التنازل يصنع التوافق .. ( مقال ادمى )

[احساسى صحيح]

بسم الله الرحمن الرحيم
تلبية لدعوة مشرفتنا الرقيقه إيمليا
حضرت لكتابة تلك المقاله
واتمنى ان يستفيد منها بنات حواء بالخصوص ..
............

التنازل يصنع التوافق
مقوله تنطبق على واقع الشباب بنين وبنات حالياََ
احد الصحفين علق على زواج الممثله منى زكى
وقال لها / إنتِ إخترتِ الزواج بالفنان احمد حلمى
لأنكم تتشابهون كثيراََ فى الصفات الشخصيه
فردت بالرفض وإنهم مختلفين كلياََ فى كل شىء
وإنها تزوجته بسبب ذلك الاختلاف بينهم
لأنها تعتقد إن إختلاف من سترتبط به افضل
لأنه سيكمل النواقص لديها وإنها لا تحب ان ترتبط بشخص
يكون صفاته تتماثل مع صفاتها
بمعنى إنها لا تريده سالب + سالب او موجب + موجب
لأن الاختلاف يصنع التوافق وليس كما يعتقد الجميع
فى إنه يصنع التنافر او إنتهاء العلاقه مبكراََ ..
من هنا حبيت اوضح لأى انثى بالعموم داخله على إرتباط
إن اى رجل تريد الارتباط به هناك ثوابت اكييد
كأن يكون ملتزم او خلوق يخاف الله
ولكن انا هنا اتحدث عن الصفات الشخصيه كالاهتمامات مثلاََ
تنوعها بين الجنسين تكون كلاََ منها مكمل للاخر
لو الانثى خجوله ليس بالضروره ان يكون الزوج خجول
بل الافضل ان يكون الاثنين يملكون الصفتين موزعتين بينهم
الخجل والجراءه كلاََ منهم يحمل صفه منهم
وهكذا فى باقى الصفات
ليس بالضروره ان يشتركوا فى شىء معاََ
بل الافضل ان يتمتع كلاََ منهم بما يختلف عن الآخر
حتى يصنعون معاََ حياه مكتمله الاركان فيما بينهم
ومن ذريتهم من يخرج مكتسب صفات الاثنين معاََ
فيكون مكتمل الصفات نتيجة الوراثه من ابويه .
لذلك على كل فتاة ان تتنازل وتفكر بمنطقيه عند الارتباط
وإذا اعجبت بالشخص كبنى ادم قبل صفاته الآخرى
هذا سيكون المدخل ببعض التنازلات البسيطه
من الممكن ان تصنع التوافق او تأتى بالحب المشترك
فى ظل الاختلاف فى صفات كلاِِ منهم
تمت بحمد الله ..

[Lamees]

هي نظرية اكيد ولكن من الممكن ان لا تنطبق على الجميع
هناك اختلافات قد تتقارب ويحدث منها توافق
وهناك اختلافات جذرية لا يحدث منها تقارب
ويظل الأختلاف بين الزوجين للأبد

كـ العادة ياسر طرح موفق

[احساسى صحيح]

اقتباس المشاركة الأصلية كتبت بواسطة اطياف الماضي هي نظرية اكيد ولكن من الممكن ان لا تنطبق على الجميع هناك اختلافات قد تتقارب ويحدث منها توافق وهناك اختلافات جذرية لا يحدث منها تقارب ويظل الأختلاف بين الزوجين للأبد كـ العادة ياسر طرح موفق

انا ذكرت ان هناك ثوابت يا رونى
وانا متهيئلى مفيش إنسان كامل بكل الصفات
ولكن لو تقصدى صفات سيئه فأنا اكيد اتفق معاكي
ولكن حديثى عن صفات عامه يختلف عليها الناس ولكنها مقبوله إجتماعياََ
ألف شكر لكى رونى على مشاركتك القيمه
تحياتى لكي ..

[SaMa.]

النص التاني م الموضوع اوضح الفكرة اكتر
تعرف الل بيحبو بعض بجد بيبقوا شبه بعض اوي
والتنازل مبيكونش ليه. مسمي غير الحب
تلاقي كل طرف بيعمل الل يحبو التاني
ويبعد عن الل بيكرهو ويسبب مشاكل بينهم
منغير ميقولو انا اتنازلت او انت لا
لكن الطبيعي ان فيه توافق ف الميول والصفات
بنسبه تخليهم يتفاهمو
ثانكس ع الموضوع

[احساسى صحيح]

اقتباس المشاركة الأصلية كتبت بواسطة sama. النص التاني م الموضوع اوضح الفكرة اكتر تعرف الل بيحبو بعض بجد بيبقوا شبه بعض اوي والتنازل مبيكونش ليه. مسمي غير الحب تلاقي كل طرف بيعمل الل يحبو التاني ويبعد عن الل بيكرهو ويسبب مشاكل بينهم منغير ميقولو انا اتنازلت او انت لا لكن الطبيعي ان فيه توافق ف الميول والصفات بنسبه تخليهم يتفاهمو ثانكس ع الموضوع

زى ما قولت لرونى
مفيش انسان كامل
ممكن اتنين يحبوا بعض ويرتبطوا ببعض
سبب الحب فى حد ذاته بيكون فى الاول ظاهرى او شكلى فقط
إلى حين يتعرفوا على بعض اكتر ويقربوا اكتر
وهنا ممكن بيظهر الاشياء إللى بتختلف بينهم
هنا لازم البنت تبدأ تتنازل شويه لو شافت مثلا إنه عصبى
ممكن تتحمله او إنه متسرع ممكن انها ايضاََ تتنازل شويه وتحاول تتوافق مع تلك الصفات طالما وجدت الجوهر سليم ونقى وتحاول انها مش متزعلش او انها تخاف منه
واكيد الانثى إللى بتتنازل مقابل التوافق هى إللى فعلا بتحب بصدق
دى فكرتى بإختصار واتمنى يكون المعنى وصل
اسعدنى رايك سما
لأنه خلانى اوضح فكرتي اكتر
تحياتى لكى ..

[أميرة محمود]

احساسي صحيح
موضوع حلو
مفيش احلى من الاختلاف بين الاتنين
بيكون جو ممتع كدا زى الشطة
ورخامة لذيذة دايما
وفي الاوقات الجد بيكملوا بعض

[احساسى صحيح]

اقتباس المشاركة الأصلية كتبت بواسطة أميرة محمود احساسي صحيح موضوع حلو مفيش احلى من الاختلاف بين الاتنين بيكون جو ممتع كدا زى الشطة ورخامة لذيذة دايما وفي الاوقات الجد بيكملوا بعض

الله عليكى اميره
هو دا اللى بحاول اقربه
ان ممكن الاختلاف يصنع حاجه تزيد الالفه اكتر
مش بالضروره يكون فيه تنافر
تسلمى اميره وردك يصب مع رؤيتى
تحياتى لكى

[كريم*]

موضوع رائع احساسى
واضن سبق عملنا موضوع عن المثيل والنقيض
وتفضلت انت بالرد فيه لكن هنا الفكرة بايضاح رائع
وتذكير دائم ربنا يوفق الجميع وننعم بحياة سعيدة
سلمت يمينك اخى

[.Lamar]

كلامك عن اختيار شخص مختلف او متوافق فى الطباع

هى قناعات اخى و ليست تنازل

منا من يحب و يجذبه الاختلاف

ومنا من يحب الشبيه لانه اكتر راحة فى التعامل

بالنهاية كل انسان يختار ما يناسبه بالحياة

عن نفسى افضل التشابه فى بعض النقاط

و يجذبنى الاختلاف بنقاط اخرى

هى حياة و عشرة عمر

فلماذا نبدأها بالتنازل عن قناعاتنا ؟؟؟


موضوع رائع اخى

كل الشكر

تحياتى و تقديرى

[™Amiliya]

عارف ياسر الموضوع كله ينصب في ان ادم يكمل حواء وحواء تكمل ادم
نواقص وكوامل
الرجل يرى في المراة ماينقصه فيكمل به والعكس صحيح

ليس مهما مدى توافقنا او اختلافنا بقدر ماهو مهم جدا كيف نوفق الحياة ونسيرها وفقا لهذا الاختلاف والتوافق

قد نرى اننا مختلفين او متشابهين لكن المغناطيس لا ينجذب لذاته

لو طبقنا هذه النظرية سنجد ان من فوائد ابقاء الحياة هو الاختلاف بينهما وهذه طبيعة ادمية من الدرجة الاولى

وهذا لا يعني اختلافهم كليا انما بعض الاختلاف وبعض التوافق يعطي الحياة اجمل معنى

بشكرك ع تلبية الدعوة ياسر

سلمت