اول حلقة من برنامج رآجل وست ستات مع ●ساحر الاحزان●

[رآقيہ بأخلاقـى]

السلام عليكم ورحمة الله وبركاته اولاً بعتذر عن التأخير فى عرض اول حلقة من البرنامج بس التأخير كان بسبب ارسال الاسئلة وكمان كسل الاستاذ أمجد وتأخيره فى ارسال الاجابات طبعاً الشخصية اللى معانا مش محتاجه تعريف ولا كلام عنه كل اللى اقدر اقوله انه شخص حنون وقلبه كبير تعالوا نعرفه اكتر من خلال اجاباته على الاسئله ونشوف اسئلة الـ ست ستات كانت ازاى أول ست معانا هـى هـادية 1- تعريف سريع عنك باختصار أنسان بسيط واقعى 2- ماهى الحكمة او المقولة التى تؤمن بها بشدة في حياتك ؟ حبك لأخيك ما تحب لنفسك 3-هل من السهل ان تبكي /تغضب/تجرح /تصفح ؟؟ هو أنا مش أنسان وسهل أنى أصفح وأبكى وصعب أنى أجرح لأنى ما بحب الجرح 4- موقف ندمت بعد ما فعلته وتمنيت ان يعود بك الزمان حتى لاتقوم به ؟ هو التعليم لو عاد بى الزمن كنت غيرت مسار تعليمى لأختيار أفضل بسى صعب 5-اذا كان بإمكانك رسم حياتك بيدك فماهى الحياة التى كنت تتمناها ؟ لو على الرسم والتخيل سهل كنت طبعا حتمنى دوما حياة سعيدة من دون ألم ولكن تلك هى الأقدار والمقدر والمكتوب 6- اذا وقعت في مأزق ما وكان الاختيار بين ضميرك ومصلحة شخص عزيز جدا عليك فكيف سيكون الاختيار ؟ حمشى وراء ضميرى 7-هل توافق على جعل ادارة المنتدى العليا ( اللون الاحمر) بالانتخاب كل سنة؟؟ صعب أنك تخليها بالأنتخاب كل سنة 8-اذا كانت الاجابة بنعم فلماذا واذا كانت بلا فلماذا ايضا ؟ بالأنتخاب حيكون الأدارى تحت ضغوط وشد عصبى أنما بالتعيين حتكون رؤيتة أوسع من غير ضغوط علية 9- في احد المنتديات المصرية الكبيرة يوجد قسم يسمي (المنفي) تسجل فيه حالات الحظر بأسماء الاعضاء المحظورين ويكتب فيه سبب الحظر وهل هو نهائي ام محدد المدة ومدته وتاريخ رفعه فهل توافق على انشاء مثل هذا القسم؟؟ ولماذا ؟؟؟ كل منتدى ولية سياستة ألى شايفها بتكون مناسبة لية وقبل كدة عملت موضوع أظهار سبب الحظر وعملت تصويت وتم رفض أظهار سبب الحظر لأن دى بتكون خصوصية بين العضو والأدارة فأنا شايف أنة مش مناسب أنشاء القسم تانى سـت هــى حَرفُُ هجآءّ فى المجتمعات الشرقية ليه معظم العائلات بيزرعوا فى أبناهم الذكور التفاضل على الاناث ؟ وفية ناس بتزرع الحب بين الأتنين دة يرجع للأسرة وللنشأة والتربية وغرس الحب فيهم من الصغر وعدم التفرقة أمريكا نجحت فى صهر الجنسيات والاديان فى اناء واحد حتى نجد من القليل جدا حدوث فتن طائفية لماذا يحدث عكس ذلك فى المجتمعات الشرقية والعربية بالاخص؟ كل دة كدب فى كدب أمريكا فيها عنصرية وأخرهم قتل الزنجى الأسود من قبل عسكرى أبيض وغيرها من التجاوزات ولكن بيتم التعتيم عليها للحفاظ على صورتها سؤال لك كأدارى ليه مفيش مواضيع زى الاول لساحر مع العلم أن مشاركات الاداريين بمواضيع أو مسابقات بتنشط المنتدى ولا نقول خلاص يكفى مهمتكم كأداريين على المنتدى فقط ؟ معاكى حق أنا مقل فى مواضيعى وأنشطى ودة لظروف خاصة عندى فى التواجد لفترة أطول وأن شاء الله أحاول أعوض دة قريب تالت سـت هــى ايمان طلعت دور المرأه في حياه امجد؟ دور كبير جدا ما أقدر أستغنى عنة فى حياتى نظرة امجد للمرأه عموما - ونظرته لمن تدخل النت؟ المرأة كيان وأحساس خلقت من الله لمشاركة الرجل حياتة نظرتى لمن تدخل النت أن كان بقصد الأستفادة فأهلا بية أنما غير ذلك فغير مرحب بية ليه دايما العضو بيكون متواجد ولما يمسك الادارة بيخنفي كتير؟ هو الأدراى مش عضو برضة ولة حياتة قلة الدخول عموما بتكون بسبب ظروف قسرية بسبب مهامتة الملقاة علية هل ادارة المنتدى لامجد سهله ولا تمثل عبء له ؟ الأدارة مس سهلة أطلاقا بتكون عبأ على صاحبها لأن تركيزة مش بيكون فى جة واحدة وطريق واحد بتكون موزعة من مهام ووجبات ومتطلبات كتير جدا رآبـع سـت هــى رووكه آكيد كلنا من وراء الشاشه بننفعل ونتعصب بس بنتحكم ف ده بالكتابه ونحاول نوصله بطريقه هاديه آنت كده ولا طبعك هادى ع طول كده ؟ كل واحد ولة طبعة وبعدين ما أنا ممكن وراء الشاشة أكون عصبى بسى فى نفس الوقت فى المنتدى أكون هادى والعكس صحيح ودة طبعا بيرجع لدرجة تحكم الشخص فينا فى تصرفاتة وأنة يبعد عن الأندفاع والتسرع هنفرح بيك آمتى وهتستقر وسط الاهل آمتى يآترى فكرت في الموضوع ده ولا لسه بدرى عليه ؟ لا فكرت فية وقريب أن شاء الله أستقر يدوب بقى لو جيه يوم ووقف المنتدى خالص ومش هتقدر تطمن ع الاخوات والاصدقاء اللى كل اللى يربطك بيهم هو المنتدى وبس هتعمل ايه هتحاول انك تساعد ف تظبيط المنتدى ولا هتقول ان القاء نصيب ؟ بعتبر المنتدى زى أبنى الصغير فية علاقة خاصة بتجمعنى بية وما أقدر أستغنى عنة وما أحب أشوف اليوم ألى يحصل فية الموقف دة .. آيه آكتر حآجه تخلى آمجد يفقد اعصابه .؟ الكدب والتسرع فى الحكم من دون دليل ولكن الأخذ فقط بالكلام شىء محزن فعلا خـآمـس سـت هــى Nefertiti بعيد عن الخصوصيه والسياسه الاول ممكن تقولنا احساسك وانت اول ضيف في ضيافه ست ستات ؟ الخوف والرهبة أصل الستتات لما تتجمع وتحط شخص فى بالها قول علية يا رحمن يا رحيم ياتري بما ان ساحر مغترب ايه الميزة اللي البلاد العربية عشان تسرق منا سنين برة حضن بلدنا ؟ الميزة هى تحسين الدخل للفرد ولو كل شخص مسافر لقى دخل مناسب هو حيسافر أكيد عمرة ما حيفكر فى حكاية السفر عادي الاحلام تكون برة الوطن ؟ احلامنا جزء من كلمه وطن ولا الوطن اللي جزء من الاحلام ؟ أحلامنا بتكون جزء من الوطن لأن هو الحقيقة وهو الأساس امته يضيع منا مفهوم كلمه وطن ؟ لما تفقد حبك وأنتمائك لوطنك نقطه الضعف احيانا بتكون قوة لو استغلنها صح مسمحناش لغيرنا باستغلالها ياتري ازاي بتتعامل مع نقاط ضعفك ؟ أنى أسيطر وأتحكم فيها على شان مااا تضرنى وتحطنى فى موقف أكون فى حيرة للخروج منة ايه علاقتك بالمستقبل ملامح نظرتك ليه توصفها بايه ؟ المستقبل علمة غيبى عند ربنا هو ألى يعرفة وأنا علية أنى أجتهد وأحلم بمستقبل معقول لحياتى اخيرا / مين اللي سماك امجد واشمعنا عمى هو ألى سمانى والسبب جالة هاتف فى المنام بالأسم دة وآخـر سـت هـى الفقيره الى الله رآقيہ بأخلَآقـى ساحر الاحزان .. ايه سبب اختيارك لهذا الاسم ؟ لما جيت أسجل فى المنتدى أخترت أسم الساحر فلقيت أن النيم دة موجود فغيرتة لساحر الأحزان ومن وقتها وأنا أرتبطت وأتعرفت فى المنتدى بالنيم ساحر الأحزان وبقى فية أرتباط بينا كل واحد فينا جواه حاجة مكسورة بتكون سبب فى حزنه .. امجد فى حاجة مكسوره جواه هى سبب حزنه عايزين نعرفها ومتحاولش تنكر انك بتحب الحزن او بتميل له .؟ هو فية حد بيحب الحزن أو بيميل لية ويكرة الفرح دة بيكون حالات ومواقف فى حياتنا بنتعرض ليها يا أما حزن أو سعادة وبنكيف نفسنا على حسب الحالة عرفنا على شخصيتك اكتر .. عصبى او هادى ؟ عصبى وهادى وهادى وعصبى حسب الحالة المزاجية ساحر الاحزان رومانسى ولا ميعرفش حاجة عن الرومانسيه ؟ هو فية حد ما بيحب الرومانسية يبقى أقرى كتاباتى عنها وأنتى تعرفى أن كنت بحبها ولا بخاف منها ؟ المنتدى بالنسيه ليك ايه ؟ بيتى التانى لو رجع بيك الزمن لورا كنت تتمنى تعمل ايه معملتوش وكنت متعملش ايه عملته ؟ الرجوع مش حيغير الوضع لأنة حيكون أفتراضى فالمهم أنى ما أندم وأبص لقدام أمجد أبن بار ولا عاق ؟ الحمد لله عمرى ما حبيت أنى أكون عاق وناكر للجميل ساحر الاحزان ايه سبب تأخرك فى اختيار شريكة حياتك ؟ النصيب والقضاء والقدر ايه اللى بيعجبك اكتر فى المرأة ؟ عقلها وطريقة تفكيرها وتدينها وأنوثتها وايه اكتر حاجة بتكرهها فى المرأة ؟ تحررها وأستهتارها وعدم تحمل المسئولية قبل ما اختم مع حضرتك قولنا رآيك فى البرنامج ؟ البرنامج مش مع الستات يبقى بدعى ربنا أنة يخرج لبر الأمان هو برنامج حلو ودسم كلمة او نصيحة توجها لأعضاء بنات مصر ؟ عاوزين نزود مساحة الحب والثقة والأخوة بينا مع بعض وننسى أى مشكلة حصلت ونبص لبكرة أنة حيكون أفضل لينا وبشكرك راقية على الدعوة اللطيفة مثل شخصك انا اللى بشكرك استاذ أمجد انك تكون اول ضيوفى كنت سعيدة بلقائى معاك قبل ما اختم لقائى معاكم بشكر اخويا عمرو The MaSster على تصميمه للهيدر شكراً جداً ليك عمرو بتمنى تكون الحلقة عجبتكم ونالت راضاكم انتظرونى فى حلقة جديدة وضيف جديد مـع رآجل وست ستات الى اللقاء

[الأميرة رودي]

الله الله
أمجد كان اول راجل يقع فى مصيده الست ستات.
اجابات هاديه ومختصره .
عجبنى اقتراح المنفى اللى قدمته هاديه .
ولو اﻻداره نظرت فيه كتجربه لفتره على اﻻقل.
بحيث الكل يعرف اخطاء غيره ويحاول يتحنبها
اسئله الستات كانت متنوعه وجميله.
نورت ساحر باشا ويارب دايما منور المنتدى .

فكره اكتر من رائعه يانور .
تسلم ايدك ويسلم لنا مجهودك المميز ده.
تقديري واحترامى لك وللضيف

[الملكة كيلوباترا]

حلقة مميزة ياراقية بااخلاقى
واجابات ساحر الاحزان فى منتهى الجمال

[الأميرة رودي]

وعمرو التصميم جميل جدا
عجبنى اوى الهيدر
تسلم ايدك عمرو

[Lamees]

ما شاء الله فكرة جميلة وقيمة
وكمان اسئلة دسمة وجديدة
وكمان الضيف راقي الاجوبة
هادي التواجد كالطباع

راقية بأخلاقي

دوام التميز والرقي
دمتم بود

[شاعر الحب الحزين]

يعني بجد بسم الله ماشاء الله

اجمل طريقة لعرض البرنامج وفكرتها مميزة جدا

مكنتش متوقع انه يطلع جميل بالشكل ده

ولو اني عارف انك يا نور كل حاجة بتعمليها بتبقى جميلة

بس بجد اختيار مناسب للضيف

امجد اول مرة اعرف انه لسه مش متجوز كنت فاكره متجوز

بس هو كالعادة اجاباته طالعة من القلب مفهاش تجميل للكلام

ولا فيها اظهار للنفس بس هو بطبيعته هادي وحبوب ومحترم

بنظري اسم ساحر القلوب بيليق لشخصية امجد اكتر من ساحر الأحزان

تسلمي يا نور انتي وهادية وايمان واسيل وسما وروكة

اسئلتكم جامدة وف الصميم وامجد اجاباته كانت كافية ومعبرة

الله يعطيكوا العافية جميعا على مجهودكم الكبير

[السفيره عزيزه]

ثبات واضح وثقة فى الرد على الاسئلة
ما شاء من الراجل ال اتعرض لاسئلة ست ستات
واسم برنامج مميز راقيه الجميلة.

وست عسولات مفكرين ان فيه فريسة بئه وايه
عادي .طلع من البرنامج اكثر هدووء مما دخل

عوزين ست ستات ..كيدهن عظيم

انا بهدي النفوس .اصلي طيووبه جدا

بالتوفيق حبيباتى ول كل جديد نننظر
السفيرة

[اذار .]

فكرة البرنامج حلوه و حاجه جديده ،
اسئله كمان كويسه من الصبايا ،
و الاجوبه كانت جميله و مختصره من ٲ.امجد
ضيف بيفرض محترم و بيفرض احترامه على الكل ،
ان شاء الله نشوف تواجده الدائم ، بعد كذا .

تسلمي راقيه ، حلقه راقيه مثلك عزيزتي .

[The MaSster]

نور بصراحه الفكره روعه
والتنوع فى الأسئلة اكتر من رائع
وبجد بحسد ساحر على هدوئه وثقته
وهو بين ست ستات مثقفين
بانتظار جديد حلقاتك
بالتوفيق ان شاء الله
وعلى فكره انا سعيد انى اصمم هيدر برنامج
زى ده

[جنون قلب]

تسلم ايدك ..
بجد اسئله متنوعه وفى كل حاجه .
وست ستات فوق الوصف
بشكرهم على الاستضافه الجميله دى
وبشكرك اختى راقيه .. ع الحلقه والفكره
وكمان طريقه العرض
وايضا الشكر موصول ل المبدع عمرو ع الهيدر


وكمان شكر خاص ل الاستاذ امجد
بجد اجابات مقنعه جدآ ومختصره بشكل ملفت ل النظر
دمتم جميعا ب امان الله