريت يا جماعه قبل ما ننزل نجيب اى حاجا نفتكر




اهم انجازات ( الأم ) وهى :

قبل ما تقرأ الانجازات دى بعديها فكر مع نفسك

وقرر هتجبلها ايه :





مين اللى كان بيرفع عنك البطانيه فى عز الثلج علشان تروح المدرسه !؟





مين اللى كان بيأكلك بالعافيه -والدموع على خدك- سبانخ وكوسه !؟





مين اللى كان بيلبسك بنطلون بيجامه تحت بنطلون المدرسه !؟





مين اللى بهدلك يوم ما جبت 3 من 10 فى الاملاء!؟





مين اللى كان بيقولك خش نام‬ ساعه عرض سلاحف النينجا !؟





مين اللى قال ل أبوك على عمايلك كلها وخلاه يلسعك على قفــــاك !؟





مين اللى خلاك تاكل فى المطبخ علشان ما توقعش رز على السجاده !؟





مين الى كان بيحرجك وانت صغير وينزلك البحر وإنت مش لابس هدوم بحر أساساً !؟





مين إللى يامـــا علمـ عليـــك بشبشب الخمـــام !؟





يلّـــا ما عليــنا .. .. .. فكر على مهلك وخد القرار ..

[Lamees]

مفكرين ومقررين ولو حتى خلعتلنا عين
امي الحبيبة فداك الروح والقلب
وخلاص الهدية وصلت
كل سنة وكل ام طيبة
وبلاش تعصي الناس على امهاتها ^_^
شرارة

[™Amiliya]

هههههههههههه انجازات هامة الصراحة

والجنة تحت اقدامهن

نعمل ايه هههههه

[حَرفُُ هجآءّ]

هههههه
ومين كان بيقرصك لما تعمل حاجة غلط
ومين كان بيضربك ادام الناس
يااااااه لو قعدنا نفتكر مش هنجيب اى حاجه

بس بئا بلطوا هزار
كل سنه وكل ام طيبة
انت امورشووو جبت ايه لام العيال

[morshooo]

اقتباس المشاركة الأصلية كتبت بواسطة اطياف الماضي مفكرين ومقررين ولو حتى خلعتلنا عين امي الحبيبة فداك الروح والقلب وخلاص الهدية وصلت كل سنة وكل ام طيبة وبلاش تعصي الناس على امهاتها ^_^ شرارة

طيب نخلع العين ونشوف بعد كدا هتعملى ايه :d
خلاص الحق عليه ياستى
اهو صرفتيلك 250 ج عبايه سودا
دا انا هفضحك فى ام توبيك بس اتقلى عليه :d

[morshooo]

اقتباس المشاركة الأصلية كتبت بواسطة ايميليا هههههههههههه انجازات هامة الصراحة والجنة تحت اقدامهن نعمل ايه هههههه

نعمل ايه :d
حاسس انى لو ضغط عليكى
هتوافقى ماتجبيش حاجا يا ايميليا

[™Amiliya]

اقتباس المشاركة الأصلية كتبت بواسطة morshooo نعمل ايه :d حاسس انى لو ضغط عليكى هتوافقى ماتجبيش حاجا يا ايميليا

هههههههه بصراحة الله يرحمها كانت بتقرص بس ههههههههه

[الملكة كيلوباترا]

مجهود عالى منك يامارشو
بس ايه الاسئلة دى

[morshooo]

اقتباس المشاركة الأصلية كتبت بواسطة حَرفُُ هجآءّ هههههه ومين كان بيقرصك لما تعمل حاجة غلط ومين كان بيضربك ادام الناس يااااااه لو قعدنا نفتكر مش هنجيب اى حاجه بس بئا بلطوا هزار كل سنه وكل ام طيبة انت امورشووو جبت ايه لام العيال

خلاص بطلنا هزار
انا مبجبش الحقيقه
بس انا اديتها 50 الف جنيه
عشان تشبرق نفسها
وانا هنزل ادور على سلسله بقى
واجبهالها وتقولى الله جميله يا حبيبى
وبعديها بيومين تبعها وتقولى ضاعت منى
لا انا اديها فلوس احسن انا هقول لجوزك
سلسله ايه الى جبتهالها روح ربى عيالك الاول :d

[morshooo]

اقتباس المشاركة الأصلية كتبت بواسطة ايميليا هههههههه بصراحة الله يرحمها كانت بتقرص بس ههههههههه

الله يرحمها
بس ماتقلقيش كلهم سواء كانو او لسه
بيقرصو برضو مش عارف ليه
اكنهم زمان فى التعليم كانو بيهتمو بالحاجات دى للبنات
عشان كدا امهاتنا كلهم نسخه واحده ماشاء الله