يبقى حوش اللى وقع منك

[جالس لحالي]

حوش اللى وقع منك

جملة عابرة بتتقال فى معكاسة فى استهزاء فى مواقف كتير

اللى بيقولها بتكون واقعة منه حاجات كتير محتاج يحوشها

الحاجات دي فى مجملها هي " اخلاقه "

بس كل واحد فينا محتاج يحوش حاجات كتيير وقعة منه

خصوصا بعد ما تحول معظم الشعب المصري الى محلل سياسي وناشط وثورجي وفلولي وكلمات عك × عك

مين فينا كان ليه ناس بالنسبة له كانو كل حاجة وبعد نقاش فى التاني بقو ولا حاجة

يبقى حوش اللى وقع منك

مين فينا خسر احساسه لنصه التاني وبعد نقاش فى التاني راح الاحساس وراحة كل حاجة

يبقى حوش اللى وقع منك

مين فينا زعل ولو لحظة مع اخ ليه بسبب نقاش فى التاني وتحول الامر لعداء بسبب السياسة

يبقى حوش اللى وقع منك

حوش اللى وقع منك واللى لسه بيقع واللى بردو ! لسه هيقع

[أميرة محمود]

اكتر حاجة فرقت بين الناس
التعصب للرأى السياسي
والتحزبات ال هى تفتيت للشعب اصلا
ومعظم الناس خسرت بعض
وخذفوا بعض من ع الفيس وتويتر
وحذفوا ارقام بعض ع الفون
وقطعوا الزيارات مع بعض
ربنا يهدي الجميع وثانك يو ع التوبيك الهام

[جالس لحالي]

اقتباس المشاركة الأصلية كتبت بواسطة أميرة محمود اكتر حاجة فرقت بين الناس التعصب للرأى السياسي والتحزبات ال هى تفتيت للشعب اصلا ومعظم الناس خسرت بعض وخذفوا بعض من ع الفيس وتويتر وحذفوا ارقام بعض ع الفون وقطعوا الزيارات مع بعض ربنا يهدي الجميع وثانك يو ع التوبيك الهام

اللهم آمين

ثانكس لمرورك

[™Amiliya]

لما الاهالي متربيش عيالها وتسيبهم للنت والشارع
يبقا حوش الي وقع منك

لما اب او ام يسلمو عيالهم بايديهم لمربية وتلفزيون
يبقى حوش الي وقع منك

لما ام تسيب ولادها وتلاقيها هايصة ع النت وواتس اب وتويتر وانستغرام وفيس
وتهمل جوزها معاهم
يبقى حوش الي وقع منك

لما شب طويل عريض فاشل في كل حاجة ومش فالح غير يعلق بنات ويعمل فيهت دنجوان
يبقى حوش الي وقع منك

ولما بنت فاشلة في دراسة وبيت ومش عارفة تعمل اي حاجة في حياتها ولا عندها هدف
غير تتجوز ولما تتجوز تتطلق عشان فاشلة
يبقى حوش الي وقع منك

الخ من الي وقع ولسة بيوقع زي منت قلت يامحمد

تخياتي ليك وموضوع الجميل بجد

[دفاتر القمر]

والله كلنا وقع منا حاجات ما بين فرحة و صحاب و احباب و ياريت ينفع نحوشها

[big bốss]

الى وقع و سقط من المصريين الوحده و السكون و الهدؤ

فقد خلقت سياسة العنف و اللعب على وتر الدين

مشاكل جمه فى مجتمعنا الطيب و المتدين

و لكن الان نحاول جاهدين نسترد ما سقط

موضوع جميل من حضرتك

منور النقاش

[العاشق الذى لم يتب]

ولحد مانموت هنفضل يوقع مننا
شكرالك
مودتى

[(طائر الشرق)]

لابد من سقوط أشياء لتنبت أشياء جديدة

من الطبيعى أن تسقط اشياء ولكن الاهم

سقوط ملا يحمل اى قيمة لنجد بالفعل ما

يحمل قيمه للأسف مايسقط منا الان هو

كل ما يحمل قيمه ويبقى فقط لنا الفشل

ومع كل ذالك لن ينقطع الامل فى الله أن

تعود الحياة بما فيها من جمال

خالص دعواتى