ما بين الماضي والحاضر مع شاعر الحب الحزين / الحلقه الثالثه

[انت احلى الناس]

مساء الورد عليكم جميعا ضيفي النهردا شاعر متميز صاحب اسلوب جميل وقلم مبدع مشرف مميز صديق رائع شخص طيوب جدا اكيد طبعا عرفتو انو شاعر الحب الحزين مساء الخير خالد ازيك مساء النور نورهان الحمدلله تمام طمنيني عنك انتي اخبارك ايه ان شاء الله تبقي بخير انا تمام الحمدلله الماضي 1/ ما هو الماضي بالنسبه لك ؟ اجمل شيء في ضل واقع مرير عايشينه 2/ لماذا الكثيرون يقولون ان الايام التي مرت من عمرنا ماضي يجب نسيانه ؟ الم تكن تلك الايام من حياتنا ايضا ؟ أحيانا بنحاول ننسى الماضي بس ما نقدرش ننسى الماضي اجمل من الحاضر احنا البشر كده بنتعلق بأي حاجة تروح وتضيع من ايدينا رغم ان الماضي صفحة وانطوت بس في عقولنا لسه بنراجعها بأوقاتها الجميلة لو فارقنا حد غالي بنهرب لماضينا معاه لو مالت معانا الدنيا بنهرب لأيامنا الجميلة اللي عشناها فيها زمان وكله ع الفاضي لا هيقدم ولا هيأخر بس بيهون علينا حاجات كتير 3/ من ليس لديه ماضي ليس لديه حاضر ؟ برايك تلك مقوله صحيحه ؟ وهو مين ملوش ماضي يا نورهان مقولة واقعية 4/ تظل اطياف الماضي تلاحقنا بحلاوتها ومرها ايلاحقك اطياف من الماضي ؟ اه بتلحقني عربية البوكس كل يوم ههههاي لا في الحقيقة انا اللي بلاحق الماضي ومبفكرش كتير ف مستقبل سايبها على الله 5/ ما بين الماضي والحاضر ياتي القدر ليغير مجري كثير من الامور ما الذي غيره القدر بحياتك ما بين الماضي واليوم ؟ لا مفيش جديد زي ما انا صعب اتغير وحياتي زي ما هي الحاضر 6/ الحاضر كالحب تختلف رؤيتنا له باختلاف احلامنا وطموحاتنا ؟الحاضر بالنسبه لك ؟ ولا حاجة احلامي وطموحاتي مع نفسي مش مع حاضر 7/ يختلف الكثيرون بين الماضي والحاضر في امور كثيرا اتعتقد ان هنالك فرف ؟ وما ذاك الفرق ؟ يمكن المسؤولية اللي كبرت وزادت والتعامل مع ناس تانيين بس نيجي للصح مفيش فرق ايام كلها شبه بعضها 8/ انصنع نحن حاضرنا بانفسنا ؟ لا هيصنعوه في الصين احنا نستورده بس اخر حاجه بقا تحب تقول ايه بشكرك وبشكر اهلي واخواتي جميعا هنا ربنا يوفقكم انا اللي بشكرك على قبولك الدعوه نورتني خالد

[big bốss]

لا هيصنعوه في الصين احنا نستورده بس


هههههههه عجبتنى الاجابه دى

الله ينور يا خالد شخصيه جميله و اجابات متحضره ما بين

الماضى و الحاضر

و استضافه رائعه نورهان تسلم دياتك خيتى

دمتم بود

[أميرة محمود]

اسئلة حلوة
واعجبنى ان الاجابات توحى ان شاعر الحب
شخص يترك الأمور لله فيما يخص المستقبل
انت احلى الناس موضوع حلو سلمتى،،

[*soma*]

حلقه جميله اوي

والاسئله جامده

شكرا ليكوا عـ المجهود الحلو دا

[DR.SMA]

الإجابات مالها عامله كده ليه

أنت زعلان من المستقبل اوى
ولا سايبها على ربنا اوى
ربنا يسعدنا جميعا يارب
توبيك جميل
في انتظار باقي الضيوف
تسلمي

[سارة بنت مصر]

حلقه حلوه اوى مع عضو متميز

[ساحر الأحزان]

حلوة الحلقة احلى عيون

مع شاعر

انسان مهذب

واجوبتة بتدل على رجاحة تفكيرة

بتمنى ليكم التوفيق

[شاعر الحب الحزين]

اقتباس المشاركة الأصلية كتبت بواسطة big bốss لا هيصنعوه في الصين احنا نستورده بس هههههههه عجبتنى الاجابه دى الله ينور يا خالد شخصيه جميله و اجابات متحضره ما بين الماضى و الحاضر و استضافه رائعه نورهان تسلم دياتك خيتى دمتم بود

ههههاي ما الصين شغالة اهي يا نور ههههاي

تسلم يا جنرال منور الاستضافة بتواجدك

وخفة دم حضورك ف كل مكان

ربنا يوفقك ويسعدك يا نور منور

[شاعر الحب الحزين]

اقتباس المشاركة الأصلية كتبت بواسطة أميرة محمود اسئلة حلوة واعجبنى ان الاجابات توحى ان شاعر الحب شخص يترك الأمور لله فيما يخص المستقبل انت احلى الناس موضوع حلو سلمتى،،

لو فكرنا كتير هنتعب نسيبها على الله

واللي كاتبه ربنا هو اللي هيحصل مهما نفكر

تسلمي سمو الأميرة لرقة تواجدك

اسعدتيني بحضورك شرفتيني ف الإستضافة الجميلة دي

ربنا يوفقك ويسعدك أميرة

[شاعر الحب الحزين]

اقتباس المشاركة الأصلية كتبت بواسطة *soma* حلقه جميله اوي والاسئله جامده شكرا ليكوا عـ المجهود الحلو دا

الاجمل وجودك يا سوما

بشكرك لرقة حضوردك الهادئ

نورتي الإستضافة يا سوما

ربنا يوفقك ويسعدك