فضفضه على ورق (تابع المسابقه )

[Stop Ana Eltop]

السلام عليكم ورحمة الله وبركااته ازيكم عاملين ايه ان شاء الله تمام من داخل الانسان تنبعث الحياة سواء بالفرح او بالالم وتبقي دواخل الناس اسرار عليا لا يطلع عليها الكثير ربما تموت مع الايام وتغدوا ذكريات لا يذكرها الانسان بيه وبين نفسه ومنها مايصبح متاح لمن نريد فيتعرف علي بعض منا من خلال هذه الاسرار الحلقه انهارده شخصيه حياتيه يوميه بحت مع المتميزه ام محماه Nefertiti مشرفة الفضفضة و الخزعبلات حلوة ام محماه احلي اسم تسلمي حلوة المقدمه سماا اهلاا بيكي منوره البرنامج .. النور نورك هوبه في البدايه خالص هطلب منك تكتبي سطرين فضفضه من الاعماق معبره عنك .. مش عارفه اقولك ايه غير اني كنت طالعه من مواقف صعبه وكنت بحاول المم نفسي بالعافيه وحاليا جوايا حاله حلوة بجد بتمني من ربنا اعشها لحد ما اموت جوا روحي ضحكه حلوة وبسمه اول مرة اجربها حاجة كدة عامله زي نسيم البحر ريحته تدوخ وموجه يسحر جوايا زحمه من كلام مش عارفه اقول منه ولا حرف بس عارفه اني فعلا مبسوطه اغلب الحديث في الفضفضه دايما بيتلخص في كلمتين (الم _ وجع )ايه محل الكلمتين دول من الاعراب في حياة ساره ؟؟ صح غالبا الفضفضه بتكون للوجع والالم انا عامه مبتكلمش في الحالتين بحكي لنفسي الوجع والالم بالنسبة ليا حياه فعلا عشتهم كتير بس ربنا دايما كان بيديني قوة اواجه كل دا بالبسمه حتي لو مكنتش من القلب واحيانا بتكون طيبة القلب سلاح لكل الم او حتي جروح والحمد لله معنديش غير قلب ابيض بيحميني وبتحامي فيه زي ماقولنا في البدايه انه كتير من الاسرار بتموت بين الشخص ونفسه حياتك قايمه علي كدا ولا بتفضلي تطلعي اسرارك ؟؟ مبحبش كلمه سر دي بس مؤخرا عرفت معني كلمه خصوصيه ان حياتي مش ملكي لوحدي ملك لناس عايشين جوه روحي وعشان احميهم واحاف عليهم لازم احمي خصوصيتي يعني بصي انا افضل اكون سر للكل بس برضو اكون اقرب من روح الناس اللي جوه روحي انا ليهم كتاب مفتوح وكل صفحه فيه ملك ليهم عندما تتقلب الذكريات ينساب الدمع دون اذن في هذه اللحظه هتكتبي ايه خاص بيكي تعبيرا عن دموعك ؟؟ الــــــدمع فراق امي والخوف فراق والدي ذكري الدموع عندي هيا فراق الحبايب وكل لحظه وضحكه وموقف وقت ما بحس اني فعلا محتاجة كلمه ماما محتاجة حضنها , ضحكتها , كلامها , نصايحها ووقت لما ادور علي سند وابص علي صورة بابا عشان اقرأ الفاتحه لروحه معني احساسك بكلمه يتيم ودا مبيتنسيش عشان يكون ذكري بس ربنا كرمني بقلب غالي واخ واخت وابن وجودهم احلي علاج لاي ذكري واي وجع سؤال تطفلي بحت : تقدري تقوليلنا سر هنا اول مره هتقوليه وهنعتبرها الاخيره وهنقفل الموضوع دا ؟؟ انا بحــــــــــــــــــب وحبيبي هيشوف الحلقه فعاوزاه يعرف اني معرفتش معني ثقه ولا فرح ولا أمان غير بيه وربنا يخليه لينا بئه ممم بتحبى .. جميل الحب فى الحياه هو نبعها اصلاا والى بيمد الانسان بالطاقه الى تخليه يقدر يكمل حياته .. ايه السر الى متعلق بالحب فى حياة سما ؟؟ الحب ميجيش معاه كلمه سر انت مبتخترتش تحب ولا تتحب فيعني الحب قدر ربنا شاء يبعتلك اللي ناقص فيك عشان يكملك مرحلة المراهقه دايما بتبقى عقبه فى حياة اى بنت لانه دايما لازم يحصل فيها حاجه ايه هى العقبه الى حصلتلك فى المرحله دى ؟؟ ملاقتش امـــــــــي وهيا كانت صاحبتي الوحيدة الكره اوحش حاجه فى حياة اى حد مننا سواء اننا نكره او نتكره فضفضى لنا عن الكره فى حياتك وبالمره كمان التدخل ؟؟ انا قلبي مبيعرفش يكره اه عصبيه ومتسرعه جدا بس مع الوقت بنسي المهم اني مكرهش عشان ملوثش قلبي الكره سواد القلوب وانا محبش اللون الابيض يسيب قلبي سااره بتعبر ازاى عن غضبها فى الحقيقه برا عالم المنتديات والنت ؟؟ كل ماشي حببتي انا ممكن اصرخ وكمان دموعي قريبه جدا وممكن متكلمش خالص وهنا خافي مني وبدور علي اقرب حد ليا اتخانق معاه واترمي في حضنه الف بعيدالشر عنك ياارب (اتمنيتى الموت قبل كدا ) وايه ترتيبك للحظه دى ؟؟بتعملى ايه ليها مستعده ولا ؟؟ اها اتمنيت للأسف لحظات الضعف اتحكمت مني بعد وفاه امي وولدي بس كنت بسرعه بتمكن من نفسي واحمد ربنا علي كتير من هدايا ربنا ونعمته فبرجع اعيش حياتي اقوي هختم اسئلة الفضفضه دى بالغالى اووى (محمد باشا ) مساحه مفتوحه لام محمد عشان تعرفنا محمد ايه فى حياتها فعلاا ياااااااااااااااااااااااااااااا محمد دا الفرحه اللي مالهاش زي نور قلبي الكائن اللي بعيش بيه انا ليه كل الدنيا وهو ليا كل دنيتي مفيش كلمه اعبر بيها عن حبي لمحمد ربنا يباركلي فيه وفي عمره يارب اسئله عامه بقن نقطة ضعفك ؟؟ الحبايب بتحطى ثقتك فى مين ؟؟ انا مكنتش اعرف كلمه ثقه نهائي فعلا الكلمه دي كنت بخاف منها بس ثقتي لانها غاليه اوي بتروح للغاللين عندي وبرضو اوي حلم حيااتك ؟؟ افرح بكريم ومن بعده محمد ويتحقق حلمي بتربيتهم وسعادتهم واعيش مع قلبي لحد ما نبقي كراكيب واتسند برضو عليه اكيد هيكون اجمل وهو عجوز اقرب حد ليكى ؟؟ اقرب حد ؟؟؟؟؟ مبحبش كلمه حد دهين بس الاقرب ليا ابني وهو واخواتي عيوبك ؟؟ عصبيه وعنديه ومتسرعه وبتخانق وبعيط كتير ونكدية اغلب الاحوال وخنيقه وغيورة ومستبده مع حبيبي ومبعرفش اطبخ ولا بحب اغسل يعني ماماته داعيه عليه اهوت نظرتك لبكره ؟؟ كلها تفائل وحب وتلقائيه وعفويه وحوالين كل دول خوف نسبة صراحتك فى الحلقه دى ؟؟ 100% فى الاخر انا كنت سعيده جداا معاكى بالحوار داا بس بتبقى الحياه الشخصيه سر او بلاش كلمة سر خليها خصوصيه اووى مهما جاوبنا عن الاسئله فيه جزء هنفضل نخفيه عن اقرب حد لينا طبعا صح سما منورانى اكيييد ومبسوطه جداا انك اول ضيف معايا والاخير كماان مقولتيش ليه ام محمااااااه الاولي والاخيرة كومان في نفس ذات اللحظه انا مبسوطه جدا اني معاكي واكتر من البرنامج فعلا واتمني يكون وشي حلو عليكي وتفوزي بس فى الاخر عاوزه منك تختارى اشخاص من بره المنتدى ومن جوه تفضفضى معاهم باللى تتمنيه (مسااحه مفتوحه ) بصي لو اخترت حد علي كل المستويات سواء بره او جوه هتكوني انتي ودمعه حائرة ود/ اسماء اغلي الناس عندي وكلكم كدهون هقولكم تيجي نطير يعني مش عاوزة احس ان رجلي لسه علي الارض بكدا تنتهى الحلقه مع الرائعه المتميزه والاقرب لقلبى نفرتيتى اشوفكم فى حلقه تانيه من برنامج تانى \ فى امااان الله ...

[MĺŔǾ]

Nice topic

[phalsteen]

هوبة حببتي
ميرسي لحوارك الجميل
فرحت بوجودي معاكي

[phalsteen]

اقتباس المشاركة الأصلية كتبت بواسطة mĺŔǾ nice topic

ايه دا ميرو هنا
ميرسي ميرو بئه
منور القسم

[حَرفُُ هجآءّ]

سارة ؟
سارة مين ؟
اللى هى سما يعنى ؟
ماشى يا سما

الحلقة بجد جميلة
سما صريحة اووى

اقتباس ان حياتي مش ملكي لوحدي ملك لناس عايشين جوه روحي وعشان احميهم واحاف عليهم لازم احمي خصوصيتي يعني بصي انا افضل اكون سر للكل بس برضو اكون اقرب من روح الناس اللي جوه روحي انا ليهم كتاب مفتوح وكل صفحه فيه ملك ليهم

الجزئية دى حستها اوووى انك يكون عندك الخصوصية
وتحميها لكى وللى قريبين منك معنى راقى
للحب

تسلمى هبه على البرنامج والحلقة الجميلة دى

[big bốss]

ههههههههههههههههه

كل دى عيوب يا ساره

ربنا يكون فى عيون ابو حمنى

حلقه جميله يا هبه

بالتوفيق بقا

[سندس]

سمااا كانت منورة
و هبة اسئلتك جميلة و البرنامج شيق
و اتمني لكِ الفوز فى المسابجة

[SaMa.]

حبيبتي سما ربنا يسعدك ويحققلك احلامك
كلامك عجبني والاسئله كانت حلوة

[El_Magic]

حلوه الحلقه مع احلى ام

وربنا يخليلك ولادك وتفرحى بيهم

[world]

ايه الكلام الكبير ده ي توب مبدعه في اسالتك
وعجبني اوي كلام الضيفه ان جواها زحمه دي
موفقه