اتفق... لا اتفق

[™Amiliya]

صباحكم جميعة مباركة وبما ان عندنا مطر وغيم فنهاركم خير يارب

في مبادئ كتير بنؤمن بيها وتقريبا بعضها بنطبقها وعن قناعة

ومن الامثال الي بتتحول مبدأ عند البعض



[COLOR="Red"] كل الي يعجبك والبس الي يعجب الناس [/COLOR
COLOR]

بس السؤال هل كل الي هنلبسو هيعجب الناس اذا اذواقنا مختلفة
في اللبس وكمان في الاكل

لو هلبس الي يعجب الناس مش هخلص وكمان هنلاقي انتقادات كتير
اصل رضا الناس غاية لا تدرك

يبقا هل انت

مع او
ضد او
يتحتاج الى تعديل هذا المثل

تحياتي

[Lamees]

طبعاً تعديل
لأني مش هقدر ابداً ارضي الناس
بس تقريباً المثل ده معناه اني
لا انفق كل اموالي على الاكل
ولا انفقها على اللبس
لأني لابد ان اظهر بمظهر جيد امام الناس
مش معناه ان لبسي يعجب الناس
المهم انه يكون مهندم ويليق بشخصي

تقديري

[الفيلسـوف]

السلام عليكم
وجمعه مباركه عليكى ايميليا
والله المثل كله ع بعضه حاجه ملخبطه ياايمليا
يعنى لو انا لبست اللى حيعجب الناس هل الناس حيلبسوا اللى يعجبنى هنا بقى السوال
الشخصيات تختلف من واحده تلو الاخرى
غايه الناس كتير وغايه حتفتح ابواب كتير
خصوصا انى ممكن تلقىناس ملهاش اى علاقه بيكى وداخل رادد عليكى بتكون عايزه تقولى ليه وانته مالك
وعند الاجابه ع السوال حقولك لو انا حاخد ع كل مثال يبقى مش حخلص
انا مومن بحاجه انا افكر اذن انا موجود اذن انا انفذ اذن انا سليم
جمعه مباركه عليكى ايميليا

[عازف الاحساس]

خالتي ايمليا بحيكي على المثل ههههههه
بس المثل الصحيح
كل الي يعجبك والبس الي يعجب المودام
هههههههههههههههههههه
بصي انا لا اتفق مع المثل دا ابدا
يعني انا مثلا
بعاني من الموضه بتاعت الايام دي
انزل عشا اشتري بنطلون
القي البنطلون بقى محزق وملزق
وتلاقي الشباب لابساه
تبصي على الرجل تلاقيها
نص مدي على رجلين معزه
ونص على فخاد كلب
هههههههههههههه
حاجه بجد بقت مستفزه
وايه بقى
يعني مثلا اول امبارح في شغلي
زبونه عندنا بتهزر معايا
بتقولي الي بيعجبني فيك شياكتك
قولتها بتتريقي
اختها قالتلي لا بجد انت شيك
بس ليه دايما بناطيلك واسعه
ليه مش بتئفزها
قولتها ائفزها
لاني راجل !
بس للاسف الزمن بيتغير
وكل ماده بنكتشف ان
صفات الرجوله
والانوثه بتضيع

وعجبي

وجمعة مباركه عليكي ياخالتي
انتي وكل الي هيعدي من هنا

الف تحيه

[world]

انا ضد
وهو مش محتاج تعديل

[السفيره عزيزه]

والله يا جميلة انا دائما وابدا اعمل اسقاط على
ما جاء به الدين .لان دة اعلى مصدر ممكن اثق فية
وانساق ورائه بكل فخر وقناعة..

وانا بقول ممكن المثل ده ناس تطبقة برمته.
لانة ليس لدية شخصية منفردة به .فمن الممكن ان
يقتنع بلبس معين ومجرد ان يعيبة احد ينفر منه
اين ذهبت القانعة الخاصة به لا ادري.
وهذه الشخصية مهزوزة القرار دائما ومترددة

اما بالنسبة للاكل .فقط عدم التبذير هو المطلوب
ومراعاة الحلال الطيب..
وانا عن نفسي سآكل ما احبة والبس ما يرضي ربي
ولا ولن يهمني كلام احد.

سلمت دائما وابدا
والمواضيع المؤثرة وكثيرة النفع
جمعتك كلها خير وبركة
السفيرة

[اشاعة شمس]

كل اللي يعجبك
وابلس اللي يرضي ربنا

لان في ناس بودها تشوف كل بنت مسلمة ماشية عريانة
دا هدفهم وهدف الشيطان من قبلهم
قال تعالي :
يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُمْ مِنَ الْجَنَّةِ يَنْزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا ۗ إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ ۗ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ


زي ما حضرتك قولتي اختلاف ازواق الناس هيخلينا مهما نلبس ومهما نحاول نرضي بعضهم فالبعض الاخر هيتكلم علي اللبس بتعنا

ولكن الاهم من الناس هو انك تلبس اللي يرضي ربنا واللي الشرع بيطلبه منك كبنت مسلمة وكشاب مسلم
يعني اللبس الديق لاء قدام الاغراب والاغراب هنا بما فيهم الاصدقاء والاقرب اللي زي ولاد العم وولاد الخال والاصدقاء وغيرهم كل حد يحل له شرعا انه يتجوزك ممنوع انك تبس قدامه لبس ديق او لبس يظهر مفاتن المرأة

ثانيا يحق للانسانة تلبس في بيتها اللي هي بتعوزه دي مملكتها يجوز ليها كمان تلبس قدام النساء مع اني افضل انها متزودهاش اوي لان ممكن واحدة تتأثر بملابسها وتقلدها

نرجع نقول غاية الشيطان هي العري لانسان زي ما القرأن ذكر
وكان هدفه ان ابونا ادم وامنا حواء عورتهم تظهر
لذلك البنت المسلمة اللي بتفهم دينها واللي عارفة انها يوم هتموت وهتدفن في تراب وهتقابل ربنا لازم تلبس اللي يرضي ربنا ويا سلام بقى لو نقاب جميل كده يزينها ويفرح كل الناس اللي بتحب لها الخير وتسيبها من كلام اللي بينتقدها في لبس النقاب او لانها هتجني ثمار لبس النقاب بعدين في زوريتها وفي زوجها وفي حياتها
بس اهم حاجة متكونش عنيها جميلة عشان متفتنش الناس ههههه
في الحقيقة امنية اي شاب راجل بمعنى الكلمة غيور علي اهل بيته انه يشوف زوجته متعففة بنقابها
وبرده في شباب تاني بيكون عاوز خطيبته او زوجته استيل وعلي اخر موضة والناس كلها تتكلم علي لبسها

هما طريقين وعلي الانسان انه يختار طريقه

لذلك انا مش مع المثل الشعبي ده
صحيح اكل اللي يعجبني \ لكن ألبس اللي يرضي ربي

اسف علي الاطالة
تحياتي لطرحك الرائع اختي الكريمة

[۩۩ elMagic ۩۩]

لا انا ضد
" كل اللى يعجبك والبس اللى يعجبك بس مع مراعاة انك متاخدش مسار مختلف عن كل اللى حواليك "
بمعنى لازم يكون فيه ادراك للواقع ومعاصره للزمن الحالى
ميجيش مثلا واحد يلبس الطربوش الاحمر بتاع زمان دا ويمسك العصايا الريشه دي
ويقولك بالبس اللى يعجبني =d
تسلمى ايمي لموضوعك القيم ..

[دفاتر القمر]

انا ضد انه اعمل اي شئ ميعجبنيش عشان الناس

[big bốss]

انا معاكى المثل محتاج يتعدل

لاننا مش صحيح ان نكون مثلما يطلبون الناس ان نكون

الاصح نكون كما يريد رب العباد فهو الاعلى و المستحق

فالبس يكون متفق مع دينى دا الافضل حتى لو مش هيعجب الناس

موضوع جميل ايميليا