اتفق... لا اتفق

[™Amiliya]

اقتباس المشاركة الأصلية كتبت بواسطة اطياف الماضي طبعاً تعديل لأني مش هقدر ابداً ارضي الناس بس تقريباً المثل ده معناه اني لا انفق كل اموالي على الاكل ولا انفقها على اللبس لأني لابد ان اظهر بمظهر جيد امام الناس مش معناه ان لبسي يعجب الناس المهم انه يكون مهندم ويليق بشخصي تقديري

فعلا روني المهم ان يكون لبس مهندم وخالي من استفزاز الاخرين

اقتباس المشاركة الأصلية كتبت بواسطة sad_love السلام عليكم وجمعه مباركه عليكى ايميليا والله المثل كله ع بعضه حاجه ملخبطه ياايمليا يعنى لو انا لبست اللى حيعجب الناس هل الناس حيلبسوا اللى يعجبنى هنا بقى السوال الشخصيات تختلف من واحده تلو الاخرى غايه الناس كتير وغايه حتفتح ابواب كتير خصوصا انى ممكن تلقىناس ملهاش اى علاقه بيكى وداخل رادد عليكى بتكون عايزه تقولى ليه وانته مالك وعند الاجابه ع السوال حقولك لو انا حاخد ع كل مثال يبقى مش حخلص انا مومن بحاجه انا افكر اذن انا موجود اذن انا انفذ اذن انا سليم جمعه مباركه عليكى ايميليا

فعلا محمود هل الناس هتلبس الي يعجبني انا ؟

جميل رايك محمود

اقتباس المشاركة الأصلية كتبت بواسطة عازف الاحساس خالتي ايمليا بحيكي على المثل ههههههه بس المثل الصحيح كل الي يعجبك والبس الي يعجب المودام هههههههههههههههههههه بصي انا لا اتفق مع المثل دا ابدا يعني انا مثلا بعاني من الموضه بتاعت الايام دي انزل عشا اشتري بنطلون القي البنطلون بقى محزق وملزق وتلاقي الشباب لابساه تبصي على الرجل تلاقيها نص مدي على رجلين معزه ونص على فخاد كلب هههههههههههههه حاجه بجد بقت مستفزه وايه بقى يعني مثلا اول امبارح في شغلي زبونه عندنا بتهزر معايا بتقولي الي بيعجبني فيك شياكتك قولتها بتتريقي اختها قالتلي لا بجد انت شيك بس ليه دايما بناطيلك واسعه ليه مش بتئفزها قولتها ائفزها لاني راجل ! بس للاسف الزمن بيتغير وكل ماده بنكتشف ان صفات الرجوله والانوثه بتضيع وعجبي وجمعة مباركه عليكي ياخالتي انتي وكل الي هيعدي من هنا الف تحيه

هههههههه عجبتني الزبونة ايه الجراءة دي مالها هي ههههههه
بس فعلا الاذواق اختلفت وكمان نظرتنا للهندام اتغيرت

اقتباس المشاركة الأصلية كتبت بواسطة world انا ضد وهو مش محتاج تعديل

صارم الرد ههههه

اقتباس المشاركة الأصلية كتبت بواسطة السفيره عزيزه والله يا جميلة انا دائما وابدا اعمل اسقاط على ما جاء به الدين .لان دة اعلى مصدر ممكن اثق فية وانساق ورائه بكل فخر وقناعة.. وانا بقول ممكن المثل ده ناس تطبقة برمته. لانة ليس لدية شخصية منفردة به .فمن الممكن ان يقتنع بلبس معين ومجرد ان يعيبة احد ينفر منه اين ذهبت القانعة الخاصة به لا ادري. وهذه الشخصية مهزوزة القرار دائما ومترددة اما بالنسبة للاكل .فقط عدم التبذير هو المطلوب ومراعاة الحلال الطيب.. وانا عن نفسي سآكل ما احبة والبس ما يرضي ربي ولا ولن يهمني كلام احد. سلمت دائما وابدا والمواضيع المؤثرة وكثيرة النفع جمعتك كلها خير وبركة السفيرة

ويسلملي ردك واضافتك الراقية صدقا

اقتباس المشاركة الأصلية كتبت بواسطة اشاعة شمس كل اللي يعجبك وابلس اللي يرضي ربنا لان في ناس بودها تشوف كل بنت مسلمة ماشية عريانة دا هدفهم وهدف الشيطان من قبلهم قال تعالي : يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُمْ مِنَ الْجَنَّةِ يَنْزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا ۗ إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ ۗ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ زي ما حضرتك قولتي اختلاف ازواق الناس هيخلينا مهما نلبس ومهما نحاول نرضي بعضهم فالبعض الاخر هيتكلم علي اللبس بتعنا ولكن الاهم من الناس هو انك تلبس اللي يرضي ربنا واللي الشرع بيطلبه منك كبنت مسلمة وكشاب مسلم يعني اللبس الديق لاء قدام الاغراب والاغراب هنا بما فيهم الاصدقاء والاقرب اللي زي ولاد العم وولاد الخال والاصدقاء وغيرهم كل حد يحل له شرعا انه يتجوزك ممنوع انك تبس قدامه لبس ديق او لبس يظهر مفاتن المرأة ثانيا يحق للانسانة تلبس في بيتها اللي هي بتعوزه دي مملكتها يجوز ليها كمان تلبس قدام النساء مع اني افضل انها متزودهاش اوي لان ممكن واحدة تتأثر بملابسها وتقلدها نرجع نقول غاية الشيطان هي العري لانسان زي ما القرأن ذكر وكان هدفه ان ابونا ادم وامنا حواء عورتهم تظهر لذلك البنت المسلمة اللي بتفهم دينها واللي عارفة انها يوم هتموت وهتدفن في تراب وهتقابل ربنا لازم تلبس اللي يرضي ربنا ويا سلام بقى لو نقاب جميل كده يزينها ويفرح كل الناس اللي بتحب لها الخير وتسيبها من كلام اللي بينتقدها في لبس النقاب او لانها هتجني ثمار لبس النقاب بعدين في زوريتها وفي زوجها وفي حياتها بس اهم حاجة متكونش عنيها جميلة عشان متفتنش الناس ههههه في الحقيقة امنية اي شاب راجل بمعنى الكلمة غيور علي اهل بيته انه يشوف زوجته متعففة بنقابها وبرده في شباب تاني بيكون عاوز خطيبته او زوجته استيل وعلي اخر موضة والناس كلها تتكلم علي لبسها هما طريقين وعلي الانسان انه يختار طريقه لذلك انا مش مع المثل الشعبي ده صحيح اكل اللي يعجبني \ لكن ألبس اللي يرضي ربي اسف علي الاطالة تحياتي لطرحك الرائع اختي الكريمة

وشكرا ليك اخي ع ردك الكافي والمفسر لاشياء كثيرة

اقتباس المشاركة الأصلية كتبت بواسطة ۩۩ elmagic ۩۩ لا انا ضد " كل اللى يعجبك والبس اللى يعجبك بس مع مراعاة انك متاخدش مسار مختلف عن كل اللى حواليك " بمعنى لازم يكون فيه ادراك للواقع ومعاصره للزمن الحالى ميجيش مثلا واحد يلبس الطربوش الاحمر بتاع زمان دا ويمسك العصايا الريشه دي ويقولك بالبس اللى يعجبني =d تسلمى ايمي لموضوعك القيم ..

بالظبط كل الي يعجيك والبس الي يعجبك طالما مقتنع بيه انه مش مؤذي لحد

اقتباس المشاركة الأصلية كتبت بواسطة مي محمد بنت النيل انا ضد انه اعمل اي شئ ميعجبنيش عشان الناس

رد مقنع

اقتباس المشاركة الأصلية كتبت بواسطة big bốss انا معاكى المثل محتاج يتعدل لاننا مش صحيح ان نكون مثلما يطلبون الناس ان نكون الاصح نكون كما يريد رب العباد فهو الاعلى و المستحق فالبس يكون متفق مع دينى دا الافضل حتى لو مش هيعجب الناس موضوع جميل ايميليا

هو دا يانور المهم قناعتي وانا ادرى بالي يناسبني ويناسب ديني



منوريني بجد بردودكم الراقية مثلكم

[انت احلى الناس]

مهما عملنا يا ايميليا مش ممكن نرضي الناس
في كل الحالات الناس بتتكلم وبتحكي

وما دام احنا بنعمل الصح وبنعمل حاجه احنا مقتنعين بيها ومش خطا يبقى مش مهم كلام الناس

تحياتي لكي حبيبتي
موضوع جميل

[أميرة محمود]

البس ال يعجبنى واكل ال يعجبنى بردوا
على رأى فاهيتا
ما اهو اصل الناس مايستهلوشي
هههههه
انا مش محجبة لحد دلوقتى
وكتير بينتقدونى ومش هفكر البس الحجاب
الا لما اكون انا عايزة البسه مش عشان الناس
موضوع جميل ايميليا سلمتى،،

[العاشق الذى لم يتب]

امثال لاقيمة لها
ولاتمشى فى عصرناهذا
شكراايمى
مودتى

[(طائر الشرق)]

لاننا نعيش فى دنيا ظاهرها يختلف عن باطنها

ربما نجد أنفسنا رائعين فى اعين الناس عندما

يأتى الغد ربما نجد الأختلاف لأننا فى زمن التناقض

من يُعجب بنا اليوم هو نفسه من يفصح عن عيوبنا

من هنا لابد أن يفعل كل أنسان ما يحب بلا خوف

ما دام ذالك فى حدود ما يرضى الله ولا يتجاوز حدود

الاخرين أو يؤذيهم

خالص دعواتى

[العندليب الاسـمر]

هوة المثل مش دة المقصود بيه

مش مقصود اني آكل علي ذوقي والبس علي ذوق الناس

لا المقصود ان الاكل دي بتكون حاجة داخلية بينك وبين نفسك

واغلب الوقت بتكون في بيتك وفي حدود امكانياتك

لكن البس ما يعجب الناس في حدود الضوابط الشرعية للملبس

في حدود المستساغ في المجتمع

في حدود الاعراف والتقاليد للبيئة اللي بعيش فيها

وللعلم دي حاجة اكتر الوقت بتحصل تلقائي

يعني لو تصورنا نفسنا انتقلنا للمعيشة في بلد كلها بتلبس جالبية

مع الوقت طبيعي هتلاقي الواحد متأثر بالمجتمع المحيط

وحتي لو مش لبس زيهم هيلاقي نفسة تلقائي بيتاثر

لكن زي ما قلتلك

بما اننا مسلمين

يبقي البس اللي يعجب الناس لكن وفقا للضوابط الشرعية

[™Amiliya]

اقتباس المشاركة الأصلية كتبت بواسطة انت احلى الناس مهما عملنا يا ايميليا مش ممكن نرضي الناس في كل الحالات الناس بتتكلم وبتحكي وما دام احنا بنعمل الصح وبنعمل حاجه احنا مقتنعين بيها ومش خطا يبقى مش مهم كلام الناس تحياتي لكي حبيبتي موضوع جميل

احيانا فعلا بيكون مش فارق غيرنا شايف ايه المهم رضانا ع نفسنا واننا بنعمل الصح

اقتباس المشاركة الأصلية كتبت بواسطة أميرة محمود البس ال يعجبنى واكل ال يعجبنى بردوا على رأى فاهيتا ما اهو اصل الناس مايستهلوشي هههههه انا مش محجبة لحد دلوقتى وكتير بينتقدونى ومش هفكر البس الحجاب الا لما اكون انا عايزة البسه مش عشان الناس موضوع جميل ايميليا سلمتى،،

والله فاهيتا بتقول كلام زي الفل هههههههههه

اقتباس المشاركة الأصلية كتبت بواسطة العاشق الذى لم يتب امثال لاقيمة لها ولاتمشى فى عصرناهذا شكراايمى مودتى

ممكن رفعت بردو

اقتباس المشاركة الأصلية كتبت بواسطة (عازف الصمت) لاننا نعيش فى دنيا ظاهرها يختلف عن باطنها ربما نجد أنفسنا رائعين فى اعين الناس عندما يأتى الغد ربما نجد الأختلاف لأننا فى زمن التناقض من يُعجب بنا اليوم هو نفسه من يفصح عن عيوبنا من هنا لابد أن يفعل كل أنسان ما يحب بلا خوف ما دام ذالك فى حدود ما يرضى الله ولا يتجاوز حدود الاخرين أو يؤذيهم خالص دعواتى

التناقض بقا شيء عادي جدا والله ياعصام وطالما احنا شايفين اننا مبنعلش شيء يخالف الدين يبقى احنا صح

اقتباس المشاركة الأصلية كتبت بواسطة العندليب الاسـمر هوة المثل مش دة المقصود بيه مش مقصود اني آكل علي ذوقي والبس علي ذوق الناس لا المقصود ان الاكل دي بتكون حاجة داخلية بينك وبين نفسك واغلب الوقت بتكون في بيتك وفي حدود امكانياتك لكن البس ما يعجب الناس في حدود الضوابط الشرعية للملبس في حدود المستساغ في المجتمع في حدود الاعراف والتقاليد للبيئة اللي بعيش فيها وللعلم دي حاجة اكتر الوقت بتحصل تلقائي يعني لو تصورنا نفسنا انتقلنا للمعيشة في بلد كلها بتلبس جالبية مع الوقت طبيعي هتلاقي الواحد متأثر بالمجتمع المحيط وحتي لو مش لبس زيهم هيلاقي نفسة تلقائي بيتاثر لكن زي ما قلتلك بما اننا مسلمين يبقي البس اللي يعجب الناس لكن وفقا للضوابط الشرعية

فعلا حسن الطبيعي انك تتاثر بالمجتمع المحيط والي عايش فيه لانها بيئة وانت انسان تؤثر وتاثر


منورني بجميل ردودكم

[ندوشه1]

اتفق ولكن في حدود مايرضي ربنا طبعا

[(طائر الشرق)]

التناقض بقا شيء عادي جدا والله ياعصام وطالما احنا شايفين اننا مبنعلش شيء يخالف الدين يبقى احنا صح

والله لو كل أنسان أتقى ربنا وعرف أن الدين المعاملة

وأن ربنا رقيب علينا هنوفر على نفسنا الكثير

[يحيى الفضلي السودان]

عندنا هو ان اصل المثل

يحكى ان شابا طلب من امه خطبة زوجة من خارج القرابة

وبينما هو في الحوار مع والدته دخل عليهم شقيقه

ولما انتهى الحوار ذكر له ان المحبوبة تحب الورد والزهر البنفسج حتى لبسها كذلك

فقال لشقيقه كل ما يعجبك والبس ما يعجب الناس ويقصد المخطوبة اللتي يريدها شقيقه

واصبح مثل بين الناس


واشكر كل المتداخلين ومساء معطر