جوايا خوف تقريبا كل شيء بيتكرر

[اشاعة شمس]

عارف احلا حاجة فيك مش لون عينيك
ومش لمسة ايديك
ولا حتى ملابسك الشيك
ولا حتى تلفونك اللي ثمن غالي

ولا حتى كلمة بتطلع من بين شفايفك
بصراحة اجمل حاجة فيك
هي قلبك

قلبك اللي ملكش سلطة عليه
ومهما تقرر وتقول انا هعمل ده ومش هعمل ده
يجي قلبك ويغير كل قرارتك
فممكن تكره مراتك
وممكن تحب حماتك
وممكن تضرب ابنك
وممكن تعاقب بنتك
والايام عمالة تجري
تخطب وتفركش وتحب وتكره
وكل شيء جوا منك عمال بيتكرر
القهوة اللي بتشربها كل يوم
الشاي اللي بعد الاكل

في عالم خالي من كل حاجة
في لحظة تفكير في حياتك
في لحظة بتكون صادق فيها مع ذاتك
بتفكر في كل حاجة حوليك
في فلوسك اللي في البنك
في الناس اللي مروا في حياتك
فالناس اللي فقدتهم
اخوك اللي مات
ابوك اللي مات
والدتك اللي سبتك
والام اللي ربتك
في صورة واضحة لاسرتك كنت كلكم متجمعين
فيها ناس ماتت وفي ناس اتعربت وفي ناس بعدت عنك واتغيرت

في حاجات كتير بتكون ملعبكة في حياتنا
وداخل كل واحد فينا قصص كتير

تقريبا كل شيء فيها بيتكرر

والافضل انك تعيش زي ما ربنا عاوز ليك بقدر الامكان
اخطائك قللها
وفكر في يوم واحد بس
يوم هتموت فيه
وتكون ذكرى في حياة اللي حوليك
انت نفسك متعرفش اليوم ده امتى

ممكن تعمل حادثة
ممكن تتكهرب
وممكن تموت بالسكتة القلبية

وقتها بس هتعرف حقيقة الدنيا

صحيح انا بضحك دلوقتي وانا بكتب الكلام ده
قمة السخرية انك تعرف حقيقة حياتك اليوم اللي هتسيبها وتبعد فيه
وكل مخطاتك لحياتك
كل الناس اللي بكيت عشانهم
كل حد خذلك وعيشك في ظلم
وكل حد حاول يسعدك
كل لحظة وكل دقيقة مرت في حياتك
هتلاقيها قدام عنيك زي شريط بتتفرج عليه

صحيح انا مجربتش الموت
بس عشت كتير في احساسه
اتمنيته
وانتظرته كتير
بس للاسف
لسة مجاش

يمكن ربنا كتب لي شوية في عمري
لازم اعشتهم
بس اكتر حاجة خايف منها

لما هقف قدام ربنا وانا فاهم وكنت عارف اني هقبله
وانا فاهم وكنت عارف الصح من الغلط
وانا فاهم وكنت عارف ان ده ذنب وكنت بعمله
وانا وكنت عارف اني في يوم هموت
يمكن وقتها اتمنى اكون شوية تراب
او اتمنى اكون فاقد للعقل
يمكن ساعتها كنت مش هخاف

اوقات بحسد الناس اللي معندهاش عقل
وقول يا بختك هتدخل الجنة
وفي ايام كنت بتمنى ربنا يغفر لي ما تقدم من ذنبي وما تأخر

الخوف هو الشعور اللي بيحسسك بقيمة نفسك الحقيقة

الخوف اللي في ناس كتير بتهرب منه وتقول بكل جرائة انا مش بخاف

لكن في الحقيقة انا بخاف
جوايا خوف وتقريبا كل شيء بيتكرر


موضوع غريب

[السفيره عزيزه]

ممكن الانسان يعمل ذنوب ولكن عنده احساس
بعدم الرضا ولما يشوف حد طايع ومستقيم
ينظر له بعين الاعجاب ويتمنى لو كان مثلة
ليه بئه لانه عارف ان ربنا نهي عن اشياء وهو بيعملها
ودا سبب خوفه لعظم ربة فى قلبة رغم معصيتةله.
..

وممكن اخر ولا هنا ولا فى نفسة اى ردة فعل بالعكس
دا فرحان وبيفتخر انه قدر ينفذ ما نوى من غير
ما حد يقدر يتعرض له او تفوق على ال تعرض له
ده بئه احنا ال نخاف عليه .ونتمنا له الرحمة والهدايه

يعيش ونعلم ان الموت ينتظرنا وهذا احساس يجلب
الخوف .لماذا لاننا نؤمن ان هناك حساب وعلى حسب
النتيجة يكون المصير الابدي .جنة عرضها السماوات والارض
او نار والعياذ بالله ..

نطير الى الله كطائر بجناحي .الخوف والرجاء
الخوف ان لا يغفر الله لنا وان لا يمكنا من التوبة للرجوع اليه قبل
يوم لا ينفع فيه مال ولا بنون ..
وجناح الرجاء اللذى يعدل الموازنة فى الذات مهما اقترفنا من ذنوب
ان ابواب التوبة مفتوح ..بجناحي الخوف والرجاء نطير حتى نصل.


سلمت ودمت بكل خير
السفيرة
.

[اشاعة شمس]

اقتباس المشاركة الأصلية كتبت بواسطة السفيره عزيزه ممكن الانسان يعمل ذنوب ولكن عنده احساس بعدم الرضا ولما يشوف حد طايع ومستقيم ينظر له بعين الاعجاب ويتمنى لو كان مثلة ليه بئه لانه عارف ان ربنا نهي عن اشياء وهو بيعملها ودا سبب خوفه لعظم ربة فى قلبة رغم معصيتةله. .. وممكن اخر ولا هنا ولا فى نفسة اى ردة فعل بالعكس دا فرحان وبيفتخر انه قدر ينفذ ما نوى من غير ما حد يقدر يتعرض له او تفوق على ال تعرض له ده بئه احنا ال نخاف عليه .ونتمنا له الرحمة والهدايه يعيش ونعلم ان الموت ينتظرنا وهذا احساس يجلب الخوف .لماذا لاننا نؤمن ان هناك حساب وعلى حسب النتيجة يكون المصير الابدي .جنة عرضها السماوات والارض او نار والعياذ بالله .. نطير الى الله كطائر بجناحي .الخوف والرجاء الخوف ان لا يغفر الله لنا وان لا يمكنا من التوبة للرجوع اليه قبل يوم لا ينفع فيه مال ولا بنون .. وجناح الرجاء اللذى يعدل الموازنة فى الذات مهما اقترفنا من ذنوب ان ابواب التوبة مفتوح ..بجناحي الخوف والرجاء نطير حتى نصل. سلمت ودمت بكل خير السفيرة .

رد رائع شكرا

[الأمبراطور2010]

رائــع جــداً وجــمــيــل لــلــغــايــه
مــادونــه قــلــمــك وبــوح فــكــرك
مــن أعــذب وأجــمــل الــكــلام

[العاشق الذى لم يتب]

ان شاء الله ربنايطمن قلبك
كبيرة الاحداث هنا
خاطرتك حوت الكثير من الابداع
سلمت يمناك