كل ثانيه وانت جنبي

[phalsteen]

هو انت ليه دايما حاببني معقوله يعني تكون عاشقني ؟ ورغم عِندي والجنان بحس دايما فيك أمان جوايا منك ضحكه حلوة وفرحه تبقي فـ قلبي غنوه مش عاوزة اشوفك غير معايا ساكن في قلبي معاك هوايا عشقت حضنك من زمان والثانيه جنبك دي الأمان كل ثانيه وانت جنبي تفوت وتسرق فيها قلبي تمالي ساكن نن عيني ومعاك هتبعد نار سنيني جوايا كلمه ومن زمان سبني اقولها ومن سُكات انا بُعدي عنك يوم ممـــات خوفي يقتل لو تغيب وفرحي جنبك يبقي عيد كل ثانيه وانت طيب يا فرح عمري يا قلب طيب كل حلمي انا شوفته فيك وبقيتلي حضن وليا بيت سبلي قلبك ,, ضمني واحضني ,, قرب ,, حسني اوعدني ,,, تفضل ولقلبي ,, تسكن وانا بيك هكمل لو يجرا ايـــــــــه ؟ سارة محمد

[دمعه حائره]

لازم يحبك ويفضل طول العمر جمبك
كلام فى منتهى الجمال والاحساس ودى طبيعه كل خواطرك
رائعه واكثر سما تسلمى

[phalsteen]

اقتباس المشاركة الأصلية كتبت بواسطة دمعه حائره لازم يحبك ويفضل طول العمر جمبك كلام فى منتهى الجمال والاحساس ودى طبيعه كل خواطرك رائعه واكثر سما تسلمى

تسلميلي منون
وجودك الاروع غاليتي

[اميره الشعر الشجين]

وليه ميحبكيش وانتى تخطفى اى قلب فى لحظه

كلمات جميله يا نفرتيت المنتدى يدوم التميز ياقمر

[السفيره عزيزه]

ياارب ديما بالسعادة والهنا عايشين
والحب مجمل حياتكم وبه مكملين
ويبعد عنكم الوحشين والحاسدين
ما تتفرقوا ابدا.بسرعة قولو امين


دمت بكل هنا وسعاده برنسس
جميلة كلماتك وصادقة لانه
وصلت للقلب وحستها

تمنياتى بكل الخير
السفيرة
ياااااااارب

[شاعر الحب الحزين]

تاني مرة اقرأها ومهما اقرأها مش بمل منها

لحنها سهل ومتنغمة ومعانيها جميلة كلها حب

تسلمي سارة ع الكلمات الجميلة دي

ربي يوفقك ويسعدك

[.Lamar]

عبرتى عن احساس الحب بسلاسة يا سما

عجبتنى كتيييير

ربى يسعد قلبك و يديم عليكى حبك

[a7med -3del]

حالة كلمات احساس حب صور
كل ده لاقيته هنا
تحياتي

[قلب وكلمات]

ومين غيركِ بياخدني

لبحر الشوق ويرميني

يسهرني ليالي طوال

عذابه حب يكويني

وطيفه الحلو يهمسلي

بصوت كروان يشجيني

أنام . أحلم .. يصحيني

على أجمل شفايف

روجها أحمر يناديني

تكلمني كلام العشق

وعين سهتانه تغريني

أهرب شمال ويمين

تضحكِ بأعلى صوت

وآه منها تلاحقني

قاصده يعني من حنانها ...

..( تسقيني) ..


أم حمني إيه الحالة الجميلة دي ربنا يسعدك

بجد شدتني الكلمات وموسيقتها ، تحية تليق بكِ

تقبلي مروري وكلماتي البسيطة وأرق تحياتي

القيصــر

[شاعر الإحساس]

والله العظيم دايما اقولك عندك موهبه رائعه جدا

وحرام تنشغلي بمشاركاتك فس اقسام تانيه عنها

انتي من الاقلام العاميه الرائعه والمبدعه والجميله

سجع الحروف.. موسيقى الكلمات.. وزن الابيات

قافية السلاسه.. هكذا انتي

لا تشويش.. لا ركاكه.. لا حشو غير مقبول..

راقيه واكثر وممتع عملك واحساسك جدا


كل التحيات والتقدير لهذا القلم وصاحبته

واتمنى ان تشاركي كتير بالعاميه… فقلمك مبدع

دام نبض حروفك

ودمت بكل خير وسعاده

تحياااتي وتقديري واحترامي



شاعر الإحساس