دنيا قاسية

[دمعه حائره]

دنيا قاسيه

*********

دنيا قاسيه وناسها ناسيه

وبالعكس معانا ماشية
يوم تحبك وكتير تغشك

ولو ألتـفت فى يوم بوشك

تلقى 100سكين فى ضهرك

واللى كان يتغنى باسمك

فى لحظة يبقا أكبر عدوك

ينعل اللى جابوا سيرتك

يكره حتى شكل صورتك

ولو يطول يمسك رقبتك

مش هايتأخر فى دبحك

كله ده ليه من غير مناسبه

أصل هى دنيا قاسية

وناسها ناسيه
دمعه حائره
mena_hasan

30-3-2015

[السفيره عزيزه]

حبة كده صوغننين ويلا نمشي ونسبها
ال ظلمونا وال حبونا وقريبنا وقريبها
وكل ال عاوز حاجة حقه بئه ولا لااعبها
وهناك يا ستى نتقابل ويلتقى الحابل بالنابل
وربك هو ال حاسبها..

نكون باخلاقنا مهما حصل
واضحين صادقين ومطمئنين
ان دا صفات يحبها رب
العالمين


دمت بكل الخير شمسنا الجميله
السفيرة

[اذار .]

حبيت كلماتك بجد
و بالفعل دنيا قاسيه بالناس الي فيها .
جميله كلماتك عزيزتي منه ، و دي حاجه مش جديده عليك ِ
دمتي بخير

[قلب وكلمات]

نشكى نقول أوجعنا

يرن الصدى فـ ودانا

نقول ومين يسمعنا

الحب ولآاااا هجرنا

اسمع وشوف أيامنا

ولا بلاش نعيب فـ زمانا

الطبع بقى قاسي

والناس كتير بتقاسي

نداله. دا وش اساسي

نصاب عمل ناسي

غير المهنة سياسي

الابن يقتل أبوه

والأخ يعادي أخوه

والصاحب دا يما خانوه

فـ الشدة هربوا باعوه


الراقية منه شمس المنتدى الغائبة

صدقتي القول وحقاً كما ذكرتي دنيا وناس قاسية

وطباع وأخلاق ما أنزل الله بها من سلطان ، زيغ وضلال

وغل وحقد ولا حول ولا قوة إلا بالله ، كلمات خرجت

من محبرة الغضب على حال وحالة ، فكانت رصينة

قوية الحرف والمعني ، كل الشكر لكِ منه

وخالص تحياتي

القيصــر

[العاشق الذى لم يتب]

الدنيا مش قاسية منة
احنااللى بقينا قاسيين
ووحشين وكدابين ومنافقين
وغشاشين
وكله بيكره كله
وكله حاقد على كله
وكله بيحسد كله
وكله ع8اوز يقتل كله
تسلمى شاعرتناالمبدعة
ماشاء الله عليك
ايه الاشعرية الجامدة دى
هلت عليك مرة وحدة
بجد وحشناقلمك الراقى
وصباحك فل ورياحين
واسرتك الكريمة

[فارس الكلمة]

دنيا قاسية
فيها الناس أصبحت مصالح والود إنداس فة الزحام
راحت فيها ضحايا كتير فى الميادين وجميع الأقسام
ضاحت أعيرة نيران ضايشة من أناس عادية وحكاااااام
دنيا قاسية والله حرام
الشعب بيتنفس صعداء وضيق
والزمن فرق بين كل صديق
والحياة أصبحت حياة الرقيق
الحاكم بيحكم بكرباج وسوط
وما حد صوته يعلى علي الصوت
اللهم أرحمنا برحمتك يا منان
وهب لك حياة فيها أمان
دنيا قاسية
منة
أو شمس المنتدى
كلماتك رسالة قوية ومعبرة
إختيارك للكلمات موفق جدا
تقبلى مرورنا عليكِ وخالص الود

[.Lamar]

العيب فى البشر يا منة

مش فى الدنيا

العيب فى النفوس اللى بقيت تنسى الحلو

و تفتكر الوحش

اللى بقيت تخدع و تغش

لمجرد تحس انها شطارة

العيب فى القيم و الاخلاق اللى انعدمت

وربنا يستر من اللى جاى


كلماتك دايما ليها وقع جميل بالنفوس

دمتى لنا و دام قلمك يمتعنا

ودى لكى

[أميرة محمود]

مقطوعة قاسية ولكن واقعية
سلمتى دمعة

[شاعر الحب الحزين]

دنيا قاسية ناسها ناسية

الله الله افضل تعبير عن حالها واحوالها

هي فعلا اتغيرت وكل مادة بيتغير حالها للأسوأ

قدرتي توصفي حال ناسها بأسلوب جميل جدا

بحييكي شمس المنتدى لتواجدك الجميل الهادف

ربي يوفقك ويسعدك

[جنون قلب]

خلاص كده كده الفرقه واقفلنـآ ع البـآب
هنتفرق وننسى كل الآحبـــآب
وهنروح لوحدينــآ لآ هنتآخد معانا حد حتى الاصحــآب
وهنعيش حياتنــآ فى فرقه حتى وسط النــآس اغراب
هنروح ل حته مفيهاش كلام اولها سطور حساب
وننسى بقى ظلم الناس واالى شبه الذئاب



اختى منه ..
روعه ما خطه قلمك لنــآ
آبدعتى فى سرد حروفك دُمتى فى حفظ المولى عز وجل ..
ب التوفيق لكـ أختى ..