عــــــبد الحليم حـــــــــافظ

[phalsteen]

مساء الخير
انا من صغري بعشق الصوت دا
بسمعه في كل حالاتي ما بين البسمه والجرح
عبد الحليم اول حد بفضفضله
كل اغانيه حرف حرف بعشق تفاصيلها
ادمان حاولت فعلا كتير اقلل منه ومن الهوس المرضي بيه
لكن ازاي صوت يلعب بتفاصيل احساسك
اغنيه واحده تشاركك دموعك
وفرحك
حاله حبك وحاله حزنك
كونك تلاقي صوت وكلمات والحان وكل حاجة تسحر فعلا

انا مش هعرف اختار اغنية لعيد الحليم واقول دي اكتر واحده بحبها
عشان انا بحب كل اغانية فعلا

بس النهاردة عاوزة اسمع بس دي





وانت ياتري ليك حكاية مع عبد الحليم ؟؟
واكتر اغنية حابب تسمعها للعندليب ؟

[رآقيہ بأخلاقـى]

عبد الحليم كل اغنيه له بيكون لينا فيها حكايات مش حكايه
وانتى اختارتى اغنيه من اجمل اغانيه ومن اكتر الاغانى اللى بحبها
وكمان اغنيه مغرور من نفس الفيلم
واغانى كتير لما بعيش حاله فرح الم حزن بلاقى اغنيه مناسبه لحالتى عند العندليب
والادمان اللى زى ده مفيش له علاج

[phalsteen]

اقتباس المشاركة الأصلية كتبت بواسطة رآقيہ بأخلَآقـى عبد الحليم كل اغنيه له بيكون لينا فيها حكايات مش حكايه وانتى اختارتى اغنيه من اجمل اغانيه ومن اكتر الاغانى اللى بحبها وكمان اغنيه مغرور من نفس الفيلم واغانى كتير لما بعيش حاله فرح الم حزن بلاقى اغنيه مناسبه لحالتى عند العندليب والادمان اللى زى ده مفيش له علاج

عندك حق هو ليه جوانا كلنا حكايات
اغنية مغرور دي ليها معايا ذكري
بابا الله يرحمه كان في الهند
وهو خاطب امي
واول اغنية بعتهالها كمأهداء كانت مغرور دي ههههههه
ومعاها جواب
انا لسه محتفظه بيه
يعني حب العندليب وراثه اهوت
تسلمي نورتي منورة بئه اعروسة

[دمعه حائره]

جميله المقدمة وعبد الحليم من عمالقه الفن الجميل
واغانيه تلاقيها مناسبه زمان ودلوقتى
وصعب اوى تلاقى حد مابيسمعوش
انا بحب اسمعه ومش اختار اغنيه لان كل اغنيه ممتعه
كمان افلامه قيمه وتراث كلنا بنفتخر بيه
ربنا يرحمة

[აα∂ Ԑγεა]

مظنش اني هقدر اتذكر بدايتي مع عبدالحليم كان امتي ولا ازاي
لكن كل اللي اعرفه انه اول صوت اتعلقت بيه من المغنيين
واظن انه صعب انه يكون في حد مبيسمعهوش ولا بيتعلق بصوته ,
كذلك صعب اختيار الاغاني اللي الواحد بيحبها له لانه كل اغانيه رائعة
ممكن سواح و موعود وياخلي البال وقارئة الفنجان وفي يوم في شهر في سنة
وكتير جدا للصبح :d
العندليب حاجة تانية اكيد ,

[™Amiliya]

الصراحة كل أغانيه بتعجبني

الاقرب حاليا والنهاردة

موعود

[Lamees]

اول مرة اغنية تبكيني كانت جبار
وكنت وقتها في ثانوي الصف الاول
بس معنى كده اني بحبه من قبلها
ومغرور كانت ليها معايا ذكرى تانية
كنت رافضة عريس وقتها بعتلي مغرور دي
اما اغنية فاتت جمبنا دي حكاية وحصلت فعلاً معايا
اغانيه كلها بجد ليها ذكريات معايا
بس دي اكتر حاجة فاكراها
ودلوقت انا بسمع فوق الشوك مشاني زماني
حتى قبل ما اشوف التوبيك بتاعك
بسمعها من آخر مرة مطرت فيها السنة دي
كنت راكبة العربية وهي بتمطر ومشغلة الراديو
وعايشة بقى حالة من الرومانسية ^_^

[احساسى صحيح]

العندليب حاله خاصه وعشق خاص
وتقريبا كل الاجيال بتحبه لان احاسيسه غير معقوله

احب اغنيه لقلبى ومش ببطل اسمعها
بأمر الحب
بشوف فيها نفسى اوى

[SaMa.]

بحب صوتو واحساسو قريب م. القلب
بحب كمان اغنيه انا لك ع طول
وكنت عملاها نغمه الموبيل
فكرتك حلوة سما ثانكس

[أميرة محمود]

على اد الشوق ال في عيونى يا جميل سلم
دا انا ياما عيونى عليك سألونى وياما بتألم
حليم دا رقة ورومانسية الدنيا
ياريت كل الرجاله تتعلم منه الحب
ثانك يو ع التوبيك الروعة نفرتيتي