للنقاش اا قرعة امم افريقيا اا مصر تقع مع نيجيريا وتشاد وتنزانيا

[محمود الصاروخ]

أسفرت قرعة كأس الأمم الأفريقية 2017 عن وقوع مصر في المجموعة السابعة إلى جوار نيجيريا وتشاد وتنزانيا بعدما احتل الفراعنة التصنيف الثاني

وأعلن عيسى حياتو رئيس الاتحاد الأفريقي لكرة القدم عن فوز دولة الجابون باستضافة بطولة كأس الأمم الأفريقية 2017 بعد منافسة مع الجزائر وغانا



وجاءت مجموعات تصفيات كأس الأمم كالتالي

المجموعة الأولى
جيبوتي - ليبيريا - توجو - تونس

المجموعة الثانية
مدغشقر - أفريقيا الوسطى - أنجولا - الكونغو الديموقراطية

المجموعة الثالثة
جنوب السودان - بنين - غينيا الاستوائية - مالي

المجموعة الرابعة
جزر القمر - بوتسوانا - أوغندا - بوركينا فاسو

المجموعة الخامسة
غينيا بيساو - كينيا - الكونغو برازافيل - زامبيا

المجموعة السادسة
ساو تومي - ليبيا - المغرب - الرأس الأخضر

المجموعة السابعة
تشاد - تنزانيا - مصر - نيجيريا

المجموعة الثامنة
رواندا - موريشيوس - موزمبيق - غانا

المجموعة التاسعة
الجابون - سيراليون - السودان - كوت ديفوار

المجموعة العاشرة
سيشيل - ليسوتو - أثيوبيا - الجزائر

المجموعة الحادية عشر
بوروندي - ناميبيا - النيجر - السنغال

المجموعة الثانية عشر
سوازيلاند - زيمبابوي - مالاوي - غينيا

المجموعة الثالثة عشر
جامبيا - موريتانا - جنوب أفريقيا - الكاميرون

للنقاش

1- ما رايك فى المجموعه التى وقع فيها المنتخب المصرى للتصفيات ؟

2- هل ترى الفرصه سهل للمنتخب للوصول للامم افريقيا 2017 ؟

3- كلمة حرة ..


ılıılılıılılılıılılıılılıılılıılılıılılıılılıılılıılılıılıl

خالص حبى
محمود الصاروخ

[جنون قلب]

من راى المجموعه سهله
قدآم قوه منتخب مصر اللى شايفه انه فى مرحله متطوره جدآ
والعناصر اللى موجوده فعلا .. قاده تعيد امجاد المنتخب
وكمان اللى شايفه ان كوبر عنده فكر
هو اه مختارش حاجه فى المباراه السابقه
وكان كل الشغل من اختيار المدربين المساعدين
لكن انا شايفه شخصه وكاريزمـــآ
.
.
وعن التاهل .. ان شاء الله مصر قاده تتاهل ل البطوله الافريقيه
وكمان فرصه قويه ل التاهل ل كاس العالم ..
بس يرجعوا يحبوا كره القدم من تانى


.
.
كلمه ل لاعبى المنتخب
ملكمش دعوه ب المنتخب السابق
ده عهد قديم وبدا عهد جديد
انتوآ لآزم تسطروآ تاريخ ل المنتخب
وحاجه تحسب ليكم
عن عناصر الخبره موجوده عن اللياقه موجوده
وكمان الشباب يعنى كل حاجه متوفره
وغير ده كله .. جهاز فنى محترم
قادرين توصلوآ أن شاء الله




اخوى الفاضل
موضوع فى قمه الروعه
نتمنى صعود المنتخب المصرى
دمت ب حفظ الله

[აα∂ Ԑγεა]

1 - ما رايك فى المجموعه التى وقع فيها المنتخب المصرى للتصفيات ؟

احنا تصنيف تاني في التصفيات دي ففي كل الحالات لازم نقع مع فريق تصنيف اول
اكيد في فرق تصنيف اول اقل من نيجيريا بمراحل كتيرة
لكن علي نفس الفكرة في فرق تصنيف اول اقوي من نيجيريا حاليا وكانت هتبقي مشكلة
بالاخص لو كنا وقعنا مع فريق عربي تصنيف اول زي الجزائر ولا تونس
او حتي اي فريق تقيل زي غانا ولا كوت ديفوار اللي افضل من نيجيريا اكيد .



2- هل ترى الفرصه سهل للمنتخب للوصول للامم افريقيا 2017 ؟

أقدر اقول قرعة ممتازة لمنتخب مصر وفرصته قوية في بلوغ النهائيات ان شاء الله
المجموعة متوسطة وفرص مصر كبيرة زي فرص نيجيريا ويمكن اكتر
كمان في احسن فرقتين اصحاب المركز الثاني بيتأهلوا بجوار المنتخب المنظم للبطولة
وبالنظر للفرقتين التانيين اللي مع مصر ونيجيرا
اظن انهم 12 نقطة في متناول مصر ونيجيريا ذهابا وايابا عليهم .


3- كلمة حرة ..

نفس كلمة المرة اللي فاتت
انا عارف انه اي لاعب محترف له الحق في تمثيل منتخب بلد لحد الاعتزال
لكن دا لما يكون عالاقل مستواه يسمح بدا اولا !
ولما يكون في حاجة لخدماته في ظل نقص عدد المواهب في البلد مثلا ولا شيئ ..

اقتباس كلمة , هيكتور كوبر من المدربين الكبار فعلا ولو صادفه سوء حظ كبير في مسيرته , مدرب محنك وعنده المقومات اللي توصل مصر لكأس العالم بسهولة من المدربين اللي كنت بتمني وبشدة تدريبه للزمالك لما كان مرشح ف بداية الموسم , كل الحكاية يتم فكره هو بس ويبعد عنه كل ما هو مصري ف الجهاز الفني ! لانه اساس كل مجاملة هو مصري ! المنتخب اللي عايزينه يتبني دا منتخب مصر لتصفيفات كأس عالم 2018 مش تصفيات كأس عالم 2010 ! يعني كل ماهو كبير اسما وسنا لكنه صغير وضعيف مستوي حاليا " لا يصلح ! " مش هنقعد كل مرة نجامل علي حساب المنتخب ! في رايي الشخصي مفيش اي حد فوق ال 28 سنة يروح منتخب مصر من الاساس الا فقط عنصر واحد او اتنين وفي رأيي الشخصي فقط حسني عبدربه ودا في حاله عودته في مستوي جيد بعد الاصابة , باقي ما باقي خلاص زمنهم انتهي وخلص ومش هيقعدوا بالسمعة والاسم للابد في الملعب ! حاليا جيل شباب صاعد في مصر في منتخب الشباب والمنتخب الاولمبي علي اعلي مستوي يمكن احد افضل الاجيال اللي مرت علي مصر مينفعش يكون اساس المنتخب وقوامه الاساسي الا من الشباب اللي صاعد دول , ممكن يتكون منتخب متوسط اعماره 22 او 23 سنة وخلال السنتين اللي جايين دول يكون الفريق اصبح جيل ذهبي جديد لمصر زي جيل حسن شحاته , لانهم هيكونوا خرجوا مع بعض واكتبسوا الخبرة والتجانس مع بعض من البداية فرق كتيرة ف العالم عملت نفس النظام دا اخرهم بلجيكا وغانا وحاليا من الاقوي والافضل في العلم , تسلم للطرح والمجهود يا محمود وان شاء الله خير وتكون القرعة هينة عن اللي في توقعاتي , حلم طال انتظاره جدا ولو مكنش دلوقت فحقيقي شكله مش هيكون ابدا

[Fatma eissa]

متهيقلى كدا انهم فى المجموعه المتوسطه من وجهة رائى
لانهم بصراحه مستوى لعبهم مش اوى فى السنوات الاخيره دى
بعد مسبهم حسن شحاته وهما مش عارفين يلعبو كويس
وغير كمان الاعبين مش مركزيزن فى الددربات واعتقد كدا
من سعات لاحداث الى حصل وشكل الناس هتبطل تشوف كوره
لانها بتحرق الدم وتخليك على اعصابك وخوف ان المنتخب ميفشى
وبتالى يخيب لامال وفيه حجات امهم غطت على كوره ولاحداث المريره الى بتحصل
بعد انهاء الماتش فتخلى الناس غير قابله عليها او تفر منها
اعتقادى انه ممكن يشتاح المجموعه لاولى بكل سهوله
مع الددربات المستمر وتركيز ويحطو فى اعتبارهم الفوز
ليسعدو لناس وبفزهم يقدرو ينتقلو للمجموعات الى قبلهم بكل يساطه
وتسلم على موضوع القيم