الحلقه الاخيرة من ( المُعتقل ) مع محمود كامل

[phalsteen]

مساء الخير اهلا بالجميع في اخر حلقات الموسم الثاني من المُعتقل نتمني نكون الموسم نال رضاكم بكل حلقاته والنهاردة معادنا مع الحلقه الثامنه مع آدمن بنات مصر Mahmoud Kamel مساء الخير اكبير منور المُعتقل بئه مساء النور يا سما , بنورك .. ! طبعا البراجرم جديد عليك واكيد متابعتش منه ولا حلقه ببساطه الفكرة جزءين الجزء الاول عن المنتدي والتاني عن السياسه بس معاك هنكتفي بالمنتدي بس مفيش مشكلة مادام بعيد عن السياسة لانى صدعت من النقاش فيها من كتر غيابك الاعضاء اتفاجأت بوجود اداري اسمه محمود كامل طمنا عنك وعن اسباب غيابك وياتري متابع معانا الفترة الجاية ؟ اه انا واخد ان الناس تتفاجئ بظهورى لان دي ظروفى انى مبدخلش فعلا المنتدى غير كل فين وفين .. ممكن نقول ان شاء الله لغايه ما الامور احس انها متظبطة الى حد ما اكبر دليل انك ديمقراطي موافقتك علي الحلقه اهوت يعني نطمن الاعضاء اللي واخدين فكرة عنك انك هنا للحظر والمخالفات وبس خصوصا انك سبق وقولت الادارة خط احمر ولا ؟ والله هما الناس بياخدو انطباع عنى بما انى بتدخل في الامور الفنية او لو كان في مشاكل .. او بمعنى مبحبش الطبطبه في الغلط .. الغلط غلط والصح صح حتي لو عليا انا شخصيا .. ممكن اكون صريح اللي وحش بقول في وشه انت وحش بدون اي احراج المهم انى مبقاش منافق انا فعلا قولت كدا ان الادارة خط احمر لكن مش في كل الحالات الفترة اللي فاتت الاعضاء اشتكت من ضعف الردود والحلول في قسم الشكاوي ويمكن دا اللي خلي الاعضاء تلاقي في وجودك امل لوجود حل ؟ والله هو في كل مكان بيحصل كده ويمكن احنا احسن من ناس كتير في كل مكان في مشاكل ,, مش هتقدري تكسبى رضا كل الناس .. لكن احنا بنحاول وانا بساعد مع الطاقم الادارى اخطاء افراد الطاقم الاداري ازاي بتتحل ولا زي ما سبق وسئلت ساحر الاحزان طالما مسئول يبقي مرفوع عنه القلم ؟ الخطأ خطا .. والعقاب موجود من اكبر رتبه لاصغر رتبه محدش معصوم منه .. يعني اوقات بيبقي في قرارات متخبطه بين الطاقم بيتم النقاش بينهم علشان مش نقع فيها مره تانيه الاعضاء طالبت برجوع العضو كبريت والادارة رفضت العودة بما انك اللي حظرت كبريت لتاني مرة ممكن نعرف منك ليه تم الحظر وليه اتفرض العودة ؟ خليني اقول السبب مع انى مبحبش اقول اسباب حظر عضو عمل حاجه مش كويسه .. لكن الشخص دا علي أيدي كان أشهر بشخصيه معانا في المنتدى من خلال مواضيع وقتها انا كنت موجود و كان حظره حظر دائم لا رجوع فيه .. رمى الناس بالباطل وخصوصا البنات دي امانه في رقبتنا وشرف الناس مش لعبه امته الادارة تسمح برفع الحظر عن الاعضاء اللي اتعدت اسباب حظرهم المخالفات البسيطه ؟ وياتري رأيك ايه في موقف الادارة الاخير بعودة الحظر النهائي بعضويه جديدة رغم علم الادارة ؟ مش في كل الحالات ينفع يتشال حظر شخص .. زي حاله كبريت كده انا لما شوفتها من جديد حظرتها وبلغت الطاقم الجديد اللي موجود لان وقت حظر نجم وزهرة كان في وجود طاقم غير كدا و مش علي علم بالاجراء اللي اخدناه .. لو في حاله تانيه من الحظر بسبب تعدي شخص علي عضو ممكن نقول ان الطرفين اتسامحو و مبقاش فيه حق بين الطرفين ممكن وقتها نشيل الحظر عدد المتواجدين في المنتدي بيقل بالتدريج كل يوم عن اللي قبله ياتري فعلا زي ما بنسمع الفترة دي نهاية بنات مصر ؟ وايه اللي ممكن يحصل عشان المنتدي يرجع زي الاول ؟ عدد المتواجدين كان اقل من كده بكتير في أخر 2014 و رجعنا ظبطنا كام حاجه والامور رجعت احسن .. الاسباب من تقليل التواجد كـ اعضاء او كـ زوار فـ دا هيرجع لمشاكل فنيه انا لو قولتها تقريب ا محدش هيفهمها خاصه بحاجه اسمها اون بيج اوبتمايز لمحركات البحث بس كدا بعض الاعضاء بتلجأ للآهانات علي موقع التواصل الاجتماعي اعتمادا ان سياسه الموقع مبتديش الحق للادارة بالتدخل ؟ يعني الحكاية تبدأ هنا او يكون الخلاف هنا واروح اسب واقذف برسايل لعضويات المنتدي واقول وانا مالي الكلام دا ع الفيس وابان هنا العضو المثالي ؟ والله انا تابعت كام مشكلة كانت خارج المنتدى ,, بس هنقول في حاجات هنعمل لها استثناءات اللي بنكون متأكدين منها بشكل اكبر لما نكون علي علم بالمشكلة بتفاصيلها ونعرف ردود الافعال من الطرفين وطبعا نتأكد من انه هو الشخص اللي معانا لان كده مش هينفع نعمل كنترول لمعظم الاعضاء الموجودين لما يكون المشكلة خارج نطاق المنتدى بس اكيد ان شاء الله هنوصل لحل كويس . من فترة تم استفتاء علي تغيير تصميم المنتدي وعرفنا ان التأخير من الآدمن نعمل تصويت تاني ونطالب بخلعك احنا بئه ولا هتغيرنا الدايزين ؟ لسه شايف التصميم واصلنى بس دا مينفعش يتركب لانه معمول كـ صيغه صوره فوتو شوب تركيب الاستايل بيكون له طرق خاصه زي تقطيع الازرار و الـ Css جديدة هيا ان الادارة تشيل صلاحيات مشرف وتسيب بس اسمه علي القسم ولا نبعت رسايل شديدة اللهجه لمشرفين نخيرهم نشيل صلاحياتكو ولا تسيبوا اشراف ؟ دي كانت مشكلة عرفتها واتكلمت فيها واظن مينفعش نتكلم فيها في برنامج الادارة وانت اولهم قولتوا مينفعش مشرف يطالب بالانسحاب من الاشراف ويرجع تاني الا اذا عدي علي الاقل كام شهر ودا قرار سليم ؟ بس مش من باب اولي نشوف المشرفين رغم وجودهم ونشاطهم بيطلبوا ينسحبوا ليه ؟ ونشوف فين الدور الاداري في احتواء المشكله خاصه ان المشرف مبيطلبش كدة الا كتعبير عن رفضه للموقف الاداري ؟ احنا بالفعل بنعمل يا سما بنحاول نشوف طالب الانسحاب ليه بس كل الفكرة ان المشرف نفسه اللي واقع في مشكلة هو اللي بيرفض يقول المشكلة علشان نعرفها بيقول اي سبب وخلاص هنشوف خطوات جرئيه من محمود لضبط زمام الامور قبل غياب مفاجئ كالعادة ؟ هي مش خطوات .. اي حد ممكن يظبط الامور لو بص ع القوانين الخاصه بالمنتدى لو اطبقت مش هيكون في اي مشكلة ياتري شايف اختلاف بين المنتدي 2008 وحاليا 2015 وياتري لو في تتغير للاحسن ولا للاسوأ ؟ مقدرش اقارن بصراحه لانى الفتره ما بعد 2010 مبدخلش او بدخل ايام او بالكتير شهر واتكل ع الله تانى لان دا راجع لظروف العمل والحياه الشخصيه ,, بس اقدر اقولك كان من احلى الفترات اللي قضيتها هنا هي فتره من 2008 لـ نص 2009 مين اقرب الاعضاء هنا ليك علي المستوي الشخصي بما انك مش متابع الجدد حاليا ؟ والله انا علي تواصل مع دمعة و امجد و انتى في الفتره الاخيرة . انت ميـــــــــــــــن بئه ؟ أنسان يعيش ويتعايش كونك ابن للصعيد دا كان ليه تأثير علي احلامك بالسلب ولا الايجاب ؟ هو ايجابياته كتير .. بس بالنسبه للحياه العملية الفرص منعدمه والصعيد مقفول عليه بالنسبه للابداع يمكن في فرص كتير و افضل بعيد عن الصعيد بيستغلها ناس اقل كفاءه من الموجودين في الصعيد بس الايجابيات هي معنويه الطيبه والجدعنه والرجوليه والكرم هتلاقيهم في الصعيد انطباع الاغلب عنك بسبب اسلوبك الحازم ودخولك المحدود يخلينا ناخد فكرة القسوة عنك ياتري انت في الحقيقه كدة ولا آثر المسؤليه هنا ؟ طبيعي الناس تاخد عنى أنطباع بالشكل دا لان هما مش اتعاملو معايا الا في نطاق مشكلة بحلها ودا بيدي صوره مش صح عنى فـ لازم ابقي محايد في حل المشاكل وطبعا كله شايف نفسه صاحب حق فـ لازم الشخص دوغري وميلفش ويدور ودا مبيرضيش ناس كتير سؤال المعجبين والمعجبات ومن باب الفضول ياتري مرتبط ؟ نقدر نقول اه بس مش هيبقي في خطوه بشكل رسمى الا بعد اهداف انا هوصلها الاول في نطاق شغلى و الارتباط بالانسانه اللي اختارتها هيديني دافع اني اوصل للمرحلة اللي راسمها ليا وليها . في مصادر موثوق فيها قالت انك متجوز وعندك بيبي كمان اسمه يوسف اهو يوسف دا أبن اختى .. اه عادي ما يقولو هو الكلام ببلاش ياستي عموما انا سني 25 سنه كملتها يوم 26/3 الشهر اللي فات واظن السن دا لسه عليه شويه كمان ربنا يخلي يارب وعقبال ولادك بئه نورت محمود انت ويوسف وان شاء الله ميكونش اخر لقاء يجمعنا بما ان دي اخر حلقه في سؤال للمتابعين الموسم الاول والتاني ياتري ايه وجه الشبه بين احداث الموسمين ؟ اللي هيعرف الاجابة ليه كارت شحن بـ 10جنيه وشهادة تقدير من المُعتقل كأفضل متابع في رعاية الله

[morshooo]

احسن حاجا فى الحلقه ( يوسف )
هههههههههههه

ابو كامل طبعا منور المنتدى
ونفسى بس الناس تعرفه عشان كل الى عارفه
واخد عنه فكره انه بلطجى بيدخل يحزف ويدى حظر
ويخرج هو دا شغله فى المنتدى هههههههه
بس فعلا من الاداريين الى مش بياخد قرار
الا لما يفهم كل التفاصيل عشان الامور تكون واضحه قدامه
وكويس انه اكلم النهاردة يمكن الاعضاء تقدر تعرفه كويس

حلقه مميزة سما وختام كويس للبرنامج
وفى انتظار الموسم الجديد
^_^

[.Lamar]

حوار هادى يا سما
وضيفك اجاباته متزنة

بس كنت اتمنى وجود حل
لحالة الركود اللى بيعانى منها المنتدى
وخلق نوع من الود بين الاعضاء
لان كترت المشاكل
و بعد كل مشكلة الاعضاء تواجدها بيقل

كل الشكر سما على الحلقة

عرفنا منها اشيا كانت غامضة يمكن

و تقديرى و احترامى لضيفك الكريم

[phalsteen]

اقتباس المشاركة الأصلية كتبت بواسطة morshooo احسن حاجا فى الحلقه ( يوسف ) هههههههههههه ابو كامل طبعا منور المنتدى ونفسى بس الناس تعرفه عشان كل الى عارفه واخد عنه فكره انه بلطجى بيدخل يحزف ويدى حظر ويخرج هو دا شغله فى المنتدى هههههههه بس فعلا من الاداريين الى مش بياخد قرار الا لما يفهم كل التفاصيل عشان الامور تكون واضحه قدامه وكويس انه اكلم النهاردة يمكن الاعضاء تقدر تعرفه كويس حلقه مميزة سما وختام كويس للبرنامج وفى انتظار الموسم الجديد ^_^

يوسف هياخد الجو من خالو
سيبك انت الواد محجوز لبنتي اللي لسه هتيجي ان شاء الله بعد عمر طويل
مهو عشان كدة مبيقعدش هنا
الحلو مبيكملش ^_____________^


نورت ابو محمود
بيهمني رأيك
تسلم يارب

[phalsteen]

اقتباس المشاركة الأصلية كتبت بواسطة لمار* حوار هادى يا سما وضيفك اجاباته متزنة بس كنت اتمنى وجود حل لحالة الركود اللى بيعانى منها المنتدى وخلق نوع من الود بين الاعضاء لان كترت المشاكل و بعد كل مشكلة الاعضاء تواجدها بيقل كل الشكر سما على الحلقة عرفنا منها اشيا كانت غامضة يمكن و تقديرى و احترامى لضيفك الكريم

محمود آدمن وتدخله بيساعد فعلا
زي ما لاحظنا الفترة الاخيرة لو متابعه
الخلافات اللي اتحلت كانت تراكمات بتزيد
وافتكر دي اكتر خصوصيات الادارة العامه والمراقبه اللي المفروض
متواجدة باستمرار

يالا المهم اننا كنا ظالمين الراجل وفاكرينه شرير
طلع هادي وطيب اهو
وان شاء الله منورانا ع طول

نورتي لمار
تسلميلي يا قلبي

[Stop Ana Eltop]

جميله الحلقه والاسئله تحفه بس الاجابات كلها لف ودوران
انسحاب مشرف اصله هو الي اختار
مفيش قرارات حاسمه هناخد قرارت
الطاقم الاداري له عقاب بنشوف بينا
كانت الحلقه هتبقي احلي لو كانت الاجابات اوضح من كداا

نورت يامدير
تسلمي ياسما علي مجهودك بقن

وجه التشابه انه اخر حلقه من كل موسم كانت مع اداري
او في حالة ركود المنتدي منكن برضك

بالتوفيق دايماا

[phalsteen]

اقتباس المشاركة الأصلية كتبت بواسطة stop ana eltop جميله الحلقه والاسئله تحفه بس الاجابات كلها لف ودوران انسحاب مشرف اصله هو الي اختار مفيش قرارات حاسمه هناخد قرارت الطاقم الاداري له عقاب بنشوف بينا كانت الحلقه هتبقي احلي لو كانت الاجابات اوضح من كداا نورت يامدير تسلمي ياسما علي مجهودك بقن وجه التشابه انه اخر حلقه من كل موسم كانت مع اداري او في حالة ركود المنتدي منكن برضك بالتوفيق دايماا

في حاجة اسمها اسرار اداريه اهبه يختي
مش لف ودوران ولا حاجة
محمود مش محتاج يلف ولا يدور
هو بيتكلم عن طريقته هو
ولو اتعاملتي معاه كنتي فهمتي

هو الموسم الاول الحلقه الاخيرة كانت مع اداري ؟
بس برضو دي مش احداث
انا بقول الاحداث اللي مع الحلقات
مش الحلقات نفسها
فكري
انتي دماغك حلوة

نورتي يا قلبي

[الملكة كيلوباترا]

حلقة مميزة وفى منتهى الجمال يانفرتيتى
واجابات محمود كامل قى غاية الجمال

[phalsteen]

اقتباس المشاركة الأصلية كتبت بواسطة Arco Soso حلقة مميزة وفى منتهى الجمال يانفرتيتى واجابات محمود كامل قى غاية الجمال

تسلمي حببتي
نورتي

[العاشق الذى لم يتب]

جميل الكلام
واهلا بالاخ محمود
واجبات هادية وراقية
واكيد حلقة ختامهامسك
ننتظرالموسم الجديد ان شاءالله
تحياتى للمبدعة سارة